رد: ديوان قصائد لشعراء المملكة العربية السعودية (متجدد)☘️☘️
 

لعن أبوها

https://poetsgate.com/img/divider_1.png
لعن أبوها.. فاتنه.. بنت الحرام


زينها مجنون .. زين جنونها
إن تهادت.. موت حسره ياحمام


وين جنحانك.. ووين ردونها
كل ماطالع عليها مستهام


قلت ياربي دخيلك صونها
والله ان عيونها لاجت تنام


حرت أي النوم..؟ وأي عيونها
إن بغيت اكتب عليها كم عام؟


لين أوصل حولها .. يا..دونها
ياكلامٍ.. يجننها عليه الكلام


فيه لونن غير.. يخطف لونها
يابلا الموضوع تسلم والسلام


سمني مجنون لأجل جنونها

رد: ديوان قصائد لشعراء المملكة العربية السعودية (متجدد)☘️☘️
 

الحزن

https://poetsgate.com/img/divider_1.png
كان الحزن يمشي بوسط المدينه


بالناس ... لمبات الشوارع ... والأسمنت
كان الحزن ....؟ قلت الله الله بعينه


كنت اعرفه من يوم ماعرف وش كنت
عشرة عمر ... راحت تبعثر سنينه


ماخان بي وأنا ولا يوم به خنت
يعني خوي والذكريات الدفينه


توزن حياتي وزنها كان وزّنت
من بنت ... أول بنت ...صاغت حنينه


داخل ضلوعي وبعدها مامحت بنت
ل ما يعلم الله كالوتر بين يدينه


يشدّني واصرخ: دخيلك تدوزنت
بدموعي اسقي بالمسا ياسمينه


والصبح واللي يفعله قلت له منت
مرّه سألته أنت من أيّاة طينه


صرخ بوجهي ... قال لي: شف أنا أنت

سليمان المانع

رد: ديوان قصائد لشعراء المملكة العربية السعودية (متجدد)☘️☘️
 

ا

سلامة قلبك الأصفى

https://poetsgate.com/img/divider_1.png
شفيت مني أبشفى منك..كيف اشفى


واذا حصل لي ابشفى من حالي
معافى حبيبي سلامة قلبك الأصفى


من زاكي الما وانا علّه يورّالي
ياما عطاني وقال اعطيت له واقفى


مايدري اني.....ولايدري بموّالي
بي جن ابن كلب لايكشف ولايخفى


واليني أوّل جهلته وانت الاولى لي
أنا التعب وانت يالأجمل ويالأوفى


حملك تعب روح معذورٍ من احمالي
ماقلت تكفى ولاني قايلٍ تكفى


هذا انت غالي قريب وتبتعد غالي
الصورة بذهني تقول ارجوك لاتجفى


تاقف قبالك تجاهل تاقف قبالي
تجر حلمٍ تأسطر فيك لين أضفى


هيبة زبيده عليها..وانكسر والي
بغيت اجنب،وعياّ الطرف لايغفى


بغيت احبّك ولكن ماتهيالي
وانا متعوّد خطاي ان حل مايرفى


تلقى اوله بس لاتبحث عن التالي
ظليت تايه واغني وانسج المنفى


وطن،وأرهن على الله ثم يافالي
لعنة بداوة واذوب بثلجها ماادفى


تفرعنت بي وانا من خلقتي جالي
مشفاك؟هين انا اللي وين لي مشفى


ومابيك يعني تحمّل هم غربالي
مو من فراقك صواب الشلع من شلفا


من يد مغلًّ بحرقة ثار قتالي
بخير أذكرك وانت لوتقتل باقول أعفى


لكن دخيلك دخيلك روح من بالي

سليمان المانع

رد: ديوان قصائد لشعراء المملكة العربية السعودية (متجدد)☘️☘️
 

الغائبه

https://poetsgate.com/img/divider_1.png
حبيبتي دمعي من العين سكاب


وجروح قلبي من العنا تشتكيني
لا يابعد كل القرايب والاصحاب


مشارك روحي غلا والديني
لو الدموع ترد بالحب من غاب


سكبت دمعاتي مطر ياضنيني
يفتح بوجهي باب وتسكر ابواب


ومالي سواك ابواب يانور عيني
احس بك طعم الفرح بين الاحباب


وسعادة اللي من الشقاء منتهيني
ياغايبه غبتي وانا منك منصاب


