رد: اخترنا لكم
 

يـا فاتـــــنه يـامترفـــه يـاجميلـــــه
ياللــي ذوات الحسن منك يغــارون

يـاللـــي جمـــالك مــالقينـــا مثيـلـه
وياللـي ذوات الـذوق منك يعانــون

.....

رد: اخترنا لكم
 

اثر البيوت بدون اهلها ولاشي
يجلب محبتها غلا من سكنها

في مامضى نشفق على البيت والحي
واليوم لامريت صديت عنها

.....

رد: اخترنا لكم
 

‏مشغلني التفكير في بعض الأمور
‏تجمعت في وقت واحد كلهّا

‏محتاج لي مخرج ومنفذ للعبور
‏للشجره اللي تحتويني ظلها

‏صبرت فالدنيا وانا مّاني صبور
‏شيّبت من كثر الهموم وحملها

من كثر ما اعشق ملذات الشعور
اهم لذه ماعرفت اسعى لها

‏أحلام في عقلي وفي راسي تدور
‏بس النهايه ما قدرت اوصل لهّا
ِ
.....

رد: اخترنا لكم
 

افا ياصدري ضقت من جاير الوقت
‏خابرك ياصدري تشيل الثقايل

‏وش فيك علمني لك ايام ما رقت
‏ضايق وفيك الهم صايل وجايل

‏خابرك ما عمرك للأحزان رافقت
‏و اليوم كنك شايل جبال حايل

.....

رد: اخترنا لكم
 

‏تحاذف على راسي من البارحه لليوم
‏همومً مع هوج المراويح تومي به

‏انا من دموع العين والله ماحولي نوم
‏ماغير اسكب دموعي من الفجر للغيبه

‏يا دمعي عداك اللوم والله ما حولك لوم
‏تصبر على موته وماجت به تجيبه

صديقي خذاه الموت والموعد المحتوم
وحزني على كبدي تراكت مشاهيبه

قبرته وصدري من خبر موته مزحوم
هذي والله الغيبه ليا قالو الغيبه

لو ان البكاء بيفيد ببكيه لين يقوم
خذته الليالي من يدي كيف بتجيبه

ياوجدي وياويلي وكبدي ومال القوم
على اللي خذاه الله وانا عاد ودي به
ِ
.....

رد: اخترنا لكم
 

‏اتركوني من النشده وبحث الخوافي
‏وابعدوني من الديره لدارً فسيحه

‏جعل مامر صدري مايمر السنافي
‏عفت شوف الحضور ومطرويً القريحه

‏ضايقً من فراق وضايقً من تجافي
‏اتقوى وانا حالي دنى من مطيحه

‏يكذب اللي يقول ان المفارق عوافي
‏لا يحس بشعور ولا يعرف النصيحه

.....

رد: اخترنا لكم
 

‏تدور الليالي والعرب بين حال وحال
‏وتبقى النفوس الطاهره نهجها بيّن

.....

رد: اخترنا لكم
 

أغلب هل المزح واللي ضحكهم واجد
‏يخفون بالصدر من جُور الزمن عبره

.....

رد: اخترنا لكم
 

المُوجِعاتُ على المدى أَمرانِ
فَقدُ الحبيبِ وغُربةُ الأوطانِ

.....

رد: اخترنا لكم
 

احلامنا ماهي على الله صعيبه
‏لا بد ما ياتي لها يوم و تكون

‏لو كان تالي وقتنا يندعي به
‏ياكثر من يضحك وبه ناس يبكون

‏السيل لا من سال يجرف شعيبه
‏وخلاه قاع ومن قطن به يهلكون

.....

رد: اخترنا لكم
 

‏ينتابني ضيقٍ من أوجاع وآلام
‏وينتابني ضيقٍ على غير سبّه

‏رجعني التفكير عامٍ ورا عام
‏في غرفةٍ ما زارها إلا الأطبّة

‏وعرفت وش تعني تفاهات الأيام
‏وتصاغرت نفسي شعور المحبّة

‏الي عليه أعلق آمال وأحلام
‏وراعيه يجرحني ولا خاف ربه

‏الله يجيب العافية والتبسام
‏وتقبل علينا أوضاعنا المستتبّه

.....

رد: اخترنا لكم
 

لو جارت بك الدنيا بتلقاني معك
‏ أقرب من أصابع يدينك للكفوف

.....

رد: اخترنا لكم
 

فهمت الحياه وعشت في مدرسة الايام
من العمر ما يكفي مواجه خوافيها

من العزم امد النفس بالصبر والاقدام
ضعاف العزايم ما تبيني ولا ابيها

.....

