|
رد: ديوان شعراء السعودية في العصر الحديث (متجدد)☘️☘️
ريح خلّي
آه من دمع ٍ على خدي سفح من فراق اللي على غيري شحيح من فراقه بالحشا قلبي لفح ساكن ٍ وسط الحشا حبه صحيح من ربا صنعا إلى غربي رفح ما سكن وسط الحشا غيره مليح ان تعمدت الخطا عنده صفح خابر ٍ قلبي من اسبابه جريح في غباب الحب انا قلبي طفح هايم ٍ ببحورها ما يستريح ريح خلّي مع هوى الغربي نفح من جنان الخلد ريحه فيه ريح محمد الأحمد السديري |
رد: ديوان شعراء السعودية في العصر الحديث (متجدد)☘️☘️
قصيدة كالنهر يملؤه المطر
الشاعر: عبده فايز الزبيدي عبده فايز الزبيدي #العصر الحديث #المملكة العربية السعودية 0 56 مشاهدة العين يملؤها النظرْ والأذن يملؤها السمرْ والنفس يملؤها التفا ؤل ثم تُملأُ بالحذر وأرى الحياة كصورةٍ ملُئت وجوها أو قدرْ وتسير سير سحابةٍ عجلى وليس لها مقرْ فتعال مثل الغيث من كل الجهات إذا انهمرْ فالحب يملأُ أنفساً كالنهر يملؤه المطرْ |
رد: ديوان شعراء السعودية في العصر الحديث (متجدد)☘️☘️
يا بعد فرق الناس
يا عمير ناولني من الكيف فنجال بالصين صبه لي على قدر شفي فنجال يغدي ما تصور على البال يزيل هم بالفواد امتخفي يا عمير في قلبي من الهم ولوال حر سعر بالقلب ماله مطفي يا عمير لا تتبع هوا بعض الازوال اقبل وخله يالعتيبي يقفي لا تتبعه يا عمير يا طيب الفال خله على حوض الرذيله يهفي ومن لا استشارك لا تعذله ولو عال يلقى من اجناسه صديق يلفي يا بعد فرق الناس رجلي وخيال والطيب بين مثل حيد مشفي وان جاك مكار على الناس محتال لياك مع ما قال لك تستخفي الناس فيهم للاجاويد ختال للخبث عن درب الفضيله يلفي وان حذتك دنياك في بعض الاحوال اعنز على ليث عرينه يدفي ما يلتفت في قول شامت وعذال وان كبرت القالات ما يستخفي اخطر على المخطين من ليث الاشبال ومن حق عدوانه لحقه يوفي ما هوب خطو البايه الخامل الذال اللي عن الطولات جفنه يقفي مثل الثمد ما ورده كل حوال ملح بصبخات ورسه يصفي محمد الأحمد السديري |
رد: ديوان شعراء السعودية في العصر الحديث (متجدد)☘️☘️
حل الفرقا
يا عمير شفت من المخاليق مخلوق ونقض جروح بالضماير عتاقي واصبحت قلبي بين الاضلاع مسروق سباه طفل من طوال العناقي تله بعسر وناعم العود مطفوق ومن سبته يا عمير ظن عتاقي ما هوب مليان ولا هوب نقنوق بعيون طراد الغنادير لاقي خلا ضميري عن خفاياه مفتوق حي كشف سدى ومكن وثاقي بالود هداني ولا باقني بوق والود هدا مصعبات النياقي اقفا يهز الجسم والجسم ممشوق مثل الرطيب اللي على جال ساقي اقفا وقلبي شاح له تقل مسيوق ونهيت قلبي مرتين وتاقي اقفا وانا ما ادرك من الهرج منطوق وما ادري متى يرجع نهار التلاقي اقفا ود مع العين يمطر من الموق دمع جرى من نونها باندفاقي وحل الفراق وحن عاشق لمعشوق الله لا يجزي نهار الفراقي قالو تعرفه قلت في عنقه الطوق طفل ثمانه بالمبيسم لهاقي عز الله اني شفت من سبته عوق ونجض على قلبي ثلاث العراقي وحنيت له حنة خلوج من النوق وكثر عنا قلبي وزاد اشتياقي وبقيت عقبه حاير تقل ما سوق والاربيط مبهم بالحلاقي مر الهوا ذقته وانا قبل مسبوق لاشك انا خفت البحور الفراقي محمد الأحمد السديري |
رد: ديوان شعراء السعودية في العصر الحديث (متجدد)☘️☘️
ليحان صدري
ونيت ونة من على غالي ون عن موت مخلوق يوده هرجله على لاذي عقبه ضلوعي تعاون جاوبت صوت مهرف الذيب لاجله حبه بمكنون الضماير تمكن غصب علي القلب مني نهجله ليحان صدري من فراقه تشظن والقلب من بين الضلوع ارتهجله يفز قلبي والضماير يلجن إلى رمع في مدمج الساق حجله طفل صفالي بالموده بلا من عكش رموشه زاهيات بنجله عليه قلبي الحشا كنه الشن ما غيره احد بالموده فرجله كن الدموع الى ذكرته وفاضن شط الفرات وفاض به نهر دجله عزي لمن مثلي همومه تقافن ومحفن على روس المراقيب رجله محمد الأحمد السديري |
رد: ديوان شعراء السعودية في العصر الحديث (متجدد)☘️☘️
يا عاذل قلبي يا عاذل قلبي على غير مشهاه اترك مريض القلب خله بشانه ما بيك يا عذال قلبي تبلاه هرج مثل هرجك يزيد امتحانه لا صار ما يشكي عليكم سجاياه . راضي بما يجري عليه بزمانه يتبع هوا حي صفا له بدنياه ما طب في قلبه عليه الخيانه حي مشى له بالهوا مثل ممشاه على النقا ما ضيعو للامانه القلب والله ما تسوا سواياه دايم وهو مع نور عيني رهانه متولع به ما يفاخت محياه لو هو بعيد يا صله في مكانه ان جيت قلبي معطشات ظماياه احيا بشفة حبة من ثمانه سبحان رب صوره ثم سواه أكمل جماله بالبها والرزانه يا ناس انا من اقبل حياة بلياه وحلفت ما يطلق قراني قرانه ان كان ضاق الصدر ناديت باسماه واسمه يخفف عبرته وانهتانه وادله القلب المولع بطرياه حتى يريح القلب عقب اخفقانه محمد الأحمد السديري |
