رد: اخترنا لكم
 

ظروفنا تنطح صفا لكن عليك الاتكال
‏مال الحقوق الواجبة منّا مصد ، ولا مفر
‏
‏عسى الجمال اللّي نبرّكها وتشتال الثقال
‏يبرالها يوم السعد ويقودها الحظ العفر

.....

رد: اخترنا لكم
 

يلي تقول السماء وشلون ما تمطر
‏حنا نقول القيامة كيف ما قامت

‏تشوف لك شي والي ما تشوف اكثر
‏سبحان من لا غفت عينه ولا نامت

.....

رد: اخترنا لكم
 

كله لعين اللي كسى راسه الشيب
عودآ جبينه من عنا الوقت ندّا

أفنى حياته خلف حرش العراقيب
وعاون معاوينه وعشى وغدّا

.....

رد: اخترنا لكم
 

الكذب واللمز والنمات والخفه
اربع تعيب الرجل وتحط من شأنه

والصدق والطيب فوق الثقل والعفه
اربع تعز الرجل لو وسط عدوانه

.....

رد: اخترنا لكم
 

قال سعد بن جدلان :

مرّني لاتاه دربك من زحام الحياه
الغلا الي رحَت منه على حطّت يدك

رد: اخترنا لكم
 

‏استر على المخطي ترا الوقت دوار
‏يمكن يدور وتطلب الستر منه

.....

رد: اخترنا لكم
 

يا ليل تقلط في عيوني سهر وسهاد
‏متى أشوفك تقلط سكون وطمأنينة

‏الإنسان مهما كان روتينه المعتاد
‏يكدره عليه أحيان تكرار روتينه

‏وداعي النهار موادع اللي خرج لجهاد
‏لا طاح الشفق طيحة عباير محبينه

‏شعوري وأنا ارفع للفجر صرخة استنجاد
‏شعور الصويب اللي فقد نجدة يمينه

‏هنيي لو اني طير يجوب كل بلاد
‏تقطع به آفاق الخضيرا جناحينه

‏ماعاد يتحمل خاطري منظر العداد
‏يدنق بذل ضعيف كلٍ يهينه

‏حنين المحب يعيّشه طرقة الكداد
‏لا سافر ترده لهفة الشوق من حينه

‏امرّك وأنا مستبعد فكرة المعواد
‏ويغلب علي وجه الشبه بينك وبينه

‏يا غاية مراد اللي يشوفك احق مراد
‏والأحق في بسمة شفاته وماء عينه

‏ملكني غرامك لين صرت أملك استعداد
‏اناصر ضحايا الحب وافهم مجانينه

‏ادور لجرحك من يدين الطبيب ضماد
‏واثر ما يضمد جرحك إلا سكاكينه

‏أنا قبل أعرفك كان قلبي عيوف وصاد
‏وبعدك ما صرت اعرف غير الله يعينه

‏لكن الله اللي مكنك والله اللي راد
‏تخلينه يحب الحياة وتخلينه

.....

رد: اخترنا لكم
 

ياشايل الكبر في نفسك على العالم
‏النـــاس ما تنتعاشـــر غير بالعملة

‏تــرى سليمـــان بن داؤد يالظــالم
‏وقف على شأن يسمع هرجة النمله

.....

رد: اخترنا لكم
 

‏أثر لذّات الهوى ضوح برقٍ في غدير
‏رميةٍ تقْصر عن الصيد وتعوّد علي

‏ياوليفي صار حبك رحاةٍ تستدير
‏والنفوس من المشقه مزاهبها ملي

‏لاتجرب قسوة النفس مع قلبٍ كسير
‏خلها عشبة ربيعٍ على جرة ولي

‏المحبه طبّ الأرواح الأول والأخير
‏والعلاج اللّي مانلقاه عند الصيدلي

.....

رد: اخترنا لكم
 

‏لو توقّفني مشاوير الليالي في النصيفة
‏كل ليلٍ عاد عينك تسهره ما فات أوانه

‏شاعرك تعرف متى يستوقفك صدقه وزيفه
‏كل ما غابت عن عْيون البشر ضحكة ثمانه

‏يغترب بين القلوب المدلهمّة والنظيفة
‏يشعر أليا مرَّ قلبٍ غير قلبك بالإهانة

‏يحتري فجرك ولو ما بايعك تحت السقيفة
‏كل ما طال الحديث وغير مجلاسك وزانه

‏الخريف اللي يداعب نسمته ثوبك خريفه
‏والمكان اللي يمرّه صوت ضحكاتك مكانه

.....

رد: اخترنا لكم
 

يالله بـحظً يجمـــل وذكرً ما يغيب
‏مانبي إلا الوجه الابيض وستر العايبه

‏دلنا حسن النــوايا و توفيق النصيب
‏واكفنا من شر بعض الظنون الخايبه

.....