ارجوك شوفي حالتي وارحميني
اما يجي منك مراسيل وكتاب


والا اتركيني للزمن واهجريني
وقولي رحمه الله توفته الاسباب


موذنبي انه يموت بالحيل فيني

سليمان المانع

رد: ديوان قصائد لشعراء المملكة العربية السعودية (متجدد)☘️☘️
 

سنابل قمح

https://poetsgate.com/img/divider_1.png
مادام ينبت سنابل قمح وجه أمي

مايوصل الجوع لوحاول لوجداني

واللي يبيهاحرام ان قلت ياعمي

لاضرب رصاصه بعيني واقطع لساني

ذا شعري اللي تشوفونه وذا دمي

من منهم اللي يشرب نكهة الثاني؟

تظلم وأغني بسرب أقمار من فمي

عاهدت أنا الناي والراعي وغنّاني

أحيان اسمي وبعض أحيان مااسمي

خاف الشياطين في عمري تبلاني

كم واحد لاكقبل معاشريذمي

ولاني موصي على قاصي ولاداني

لي دربي الخاص لي فكري ولي همي

لي ذكرياتي لي أحلامي لي أحزاني

ومازال يشرب رياح عنادهم كمي

والله لاحلق واحلق وارسم الواني

ماقدامك غبار ياخيل أولي شمي

بور القصايد وغني لي عن الجاني

مانيب مسبوق لي سفني ولي يمي

والناس مثلي وانا مااقول وحداني


سليمان المانع

رد: ديوان قصائد لشعراء المملكة العربية السعودية (متجدد)☘️☘️
 

ماخذيت الشعر

https://poetsgate.com/img/divider_1.png
في ضلوعي طفل لامن جاع أغني

وأجرح الدنيا بنظرات الذهول

أنقسم ثلثين إنس وثلث جني

وأترك الصرخة تقول وما أقول

صاحبي مثل القصيدة ما فتني

لا تعرت حلم للقلب الخجول

في ملامحها الخفية شي مني

آيتي للناس والشاعر رسول

إن بكت تمطر غيوم بوجه ظني

هي سما روحي وأنا أوجاعي فصول

لا تبرقعها ظنونك بالتجني

عن ضما الوردة يكلمك الذبول

صاحبي خانوا ربوعي والتمني

ما بقا عندي سوى مهر جفول

إنكفوا شدوا وشد الصبح عني

خلوا الظلما تشكل ألف زول

عيشوني الخوف كله لكن إني

ما عطيت الشمس لأنصاف الحلول

ما خذيت الشعر طفل بالتبني

ولا تركت لخطوه الرفض القبول

دست بعنادي ظروف عاندني

قلت أباصل لو غدى الموت الوصول


سليمان المانع

رد: ديوان قصائد لشعراء المملكة العربية السعودية (متجدد)☘️☘️
 

عز نومك

https://poetsgate.com/img/divider_1.png
من عزّ نومك ياعزيزي سرقتك

انا الحرامي بس مانيب مليوم

ياما سكرتك في خيالي وفقتك

لك وعليك ومنك لا فيك محموم

اسف واسف كذب كاني لحقتك

عاشق وعاشق صدق شاعر ومهموم

وقتي حلق ذايب بسلسال وقتك

وش الشهريامرجع الحب شاليوم

انا مخنوق الذكريات وشهقتك

بك نبض صرت وكنت صوره من البوم

غار الغرق لحظة نجيت وغرقتك

وانت اعتذاري للبحر عن خطا عوم

معاك كنت ورحت جيت ولحقتك

فيهم نجم لكنني فيك منجوم

واعد وراهن كان ماني سبقتك

وعد انتصر..قدام الاشواق مهزوم

مني تبرا الشعر لو ماعشقتك

لاويتبرا العشق لومااصلق القوم

ياابو اشقرٍ يلهب حريّ ان فهقتك

عن طيش مسرع جاب للغيمة علوم

مااحسّني ذقتك كما الما وذقتك

واحسّني ما وان تكررت محروم

بالله عليك امطر سهرك ان برقتك

هاك الحقيقة مت غيره من النوم


سليمان المانع

رد: ديوان قصائد لشعراء المملكة العربية السعودية (متجدد)☘️☘️
 

عيب العرب فيه

https://poetsgate.com/img/divider_1.png
يارب حطوا كل عيب العرب فيه

وانت الذي وحدك تعرف الحقيقة

