رد: اخترنا لكم
 

راع الردى لا تجبرونه على الطيب
العـبـد مـالـه غـيـر مالله كـتـب له

مدحــت ابن ناقي من غير تجــريب
وحطيت له فعل حشا ماذكر له

اشهد شهاد ه ان مدح الردي عيب
مثل الصلاه اللي على غير قبله

.....

رد: اخترنا لكم
 

‏في قـوانـين الهـوى بـين الاحـبه
من تمـادى بـالجـفا عنـده بديل

الاكـتـفا ابـرز عـلا مات المـحـبه
والتجـاهـل من عـلامـات الرحـيل

.....

رد: اخترنا لكم
 

انا من أهل الطيب مالي معاذير
ولا* من الباقين جهزت عذري

المعذرةتقبل على الحلق وتحير
وأحكم على مضمونهاقفل صدري

أنشط لخدمتهم معزة وتقدير
وتِظْهر وسوم وجيههم كبر قدري

واللي يدور من وراي التقارير
لوقال لي شفت الجبل قلت مدري

.....

رد: اخترنا لكم
 

الكلمه اللي ماتجملنا على وجه العموم
ابرك لها تقعد وشرهتها على حنجورها

اليا سكتنا ماسكتنا الا على شان السلوم
وان شانت الدعوه ضربناها على دنقورها

اليا قعدنا تقعد الدنيا ولاقمنا تقوم
مالله خلقنا نرضي العالم وناخذ شورها

.....

رد: اخترنا لكم
 

‏ياليت نرجع باول العمر جهال
نزعل والا منا رقدنا نسينا

وياليت مانطرد وراء بعض الأمال
وياليت نقنع بس بالي بيدينا

وياليت مايرحل لنا عم أو خال
وياليت ما نفقد عزيزٍ علينا

وياليت ما بالعمر غربه وترحال
وياليت مع جدان اهلنا بقينا

.....

رد: اخترنا لكم
 

للروح رب و للـمـقـاديـر كافــل
يعطيني اللي ماسأل وش عطيته
.
اعوذبه مـن قلب لاهي وغافـل
ومن ذنب يحجب دعوتي لادعيته

.....

رد: اخترنا لكم
 

‏لك في عيوني شوق وظلال واوطان
والحب وسط عروق قلبي يصبّك

لو كنت ماحبّك ولا اهتّم ماكان
تسمع تناهيدي بكلمة احـــبّك

.....

رد: اخترنا لكم
 

الظروف أحيان تجبرنا نغيب
بس ماتمحي محبة من نحب

.....

رد: اخترنا لكم
 

احذر تنازل عن قيمك ومباديك
لو الاوادم كل ابوها تنازل

‎عبدالرحمن المطرفي

رد: اخترنا لكم
 

‏الله يا مكبر مقــام التروي
‏لا صرت عن أهل المجادل تعفف

‏الصمت في بعض المواقف يسوي
‏اللي مــا سواه الكلام المصفف

.....

رد: اخترنا لكم
 

‏الطيب يجبرني على ردة الطيب
‏واللي تردى ما ترديت مثله

‏يحدني للطيب سلم ومواجيب
‏وكلٍ يعوّد ساعة الضيق لأصله

.....

رد: اخترنا لكم
 

‏يسعد مساء أهل القلوب النظيفه
‏اللي تحب الخير ولا عندها حقد

‏اللي خذوا حب الأوادم وظيفه
‏ولا يعرفون الشر ولا عندهم حسد
‏
الله يسعد مساكم

رد: اخترنا لكم
 

‏طالت عناقيد الغلا وأينع الغرس
‏هبي بعطرك .. يارقاق الهبايب

‏من يوم خلانا الجفا نحفظ الدرس
‏وحنا مثل كل الحبايب .. حبايب

‏إن رحت .. راح الليل حبرٍ على طرس
‏وإن جيتني محدٍ من الناس غايب

‏من علم عيونك تسولف وهنّ خرس
‏علمني أرفى عن خطاك السبايب

.....

رد: اخترنا لكم
 

‏ما لقيت اللي يكون بيوم ندك
‏وأنتي عملة نادرة مالك مثيل
‏
‏الله اعلم لو نوزع نور خدك
‏عالأوادم مابقى فالكون ليل

.....

رد: اخترنا لكم
 

‏واحب الكلام اللي يقوله وانا ما ابغاه
‏ عشان الفعول اللي تقربني وزانه

‏على شانه اشوف الخطا واقبله و ارضاه
‏وانا ما رضيت بحظي الا على شانه

‏اشوفه وطنْ ما يسكنه غيري ويَحماه
‏ليا ارتبت من وقتي تهاويت فاحضانه

.....