رد: ديوان شعراء السعودية في العصر الحديث (متجدد)☘️☘️
غيض الطرف
عفا الله عنك يا طيف الليالي يذكرني من الخلان غالي يذكرني مليح غاب عني عزيز صورته دايم قبالي غضيض الطرف ممشوق قوامه ولا غيره بها الدنيا زهالي احبه ما نسى قلبي وداده على فرقاه دمع العين سالي الومه وا نسى عهد المود ه وساعات قضيناها عوالي الومه وان نسى عهد التلاقي لنا من جنة الدنيا ظلالي رعى الله ساعة فيها التقينا جرى لي من غرامه ما جرى لي رعى الله ساعة فيها قطفنا زهور الورد من روض الجمالي رعى الله ساعة فيها طربنا ترعنا الكاس من صرف زلالي أقبل فاه بسلوم المحبه وشف اشفاه فيها اشفن لحالي اعب الراح من ثغر الجواهر وخايل في ثناياهن خيالي محمد الأحمد السديري |
رد: ديوان شعراء السعودية في العصر الحديث (متجدد)☘️☘️
ان دك به هاجوس
يا زين والله ما نبي كود حسناك ارحم لروح في مخاطر دركها بجاه من صور جبينك وسواك اللي رفع سبع ثقال وسمكها ان ترحم اللي ما يبي كود لاماك روحي تبيك وجور حبك ملكها همه من الدنيا تزعلك ورضاك وكم حاجة تلزم عليه وتركها ان دك به هاجوس ذكرك تمناك وراحة شماله في يمينه فركها وقلبه يدور وينتحي يم مرباك كما يداور للكواكب فلكها يا غالي دايم على البال ذكراك حبك سبى قلبي وروحي شبكها ليتك تشوف اللي الى حل طرياك هاك النظير اللي دموعه سفكها انا إلى مني تذكرت فرقاك كنه يلوج بموق عيني حسكها وانا الحزين وعذبتني سواياك وخليت نفسي في مخاطر دركها انا دخيل ولاجيا داخل حماك وابواب عفوك عرش رجلي سلكها ارحم عسى يا زين يرحمك مولاك وعقدة حبال الهجر عجل فككها الروح لو أني بعيد تمناك والهجر والحرمان فيهن هلكها مدري متى الايام تسمح بلاماك ومتى محابيلي تصيدك شركها رميتني يا زين بحياض الادراك وطبيت بغباب ظلام حلكها يابو هلا في ساعة الضيق ابنخاك ياللي تبيع الروح في معتركها انخاك ياللي تسفك الدم يمناك الى تنازت بالنشا ما رمكها افزع لمفجوع على البعد ناداك والياس روحه بالضماير حشكها ان ما فزعت لغالي الروح تفداك اكبر خطر هجم علي ومسكها الطيب والله من مقرك ومجناك وخالك مصادير الجزيره حبكها المملكه عذرا تنور بالافلاك حمى طهارتها ولا حد فتكها محمد الأحمد السديري |
رد: ديوان شعراء السعودية في العصر الحديث (متجدد)☘️☘️
روحي من اسبابه العين رفرف جفنها من عناها والقلب جض وماج والرجل ساجت والصدر ضاق وعبرته ما قواها والوجد زاد ودمعت العين هاجت على الذي زود بكبدي ظماها اللي له النفس العزيزه تلاجت ما انساه دايم الريح يذري هواها حي جروحه بالمعاليق لاجت روحي من اسبابه تدانت خطاها ولا لغيره وطية الرجل داجت عليه عيني نثرت كل ماها وروحي وروحه بالموده تناجت ابعد وحالي جور حبه براها واوجست انا دنياي يا عمير ماجت تغطلست ما عاد اميز سماها وكثر الهموم لخافق القلب فاجت محمد الأحمد السديري |
رد: ديوان شعراء السعودية في العصر الحديث (متجدد)☘️☘️
ريحانة شمران كل الشكرآ لك على هذا الجهد والتفاني والطرح المفيد والمتنوع ايها المميزه دمتي في احسن حال والله يرعاك ويبارك فيك |
رد: ديوان شعراء السعودية في العصر الحديث (متجدد)☘️☘️
تسلم مديري الغالي على اطلالتك الحلووه لاهنت لك كل الود وعبير الورد |
رد: ديوان شعراء السعودية في العصر الحديث (متجدد)☘️☘️
حي جرح قلبي
جرح الهوا يا عمير ما حد يداويه غير الذي دماه ماله مداوي يا عمير انا جرحي من العام شاكيه باقصى الضمير بثومت القلب هاوي حي جرح قلبي ونجض مكاويه قل له بحق الحب يا عمير ياوي قل له يعف ولا يعذب مصافيه ان كان قلبه مثل قلبي شفاوي ان غاب دايم كن عيني تراعيه وان شفت غيره صرت مثل العماوي القلب من جور المحبه يباريه وعقبه بوسط الناس كني خلاوي عليه جسمي باري الحب باريه الله لحد يا عمير هو ويش ناوي بالعلم هو همي وبالحلم اناجيه وعليه اجاوب بالدجى كل عاوي ياليتني ما ذقت مره وحاليه وش جابني لولا أن هذي بلاوي ابعدت وابعد وانتحا القلب يتليه واليا جذ حبال قلب الرجاوي ما يرعوي للي بصوته يناديه وعزي لقلب ضيعته الهقاوي الليس سلب كنون عقلي وانا اغليه عليه يطويني من الود طاوي لو صحت له بالصوت ماهوب موحيه وكثر التوجد ما تجيب المناوي من اول قلبي مهينه وعاصيه وطعته على ما راد واصبحت غاوي محمد الأحمد السديري |
رد: ديوان شعراء السعودية في العصر الحديث (متجدد)☘️☘️
دايم يباريني