رد: اخترنا لكم
 

الله عليها عودت وانا احسب الغالي نسى
الله عليها لي بغت ما يطفي الشمس المسا

هلت سحابة وصلها على حياتي وازهرت
واهتز قلبي من نبات الحب زهرٍ واكتسى

يا وصلها الغالي هلا حييت ياعز الطلب
لا خير في قلبٍ على مغليه بالدنيا قسا

وش خانة الحب البعيد إن كان عشاقه يموت
يخيل براقه وهو ما ذاق طعمه واحتسى

ياحلم الايام الشداد ياحلم الايام الليان
ابطيت اقول الله كريم والكلمه عسى

من عقب وحشة ليلتي هلت تباشير الصباح
عادت وليفة هاجسي عادت مزعلة النسا


خالد الفيصل

رد: اخترنا لكم
 

‏لاطارتّ طيور الهُوى والجو غطاه السّحاب
‏ماا كل قلبٍ يقبل أعذارك عقبُ ما تجرحه

.....

رد: اخترنا لكم
 

‏لا تشكِّك فالمحبَّة وتجنِّبني وجيه
‏وانا عيني مثل قلبي على غيرك عِمي

‏وحّد الله أنت مالك مع خلقه شبيه
‏لوَّ تلقى لك مقلِّد وتلقى لك سِمي

.....

رد: اخترنا لكم
 

تغافل تواضع لا تدقق وخلك سمح
جمال الحياه أنك تساير بساطتها

.....

رد: اخترنا لكم
 

‏ادري انه ياخذ اخباري وينشد عنّي
‏ويتحرّى جيّتي من مدّه ليا مدّه

‏والعمر قفّى لا قابلته ولا قابلني
‏والامر ماهوب في يدّي ولا في يدّه

.....

رد: اخترنا لكم
 

‏من يعلمهآ يقول إني وريث أمآره
‏لآ تحسبني من اللي يتبعون الجرّه

‏وعلموها إني كريمٍ مآ تطّفى ناره
‏من شبابه ينرجى خيره ويكفا شره

.....

رد: اخترنا لكم
 

‏انتي عن الذل والحقران مرفوعه
‏والناس في خدمتك ورضاكِ طماعه

‏سمي وقولي ترا كلمتك مسموعه
‏واليا سكتي نقول السمع والطاعه

‏اهم شي التعب والضيق واللوعه
‏لا يرتدي وجهك الوضاح وشعاعه

......

رد: اخترنا لكم
 

شتان بين الواقع الي نعيشه
‏وأحلامنا الي مثلنا ما تجرأ

‏الحلم من صدري لحد الدريشه
‏والضيق من حد الدريشه وبرأ

.....

رد: اخترنا لكم
 

‏تمردي بالتغنج وألعبي بالطروق
‏اللي بها الغطرسه والعنفوان اخلطا

‏انتي من اللي عليه قلوب الامه تتوق
‏منتي من اللي ليا روّح مراح القطا

‏الصبح يتنفسك والليل عقبك يروق
‏وتخضع لك احلامك الصعبه بدون وسطا

‏تخوى عليك الهبايب والمطر والبروق
‏حتى السحايب عشانك ودها بالوطا

.....

رد: اخترنا لكم
 

هو عاد للأعذار إيدين وكفوف
والا فقد حتى العذر نور عينه

كنا وكان الوقت رِبعه ومحفوف
عن كل ضيقٍ بعضنا عابرينه

لكن تعثر ضيقنا اليوم برفوف
وطاح الألم في داخل الروح طينه

.....

رد: اخترنا لكم
 

إن كنت تجهلّني فأخذ مني التعريف‏
أنا دربٍ ما تقدر بوجهين تسلكني

أنا أكبر من التلميع والبهّرجة والزيف
لا غبْت أنفقد وإن جيت ربي مجمّلني

‏‌ مهند العتيبي

رد: اخترنا لكم
 

رفيقي أنت الثمين اللي مقامه ثمين
ومن الكلام الثمين أهدي عليك أثمنه

أنت أطيب الطيبين اللي جمعت الثنين
‏الرأس ما أطيب منه والقلب ما أنظف منه

.....