كل الخفايا والنوايا وماضيه

وشيطنة ضحكاته وشيطان ضيقه

طفلِ غريب استعذب الحزن والتيه

لين الحلا جامرطعمه بريقه

كانت وطن لاصدق قصايد منافيه

وماهو جست به خطوته:يستليقه

أحيان مايقصد كلامه ويعنيه

شرع الأسيراللي حروفه طليقه

كان ال..يحسه يكتبه،كنت اجاريه

أنسى السّنه لعيون خاطردقيقه

والركب ضج من ارتكابه مباديه

كلٍ رمى مايشتهي في طريقه

بثلج الكلام السمج.. بلّو محانيه

ماحسّو ان احساس مثله:حريقه

يمكن حسده فلان وفلان يرثيه

وفلان شاف انه حكاية عتيقه

والبعض قالان الصدى ضعف اغانيه

وقضييته كانت مجرد وثيقه

بسيط حد المهزله وانسطح ليه

والفن تبسيط الحياة العميقه

وجوهٍ تحبه ياغرابه وتشنيه

ماتكرهه لو بعضها مايطقيه

تزعل اذا عيّا خطاها يقديه

وتبي تصيران صار زهرة رحيقه

ومثله معرّض لألف واحد يماشيه

تحتار لو تبحث بهم عن صديقه

يارب عينه،حتى انا صرت مابيه

به مستحيل ارضي جميع الخليقة


سليمان المانع

رد: ديوان قصائد لشعراء المملكة العربية السعودية (متجدد)☘️☘️
 

والله بعضهم معرف لوقتنا الآن

https://poetsgate.com/img/divider_1.png
والله بعضهم معرف لوقتنا الآن


اني اعرفه حتى اشوفه.. قبالي
الناس خير وخيرهم وجه الايمان


وماا خبر احد.. له شي عندي ولا لي
كلٍ وفا له حكمتي تدل عميان


ما همني خبرك.. على زين فالي
لما بدى يحكي عن الصوم شعبان


.وصفر يحرّم صيد نظرة غزالي
قلت ابعد .. اسكت وانتظر قدر الامكان


الرب.. فوق وكلنا.. للزوالي
ابي اجلس لحالي بدون اي انسان


جنيتي ...تعشق جلوسي.... لحالي
انا اتنفس وحدتي بعض الاحيان


القى.. بها الحلم الصغير.. المثالي
قال:انت هاجر مجتمعنا وزعلان


اظن... بك جنيةٍ ....ما تبالي
اظن قلت ولا بقى ظن ما خان


الشكر لله ...في يقينٍ ... بقا... لي
ودامك تظن ف ظن ..هالمجتمع كان


ما عاد تلقى له... بهالوقت.. تالي
لا طهر يدّ ولا ودفا قلب ولسان


ومن الضمير... وكلمة الصدق ...خالي
سولف .. ولا تذكر لي فلان وفلان


ولا انسى وابي تنسى.. الذي قد مضى لي
مروا بذهني امكنه .. مروا ازمان


اطلسهم ...اغرب من غرابة.... خيالي
والغالي اللي داخل القلب ما هان


لو ما التقينا .... داخل القلب ...غالي

سليمان المانع

رد: ديوان قصائد لشعراء المملكة العربية السعودية (متجدد)☘️☘️
 

سينا وبيروت

https://poetsgate.com/img/divider_1.png
حياتنا جنح الصدى ترفض الصوت

وهو غصنها المفرد وهي جمع ورقا

نهرب لها تهرب بنا.. نطلع تفوت

الموت الأصدق لا والأقوى والأنقا

نعيش وأحلا أقمارنا تشربه حوت

ونضرب على نحاس القصايد لغرقا

عن عنكبوت أحلامنا ننسج: سكوت

طلع ذهب.. يا فضة الحكي فرقا

نذبح بيوت بدمها نبني بيوت

من وين نرقا الدرب وين نرقا؟

عاري جهلنا شغلته يلعن التوت

وهذا الورق لا أشبع ولا أمتع ولا أسقا

كيف أفتخر؟! وأنا أشعر الشعر عكروت!

يَدوّرْ بنا كل الفضايح.. ويلقا

خجلا قصايدنا تهزَّعْ لهارَوت

وترقص لسحره في نواعيس عنقا

مبطي نسينا جرح سينا وبيروت

يعني وبعنا حيف حيفا بطرقا

يا أخي لو إن آخر قصيده هي: الموت

كم شاعرٍ يرحل؟.. وكم شعر يبقا


سليمان المانع