يا عمير كانك نايم فانهض الراس وان كان قاعد يابن الاجواد قم لي يا عمير انا اخترتك على جملة الناس ابيك في بعض الامور تحشم لي واللي شربت بكاس حبه بلا قياس يا عمير جذ البعد شمله وشملي متى نشوفه عقب الاقفا والاياس ومتى السعد عقب الفراق يخطملي ان غاب تهت بغبة ما بها اوناس وابري إل شفته وعمره سلم لي يكبر عناي إلى اسلمت عنه الارماس ويضحك زماني وان مشى بالقدم لي دايم يباريني من الود هوجاس . اما سرى مسراي والاجهملي باب الموده لي يناي بالاجراس والحب عن كل الخلايق قسم لي بالليل ياقف لي عن النوم حراس وكثر الهموم الموجعه ترتدم لي وان هب لي من يمة الشرق نسناس من شاف حالي بالشتا ينهضم لي وان قلت لي يا عمير لاباس لاباس اقول انا يا عمير ياثقل حملي يا عمير قلبي والمعاليق يباس قل للشريعه بالقصاص تحكم لي محمد الأحمد السديري |
رد: ديوان شعراء السعودية في العصر الحديث (متجدد)☘️☘️
هيهات اطيعك
توي ضحكت وفاز قلبي بفرحات من يوم اخو صنعا خذاها غصيبه عمير كساب الثنا والجمالات خلا جنين عمير يجذب قنيبه خلاه واقفا بالفتاة المعفات ما ناش قلبه منك يا زبن ريبه هيهات اطيعك يابو غشام هيهات فرخ الهوا بالجو صادف لعيبه عمير يرفع له من البيض رايات بيض تلوح فوق راس الجذيبه خلا ابيض الذرعان رجليه حفيات ان هم بالصيده تردى هذيبه لو انت علمته فروض الصلاوات ان كان بالمحراب تسمع نحيبه لاشك علمته دروب عسيرات وخلاك بالميدان عينك عضيبه فعلك بنفسك يا معزي سلامات مصيبة وش كبرها من مصيبه احصد بذارك باليدين الحفيفات لو شفت يالبراق فيها غليبه عينك من الجراح فيها علامات وجروح قلبك من قصيرك عطيبه طير تذكر له عصور قديمات يبي يصيد وباير به صحيبه شيب الذيا به ما يخالف على الشاة وعمير فرش كل شقرا ذويبه محمد الأحمد السديري |
رد: ديوان شعراء السعودية في العصر الحديث (متجدد)☘️☘️
يضوي ويسري
يا عمير ما جتنا ردود المكاتيب ولا شفت منكم يالعتيبي رساله عساك ما انتب ناسي للمواجيب وين النقا وين الوفا والجماله والهقوة انك سارح بالرعابيب وغزيرتك منهن تباري خياله والا وقفك العنيد اشمط الشيب اللي إلى جا الليل يسري لحاله ياما قطف ورد الغصون النبانيب لو هو حلال الناس كنه حلاله يضوي ويسري بالدجا كنه الذيب مر صباح ومر سرقه ختاله ولا يخاف من الرخم والمشاهيب ما يلحقه من قوجريه ظلاله بليل الشتا والا بحام اللواهيب يركض لحاجاته ذلوله نعاله ياما رقا في نايفات المراقيب واليا عوى ضار بصوته عواله ظار على قطع الفجج بالمهاذيب وكم غافل بالليل نثر إحلاله يارد على حوض المنايا إلى هيب ان شاف له جما تباري غزاله ولا يخاف من الرماح المغاليب عقب الظما يبي شاربه نهاله البيض صابنه بهاك المخاليب من الثنايا رش دمه سباله لو كنت اعرفه ما يقرب من العيب لاشك يتبع خاطره ما طرا له من صدتك يا عمير قلبي به الريب والحق بين ما يبي له ادلاله محمد الأحمد السديري |
رد: ديوان شعراء السعودية في العصر الحديث (متجدد)☘️☘️
ذابت الروح
عزوا ليك يا برق سرا خلت برقة وانا ما ذقت ماه ينبت الورد عقبه بالثرا ان نزل وبل ديمه من سماه ذابت الروح والجسم انبرا من حبيب سلب عقلي هواه اتلع الجيد والشعر اشقرا من عظيم البها ربه كساه هو هوا النفس من كل الورا الله اللي من الفتنه عطاه ان فقدته شكيت من العرا وان وجدته تظللت بذراه لام قلبي عذول ما درا ما يميز صوابه من خطاه ما درا عن غرامي وش جرا آه من ما جرا وا عزتاه عافت العين لذات الكرا من هوا اللي فوادي ما نساه من هوا اللي ليا منه طرا رفرف القلب من زايد غلاه باع خلي بقلبي واشترا من خطاياه قلبي ما رفاه بالهوا يبو بندر وش ترا منه قلبي على حامي لظاه شاقني بارق برقه سرا غارق ضوح برقه من طهاه محمد الأحمد السديري |
رد: ديوان شعراء السعودية في العصر الحديث (متجدد)☘️☘️
كُنْه الحُبِّ ( اللاحق )
https://poetsgate.com/img/divider_1.png دَعْ عَنْك عَذْلِيْ أيا عَاذِلي واعدِلْ، وهلْ في العدى مُنْصِفُ؟ لَوْ كنتَ تدري بما حلَّ بي كُنْتَ بِحالِ الفَتَى تَرْأَفُ هَيْفَاءُ يُصْبِيْ الفَتَى حُسْنُهَا كلُّ قوايَ لَهَا تَضْعَفُ ساعٍ سَعَى بَيْنَنَا قَصْدُه شَرٌّ إلى فُرقةٍ يَهْدِفُ لَمَّا التَقَيْتُ بها خُلْسةً أنْكرتُ منها الَّذِي أعْرِفُ يَا ضَيْعَةَ العُمْرِ إنْ لَمْ يَصنْ عَهْدَ الهوى بَيْنَنَا الأَهيَفُ مَنْ فَسَّروا الحُبَّ مِنْ قَبْلِنَا حَامُوا عَليه وما عرَّفوا فالحبُّ سرٌّ وأَنَّى لنا عن كُنْهِ سِرِّ الهَوَى نَكْشِفُ عبده فايز الزبيدي |
رد: ديوان شعراء السعودية في العصر الحديث (متجدد)☘️☘️
ابيه يرحمني
