|
رد: فوق هام السحب ( الشعر الشعبي) على متن القوافي
ياليل لا تسرق من عيوني النوم
كافي سهر ما عاد للعين قدرة انا تعبت اسامرك ضيق وهموم وان كان باقي هم خله لبكره .... |
رد: فوق هام السحب ( الشعر الشعبي) على متن القوافي
كلٍ يشوف أنه على الحق ومصيب
حسب اعتقاده والظنون أوهمنه بالمختصر محدٍ يرى بنفسه العيب لكن توكل وأجعل العفوا سنه .... |
رد: فوق هام السحب ( الشعر الشعبي) على متن القوافي
الحلم له نافذه والرزق بابه كبير
لاتقفل الباب وتعوّد على النافذه لايشغلك طير غيرك وانت طيرك يطير ياتيك رزقك ورزق الناس ما تاخذه .... |
رد: فوق هام السحب ( الشعر الشعبي) على متن القوافي
لاجاك مطيورٍ سملق يحب الهرج
فخلك على قول الزلامي على الصامت ترى لا عطيته وجه جاب العلوم العرج وتقول عليك بهرجةٍ تفرح الشامت تعامل بـشده لاتجي فـ المكان الحرج خبول العرب عن ساقط الهرج ماصامت .... |
رد: فوق هام السحب ( الشعر الشعبي) على متن القوافي
ناح ورق الشوق والعين راجت بالدموع
والاماني مال صلف الهوى بـ عذوقها اقنعنتي سود الايام لو ماني قنوع وحرمتني دلة الوصل قبل اذوقها يجتلد ذيب الطواري ورى عوج الضلوع والهموم آتدك ذود الشقى وتسوقها اتقوى والهوى شر والفرقا تروع وذكريات الفقد غنت على طاروقها واقف لي عام بين التقدم والرجوع في رجاء سحًب التواصل تلوح بروقها ياعشيري عادني لـ الوعود اضما واجوع وانت ماضني وثاق العهود تبوقها ليه تقطعني وانا خابرك منت بـ قطوع وليه ماتعطي كبار الحقوق حقوقها لو تقول الصبر نوره مثل نور الشموع الامل لـ الحين شمسه ماشفت شروقها لاتوضح وانت قلبك على الصده جزوع العذر ورد الهقاوي مابل حلوقها بين مضمار التخطي ومضمار الوقوع رحلة الاقناع عيت تبين فروقها ليت لي عين ماتبكي وقلب مايزوع وليت لو ان ليت ماعاد يمشي سوقها المحبه خلّت اللي يفضون الجموع تفرك كفوف الندامه وتشكي عوقها .... |
رد: فوق هام السحب ( الشعر الشعبي) على متن القوافي
مرحبا والسموحه لو تعثر حكاي
معك تتسابق الاحرف على لفظها ان تعذرت لا اكتب فيك عذري معاي وان كتبت القصايد فيك من حظها .... |
رد: فوق هام السحب ( الشعر الشعبي) على متن القوافي
حلفت باللي غيب الشمس مناك
والصبح بأمره تطلع الشمس منا ان أسعد الأيام شوفك ولقياك وان أقشـر الأيام غيبتك عنا ودك تلاقيني وودي بلقياك لكن ظروف الوقت ما ساعدنا ولا زلت أحبك وأتحمل خطاياك ماني من اللي قال حنا وحنا دعواك دعواي ودعواي دعواك وقلبي معنّـا وانت قلبك معنّـا انت تمنى تعيش و انا اتمناك مغير نسهر ليلنا ونتمنى شعر الغزل يصلح لمثلك وشرواك وان غنت الورقا مع الصبح غـنّى .... |
رد: فوق هام السحب ( الشعر الشعبي) على متن القوافي
حطيت بيني وبين أهل الردى حاجز
فعولهم ضايعه ما تشبه فعولي والله ماني على رد الخطا عاجز لكني احشم مقامي وأحترم قولي .... |
رد: فوق هام السحب ( الشعر الشعبي) على متن القوافي
حفظتها في خافقي حفظ المصلّي للصلاه
وداريت سمعتها وصنت العهد لأجل عيونها صدّيت عن كل البنات ومن دعاني قلت هاه لبّيه ذاخرها لـ نبرتها وجرّ لحونها في كل صبح وكل ليل أعيد توثيق الوصاه لأجل الهوى وأهل الهوى يدرون ما انا أخونها .... |
رد: فوق هام السحب ( الشعر الشعبي) على متن القوافي
معتري روحي طواري وضيقه وانزعاج
