رد: فوق هام السحب ( الشعر الشعبي) على متن القوافي
 

سامرت طيفك على ضوٍ تواقد سناه
‏وثنتين لا جات مع طاريك يا زينها

النار ملح الشتاء والبرد ملح الحياه
‏وأنتي حياة القلوب اللي تمرينها

.....

رد: فوق هام السحب ( الشعر الشعبي) على متن القوافي
 

العود الأصلي دايم يفوح بالطيب
والكير مابينه وبينه تشابه

فينا شموخ الصقر وطبايع الذيب
قبيلتي له بالقبايل مهابه

هاماتنا تبقى بروس المراقيب
والطيب فينا دوم مابه غرابه

مانعشق إلا كل نادر مع أصعيب
في رأس منهو لابغى الشي جابه

.....

رد: فوق هام السحب ( الشعر الشعبي) على متن القوافي
 

‏رد الجميل لصاحبه لو بعد حين
مال الجماله كود رد الجماله

ماينكر المعروف كود الرديين
اللي بهم طبع الردى والنذاله

واهل الوفا يبقون دايم وفيين
تبقا طبايعهم علوم الشكاله

اللي مباديهم على العز والدين
طريقهم للخير في كل حاله

.....

رد: فوق هام السحب ( الشعر الشعبي) على متن القوافي
 

عطانا الزمان من التجاريب مــايكفي
دروس تصحي غافل القلب من نومه

عرفنا مقابيل الرفـــاقـه مـــن المقفي
وعرفنا الصقور الصيرميه من البومه

.....

رد: فوق هام السحب ( الشعر الشعبي) على متن القوافي
 

فنجان قهوة وابتسامه وسعة بال
تلقى المساء يروق لو كنت ضايـق

لا تقول مالي خلق و تكـــدر الحال
حــاول تعيش من التفــاؤل دقايق

.....

رد: فوق هام السحب ( الشعر الشعبي) على متن القوافي
 

تغانموا مايوصلكم لخضر الجنان
ليالــي العمـــر ما تمشي على مهلها

.....

رد: فوق هام السحب ( الشعر الشعبي) على متن القوافي
 

تسامحـــوا عــــــن كل زله وتقصيـر
تـــرى حيــــــاة الناس ماهي مديده

والمخطي اللي مـــا يجيب المعاذير
مـــــاهــو مبشر بـــالحياة السعيــده

.....

رد: فوق هام السحب ( الشعر الشعبي) على متن القوافي
 

لاتقوم تحط نفسك تحت رحمة حظك
اجتهد وان طاح حظك حط رجلك فوقه

.....

رد: فوق هام السحب ( الشعر الشعبي) على متن القوافي
 

لبى عليل الهوى لا هب من يمك
يـاورد عطرك يفوح بروح وجداني

مشتاقلك والخيـال الرحب لاضمك
ما عاد يرضيه غيرك واحـدا ثاني

.....

رد: فوق هام السحب ( الشعر الشعبي) على متن القوافي
 

بعض البشر حُبه سكن وسط الاعماق
مـهـمـا فـعـل مُـحَــال تقوى فـراقــه

لو غاب لحظه صرت ضايق ومشتاق
حـَـتَّى ولـُو حُــبَّه مُـجـَـرَّد صـَـدَاقـَـه

.....