يا عمير سلم لي على مطرق البان سلم وقل حالي شكت حب حاله قله دموعي كنها وبل الامزان إلى انهشم عقب الرعد من عزاله عليه جاوبت القميري بالالحان والى عوا سرحان قلبي عواله للحب في قلبي محل وميدان وقلب براه الحب واعز تاله قلب معذبه الهوا سر وإعلان واللي وطا مجنون ليلى جراله الحب له عندي دلايل وبرهان افز للمقبل وراعي خياله بالقلب له عندي محل ومسكان لو هو بعيد الدار قلبي عناله حي ذرف دمعه لزينات الالحان ارخصت له يا عمير قلبي سباله ابيه يرحمني بروغات الاذهان إلى وقف غال لغالي قباله وعنده خبر من هو على الحب شفقان وداع الموده عذبه واستماله محمد الأحمد السديري |
رد: ديوان شعراء السعودية في العصر الحديث (متجدد)☘️☘️
https://poetsgate.com/Images/Users/sh3ra/_106.jpg متعب التركي متعب بن فهد بن خضير بن تركي العبيوي المطيري شاعر خليجي معروف, من الشعراء الذين تركوا لهم بصمة في الساحة الشعبية وتقريباً أعتزل الشعر قالو حبيبك قالوا حبيبك يسمع الشعر قلت أيه يقراه بعيوني قبل تسمعونه لولاه حتى طاري الشعر ما ابيه مير أكتبه من شان خاطر عيونه هو روح شعري وأمنياته وماضيه جذع الشجر وش كان لولا غصونه اكتب لغيره والقصايد تجي فيه كن القصايد حالفه ما تخونه هذاك لا منه زعل قمت أهاديه حتى وهو مخطي تعذرت دونه يمكن لو أنه يلمس الجرح بيديه يستغرب ان اللي لمسها طعونه ابطى وهو غايب وزلت حراويه وأنا من العام آتحرى مزونه هو مادرى اني في غيابه محاتيه ليته نشد عن حالي اللي يجونه واقلبي اللي توه أفلت عراويه كيف انسرق وضلوع قلبي حصونه عجزت أرده كان ماني براعيه يوم انتثر شوقه وهاضت شجونه يبسن عروقي لكن اللي يعزيه ان اكثر العالم تردد لحونه خافو من الله لا تجيبون طاريه لا صرت أنا موجود لا تذكرونه لو كل غالي جابه الله لغاليه ما شفت لك مخلوق تبكي عيونه متعب التركي |
رد: ديوان شعراء السعودية في العصر الحديث (متجدد)☘️☘️
وضح النياق
وين هالغيبه عسى ماهي إفراق ليه تبخل بالمجي خلّك كريم خابر ان الجرح لا صابه حراق ما يفيده طبّ والله العظيم ينشدوني وين من رمشه دقاق؟ قلت مدري ذاك خبري به قديم الغلا راعيه له قلبن رقاق لو جفيته صارت ضلوعه هشيم لو زعل لو شال غيضه واستضاق ما يخرّبها وجرحه بالصميم ادمح الزلاّت زلاّت الرفاق خصّ لا من صار راعيها حشيم واكره الخوّان كرهي للعراق واعشق الوافين عشقي للقصيم عند اهلها غاليه وضح النياق وانت عندي يمكن اغلا يا وسيم ان بغيت افراقنا هاك الفراق وش نبي بالحب دام الحب ضيم متعب التركي |
رد: ديوان شعراء السعودية في العصر الحديث (متجدد)☘️☘️
مشكور
مشكور يا بايع مشاعرك مشكور العام ذنب وهالسنه ذنب ثاني وش عاد اقول ولا بقى شي مستور ما طعتني يوم ابتسم لي زماني لا تعتذر لو خاطري منك مكسور لا تفتكرني دام قلبك نساني لا لا تقول ان الليالي لها دور شف من هو اللي كان فينا أناني مدري تصنعت الغلا زور في زور مدري انا اللي حيل كنت متفاني مثل العما ما تنفعه طلعة النور النور بعيون العما ما يباني عندي خبر لو جاك من يمي قصور لأقول انا مخطي وربي جزاني لو شفتني قاسي عليك انت معذور شفني من أول جرح لا زلت أعاني انا بشر مثلك لي احساس وشعور واغتاظ لا مس الكلام بكياني حتى وانا في قمة الغيظ مقهور بعض الحكي عيا يقوله لساني ابقولها لو قلت لي صابك غرور ما فيه احد ياخذ بقلبك مكاني العام قلبي فيك هايم ومجبور العام لا مني جفيتك عصاني واليوم حبك في حناياه مقبور لو ما دعيته للمفارق دعاني ذاك الهوى ما عاد لك فيه مقدور ابعد من ايام الرشي والسواني ما دمت راضي عن عذابي ومسرور ملعون ابو قلب ٍ عليك يحداني متعب التركي |
رد: ديوان شعراء السعودية في العصر الحديث (متجدد)☘️☘️
البارحه
البارحه مدري وش اللي خذاني يوم اجنبو عني من الضيقه اشملت جيت اتكلم بس عيا لساني ماكني الا مرتكب ذنب واخملت الله يسامح من ذكرت ونساني وانا ادري اني لاذكرته تجملت عانيت وادري كل طيب يعاني وعلى حساب طعوني الخضر جاملت ياما خذو مني ولاحدٍ عطاني من طيبتي في حق نفسي تساهلت عزاي لامنه تجهم زماني يممت وجهي للكريم وتوسلت واللي يبي قربي وبعدي لقاني امشي على وضح النقا ماتختلت مرات احس انك معي شخص ثاني ومرات احس انك حبيبي ومازلت لاتفرح انك دجت بين المحاني لو ماتخون الذاكره ماتسللت عشان ماضيك الجميل وعشاني حاول تشيل من الوفاء ربع ماشلت متعب التركي |
رد: ديوان شعراء السعودية في العصر الحديث (متجدد)☘️☘️
نهار الوداع