رد: اخترنا لكم
 

‏حداني على بعض الأماكن غلا الغالين
أسوق القدم لحماه وأجيه وأمرّه

وأنا والله إني خابر أن الدروب يمين
ولكن طواري القلب تدهاه وتفرّه

‏ضيدان بن قضعان

رد: اخترنا لكم
 

‏بدا يعيش الخوف في قلب الشجاع
وبديت أملّ من الحياة الفانية

والمشكلة مدري متى يوم الوداع
ومدري متى يوم القطوف الدانية

لكن على طاري ضياع وما ضياع
أنا بديت أضيع مره ثانية

نايف الحزيمي

رد: اخترنا لكم
 

استانس الخاطر اللي له سنة في دبور
وتعلّم الصح من وادي بطون الخطا

قل للرفيق السنافي لاتلف وتدور
بنت الرياجيل توخذ ماهي تنعطى

عفيفةٍ مالحقها في نسبها قصور
وأشرف من اللي على وجه البسيطة وطى

واللي يحط العذر سبة غلاة المهور
جعله فدا بنت عودٍ ما تشيل الغطاء

فهد فارع

رد: اخترنا لكم
 

الأيام مابه حدٍ ما بيّحت سدّه
والوقت حمله ثقيل وميلته عاله

يومي بنا حلم ليلة في نحر غدّة
وتحدّنا حر شمسه نطرد ظلاله

وضاعت طموحاتنا في هاته وودّه
إلين عفّ العفيف وماتت آماله

مير أعذر الطيّب إليا غاب له مُدة
لا تحرجه وأنت ماتدري عن أحواله

سعيد بن محماس المرّي

رد: اخترنا لكم
 

‏أشرف علامات السماحة فالوجيه الابتسام
‏وأعزّها ضحك الحجاج بساعةٍ ياشينها

.....

رد: اخترنا لكم
 

وقت المساء يوجع ضلوع المخاليق
ويذكر المشتاق منهو له أشتاق

وين أنت يالي شوفتك تبعد الضيق
والخاطر ليا ضاق من شوفتك راق

.....

رد: اخترنا لكم
 

بآحت مشاعرنا على بيض الأوراق
والكل يقرانا وحنا حــــــــزينين

ونلقى الفرج لا من كتبنا وبحنا
والله يهونها على كل ضـــــــايق

.....

رد: اخترنا لكم
 

‏شب الحطب وضبّط من الهيل فنجال
‏مخمخ مزاج اللـــــــــي معكّر مزاجه
‏
قهوة بدوي تـقعــــــــد الراس لا مال
‏تفرش حجاج اللــــي معقّد حجاجه

.....

رد: اخترنا لكم
 

معاك قلبــي وين مارحت واقفيت
معاك حتـــى لو دروبـــــك تلات

من وين ماوجهت من وين ماجيت
محبتك في القلب بالغصب عاشت

.....

رد: اخترنا لكم
 

‏الا ياناقد ابياتي عليك النور
‏تحت امرك حسابي كل ما تآتي
‏
‏ترصّد لي تدور من وراي كسور
‏وانا المكسور قلبي ماهي ابياتي

.....

رد: اخترنا لكم
 

الهـوى معطيـك منـي ماتشـا
فـي حياتـي ياحياتـي لاتهـاب

مايفوز الحاسد الَّلي بـك وشـى
فيك حساد الهوى ياكـل تـراب

لـو غشانـي بالمـودَّه ماغشـى
أشتهي فيك الهوى لو هو عـذاب

فيك من طبع الظَّبي لامنه مشـى
لين عاود وألتفت ثـم استـراب

.....

رد: اخترنا لكم
 

يا اول أحبابي وحبي لولي
ياخير ما اختار قلبي ونبسط

الشرق لوسط اوسطه بك ممتلي
وآنا اخذتك بالمحبه من وسط

أن تختفي الدولار في سوقه غلي
ولادخلت السوق لمريكي هبط

وغيبتك دمعات في عين السلي
ومن عيوني كله العالم سقط

وكانه العالم من العالم خلي
باقي انا ونته على الدنيا فقط

يحكم علينا الحب والحاكم ولي
ولا تعادلنا اختلفنا في النقط

ونته مسامح بعد ماتغلط علي
وانا محاسب قبل ماسوي الغلط

انا عطيتك قلب ينبض داخلي
ويبا دلك حبه على نفس النمط

دام الزلط لهله ودام الحب لي
والحب لايوجد مع اصحاب الزلط

ونته حذاري بشخص تاجرتبتلي
تراه مايسوا كريمك والمشط

المال في يده ووضعه صوملي
لاقلب قدم لك ولا قدم ربط

والقلب ذي فوقك بشوقه معتلي
بدون تعليمات كوس لك وحط

ستين وانا منطوي في كمبلي
ابكي ضياعك والامل عندي نشط

قالو توفا قلت يالدمع اهملي
لكن شعوري من حياتك ماقنط

.....

رد: اخترنا لكم
 

احذر ترا النفس العزيزه عيوفه
ماكل عذرٍ بأقبله منك لا اخطيت

.....

رد: اخترنا لكم
 

الناس تنسى المحاسن في طرف زله
والله يمحىّ المساوي في طرف توبه

.....

رد: اخترنا لكم
 

‏عطني دليل إني على البال مازلت
واعطيك من روح الوفا ماتهيّا

لو مالت ظنونك فأنا عنك ماملت
عندي على صدق المشاعر حميّا

.....