|
رد: فوق هام السحب ( الشعر الشعبي) على متن القوافي
ماشوف غيرك لجل أحبه وأخليك
أعميتني ياروح روحي عن الناس تستاهل أحبك وتستاهل أغليك وإحساس حبك ماخلق مثله احساس .... |
رد: فوق هام السحب ( الشعر الشعبي) على متن القوافي
يا زارع الكِبر والمحـسوبية والحسد
من حب يحيى على الدنيا لوحده هلك لا تؤذي أرواح غيرك ثم تحيا جسد إتقبل الناس حتى الناس تتقبلك الثعلب الشين ثعلب وان تحول أسد والآدمي يايقع شيطان والا ملك .... |
رد: فوق هام السحب ( الشعر الشعبي) على متن القوافي
يا باقي العمر دنيا الناس خداعة
تجري سفنها ولا نعرف مراسيها تطوي من أعمارنا باليوم والساعة والعالم الله كيف نعيش باقيها يالله بحسن الختام وصادق الطاعة وأعمال تبقى تبيض وجه راعيهـا .... |
رد: فوق هام السحب ( الشعر الشعبي) على متن القوافي
لو الليالي تجينا مثل ماودنا
ما كان للشوق رغبه في وضوح النهار ولو صواديف بقعاء مايله نحونا لاتسبر اوضاع قد حلت عليها الدمار ولو بيوت السعاده وارضها ملكنا لاتصبح ايامنا بهجه* فرح وازدهار .... |
رد: فوق هام السحب ( الشعر الشعبي) على متن القوافي
ياهلا باللي عيوني ما تمله
من لنا غيره بها الدنيا حبايب منزلـه في خافقي ماحدٍ وصله جيت له في لهفتي حاضر وغايـب .... |
رد: فوق هام السحب ( الشعر الشعبي) على متن القوافي
دام صدري على ضيق الليالي كتوم
بخيط به كل جرحٍ صاحبه ما درى العين صامت لكن جابت الدمع توم لين أرتوى وجهي الشاحب ووجه الثرى لابُد جرح المفارق له مع الوقت يوم يبرى ولو طالت المده وهو ما برى هذي محطة رحيل وهذي محطة قدوم وقلوبنا ماهي للبيع والمشترى .... |
رد: فوق هام السحب ( الشعر الشعبي) على متن القوافي
الضامي اللي جف ريقه على ماك
اسقه من عدود الغرام المناضيح معطيك روحه وانته أجزل عطاياك جرحٍ مثل مضراب شلفا شليويح. عناد القثامي |
رد: فوق هام السحب ( الشعر الشعبي) على متن القوافي
و الليّ بلا موعد من الوقت جمّعنا
لو في يدي شي كان احقق احلامك بكل ما تحمل الاشواق من معنى اي والله اشتقت لك واشتقت لـ أيامك .... |
رد: فوق هام السحب ( الشعر الشعبي) على متن القوافي
يانازحين المحبه في الصدر لاتجون
وياجارحين الشعور البعد قلة حيا ويالاجئين الدموع ابكو مثل ماتبون ويامهاجرين الديار الوصل منكم ريا .... |
رد: فوق هام السحب ( الشعر الشعبي) على متن القوافي
تدري وش الحاجه اللي تتعب اعصابي
لاجاء رفيقي يبي فزعه وانا ماقدر طاح الفشق والحزام وطاح مشعابي لو سقت عذري اشوف الناس ما تعذر يالله برزقٍ يجملني مع اصحابي لو ان بعض العطاء في بعضهم ماثمر وانا على الغانمين اسوق ترحابي ما كل من كثر ترحابي ولا افتر .... |
رد: فوق هام السحب ( الشعر الشعبي) على متن القوافي
انبشمنا مــن تصاوير التباهي
كلٍ يصور مواعينه ونومه ان طبخ له كبسةٍ وان صب شاهي بثها للناس مدري وش لزومه اشكر النعمه ترى يا خوك ماهي للتفاخر فيه فاقد قوت يومه .... |
