رد: ديوان قصائد لشعراء المملكة العربية السعودية (متجدد)☘️☘️
 

مجتمع كان

https://poetsgate.com/img/divider_1.png
..

والله بعضهم معرف لوقتنا الآن


إني اعرفه حتى اشوفه قبالي
الناس خير وخيرهم وجه الإيمان


وماخبر احد له شي عندي ولالي
كل وفاله حكمتي تدل عميان


ماهمني خبرك على زين فالي
لما بدا يحكي عن الصوم شعبان


وصفر يحرم صيد نظرة غزالي
قلت أبعد اسكت وانتظر قدر الإمكان


الرب فوق وكلنا للزوالي
أبي اجلس لحالي بدون اي إنسان


جنيتي تعشق جلوسي لحالي
أنا اتنفس وحدتي بعض الأحيان


القى بها الحلم الصغير المثالي
قال:انت هاجر مجتمعنا وزعلان


أظن بك جنية ما تبالي
أظن قلت ولا بقى ظن ما خان


الشكر لله في يقين بقى لي
ودامك تظن ف ظن هالمجتمع كان


ماعاد تلقى له بها الوقت تالي
لا طهر يد ولا دفا قلب ولسان


ومن الضمير وكلمة الصدق خالي
سولف ولا تذكر لي فلان وفلان


ولا انسى وابي انسى الذي قد مضى لي
مروا بذهني أمكنه مروا زمان


طلسهم اغرب من غرابة خيالي
والغالي اللي داخل القلب ماهان


لو ما التقينا داخل القلب غالي

سليمان المانع

رد: ديوان قصائد لشعراء المملكة العربية السعودية (متجدد)☘️☘️
 

الشعر

https://poetsgate.com/img/divider_1.png
هذا النهر لو تشربه من لساني


به طعم روحي به وهو كل روحي
ماهو قوافي أو وزن ومعاني


الشعر سكيني الجميل وجروحي
قدر حلو به جيت حلمي وجاني


دمي انكتب من قبل يكتب بلوحي
مدري وش أخذ مني وشاللي عطاني


بس أدري أني أوحيت به وأنت توحي
هذا طموحي وأحسب إني أناني


ياللي تبني فيه أحقق طموحي
ضحكي ونوحي وصف اله وله ثاني


وصف فصل مابين ضحكي ونوحي
هذا الوطن إذا حبيبي نفاني


وإذا الوطن هذا حبيبي وبوحي
ذكراي لامن كل حي نساني


يصير وان صادرت عزمي جموحي
هذا المرار اللي تذوق بلساني


به روح طعمي شعر به طعم روحي

سليمان المانع

رد: ديوان قصائد لشعراء المملكة العربية السعودية (متجدد)☘️☘️
 

طقوس

https://poetsgate.com/img/divider_1.png
حياتنا جنح الصدى ترفض الصوت

وهو غصنها المفرد وهي جمع ورقا

نهرب لها تهرب بنا.. نطلع تفوت

الموت الأصدق لا والأقوى والأنقا

نعيش وأحلا أقمارنا تشربه حوت

ونضرب على نحاس القصايد لغرقا

عن عنكبوت أحلامنا ننسج: سكوت

طلع ذهب.. يا فضة الحكي فرقا

نذبح بيوت بدمها نبني بيوت

من وين نرقا الدرب وين نرقا؟

عاري جهلنا شغلته يلعن التوت

وهذا الورق لا أشبع ولا أمتع ولا أسقا

كيف أفتخر؟! وأنا أشعر الشعر عكروت!