اخر اللي سمعته في نهار الوداع دقت القلب مدري صوت عجل الخطاوي نايف الطول وش سوابي الانقطاع صار بين الضلوع القلب كنه فداوي بيني وبين ضحكات السعاده نزاع كني اللي قضى عمره طريدن جلاوي لا تلوم الذي سوى لك المستطاع خف من الله وخل جروحنا بالتساوي عن هذيك النواعس ليه شلت القناع الحيا وين يلي طول عمرك حياوي كن خدك الطاهر بروقوشعاع اثرها رحمةن للناس بعض الغشاوي وش يفيدك عذابي ياغريب الطباع ليه دايم على الملتاع سيلك نحاوي امتلي غيض وازعل يوم وارجع بساع راعي الجرح يستحمل عذاب المداوي غالطوني وقالوا ليش هالاندفاع ادوخوني عليك مكثرين الحكاوي عذربوك بوجودي بالجفا والخداع فيك حلو الوصايف صوروها مساوي التزمت السكوت ورأيهم فيك ضياع لين قالوا متعب على البعد ناوي ميت القلب عرضت الغلا للضياع والله اني على قطع الرجا بك مراوي ماتغيرت لين انك لويت الذراع تحسب اني على الهجران ماني بقاوي لوتقول انت ماعقب الفراق اجتماع عندي اليوم كل اللي تقول متساوي او يقولون صار يخاف قلب الشجاع من هك الليله وبيت القصيد امتهاوي بين شقر الجدايل والعيون الوساع اذكر اني فقدت القلب في هالحراوي متعب التركي |
رد: ديوان شعراء السعودية في العصر الحديث (متجدد)☘️☘️
توديع الاحباب
توديع الاحباب مثل الموت له سكره أدمى جروحي وشق الصدر منيّا والقلب طيرن اضلوع الادمي وكره لاشاقه الطَّلع لاسَلَّم ولا حيّا مصير الاحزان تنساني وتفتكره ماكل الايام بيض وسمحتِ محيّا قل غيرها منْت لامجبر ولا مُكره لاصار ماهو غلا مابيلك احميّا لو في يدي شي ماقلت الوعد بكرة حزَّمت حدب الضلوع وقلتلك هيّا لو كل غالي يجي دايم علي ذكره ما صرت اشوفك هناك وحبك هنيّا ياليتني لا بغيت اكره قدرت اكره ما كان قلبي اليا جيت اكرهك عيّا ما دامك مْعِيِّف رح لكن على فكرة ما قلتلى ليه دمعك سال منَّيّا متعب التركي |
رد: ديوان شعراء السعودية في العصر الحديث (متجدد)☘️☘️
عطرها صلف
ذكراك لاهبت يجي عطرها صلف واستنشقه بالصدر مثل الخزامى إي والله إن غيابها مكلف كلف إي والله ان عروق قلبي توامى رمش النواعس والحجاجين والزلف ياماخذن قبلي قلوب النشامى أمضى من المصقول واسبق من الشلف سهم الهوى لوكنت عنه اتعامى لا يخدعك صبري على الجرح ماخلف هالشعر غير جروح قلبي تدامى لي خاطر بينه وبين الشقا حلف ياماعثت فيه المقادير ياما من عاش هالدنيا بلا صاحب وولف عزالله إنه عاش عيشت يتامى خل السوالف والمشاريه والحلف مبطي وأنا على الجروح اتسامى قلبن يضيق بذكريات الهوى جلف وقلبي مثل جرد القفار يترامى متعب التركي |
رد: ديوان شعراء السعودية في العصر الحديث (متجدد)☘️☘️
ماقلت لي شي..!
ماقلت لي شي وش خليت ماقلته اسكت وخل الكلام لجرحي الدامى لوغيرك اللي يسولف ماتحمّلته لكن على شان عينك هانت ألامى للحب مفهوم عمرك ماتخيلته ماأظن يستوعبه تفكيرك السامى هذا الفراق الطويل وهذي أسئلته هذا حصاد السنين وهذي أيامى ياما وياما عليك البال طولته والعمرعدى وأنا عايش على أوهامي حتى طريق الفراق اللي تساهلته لقيته أصعب على نفسي من أقدامى اصبرلي شوي لودمي تثاقلته بحاول أستوعب اللي صار قدامي الحب ضحكة بعينك بس ماطلته عمرك بهالكون شفت أبسط من احلامي! القلب لوماخفق لك كان ماشلته ولوماأنت ملهم قصيدي جفت أقلامي هذا قصيدي بعينك لو تجاهلته ينزف على شأن يروي قلبك الضامى العام طاري غيابك ماتقبلته واليوم حرماني أصبح مصدر إلهامى لاتعتذرلي وابنسى كل ماقلته وش ينفع العذر لامن ضاعت أيامى؟ متعب التركي |
رد: ديوان شعراء السعودية في العصر الحديث (متجدد)☘️☘️
ضحيت بالواقع
مرت سنه وشهور وشوية ايام على غياب اللي حلاها شمالي كم قلت في نفسي قبل عيني تنام يارب جبها عند ما أصحى قبالي تعبت ادور بين حزني والالام عن صبري اللي بقى منه تالي يابنت خليت السوالف للاقلام يكفيك لا عز الكلام انفعالي من صارت الدنيا حسابات وارقام وانا عجزت استوعب اللي جرالي ضحيت بالواقع على شان الاحلام وضحيت بالغالي على شان غالي حتى الغرام اللى كسر قلبي العام ماني بحاله كان ماهو بحالي ما بنحسب عمر البنادم بالاعوام بعض السنين نعيش فيها ليالي وجه التشابه بين وجهك والايام القلب خالي والليالي خوالي متعب التركي |
رد: ديوان شعراء السعودية في العصر الحديث (متجدد)☘️☘️
العيون السود
