رد: فوق هام السحب ( الشعر الشعبي) على متن القوافي
 

‏كل ما اقبل علمٍ يسر وافردت الكفوف
‏حال دونه علمً اخر ورده وصرفه

‏صار حلمي بيت بدواً يرزونه ضعوف
‏كل ما قام اطرفه ميّل وطاح اطرفه

‏ياوجودي وجد من لاعته شهب الظروف
‏لين شافه من يعرفه ولاعاد عرفه

‏ووده انه بعض الاحيان ماهوب معروف
‏كل ماضاقت عيونه من الدمع اذرفه

.....

رد: فوق هام السحب ( الشعر الشعبي) على متن القوافي
 

‏منهو إللي ما يهوجس وصدره ما يضيق
‏ أعتقد ما فيه حيٍ على هالدنيا أستراح

.....

رد: فوق هام السحب ( الشعر الشعبي) على متن القوافي
 

أنتي عن الذل والحقران مرفوعه
والناس في خدمتك ورضاك طمّاعه

سمّي وقولي ترا كلمتك مسموعه
واذا سكتي نقول السمع والطاعه

اهم شيء التعب والضيق واللوعه
لا يرتدي وجهك الوضاّح وشعاعه

.....

رد: فوق هام السحب ( الشعر الشعبي) على متن القوافي
 

يمّرني شي يغيب بالاذهان
الله ياجعله مايمر الصحيبي

يعني لو مألتهي بعض الأحيان
والله العظيم أن تفرط يدي جيبي

.....

رد: فوق هام السحب ( الشعر الشعبي) على متن القوافي
 

‏الناقص اللي ينـقـل القيـل والقـال
نشطـب علـى مثلـه مدامـه خسـاره

قد قال شالح في قديمات الأمثـال
مـن شـق ستر الناس شقـو ستـاره

.....

رد: فوق هام السحب ( الشعر الشعبي) على متن القوافي
 

‏يوم بان الحق قدام الصحيح
إتضح لي كثرهم من قلهم

كنت أظن واحد ورا واحد يطيح
كيف طاحوا من عيوني كلهم

.....

رد: فوق هام السحب ( الشعر الشعبي) على متن القوافي
 

ابحث عن القمه ترا القاع مزحوم
‏لا تنزل لبعض العرب وانت عالي

الحبابي

رد: فوق هام السحب ( الشعر الشعبي) على متن القوافي
 

‏مامسحت محادثتنا كل يوم اقراها
‏وكل يوم يطيح دمعي لا قريت حروفك
‏َ
‏يا سقى الله ليلةٍ نسهر على قمراها
‏يوم أقول الشعر من جوفي ويدخل جوفك
‏َ
‏عشت أنا وياك ب أغلا ايامنا واحلاها
‏يوم كنت تزورني ما تعتذر ب ظروفك
‏َ
‏كيف رحت مع الجفيّا وأنت ما تقواها
‏كيف ترقد عينك الحلوه وأنا ما اشوفك

.....

رد: فوق هام السحب ( الشعر الشعبي) على متن القوافي
 

‏نسايم هبوب عصير هبّي على المشتاق
‏أمانه قبل وقت الغروب أطرقي جوفه

‏طواري غروب الشمس مالي عليها أخلاق
‏وعلى كثر ماهي تتعب القلب مألوفه

.....

رد: فوق هام السحب ( الشعر الشعبي) على متن القوافي
 

‏لا عاد تنشدني ورى الخاطر حزين
‏ان كان عندك عقل شفني واعتبر

‏الفقد يوجع والغياب احيان شين
‏ولا تنفع الحيله اليا باح الصبر

‏واللي يقول مع الشتاء الخطّر تزين
‏ما جرّب الفرقا ولا الحظ الغبر

‏بدا يطول الليل ويزيد الحنين
‏للغايبين اللي ما طقو لي خبر

.....