يَدوّرْ بنا كل الفضايح.. ويلقا

خجلا قصايدنا تهزَّعْ لهارَوت

وترقص لسحره في نواعيس عنقا

مبطي نسينا جرح سينا وبيروت

يعني وبعنا حيف حيفا بطرقا

يا أخي لو إن آخر قصيده هي: الموت

كم شاعرٍ يرحل؟.. وكم شعر يبقا


سليمان المانع

رد: ديوان قصائد لشعراء المملكة العربية السعودية (متجدد)☘️☘️
 

الدليله

https://poetsgate.com/img/divider_1.png
انا ياسيدي تايه صراحه من ثمان سنين


تراني صح لكني تراني واحدن ثاني
لك الله ماضحك قلبي ولارفت بفرحه عين


اعيش الكل في كل الظروف وعشت وحداني
أنا غابة حزن تمشي ولا فكرت توقف وين


ولا وش صابني فكرت ولا افكر وش اخطاني
غديت وكنت للرحل دليله واسأل الناسين


وعجزت انسى محبتهم واشوف الناس تنساني
سلام الله على الصحبه على الماضي على الغالين


على اول يوم احس بضحكتي من كل وجداني
رساله لا عتب دعوه ورد اقصى خفاي آمين


تردوا لي ترى حزني كثير بعيد وداني
أحس بكل مايخطر ببال اللي عرفته زين


انا المجني عليه بهالقضيه كل ابوها وانا الجاني
تعبت وقلت برقبتي نذر لله وحالف دين


حياتي ملك ما يرجع لأي انسان يلقاني

سليمان المانع

رد: ديوان قصائد لشعراء المملكة العربية السعودية (متجدد)☘️☘️
 

الليره...والليره

https://poetsgate.com/img/divider_1.png
أغار فعلا وأبين مصدر الغيره


وممن؟..ولاشك بصلي ولا باصله
أعرف نفسي واقدر واضح السيره


اللي عدوك يصيرويقنعك فصله
ذاك أنحني له..وأحيي فيه تقديره


أفديه لو هو غريم ليبهالخصله
ينصف قبيلةيقول الخير لخيره


معدن حقيقي يشوم وغيرها أرخص له
ماخفخفت به تكاسي ضو تأجيره


ولا فتنت به الخطا بنتتهنوص له
ضو..أوقد الظل..في دمعة مزاميره


يثقل لو الأرضوأهل الأرض ترقص له
حمد يتهدج لخلاقه وتدبيره


ويضعف له أكثرلأن أكثر مخصص له
مابه تعنصريعوج الحق ويديره


وصل الله أقرب من أقرب نبض من وصله
وإن انظلم يوم للصادق مقاديره


غافلله الله هو احرص منه وأحرص له
ومن يعرف اللير..وش فرقه من الليره


يعرف بزوده ولو غيره ينقص له
يا ابعد عن الشعر من مسلم لخنزيره


مافيكم اللي عرف له راي واخلص له

سليمان المانع

رد: ديوان قصائد لشعراء المملكة العربية السعودية (متجدد)☘️☘️
 

نواف التركي

https://poetsgate.com/Images/Users/s...9934eadb90.jpg

شاعر سعودي من حفر الباطن مواليد 1398 نشأ وتعلم في حفر الباطن ثم انتقل للعمل في السلك العسكري في منطقة الجبيل بدأ في كتابة الشعر من سن ال 16
له مساهمات شعرية كثيرة عبر الامسيات و المهرجانات التي تقام في حفر الباطن و الغرفة الشعبية بالدمام و امسية برفحاء وغيرها من الامسيات .
ظهر في لقاء على القناة السعودية العامة وأجرت معه لقاء اخر القناة الثقافية كما نشرت بعض من قصائده على القنوات الاخرى .
وكان له حضور في برنامد شاعر المليون في الموسم الثامن .
نشر في مجلة وضوح وفواصل وكثير من الجرائد في المنطقة.

رد: ديوان قصائد لشعراء المملكة العربية السعودية (متجدد)☘️☘️
 

الشرهه الراهية للطيّب الراهي

https://poetsgate.com/img/divider_1.png
الشرهه الراهية للطيّب الراهي


اللي قليلٍ حكاه وواجد أفعاله
ماهو خوي السعة وبيالة الشاهي


وتسفّط الحكي بإقفايه وبإقباله
غرّتني الضحكة وملبوسك الزاهي


وهقيت بك هقوّة الطيّب على فاله
مسيّت حبلك وطاح بقصرك الواهي


ولولا التجارب فكلّ الناس خيّاله
عسى المشاريه يضفي ثوبها الزاهي


لا شان وجه الزمان وميّل عقاله
جرّب قبل تطرق الطرقة ترا ماهيت


بين الأجواد غير إن كبرت القاله
ياقلب خلّ الغثيث وغنّ ل اللاهي


المكرم بهجره وبخلان بوصاله
المورق بضحكةٍ تستدرج أشباهي


اللي ماهو مخليٍ قلبي على حاله
اللي عيونه طفل عند الندا ساهي


يلعب ولا مرّت الدنيا على باله
كم رفرفت له حمامة شعر بشفاهي


أتبعتها الآه لا وقّفت بآطلاله
مهزوم يضحك بوجه الحزن متباهي


كان أصدق اللي وقف في صفه ظلاله

نواف التركي

رد: ديوان قصائد لشعراء المملكة العربية السعودية (متجدد)☘️☘️
 

حكيت للناس حزن الناس

https://poetsgate.com/img/divider_1.png
حكيت للناس حزن الناس


ماكان منّي ولا فيني
لا يخدعك ملمس الأحساس


صدّقت كذب وبكت عيني
لا تلبّسيني هدوم الياس


مجرد إنسان وإنسيني

نواف التركي

رد: ديوان قصائد لشعراء المملكة العربية السعودية (متجدد)☘️☘️
 

سوالف العالم طويلة عريضه

https://poetsgate.com/img/divider_1.png
سوالف العالم طويلة عريضه


وانا تعبت الناس ومجامل الناس
بطلت يا اصحاب النفوس المريضة


لا بشتري خاطر ولا بجبر إحساس

نواف التركي

رد: ديوان قصائد لشعراء المملكة العربية السعودية (متجدد)☘️☘️
 

لك علي كلّ ماهبّ الهوا من شمال

https://poetsgate.com/img/divider_1.png
لك علي كلّ ماهبّ الهوا من شمال


أذكرك وأتسامى ف الجفى وأكتبك
طوّل البعد والصبر الجميل إستحال


والدروب تتناحى عنك ما تقربك

نواف التركي