ليت نفحات الحرم كل فجر تهبها لاغدى فالنفس وحشه وفالصدر التعاج ما يهدّي روعها الا تودد ربها صارلي فتره وانا ابني من العزله سياج اريٌح لـ بير المشاعر غيابة جبها اجتماعي رغم كره العزا وكره الزواج واجبات احب اهلها وهي ماحبها لو وجودي عند بعض البشر مثل العلاج بعض الامراض الاطبا ما تعرف طبها ودي احافظ على اللي بقى لي من مزاج تطحن الايام روس ما يطحن حبها ما وقفت لـ سود الايام وقفات احتجاج ادري ان الثوره تشب فـ اللي شبها والعقول الفارغه ما يجي منها نتاج تنتظر فكره جديده عشان تسبها التغاضي والتعايش وقل الاحتياج الله اللي في قلوب العباد يصبها سامح من الرزق لاصار فاطراف العجاج حاجة ما جات من طيب خاطر كبها .... |
رد: فوق هام السحب ( الشعر الشعبي) على متن القوافي
تمرني مثل سبتمبر مابين الشهور
غريب وأسرارك أسرار وزمانك زمان وأنا على موعدك عقرب شعوري يدور أخاف لاجت سبع وأخاف لاجت ثمان بعض الأماكن أسميها أماكن شعور عظيم يا هالشعور اللي يعيش فـ مكان .... |
رد: فوق هام السحب ( الشعر الشعبي) على متن القوافي
تظاهرت بالراحه وانا خاطري مكبوت
اسولف مع سالم واهوّن على هادي ياجابر ياشين البكيه اللي مافيها صوت هذي والله اللي يمكن تطلع فوادي له العهد فاللي عاد من عمري الموقوت لاسولف من اسمه لين يرثونه احفادي لو ابسط حقوقه كلمةٍ كنها الياقوت يسولف به التاريخ هجري وميلادي .... |
رد: فوق هام السحب ( الشعر الشعبي) على متن القوافي
ياالله طلبتك ياكريم ويارحيم وياعظيم
ياواحَّدنً بيدينه أرزاق الخلايق كُلها يارب ترحمنا وتهدينا الصَّراط المستقيم وتكتب لنا الجنه وننعم ياكريم بظلها .... |
رد: فوق هام السحب ( الشعر الشعبي) على متن القوافي
ارحب تراحيب المطر والسنين عجاف
تراحيب بدوي فز من مجلسه حافي على قل ما بيده يضيف بدون اسراف وتفرح به اهل الهجن عزلات واردافي يعطي وهو محتاج يمن وهو مختاف وتأمن به الطرعات في المجنب العافي يكفي صدى صوتك وفا والجميل اسلاف عليكم سلام الله ي الصاحب الـوافي .... |
رد: فوق هام السحب ( الشعر الشعبي) على متن القوافي
من شعور الحب لك والانتما
والمشاعر في غرامك لو تشوف كم عليك العين تسأل وانت ما همك احساسي ولا قلبك يروف في غيابك زاد فالروح الضما واشتياقي ما يوضَح بالحروف لاتضاعف هم قلبي بعدما جارت الدنيا عليا والضروف رجعتك عندي افكرها كما عودة الانوار من بعد الكسوف انت شمسي والقمر ذا فالسما وانت نسمة حب في روحي تطوف .... |
رد: فوق هام السحب ( الشعر الشعبي) على متن القوافي
انا سوالي عن الي بالهواء جاني
وابغى جوابه بحكم الفرض والسنه الادمي لا سرق قلب ادمي ثاني هو من هل النار ولا من هل الجنه .... |
رد: فوق هام السحب ( الشعر الشعبي) على متن القوافي
ياطرفي النوم مش وقته يكفيك نوم
بالذات لاقد نهارك مثل ليلك ظلام اسهر من اجل الكرامة ماعليك اي لوم والحر من بات ساهر لجل غيره ينام ان جادوا القوم فانا وانت مـن حال قوم وان قالوا الحرب خضناها من اجل السلام والعيش بـ العز والناموس ليلة ويوم افضل من العيش بالذلة مائة ألف عام .... |
رد: فوق هام السحب ( الشعر الشعبي) على متن القوافي
مافي الزمن والمكتبه اي اختلاف
والبشر مثل الكتب ماهم سوى بعضهم من يخدعك بـ أسم الغلاف وبعضهم من يدهشك بالمحتوى .... |
رد: فوق هام السحب ( الشعر الشعبي) على متن القوافي