رد: اخترنا لكم
 

‏لاعسعس الليل زادت وحشتي وينك
‏الصوت ما يوصلك والشوق ما جابك

‏شكراً بحجم الغـلا اللي بيني وبينك
‏ولّا بحجم الجروح اللي من أسبابك

.....

رد: اخترنا لكم
 

‏بشتري حزنك ياحبيبي لاضاقت الدنيا
‏عليك وابيع روحي لأجل فرحة عيونك

‏و ان كان ودك عيوني ف هي فداك
‏لك محبه ولك شوق في قلبي عظيم

.....

رد: اخترنا لكم
 

‏أنا مع السكة اللي نالت اعجابي
‏سني ومبدأي شرع الله وألسنه

‏وعدوي اللي طموحه يحرق اعصابي
‏يحلم بها مثل حلم ابليس في الجنة

.....

رد: اخترنا لكم
 

‏بعض العرب للمال عبّادة ريـال
‏لو تنقص امواله تجي له مصيبه

‏ما يدري ان العمـر فاني ورحّـال
‏والمــال يفنى والنشـــاما تجيبه

.....

رد: اخترنا لكم
 

اي والله ان الفقر سلّال الرجال
‏و لاهو بيبلى غـــير راع الاوله

‏والا بخـــيل المــال عبّاد الريال
‏ما فضّت حسابه رسوم المرجله

.....

رد: اخترنا لكم
 

‏بعض الاوادم لـــو يوريـــك طيبه
‏كم واحـــد طيبه خديعه وتدليس

‏يمكن وجـــوده في حياتك مصيبه
‏آدم خسر جنه سبب صحبة ابليس

.....

رد: اخترنا لكم
 

مجلسـك حنه من ثلاثــة رجاجيل
‏ اللــي ما منــه خــير لا تستضيفه

‏الأول اللـي قلبه أســود من الليل
‏طبيعــته عكـس القلـوب النظيفه

‏و الثـاني اللـي ينقل القال والقيل
‏يعطيك هـرج و منك ياخذ رديفه

‏وأحرص من الثالث لايلقا مداخيل
‏ اللــي مالــه ذمه ونفسه ضعيفه

.....

رد: اخترنا لكم
 

‏العبي اليا لعبت بك نسانيس الهبوب
‏يا عنود كمّل الله جميع وصوفها

‏احذفي الشيله وغني مع القاف العذوب
‏الـمشاعر من جـفيّاك طـال وقوفها

‏وطوّحي يا فتنة الروح بالصوت الطروب
‏العرب من عقب شوفك ما عاد اشوفها

‏ادري ان ظروفنا اقبلت من كل صوب
‏والـعواذل في هوانا تـحد سيوفها

.....

رد: اخترنا لكم
 

لا تطلب الحـــاجه ورا قاصر المد
‏ولا تستمع فعلوم جاهل وملقوف

‏ولا تعطي اسرارك لمن يفشي السد
‏ولا تنتظر من فـاقدوالطيب معروف

.....

رد: اخترنا لكم
 

‏حــاول بدنيـــاك لا تزعل ولا تشره
‏و الكلمه الهــافيه لا جتك جز عنها

‏كانك تبي موقفك عشره على عشره
‏نصيحـــةٍ مـــن يجـــربهـا يثمنهـا

.....

رد: اخترنا لكم
 

‏الشـــك باب ويفتحه كل مفتاح
‏وإذا أنفتح ضـيق عليك الـــزوايا

‏إن كان ودك تقضي العمر مرتاح
‏حاكم ســلوك ولا تحــاكم نوايا

.....

رد: اخترنا لكم
 

‏فاقد اللي في تفاصيلها مت وحييت
‏اللي قلبي من بعدها الشكوك تساوره

‏كلّ ما طالعت فيها طلعت بشطر بيت
‏كنّ صف رموشها السود صف محاورة

‏أنا مثل إحساسها العذب ماعمري لقيت
‏المطر تستنطقه والسحاب تزاوره

‏كانت تْسولف عن الغيم مرّة ما دريت
‏ألا أنا جالس على الغيمة المجاورة

.....

رد: اخترنا لكم
 

‏ايه لبى نور وجهه وداره واعربه
‏واييييه لبى كل حاجه بدون مقدمات

‏لاهنف لليل وراخى الظلام بـمنكبه
‏جات سكرات المحبه مع كل الجهات

‏من تفاخر ب الحسن والدلال بينكبه
‏كن من فوق البسيطه ماغيره مُغريات

‏لا مشى بشويش بشويش كلً ينتبه
‏يسلب عقول الرجاجيل وعقول البنات

.....

رد: اخترنا لكم
 

‏لاعاد تنشدني ورى خاطرك شين
‏بالله خل اللي بصدري بصدري

‏ أنا أدري إنك يارفيقي حمر عين
‏ ولاتنشد إلا كود من زود قدري

‏ مير الزمن يومي بنا يسار ويمين
‏ وأنا تصدد منك مبغاك تدري

‏ دايم نقول إن تالي الوقت بتزين
‏وإن كان تبغى الصدق والله مدري

.....