رد: اخترنا لكم
 

وبعض القصايد على وزنه وقافيه
‏تبدأ و تقضي ولا ادري وين معناها

‏وبعض القصايد تقل كبسة عزوبيه
‏أما نقص ملحـــها والا نقص ماها

.....

رد: اخترنا لكم
 

‏اعتزلت الناس وابشرك طيّب
‏ما غبطت اللي ورا الدنيا يطارد

‏جعلني ما اسوم وجهي عند خيّب
‏المقابل شين والترحيب بارد

‏الرفيق اللي محاضيبه قريّب
‏ما يوردها عذيّات الموارد

‏محسنٍ ظنّي وحسن الظن طيّب
‏غير في بعض الامور الشك وارد

.....

رد: اخترنا لكم
 

‏ربتني الدنيا على الحمد لله
‏عندي يقين وعنده الامر كلّه

‏على الطريق اللي عيوبه مزاياه
‏ما كنت اعقد الحبل عشان احله

‏يا ما رميت الحزن للا مبالاه
‏ويا ما صنعت الضحكة المسفهلّة

‏دليلي انّ الحظ لا ضاع بالقاه
‏احساس والاحساس سيد الادلّه

.....

رد: اخترنا لكم
 

‏يانجد لو صيفك عجاج وعواصيف
‏غلاك يبقى في الشرايين دارج
‏
‏ لو كان جوّك حر في لاهب الصيف
‏نصبر على الملهاب والله يخارج

.....

رد: اخترنا لكم
 

اكثر ما يضحكني بعالَم تويتر
اللي اشترىَ له بالريال متابعين

مهما يهايط حالته في توتر
ومتابعينه لو دفَع متناقصين

مثله مثِل بعض الصور بالفلاتر
وضع المفلتر والأصل متناقضين

النجم العالي

رد: اخترنا لكم
 

انا بفضل الله تراني من النوع
اللي يموت ولا يبيح كنينه

الفرحه اعرفها من اسبوع لسبوع
واتصنع اني عايشٍ في سكينه

ما تِسمن الشكوى ولا تغني الجوع
شكوى لغير الله بعدها غبينه

.....

رد: اخترنا لكم
 

لاصارمالك من وراء الناس حاجه
مالك ومـال الخلق واللي يقولون

ريح ضميرك واطلب الله ونـاجه
وخل البشر لله هـو خالق الكـون

سعود العتيبي

رد: اخترنا لكم
 

وجيه الردى ماتستحي من وجيه الطيب
بعد ما بدى الماقف وكل ن بدى وجهه

وجيه نقلطها على الطيب والترحيب
ووجيه نعرّضها على الصد والسفهة

لاشك الوجيه اللي كساها الردى والعيب
ترى ذكرها شرهة و تقديرها شرهة

اعد الصراحة والبشر مخطي ومصيب
ولا نيب راعي هرجة ما لها وجهة

علي الشنّاني

رد: اخترنا لكم
 

‏ماعاد عندي من سمَان المعاذير
‏غير الخطوط اللّي على بطن كفّي

‏دربك شفوف ودرب غيرك مقادير
‏وأنا ما اعَرف أعاتب اعَرف أقفّي

‏باقي عشان أنسَاك عمر ومشاوير
‏والخطوتين اللّي معي ما تكفّي

.....

رد: اخترنا لكم
 

‏يا بعيدٍ صالف الوقت و آخذك الزمان
‏لا تتاجر في ظنون المحبّ متاجره

‏معك خفّاقي سوات المساجد برمضان
‏ما يردك وانت لك عام كامل هاجره

.....

رد: اخترنا لكم
 

‏بكرا اذا هلّت عيونك من الشوق
‏خل الغيابّ اللي بغيته يسرك

.....

رد: اخترنا لكم
 

‏يَا كم شمت يَا بيض النوايا وكم عديت
‏وتجاهلت من طيبي وأنا مانيب جاهل

‏يَا كثر مَ غشوني الناس وأنغشيت
‏مع كل خييبة هقوة أردد استاهل

.....

رد: اخترنا لكم
 

فمان الله والعذر السمين أبلغ من التبرير
عفى الله عن خطّايا اللي خطّايانا على شانه

فمان الله يالغصن الليان اللي هجرك الطير
هذا طيرك يبلغك السّلام بروس جنحانه

سمحت من المحبه وسامحني على التقصير
وصلنا آخر حدود العشره اللي مالهّا خانه

.....

رد: اخترنا لكم
 

‏الورد له إحساس ياعاشق الورد
لاتطعن الإحساس في قلب ورده

الورد معنى العشق والحب والود
بين البشر أجمل رسالة مودّة

.....

رد: اخترنا لكم
 

قالو لي احذر من خويك واتركه
تــــــراه من ناسٍ خبيثٍ دلهم

ثم اكتشفت انه اكذاب وفبـركه
لقيته أطلــق من لحاهم كلهم

.....

رد: اخترنا لكم
 

‏اعتقيني لا تمرين قدمي بالصباح
‏كيف اشوف اعيونك السود و ألد النظر

‏العيون السود تفتك مثل فتك السلاح
‏وانتي عيونك كحيله وانا قلبي خضر

.....

رد: اخترنا لكم
 

ماودنا ندخل معك في تفاصيل
حنّا نعرف ان المطاليق نُدره

واللي ينطّحها وجيه المقبايل
انكان مانت بـ ناطحه لاتغدره

ماحدنا نرسل عليك المراسيل
الا زمان ٍ مالنا فيه قُدره

من ضاق صدره من لزوم الرياجيل
لاعاد يضرب ل الرياجيل صدره

.....

رد: اخترنا لكم
 

‏مشيت وخطوتي يمكن تشكل للغريب بلاد
‏ضجيج الأرض من خلفي وقدم عيوني السجّه

‏ركنت الحلم في رفّ الأماني بعد كثر إجهاد
‏أنا اللي ما ملك حاجة لو إنه يملك الحجّه

.....

رد: اخترنا لكم
 

قطعت الأمل من حاجةٍ في يدين الناس
‏و عقدت الأمل في حاجةٍ في يدين الله

.....

رد: اخترنا لكم
 

‏ابتسم للنـاس واضحـك للحيـاه
‏ولـو تضيق اليـوم قـل باكر تزيين

‏اعــرف إن الله وحـــده لا ســواه
‏قــادر انـه يبهـج الصـدر الحزيـن

.....

رد: اخترنا لكم
 

‏يا سلّابة حشاي الحب فيه من الجنون فصول
‏جمالك كعبة متيم هواك وقبلة أشعاره

‏يميزك الدلع عن كل هيفاء عودها مفتول
‏لقاك المشهد اللي ما تملّ العين تكراره

‏كحيلة طرف عاجية ترايب فاحمة مجدول
‏مزّينك الترف ما زيّنك خلخال وسوارة

.....

رد: اخترنا لكم
 

يا مرحبا واتركي الاعذار عذرك سمين
‏جيتي و كل الأماكن قرّت عيونها

‏هاللحظة اللي فرح فيها الشعور الحزين
‏باعيش واموت شاكرها وممنونها

.....

رد: اخترنا لكم
 

يالله أني طالبك ياذوا الجلال
‏حاجتين في حـــياتي كـافيه

‏طالبك بالستر والرزق الحلال
‏وغيرها ماعاد أبي ألا العافيه

.....

رد: اخترنا لكم
 

ياللي تميلح بالسنابات مفضوح
‏الكذب عيب وكلمة الحق تنقال

‏حصلت لك فلتر يخليك مملوح
‏دور على فلـــتر يخليــك رجـال

.....

رد: اخترنا لكم
 

والله اني ما اتحســـف واتصاغر حالي
‏غير يوم أخطي على طيّب ويغضي عني

‏الله يقطع هــرجةٍ تجـرح مشاعر غالي
‏والله يقطع هــرجةٍ تـزعل صديقي مني

.....

رد: اخترنا لكم
 

لا ضاع لك معروف في بارد الحيل
‏لا تعتبرهـــا ضـعـف والّا هـزيـمـه

‏ترى الجمايل في ضعـوف الرياجيل
‏مثل المطـــر على الديــار الوخيمه

‏اكرب حزامك والعوض فالمقابيل
‏والـتـجـربه تـعـطـي للانسان قيـمه

.....

رد: اخترنا لكم
 

‏يالطيف الروح يالغرو الصغيّر
‏ياغزالً فـ الحسن زايد رصيده

‏كل وصف يسير لك ماهو مخيّر
‏يالوصوف النادرات من القصيده

‏منتي بشوط القعود ولا حويّر
‏والله انك نخبةً الزين الوحيده

.....

رد: اخترنا لكم
 

‏صـار أكثر حكانا مشاريـه وعتاب
وصـار التواصل بس لاصـار فاقه

وصار الزعل من بينا ماله أسباب
وعلى الرضى ماعاد للقلب طاقه

وقلت سوالفنا عقب ذاك الاسهاب
وراح التـودد واصطنـاع اللباقه

طاحت مناعـة حبنا والغـلا شاب
وهذي مواري قرب موت العلاقه

.....

رد: اخترنا لكم
 

محـبتك بس من مـده إلى مـده
والوصل دايم على كيفك ومشهاتك

دامك نويت الجفا والبعد والصده
مافيه داعي تتراجع عن قرارتك

إن كان جو الملل حدك على الرده
مالله خلقني عشان أملا فراغاتك

.....