رجع بي طاري الذكر على ذيك العيون السود وأنا اللي قلت ماعاد الهوى يطري على بالي تناسيتك وشفت الشوق في قلبي عليك يزود اثرني مانسيتك بس من همي يورالي غديت وطاري الذكرى سواة الملح والبارود ليامنه قرب لي ثار شوقي وانقلب حالي تجي وتروح لكن في ضميري باقي موجود على حد السراب اللي زما طيفك تروالي تمر الثانيه في حسبه الساعه على الموعود اجل ربي يعينك لاغدى راع الوعد غالي سهيت ولا وعيت الاوقلبي للغلى مشدود تنبهت وبغيت الحق عليه ولا تهيالي وانا اللي خابر كل العلوم ونقصها والزود أضيع في موازين الحكي لا شفتك قبالي اسامح وادري اني بالجفا مبطي وانا المقصود وانا اللي لو من اولها جفيتك يمكن اشوالي على هونك توقا ماهي بكيفك نعيم العود تحاسبني وانا اللي راحت ايامي على الخالي حرام تضيع من عمري ليالي مالها مردود تعابير الشماته شفتها بوجيه عذالي انا ماني بعاجز لو بجازيك الصدود صدود يضيق المنزل بغيري ولا غيرت منزالي كريم النفس حتى بالمشاعر لاعطاك يجود على كثر العطايا مانشدتك ويش يبقالي تمهل واعرف اللي راح لا يمكن عليك يعود خذاه الوقت لاتستنقض المبطي مع التالي ابقطعها حبالك لو بها حبل الرجا معقود وابلقا عن مقيلك بالسعه لي في وظلالي متعب التركي |
رد: ديوان شعراء السعودية في العصر الحديث (متجدد)☘️☘️
رغم التعب
رغم التعب والتناقض منزلك عالي لو كنت في خطوتك تكثر تعاريجك عنيد لكن عنادك حيل ..يحلالي لو كان للعند تاج اعلنت تتويجك لكن ترفق وشوف وجيه..عذااالي تفرح..تايد صدودك لي.. وتحجيجك يكفي تشوف بعيونك ثوبي البالي اللي تمزق تحت قسوة كرابيجك حزين رددت للاحزان موالي وانت إتغنى فرح واسمع اهازيجك لا زلت احبك..ولكن وعد..يالغالي لابد..اوقف دعاباتك وتهريجك وإن كنت مهر ..ولا روضك خيالي . جيت وعلى جثتي عسفك وتسريجك متعب التركي |
رد: ديوان شعراء السعودية في العصر الحديث (متجدد)☘️☘️
نسيتي
نسيتني علمني وشلون ابنساك .في هالزمن نسيان الأحباب عادي شلون لأمرت علي البال ذكراك وطيفك سرق مني لذيذ الرقادي وشلون لاقالوا لي الناس وش جاك من كنت في لذة منامك تنادي شلون أعيش اللي بقالي بلياك لامن غدينا كل واحد بوادي لو قلت أداوى جرحي اللي تباطاك ماكل جرح يفيد فيه الضمادي أعلنت حبك لين كلٍ تمناك غلطه وغيري من خطاي استفادي لولي مثل قلبك تمنيت فرقاك واكيد قبلك بالجفا صرت بادي حلوه عذاريبك وحلوه مزاياك حتى بيوم فرا قنا كنت هادي كن الليالي ودها تكسب رضاك وآنا يطول مع الليالي جهادي في ذمتي ماهي غريبة خطاياك مبطي وقلبك لو تنبهت غادي سهله علي من كان مثلك وشرواك مثل الثياب يغيرون المبادي علمني اكره ذكرياتك وطرياك وانسى من الليلة صدوق الودادي ولاني بقايل عقبها وين ابلقاك راضي ولو إن جروح قلبي جدادي وإلا القصايد جعلها من فداياك لبستها مبطي ثياب الحدادي باكر علي المخطي يدورون الأفلاك ونشوف من يصعب عليه البعادي متعب التركي |
رد: ديوان شعراء السعودية في العصر الحديث (متجدد)☘️☘️
النصايب
يانفس هيدي لاتزيدين الاوجاع كافي من الدنيا نشوف العجايب ماني على من صد ضايق ومرتاع لاهو من الغالين والا القرايب لاصارمابيني ولابينه نزاع ولاجيته بزله ولا علم خايب حق الرفيق اني نهيته ولا طاع والراي مابه فرض والا غصايب يومه غدى بينت له كل الاوضاع ماقلت اخلي سايب الوضع سايب ناديت له لكن تجاهلني وضاع صد وعلى عمياه ساق الركايب اقفاعلى رايه ولافيه مرجاع مثل السحاب اللي قفته الهبايب للعلم بين الناس مدخل ومطلاع واللي يجّود حامض العلم صايب من ينطح المويه ولاعنده شراع ان عاش يرجع من هك الموج هايب والعاقل اللي لاخطا يرجع بساع يسترجع ولاياخذ الراي عايب واللي يصير لرغبة النفس مطواع لابد مايلقا العنا والمصايب والناس مختلفه لها اشكال واطباع بعض المعارف عرفهم لك نشايب بالناس من يلبس على وجهه قناع حسود لكن في ثياب الحبايب هذاك ماني في مخاواه طماع من قبل اجيه وخاطري منه طايب والا الرجال اللي لهم بالوفا باع وقفاتهم تبري الجروح العطايب واللي لفاك بحزة الضيق فزاع مادار وجهه عن سموم ولهايب ماصد يوم انك من الوقت ملتاع ماغاب يوم ان اكثرالناس غايب هذاك تشرى خوته كيف تنباع هذاك من شانه تهون الصعايب قلته وانا مالي ورى هرجي اطماع على افراقه لاتصير السبايب اسمع مادام الصوت ياصل للاسماع ان تبت ولا ياعسى منت تايب مادامها صارت حزازات واتباع مالي ومال مدورين الطلايب واعرف تراها لو شكت ثقلك القاع مصيرها تركز عليك النصايب متعب التركي |
رد: ديوان شعراء السعودية في العصر الحديث (متجدد)☘️☘️
وسيع البال