كان العرب أمّه مِن السابِق شبيهين الحُمَه
لو تنتهك حُرمَه يضلي حربها الفين عام واليوم في رُحمَه حقيره مستدمّه مظلمه وافعالها غُمّه معيشتها على بقعى حرام .... |
رد: فوق هام السحب ( الشعر الشعبي) على متن القوافي
هي هكذا الدنيا وهذا حالها
ماحالفت بالحظ حمران العيون حطت على حظ الرجال اقفالها وحملتهم بالمشاكل والديون واعطت مفايتح الحظوظ انذالها غبني على حظ النشامى بالغبون .... |
رد: فوق هام السحب ( الشعر الشعبي) على متن القوافي
الصبر حكمه عظيمه والجمائل كنوز
والناس للناس يبن الناس في كل حال وإهمال امة محمد للقيم مايجوز والفانيه فانيه مابعدها إلا الرحال .... |
رد: فوق هام السحب ( الشعر الشعبي) على متن القوافي
مسّنا الضر وانته ذي ترانا وتنظر
يا مجيب دعوة المضطر عند الضروره رحمتك قل لها تبدي علينا وتحضر غيرها قد حضر ما فاد واجدى حضوره .... |
رد: فوق هام السحب ( الشعر الشعبي) على متن القوافي
ما بقى لك في مشاويري مسافه
اعتقد حنا وصلنا لـ الأخير الندم والعذر ودموع الحسافه مالها قيمه بعد موت الضمير البحر هادي وتغرينا ضفافه بس لاهاج البحر موجه غزير خايف من البُعد لا لا لاتخافه لاتخاف البُعد وأحبابك كثير اشكر إحساسك على قِلّ الكلافه يا كبيرٍ طحت من عيني صغير .... |
رد: فوق هام السحب ( الشعر الشعبي) على متن القوافي
ما بقى شيٍ عن الماضي ما قلته
والعرب ما تجهل ألا من جهلها يِعرف التاريخ وتميّز شجرته مثل مايِعرف وعر نجد وسهلها ماتَعلوى قيمتك مهما حفظته حتى لو تاريخ جدك قد دهلها لاتماري غير في فعلٍ فعلته الفعول الاوله تبقى لاهلها .... |
رد: فوق هام السحب ( الشعر الشعبي) على متن القوافي
في كل حاجه لي قرار الا انت مالي بك قرار
أفرغت لك قطعة من اقصى الروح محد طبها فأن شفت روحي تنتظر لقياك وتموت أنتظار خذها بيدها واقفل عيونك عليّ وخبها ما اعاد ابي من لذة الدنيا بياض ولا سمار غير أنت يا أخر من تعدى فالحدود ونبها .... |
رد: فوق هام السحب ( الشعر الشعبي) على متن القوافي
ودعتك الله لو على قلبي اخطيت
وحاربتني من دون ذنب وخطيه احسبك تذكرني اذا اصبحت وامسيت واثرك على فرقاي نفسك هنيه الله اكبر كيف عني تخليت من بعد ما علقت روحي البريه وش غيرك وش بدلك ليه صديت وانت الذي بالقلب نبض وهويه من هو بقى لي بعدما عني اقفيت وقدمتني للحزن اثمن هديه .... |
رد: فوق هام السحب ( الشعر الشعبي) على متن القوافي
لاتنتظر مني عذر وانت غلطان
كثر التمني ما يجيب الاماني ما افكّر اغيّر بنفسي على شان انسان ما غيّر بنفسه عشاني .... |
رد: فوق هام السحب ( الشعر الشعبي) على متن القوافي
مابين خوفي من الدنيا وخوفي عليك
ضيّعت عمري مابين اقفي او اتبعك ماني بـ خايف توادعني وانا محتريك خايف يديني تخون احساسي وتوادعك عقلي يبي يبتعد عنك وقلبي يبيك ومابين قلبي وعقلي ماقدرت اجمّعك تبي الصراحه تعبت اعاتبك واشتكيك تعال قلي احبك خلني اسمعك .... |
رد: فوق هام السحب ( الشعر الشعبي) على متن القوافي
العذر ما ينفعك مهما تعذرت
كبر الخطا نزل بعيني مكانك لا تطلب وصالي تراني تكدّرت ماعاد أبي قربك وطاري حنانك أنا متغير صح لانك تغيرت ارجع مثل ماكنت وأرجع عشانك .... |
رد: فوق هام السحب ( الشعر الشعبي) على متن القوافي
بعض التسامح والتغافل رخامه