رد: اخترنا لكم
 

‏خلك على الدنيا صبور وقوي باس
‏وخلك على الشــده قوي العزيمه

‏ولا ترتجــي رد الجمايل من الناس
‏النــاس إذا افتكيت أذاهـم غنيمه

.....

رد: اخترنا لكم
 

جنب اللـي لا بغـيته ما لقـيته
‏وكـل ما دقـيت له سكر جهازه

‏وأزبن اللي يعجبك لامن نصيته
‏لازمك يـقـضـيه لـو انه باجازه

.....

رد: اخترنا لكم
 

منطق لسانك يكشف السر للناس
‏عن تربيتك وساس جدك ومعدنك

‏لو كـان للطيب علامــه على الراس
‏مـا قـيـل مـن لا يعرفك مـا يثمنك

.....

رد: اخترنا لكم
 

سعد عيني فيك والا سعد عينك
‏يا غرامٍ لا بغيت انساه عيّا

‏لا يمر الشك من بيني وبينك
‏والله أن قلبي لغيرك ما تهيّا

.....

رد: اخترنا لكم
 

واخير منها ركعتينٍ بالاسحار
لاطاب نوم اللي حياته خساره


الشيخ تركي بن حميد رحمه الله

رد: اخترنا لكم
 

إليكم مع التحيه...

أهلاً بكلِّ مُتابعٍ ومتابِعَةْ
بقناتِنَا الشعريةِ المُتَوَاضِعَةْ

موسوعةٌ جمعت قصائد جمة
فكأنها بحرٌ عميقٌ في السِّعَةْ

أبياتها كلآليءٍ قد أُفْرِغَتْ
فيها كأمثالِ النجوم اللامِعَةْ

طوبى لمن قد بات فيها متابعاً
يقتصُّ من هذي الثمارِ اليانِعَةْ

رد: اخترنا لكم
 

‏عساني ما أثقل على قلب مخلوق
‏ولا أســـــوي مـــــايسبب عتـــابه

‏أنـــــا أحب الــــذوق وأدور الذوق
‏عنـــــد التعامل والحكـي والكتابه

.....

رد: اخترنا لكم
 

أن ضامني حظي مثل ماتشوفون
‏ماضاق صدري ولا تعقّد حجاجي

‏نصبر على الصعبه مثل صبر سعدون
‏صبرٍ يجي بعده عقاب العواجي

.....

رد: اخترنا لكم
 

لا تضاعــــف جرح غاير فـــوق جــرحي
قلبــــي المجــروح مثـخــن بالجـــــروح

ادرس الموضــــــــوع واتفهم لــطرحي
لا تبالغ بالجفاء وانتــــه ســــــــــــموح

كلما جيتك مهــــــرول رُمت كبـــــحــي
ليش هذا الصــــد يا المــــــهر الجموح

لا تهدم قصــــــري العامر وصـــــــرحي
وانت ذي شيدت قصـــري والصــروح

بعدك المقصود بالهــــــــــــجران يـوحي
من لغة بوح الجسد شره يلــــــــــــوح

من سمح لك يا اريش العينيـن ذبحــي
بعدما عانيت هجــرك والنــــــــــــزوح

لا تعيش العــمر قصة حب سطــــــحي
والمشاعر شمها العاطــــــر يفـــــــــوح

شوف راسي من هواكم صار مقـــحي
صرت دونك كالجـسد من غيـــر روح

وانت نبضـي ياحياتي وانــــــت روحي
اسألك بالله يكفـــــــــــي لا تـــــــروح

و انت راس المال حقي وانت ربحــي
والفوايد والمكاســب والربــــــــــوح

صعب تجمعنــــي غلاتك بعد طرحي
والخيانه شمها العابق يفــــــــــــوح

بعدما عيشتني في حجر صــــــــحي
منعزل عن عالمــــك لا عتنـــــــــــوح

صعب ان الصمت يكسر حجز بوحي
وانت صامت بالمحبه لو تبــــــــوح

والنوى يغــــتالني ليلـــــي وصــــبحي
لا قـد اتعشيت حرمــت الصـــــــبوح

ابو همام الطاهش

رد: اخترنا لكم
 

‏حتى لو أعيد النظر فِي العلاقات
وانسى ثلاث ارباعها مانسيتك

أنساك هذي ثامن المستحيلات
السابعه كانت لقاك ولقيتك

.....

رد: اخترنا لكم
 

ياما وقفت بوجه الأيام ماطحت
وياما وثقت بناس والناس طاحو
ٰ
مشيت بالدنيا وتعلمت وارتحت
اهل المصالح لاخذوا شي راحو

.....