رد: فوق هام السحب ( الشعر الشعبي) على متن القوافي
ارجـوك جفـت دمـوعي لا تبكيـــني
يكفيني اللــي مــن الهجران قاسيته ياما مـن الدمــع لاجلك هلته عيني لا اوحيت طاريك غالي الدمع هليته ما تــدري انه علـــيك الــود طاويني ما تــدري انه عليك الليل ما امسيته ما تــدري انـك بـنـــار الحب كاويني ما تــدري انه عليــك الشــوق غنيته يا جـارح القلب زدت الجرح جرحيني ما انصفت في القلب يوم انك توليته .... |
رد: فوق هام السحب ( الشعر الشعبي) على متن القوافي
إسمعوا إياكم أعني وإسمعي ياجاره
والله إن أحوال بعض العالم المشهوره مثل جملة تنكتب في مراية السياره تبدو الأحجام أصغر منّهـا فالصوره .... |
رد: فوق هام السحب ( الشعر الشعبي) على متن القوافي
ابتسم ترى العمر تحصيل حاصل
كن سعيد اكثر تكون اكثر وسامه السلام اسهل أساليب التواصل واجمل انواع السلام الابتسامه .... |
رد: فوق هام السحب ( الشعر الشعبي) على متن القوافي
عادتك ما تترك لغيرك مجال
يختفون الكل اذا نجمك لمع يضربون بنورك الطاغي مثال منزلك عالي وشانك مرتفع .... |
رد: فوق هام السحب ( الشعر الشعبي) على متن القوافي
لا غلبكم صمتي وقاد المهمه
أعذروني عاد انا صمتي سلاحي ذمّكم للي بعيد عن المذمه من سماحة خاطري يطلب سماحي اهرجوا حتى ولو جات المطمّه دام وجه الليل يخجل من صباحي والله انه مابقالي غير قمّه أصنعوا من هرجكم سلّم نجاحي .... |
رد: فوق هام السحب ( الشعر الشعبي) على متن القوافي
من صد عني عنه يابدر ماسـلت
مالي ورا الناس المصدين شقوى ولو قال بي شذّاب الاعراض ماقلت قصرت عنه الـشين شيمه وتقوى مادام لي حيله صبرت وتحملت وإن قلت الحيلات حيل الله اقوى .... |
رد: فوق هام السحب ( الشعر الشعبي) على متن القوافي
قاسمني الليل طوله توّنا بدري
غنايم الليل ياهاوي الدجا حسره تعال اعلّمك عن شيٍ ورى صدري راح اكثر العمْر مافك الحديث اسره نرمي بالاحلام للهقوات ماندري ان العمر غصنٍ يراود الاجل كسره .... |
رد: فوق هام السحب ( الشعر الشعبي) على متن القوافي
هبّة النود أشغلتني وأنا وقتي ثمين
اتقدّم كل ليله وأرجّعها ورى نسمةٍ من واقع الطيش والحلم الدفين ما يذرّي عن هواها حجاب ولا ذرى كنّها تستقبل الشك من حضن اليقين وترسم أبعاد السعاده على وجه الثرى حبّها ما هو بسنه ولا هو فرض عين تحسب إن سوق المحبّين بيع ومشترى .... |
رد: فوق هام السحب ( الشعر الشعبي) على متن القوافي
يا أول غلا وآخر غلا يكبر مع الوقت ويزيد
جعلك بعد ناسٍ محبتهم تباع وتنشرى يا عزوة اللي ما يليّنهم سوى رب العبيد جمعٍ ليا رد البرا ما يكسر النظرة ورى وأنا عزيز ومن هل المجد المخلّد والتليد ياما تغنّوا في مواقفنا من القوم شعرى .... |
رد: فوق هام السحب ( الشعر الشعبي) على متن القوافي
اذخريني للمقادير وعجاف السنين