من كلمة اللي لا مراجل ولا اسلوب احيان امشّي العايبه بـ ابتسامه واكسي جسدها ثوب لو مالها ثوب واحيان اقومها عليهم قيامه الردع في بعض الرياجيل مطلوب .... |
رد: فوق هام السحب ( الشعر الشعبي) على متن القوافي
صحيح الخطا وارد لكن الأسف مطلوب
مهوب عيب لازليت ثم جيت متأسف لكن لاتحاول تلبس الثوب بالمقلوب تزيد الخطا ب عناد وتصير متحسف .... |
رد: فوق هام السحب ( الشعر الشعبي) على متن القوافي
مالك ومال الناس ياناقد الناس
فكر بـ نفسك والمخاليق دعها لولا اختلاف الناس ماصار اجناس الله خلقها وانت مخلوق معها .... |
رد: فوق هام السحب ( الشعر الشعبي) على متن القوافي
عادك إلا صغير، عادك إلا صغير
بدري عليك الهوى يا جرح ماله دوى يهد قلب الكبير وش عاد قلبك بحر المحبه غزير، بحر المحبه غزير قليل من قد نجا منه تعدى رسا خاطر بحبه كثير، اضعف حبك الجمال المثير الجمال المثير ما هو مقاييس لا له لهل المحبه ولا حتى يحرك ضمير، يا زين فهمك يا غبى من يسير يا غبى من يسير على دروب الهوى ولا انجرح وانكوى ولا تحدى المصير ياخس مسلك خلي منهو خبير خلي منهو خبير يغزي كما من غزى مالك وللحب إلا عادك صغير قف عند حدك.. عادك إلا صغير قف عند حدك |
رد: فوق هام السحب ( الشعر الشعبي) على متن القوافي
ما هو حرام أقول أحبك برمضان
أي والله أحبك مـثـل بـاقـي الشهور إن كـان حـبـك ذنـب يـا نـور الزمان أقـول أنـا أحبك وأقـول الله غفور .... |
رد: فوق هام السحب ( الشعر الشعبي) على متن القوافي
تسامحي والخطا مقرون بالنيّة
الناس لولا الزعل وشلون تتراضى أن كنتي اكثر بنات الأرض حنيّة أنا اكثر انسان يتحمّل ويتغاضى .... |
رد: فوق هام السحب ( الشعر الشعبي) على متن القوافي
عيت قوانين الكرامه تقبّلك
نعطيك فرصة دور ثاني وترسب إن كان غرك من يجامل تعاملك حنا منعنا طيب مبدأ ومنسب دامك على هالحال قفل تواصلك من لاحسبنا ارباح ماعد مكسب .... |
رد: فوق هام السحب ( الشعر الشعبي) على متن القوافي
والله لاجازي راعي الصد بالصد
واصد عنه وكنه ماهو بموجود اول معه امشي الى ابعد الحد واعطي وفا واخلاص ماهو بمحدود لكن لقيته ما يبادلني الوود يجزي العطا مني بـ نكران وجحود باب انفتح بـ هموم واليوم ينرد مافي بقايا الأمس يا وقت لي زود .... |
رد: فوق هام السحب ( الشعر الشعبي) على متن القوافي
أعوذ بالله من نفسي وشيطاني
يوحشني الليل وتروعني الزيله لابه سكينه ولابه جو روحاني حتى لو اخذت تسبيحه وتهليله ما عندي الا القصيد يترجم احزاني اصرف شعر واعتصم بالله واشكي له .... |
رد: فوق هام السحب ( الشعر الشعبي) على متن القوافي
أحذر تجامل كلمة الحق قلها
لاخير باللي عادته يخفي النور ترى الخطيه خاسرن من فعلها ولابيض الله وجه من يشهدالزور ناسٍ تشوف الطيبه في عملها تلقى لها فعلٍ به الخير مذكور وناسٍ بها تقصير ماكثر جهلها ماتسمع الناصح ولا تقبل الشور .... |
رد: فوق هام السحب ( الشعر الشعبي) على متن القوافي
يامِوعد عبادك بماكتب فاللوح
نصرٍ تساعدنا عليه العوامل لطفك بـ دارٍ كل سكّانه تنوح وأراوح الاطفال ودموع الارامل إن جيت أعبر ماتتمتم به الروح ماساعَدَت على الشعور الأنامل الغصّة اللي كانت تمرّ وتروح صارت تمرّ وتاخذ اليوم كامل .... |
| الساعة الآن 02:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية