رد: فوق هام السحب ( الشعر الشعبي) على متن القوافي
 

‏يآ حظ من يدعي له الناس بالخير
كاسب قلوب الناس من فعل طيبه

فـي كل قلـبٍ لـه معـزة وتقـدير
وطـاريه عـند الناس كلن يـجيـبه

.....

رد: فوق هام السحب ( الشعر الشعبي) على متن القوافي
 

‏لا تنتظر من ناقص العقل حكمه
ولا تنتظر من فاقد المرجله خير

ولا يغرك فالردي لمعة إسمه
الريش ما طيّر نعامه وهي طير

.....

رد: فوق هام السحب ( الشعر الشعبي) على متن القوافي
 

ليا سجو العالم مع الوقت ما سجّيت
خذيت الطريق اللي فجوجه تسليني

.....

رد: فوق هام السحب ( الشعر الشعبي) على متن القوافي
 

‏اصد عن زلة قريب الجماعه
مانيب سيفٍ يضرب كتوف راعيه

والا الشجاعه مانقصنا شجاعه
لكن ترا الدنيا سلوم ومشاريه

.....

رد: فوق هام السحب ( الشعر الشعبي) على متن القوافي
 

يا ليتنا نجـرح مثل باقـي الناس
ونكسر خواطر من كسرنا ونقسى

لكننا مــن كثر ما نملك احساس
نجبـر خواطر مــن كسرنا وننسى

.....

رد: فوق هام السحب ( الشعر الشعبي) على متن القوافي
 

الجو رايق والسماء ممتلي غيم
‏ والنفس فيها من الاماني كثيـره

‏ الجو غيم ومنظره يشرح البـال
‏ تنسى الهموم وتبتسم دون سبه

.....

رد: فوق هام السحب ( الشعر الشعبي) على متن القوافي
 

هذا محلك وابتدى معك مشـوار
‏على الوفا والطيب تكتب سطوره
‏
‏من الفرح رحبت بك نثر واشعار
‏يامرحبا باللي يشرف حظـوره

.....

رد: فوق هام السحب ( الشعر الشعبي) على متن القوافي
 

‏سبحان من ميزك عن كل مزيون
وسواك من دون المخاليق فتان

مبسم يخلي صاحي العقل مجنون
وخد كما ورد نبت وسط بستان

.....

رد: فوق هام السحب ( الشعر الشعبي) على متن القوافي
 

ياقلب لاتظهـــر خوافيك للنــــاس
يكفيك من يعلم جميع الخــــوافي

عيش الأمل لو كنت غرقان بالياس
ياكم بلوى جت بعدها عـــــــوافي

.....

رد: فوق هام السحب ( الشعر الشعبي) على متن القوافي
 

من همل الطير ما عود على راعيه
يستاهل الضيق من فرط بشيهانه

.....