ياوسيع البال ضيّقت الصدور رحت ماعلّمتنى وين أنت ساري فى غيابك مال خلق الله حضور وفى حضورك مالهم بالبال طاري ليه ماتختال يابدر البدور والقصايد لك وصيفات وجواري لك بنات الفكر ربات الخدور يكشفن لثامهن والجرح عاري جعل قلبٍ ماملاه الصدق نور عند وجه الريح مايلقى مزاري التغاضى عجز لاطال القصور ليه أدارى وأنت عني منت داري الزمااااان قصير والدنيا تدور كل يوم يضيق فى عينى مداري صاحبى محتاج لك شعر وشعور وإحتياجى شى ماكان إختياري من متى والغصن يختار الطيور من متى والبال يختار الطواري لاتسمى صمتى البارح غرور انكسارى خلف هالصّمت متواري فى غياب الشمس وش ذنب الزهور والمطر لاشح وش ذنب الصحاري اللقا لحظات والغيبه شهور تقصر الخطوات ويطول إنتظاري لو قريت المنكتب وسط السطور ماكتبت لغلطة العمر إعتذاري صمت هالمينا مثل صمت القبور مارسى مركب ولا لاحت صواري متعب التركي |
رد: ديوان شعراء السعودية في العصر الحديث (متجدد)☘️☘️
ويش استفيد
هاك ذكراك من ذكراك ويش أستفيد كافي أن المشاعر هايمه كلها ودي انساك والنسيان ماهو اكيد كيف ابنسى عيونن رمشها ظلها من هك اليوم وانت اللي بعيني وحيد ماخبرت العيون تمل من خلها مير نفسي عزيزه وانت رايك عنيد والنفوس العزيزه ماتبي ذلها ليه تعطيني الدافع واقول القصيد ليه صفحه غرامي ترجع تفلها ليه ترجع على الماضي تزيد وتعيد وانت من عام الاول عاجز تحلها مابرى الجرح الاول كيف يبرى الجديد شوف حالي نزيف جروحها سلها كل ماشفت لك ذكرى وربي شهيد كن نزاع روحي بالحفا تلها اندفعت لغرامك يالغزال الفريد والغلا له دروب خاطري دلها فرحتي بالقا رغم انها ماتفيد فرحه القاع لامن المطر بلها وش بقى يالسراب اللي قريبن بعيد المحبه وراحت وانتهى حلها لو كل بكيفه ياخذ اللي يريد كان ماشفت ناس تموت في غلها هاك فرقاك خذها خل قلبك شديد خلها ماشيه بحمولها خلها كل مازاد تعذيبك ذنوبك تزيد الله اعلم صلاتك باطله كلها متعب التركي |
رد: ديوان شعراء السعودية في العصر الحديث (متجدد)☘️☘️
من عام الأول
لو قلت مرتاح مانفسي بمرتاحه غير التعب في غيابه ماني بلاقي من عام الاول وقلبي تنزف اجراحه ضاقت على الوسيعه والفضا ضاقي لا بال مرتاح لا فرحه ولا راحه كم لي سنه وانتظر غيبات سراقي ارجيه عقب البطا لو طال مرواحه كانه على هقوتي ماخان ميثاقي قلبن يذوق الهوى من يكبح اجماحه خلوه يرتاح دامه بالهوى شاقي اضحك وقلبي مع اللي عجة ارياحه لا قلت ياقلب طالت قال وش باقي اللي عيونه وساع سود ذباحه ازريت اداري غلاه بخافي اوراقي ساكت وعيني ولو ماقلت فضاحه حتى القصايد تخون وتفضح اشواقي لو ما بغيت الهوى صابتني ارماحه ماجاه دون اللحم ساتر ولا واقي مثل البحر كم غرق به ناس سباحه تضيع مع قوَ موجه هقوة الهاقي خبري بقلبه صدوق الشوق يجتاحه عندي خبر فيه مايقوى على فراقي اتعب وغيري يجي وياخذ على الراحه من حظ غيري وانا اللي زارع وساقي متعب التركي |
رد: ديوان شعراء السعودية في العصر الحديث (متجدد)☘️☘️
مريت الاطراف؟
جابتني الذكرى على الماضي كتاف سجيت كني توني مكتشفها سرى بي الهاجس ومريت الاطراف دوجت حول الساعتين بطرفها نعم تذكرت الزمان الذي طاف غديت مثل اللي عيونه طرفها لي في غرامن فات كلمه ومقياف لولا خفوقي هام بك ما وقفها اول غيابك قلت مابي خلاف واليوم شف حالي غيابك تلفها تجهل جروحي ياللي جروحك خفاف معذور لو قلبك جهل ما عرفها ياليت مجروح الهوى جرحه يشاف لقول قرب من جروحك وشفها شفها بعينك كانك من الله تخاف حاول تصلح غلطتن مقترفها العمر لامنه خلا منك ينعاف في حال والا حال غير تعرفها قدام عينك لو تطلعت وخلاف تلقى الخفايا خاطري لك كشفها خايف ومن مثلي معه حق لو خاف تبعد ونفسي ماتحقق هدفها ماللهوى عندك مواثيق وانصاف ماكنه الا لعبتن محترفها اليوم لو ذكراك ترجع بي خلاف محبتك سيل التهايم جرفها متعب التركي |
رد: ديوان شعراء السعودية في العصر الحديث (متجدد)☘️☘️
ضايق البال
ضايق البال مايستانس الحاله وانت لاغبت عني كني الحالي جتك الاشواق رجليه وخياله غير الاول تحمل شوقي التالي ليت من قال متعب خابت اماله شاف بعيونك الخدرات منزالي واحدأ فيك ماهو منشغل باله اشهد انه بها الدنيا هو السالي راوي العود يزهالك وتزهاله عاد من يقدر ايلومه إليا مالي صاحبي والقصايد فيك مختاله وأنت لك حق فيهن يوم تختالي دام نفسك لحب الشعر مياله ليه ماصير شاعر وانت في بالي من تمناك لاتنشد عن احواله كيف عقب العسل يستطعم الحالي عقبك النفس مذعوره ومهتال هسود الايام هزت برجي العالي لكن القلب من يمك على حاله في تناسيك ليه اكذب على حالي قلت لك نعمة النسيان زواله ذكرياتك بعضها قام يبرالي كل مامرني طيفك على فاله قلت يامرحبا في ريحة الغالي شلت همك وهمي ماحدأ شاله كن قلبك غدى ياصاحبي خالي! إبتعدنا وكلن راح في حاله بين هالناس لكن كني الحالي متعب التركي |
رد: ديوان شعراء السعودية في العصر الحديث (متجدد)☘️☘️
لاتنشغل