والظروف اللي هبوب الزمان تهبها واطلبي مني والبي وش اللي تطلبين لو تبين ازل روحي غلا واصبها شاعرك قدام حسنك من الفتنه يلين ياخذ من ضلوع صدره حطب ويشبها |
رد: فوق هام السحب ( الشعر الشعبي) على متن القوافي
ياطالبين الربح عندي لكم ربح
يفوق روس أموالكم عشر مرات صلوا على المختار بالليل والصبح وصلوا عليه وسلموا كل الاوقات اللهم صل وسلم وبارك على نبينا محمد |
رد: فوق هام السحب ( الشعر الشعبي) على متن القوافي
هلا باللي يفز القلب لامني قريت اسمه
ولامني كتبت الشعر طيفه مصدر إلهامي هلا باللي رسمته في معاليق الحشى رسمه رسمته بالخيال الخصب ما هو رسم رسامي .... |
رد: فوق هام السحب ( الشعر الشعبي) على متن القوافي
خلّه يقفّي الصبح و نبشّر الليل
للشعر مع ليل الملاهيف خوّه ياوجهٍ يغيض الصدور المداهيل أبرق سحاب الشوق وأنباج نوّه أرخ الحمول الكايدة و ازهم شعيل للحين لمتونه على الشيل قوّه فأثنينك وعينك وفاهك تفاصيل لاجيت أغلّق وصفها قمت انوّه أزرع على عنقك ولا القى محاصيل غير الخمار اللي تناثر علوّه ما ودي الا ندفع الشك ويزيل واقول توّ الليل و تقول توّه .... |
رد: فوق هام السحب ( الشعر الشعبي) على متن القوافي
خذاك الصد ياوجهٍ عليه من الغيوم وشاح
مراويحك دروبٍ ماقدرت اقطع حراويها بعد جفّ المقام وصارت يدين الكلام شحاح قصرت الخطوه اللي عن دروب العيب مدرجها خذيت من السماء مسعى مرام وماقدرت ارتاح جزاي ان المساعي ماتقدّر قلب راعيها وقدرت اخذ من عيون الزمان الممحلة مفتاح وعجزت افجّ بيبان الوصل عن بكرة ابيها تمرك ذكريات العام نوقٍ شدها المسراح وامرك ليلة تتعب رجولي من مساريها غريبٍ ما لمح وجهك وجيه وطبعه اللماح خذا كف القصايد لين سلّم لك نواصيها ركض والارض ترتابه وقدامه ظما ورياح يشوفك وجهةٍ "ماطالها لكن يباريها" تحادى من دهاليز السنين وقام ، قام وطاح عسى ما شر ياعينٍ تموت السالفه فيها؟ على بالي سنا بدوٍ تشوف الصبح للمرواح وعلى عيني طيوفٍ تنتظر صوتك يناديها .... |
رد: فوق هام السحب ( الشعر الشعبي) على متن القوافي
خذيت لون القمر مدري خذا لونك
مرات احسه ليا من غاب بأسبابك أرقد ورا مرحبا واصحى مع شلونك ياكثر ما نامت عيوني وتصحى بك .... |
رد: فوق هام السحب ( الشعر الشعبي) على متن القوافي
استر عيوب الناس تستر عيوبك
يااللي لسانك للمخاليق فضّاح واترك ذنوب الخلق وانظر ذنوبك ترى الزمن دوّار والسّر ينباح .... |
رد: فوق هام السحب ( الشعر الشعبي) على متن القوافي
فاعتقادي نبضة العشق الهيام
وفاعتقاد الروح له مذهب ودين وفي عيوني نوور يرمز للسلام لمعة اشعاعه محياك الحسين .... |
رد: فوق هام السحب ( الشعر الشعبي) على متن القوافي
ياحي من جاني وفي عينه الشوق
ياحي منطوقه وياحي شوفه الغالي اللي بالغَلا منزله فوق كل المشاعر في حضوره شغوفه .... |
رد: فوق هام السحب ( الشعر الشعبي) على متن القوافي
ليه المسا يزيد في وجهه الشوق
ويكشف شعور اللي للاحباب مشتاق في جيته سهم الوله يرتفع فوق يموت دونه شوق وتحيا به اشواق .... |
رد: فوق هام السحب ( الشعر الشعبي) على متن القوافي
بيوت الشعر ماردت
ولاعاشق على معشوق نحسب الشعر يسلينا وهو اللي لعب فينا .... |
رد: فوق هام السحب ( الشعر الشعبي) على متن القوافي
إجلس مع نفسك وحدد موقفك
من قبلما تصبح وقدامك قفاك بعض المواقف اذ انت شامخ تدهفك وتقرشك من عند راسك لا حفاك إجلس مع نفسك وحدد موقفك وماتنزل لك من الباري كفاك لاتنتظر من شخص ظالم ينصفك ولا من الخاين يعبر عن وفاك ولا تناظر من مصوب يسعفك جريح مثلك كيف يمكن له شفاك لا اليد خضراء كل حد بيوصفك بالطيب والجوده ويلمع من صفاك وان شح وقتك قالو الله ينتفك ويوم تبرد ماتحصل لك دفاك وأحيان يكرم فيك ذا مايعرفك وصاحبك والأخ يطعن من قفاك .... |
رد: فوق هام السحب ( الشعر الشعبي) على متن القوافي
ماعاد باقي بالمجالس تعاليل
راحت سنين الفرفشه والوناسة أن قلت هاتو سالفة يا رجاجيل كلن على الجوال دنق براسه .... |
رد: فوق هام السحب ( الشعر الشعبي) على متن القوافي
انا بنت من يكرم الضيف والجار
وانا حفيدة من لايهاب المنايا ابوي له سيره وجيره وتذكار يشهد له المجلس وشيخ القضايا وجدي وابو جدي لهم كامل الدار في عهدهم شاخوا وقادوا سرايا .... |
رد: فوق هام السحب ( الشعر الشعبي) على متن القوافي
رح لـ السهر وأصحابك المزاحه
ليلك مع الافراح توه بادي وان كان تنشد ويني من الساحه ومن كل صوت في الغياب ينادي انا فقدتك وافتقدت الراحه والابتسامه والمنام الهادي انا الشجاع اللي القصيد سلاحه وان كان اخذته من يديه فعادي .... |
رد: فوق هام السحب ( الشعر الشعبي) على متن القوافي
احرص على خوة اهل الدين والطيب
اللي بذكر الله كثيرين حكاها اهل العلوم الغانمة والمواجيب اللي على المسجد سريعه خطاها .... |
رد: فوق هام السحب ( الشعر الشعبي) على متن القوافي
اما تمرجلنا على العز والدين
والا احسن الله في المراجل عزانا من لانشوفه في صفوف المصلين نفارقه لو هوه من أعز اخويانا .... |
رد: فوق هام السحب ( الشعر الشعبي) على متن القوافي
الحياه مغامره والتضحيه سموحه
حاجةً تخلف طريقك للصعود أخسرها الفرص ما تترك الابواب لك مفتوحه كان ما عندك مفاتيح القفول أكسرها .... |
رد: فوق هام السحب ( الشعر الشعبي) على متن القوافي
لو ان ضياع العمار يروح مجاني
والله ما اعود لو ان الضيعه الضيعه كنك على بيعة الدنيا تحداني وانا اللي مضريً روحي على البيعه .... |
رد: فوق هام السحب ( الشعر الشعبي) على متن القوافي
الطيب مايوخذ سلف وأستعاره
والمرجله ماهيب درسن ودستور والرجل تعرف قيمته من وقاره ماترفعه شيخه ولا مال وقصور .... |
| الساعة الآن 03:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية