رد: فوق هام السحب ( الشعر الشعبي) على متن القوافي
 

عقب الغياب اللي تبرره الليالي والظروف
سلام تسليمة وفا من غايب عذره معه

.....

رد: فوق هام السحب ( الشعر الشعبي) على متن القوافي
 

اكتب على كيفك ترى الناس تقراك
وان كنت طيب طاب مثلك كلامك

خذهـا نصيحه وخلها دوم وياك
كل ما احترمت الناس زاد احترامك

.....

رد: فوق هام السحب ( الشعر الشعبي) على متن القوافي
 

يالله بالعافيه والستر والجنه
ورزقٍ عن الناس يغنينا ويكفينا

آمين

رد: فوق هام السحب ( الشعر الشعبي) على متن القوافي
 

باب الغلا لأجلك محصّن ومقفول
حتى ولو غيرك طرقه وتسوّل

حبّك يحكم القَلب ويصول ويجول
فارض على العشّاق حظر التجوّل

أنا معك عن باقي الناس مشغول
وأحنّ لك وأحتاجك أكثر من أوّل

.....

رد: فوق هام السحب ( الشعر الشعبي) على متن القوافي
 

قالوا علامك كل ماحل طاريه
تنسي البشر حولك وتذكر خياله

قلت أنشدوا قلب ليا غاب يرجيه
قــلـب بـعـد فرقى حبيبه يعزتيله

قالوا علام القلب متولع فيه
دور لعل القلب يلقى بديله

قلت الغلا ماهو على كيف راعيه
لو الـغـلا بالكيف قلنا حلاله

.....

رد: فوق هام السحب ( الشعر الشعبي) على متن القوافي
 

اللي على البال لو مرّت على الشارع
غنّى لها الغيم يا حلوة من أنتي له

.....

رد: فوق هام السحب ( الشعر الشعبي) على متن القوافي
 

ياللي علينا بالمحـبه تغليت
يالله توكل رافقتك السلامه

لا تحسبني بتبعك كان صديت
مااتبعك دام الراس وسطه كرامه

من صد جازيته بصده وصديت
ومن يتبع المقفي يقل احترامه

وكانك نويت تذل هالراس أخطيت
والله لتبطي ماتنزل من مقامه

انا ترى لاقفيت ياهيه اقفيت
ماعاد ارجع لو تقوم القيامه

.....

رد: فوق هام السحب ( الشعر الشعبي) على متن القوافي
 

وجدي على شوفه وداره وزين احكاه
وجودٍ تحطم صلب الأضلاع من دونه

.....

رد: فوق هام السحب ( الشعر الشعبي) على متن القوافي
 

شوف العيون اللي تزايد سهرها
تشتاق للماضي وتقراء المكاتيب

عينن تودك كيف تعمي نظرها
وتحرق مدامعها وتتجاهل الطيب

وقلبن يحبك والمشاعر أمرها
تخفي حنانك بالضلوع المحاديب

.....

رد: فوق هام السحب ( الشعر الشعبي) على متن القوافي
 

ما اظن حد من غيبة الناس سالم
لـو ينعزل لازم تجيه النميمه

طعن القفا في ذا الزمن صار قايم
والحق غايب والصراحه جريمه

.....