لاتنشغل فيني أنابحالي ادرى قلبٍ تعلّق فيك ينسى مع الوقت اكثرمن اللي صارلي ويش يجرى بين الرجاوالياس فكري تعلّقت مثلي ولوشفته عن همومه ازرى ماقال ليتك في جروحه ترافقت هاك القصايد لاتضايقت واقرى شف وشكثرفيها لبسماتك اشتقت أثرالوفا ينباع عندك ويشرى ماكنت اصدق فيك واليوم صدّقت يامشتهي فرقا المواليف حذرى تبعد وأنا من سكرة الحب مافقت لاطافت الفرصه تحريت الاخرى وتروح ماكني عليها تشوقت ساري لو إن الليل مافيه قمرى اشيل من حمل الهوى فوق ماطقت لاصارحظ أقشروالايام قشرى مافيه احد عاقل يلومك إلياضقت صحيح بعض الناس فرقاه بشرى وبعض البشرلاغاب ليله تضايقت ليتك خذيت بليل الاحباب مسرى غربت من كثر الطواري وشرّقت السيل يبقاله على القاع مجرى ويبقالك التذكارلوكنت فارقت اشوف لك من وين مارحت ذكرى ولاشفتها صديت عنها ودنقت ماكل جرحٍ لاخذا أيام يبرى بعض الجروح يزيد شره مع الوقت متعب التركي |
رد: ديوان شعراء السعودية في العصر الحديث (متجدد)☘️☘️
يقصر الشعر
قلت القصيد وقال لبيك لبيك على مثل عبدالله اتعب اخيولك من قبل لا اشوفك واعرفك واحاكيك اسمع من افواه النشاما فعولك كلن مدح فعلك عسى الله يعافيك والناس لولا فزعتك ما عنولك مافيه مجلس ينذكر فيه طاريك ألا ورواده بطيب اشهدولك جيتك وانا اسمع فيك من قبل ماجيك ودخلت قلبي بس من شفت زولك جيت ولقيت ان التواضع سمه فيك عرفت منها وش سبايب قبولك واحترت مدري ويش اقول بمعاليك الشعر يقصر طايله ما يطولك المجد يتبع يابو راشد خطاويك كنه لكل الناس يعلن وصولك الطيب مثل ظلال زولك يباريك وافق ميوله يابو راشد ميولك لله در الشايب اللي مربيك ولله در اللي بعد صوتو لك مافيه طيب ماتمنا يخاويك لوشفت في قلبه مكانك يهولك اسمك جمع ناس وقبايل حواليك ومدوا يديهم لكريم ودعولك والطيب يلقى عندك وفي حراويك والا وش اللي يجمع الناس حولك كم واحدن وده بطيبه يجاريك حاول ولكنه تثاقل حمولك ان كان بك عذروب عيبك تماديك بالطيب وافعلك تجي ضعف قولك هذا بعض شعري وصف بعض مافيك الشعر شعري والفعايل فعولك متعب التركي |
رد: ديوان شعراء السعودية في العصر الحديث (متجدد)☘️☘️
مداعبة نسيم الليل
يطول الجفا وتشاغل الخاطر المكسور ويبقى مع الايام طاريك بلساني اشوفك بعيني مع غياب وطلوع النور ذكرني خيالك يوم قلبك تناساني تذكرت يوم اني معك راضين مسرور وسجيت مدري هاجسي وين وداني تخيلتك وفزيت طولي بدون شعور اثاريه طيفك صار له وقت ماجاني طرتلي ليالي لو تذكرتها معذور لو الوقت يرجع كان انا جيتها عاني يداعب نسيم الليل مجدولك المنثور تغطيه عني والهوى يكشفه ثاني تفوح الجدايل مسك مدري عطر وزهور تعنيك في طولها والشوق عناني اثر من تولع لو سمع مايطيع الشور هو اللي يشوف وباقي الناس عمياني نسيت الليالي ذيك وشلون يامغرور انا كنت اغالط من يقولون تنساني هذيك اليالي وين اثر الزمان يدور رجح في عيونك ذيك الايام ميزاني انا كيف ابنسى خابرن قلبي المجبور لو اني نسيتك ماني بناسي احزاني زمان مضى له دور واليوم غيره دور انا اليوم مالد النظر لو تعداني كفى ماجرى ما فيه داعي تجي مشكور غرام الليالي ذيك خله على شاني متعب التركي |
رد: ديوان شعراء السعودية في العصر الحديث (متجدد)☘️☘️
دليل المحبه
دليل المحبه شوف عيني عليك تغار ولاودي الحاسد عيونك يطالعها مع إنك رحلت بعيد لكن بقى التذكار لياشافته عيني تسابق مدامعها دفنت الغرام بخافقي والقلوب أسرار مشاعرهقيت إن الليالي تضيعها فرحت برجوعك ماطلبت لخطاك اعذار ونفسي نست ماجرى من تواضعها تهادت مشاعرخاطري لك بلا معيار تجاهلتها لوكنت خابر دوافعها يقولون جنّب درب مالك معه معبار يلومون نفسٍ بعد لاحباب موجعها يقولونها قبلي يخون البحر بحّار والآمواج لاهاجت خذت ماتبي معها تكاثرت منك الصد وأثرالعلوم كبار لقيتك على نفسي تقلّب مواجعها اقوله وأنا اللي شفت ذاك الغلا ينهار يشوف الندم رجّال نفسه يطاوعها مثل ماضرب جّوٍ خلا غاي محتار يدّوج ورجله مادرى وين موقعها تعرض سموم القيض والدار مامن دار هليك وشعربالموت روحه ينازعها جحدت الغلا لين امتلا بالخفوق وثار قصايد عساها اليوم تطرق مسامعها غرامك مثل نارٍ حطبها الغلا النار تموت وغلاك اللي بقلبي يولعها غلاك بضميري واضحٍ ماعليه غبار تشيل الغلا نفسي وأنا عاجز امنعها يقولون ماودعّك:قلت الفراق وصار والإنسان روحه تنسلب مايودعها! هذيك الليالي وين أثرالزمن دوار خذاها ولاظني زماني يرجّعها طوتها السنين ولابقالي سوى التذكا لياشافته عيني تسابق مدامعها متعب التركي |
| الساعة الآن 07:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية