رد: ديوان شعراء السعودية في العصر الحديث (متجدد)☘️☘️
 

قصيدة محراب صمتك
الشاعر: زايد الرويس زايد الرويس
#العصر الحديث
#المملكة العربية السعودية
0
91 مشاهدة

على محراب صمتك علقيني

أبخنق شك قلبي في يقيني

والى مني تماديت فحضوري

وشفتي لهفتي فيك اطلقيني

أبركض فالسحايب واتبلل

واذا شفتيني ابطيت الحقيني

ابغرق في غرامك يا غرامي

عليك الله وامانه واغرقيني

ألا يا نور هالدنيا واهلها

مثل ما اعشقك ودي تعشقيني

ترى مالي سواك انتي حبيبه

ولا حبيت غيرك صدقيني

لأنك ساكنه في وسط روحي

ابزفر لهفتي بك واشهقيني

والى هب الشتا البارد علينا

بلاش النار قومي واحرقيني

أبدفى في حضورك عن غيابك

واضيّعني وادوّر والتقيني

باحطك يا عيوني في عيوني

وحطيني فعينك واسرقيني

باسنبل ذكرياتك في يديني

وعلى يديّنك ارجوك اورقيني

وابهمس لك أحبك يا حياتي

وانا ودي عليها تسبقيني

والى منّك سكتي قلت يكفي

على محراب صمتك علقيني

رد: ديوان شعراء السعودية في العصر الحديث (متجدد)☘️☘️
 

قصيدة يامرحبا باالموت في الفلوجه
الشاعر: زايد الرويس زايد الرويس
#العصر الحديث
#المملكة العربية السعودية
0
94 مشاهدة

فز المجاهد ما جزع من موته

يوم المريكي خطته مفلوته

يبغى يدمّر كل صوتٍ يصرخ

ومن ضيعته أحرق جميع كروته

صاح العراقي صيحةٍ مشهوده

يشهد لها الميت وسط تابوته

يا مرحبا بالموت ف الفلوجه

موتة شهاده ما تسمى موته

الموت موت اللي ماغير تندد

أصوات والا افعالهم مكبوته

حنا العرب والنعم لا هايطنا

أمجادنا فيما مضى مثبوته

بغداد طاحت ما تكلّم واحد

كلٍ يعقّد حاجبه ب سكوته

ولو طاح لاعب كلنا صايحنا

يا كلب يابن الكلب وش ذا الشوته

ما عندنا حيله لشيٍ يجري

الا المصلي لا دعا ف قنوته

ندعي على امريكا ومن والاها

والكل منها يشتري بسكوته

ياهل العراق قلوبنا محترقه

واوراقنا يا للأسف محتوته

أنتم شجاعتكم شجاعة مسلم

وخطواتكم قنابلٍ موقوته

مقاومتكم مع صلاح النيّه

صوتٍ ولا نرضى أبد ب خفوته

قم يالعراقي ردد الله واكبر

ونعاهدك بنتابع الحدوته

والى انتصرت نقول كنا معكم

بقلوبنا والا العرى مفلوته

رد: ديوان شعراء السعودية في العصر الحديث (متجدد)☘️☘️
 

قصيدة القلم سكين
الشاعر: زايد الرويس زايد الرويس
#العصر الحديث
#المملكة العربية السعودية
0
94 مشاهدة

القلم سكين والدم قدامي حروف

والورق مثل الكفن فيه غطيت القتيل

القتيل احساس شاعر قهر كل الظروف

اتضح له بعد موته وش اسباب الرحيل

كانت ذنوبه عرايا ولكن ماتشوف

دمعة المذنب اذا هي تحول سلسبيل

كانت جروحه هدايا خناجر مع سيوف

كل سيفٍ شق له درب فاالجسم الهزيل

ذكريات وهمهمات ومواويلٍ تطوف

والنهايه فاالنهايه مشاريه وعويل

والقلم لو كان سكين ماشفت الحروف

في كفنها أو ورقها تهزاء باالقتيل

رد: ديوان شعراء السعودية في العصر الحديث (متجدد)☘️☘️
 

قصيدة عود ثقاب
الشاعر: زايد الرويس زايد الرويس
#العصر الحديث
#المملكة العربية السعودية
0
94 مشاهدة

إنفتح شبّاك وانزاحت ستاره

وانصلب حلمي على جذع الحقيقه

وابتديت ارشف ظما الوقت بحراره

يوم شفت الخوف يجتاح الخليقه

ليتها دمعه وتنهيدة سيجاره!!

عود ثقاب وتسبب في حريقه!

إمتطيت اصدق جروحي وبجداره

والسهر بالعشق ما قد بل ريقه

تصرخ اللهفه.. صداها: يا خساره

عقرب الساعه نسى ينسى دقيقه

كنت احس الموت في آخر زياره

وكانت عيونك بدهشتها غريقه

يا سكونٍ ما قدرت القى قراره

للفراش حكايته وسط الحديقه

كل قلبٍ ما يغرّد في مداره

ما يسولف عن شذاه الا رحيقه

مثلها بالضبط في أبسط عباره

الشقيق اليا تخلى عن شقيقه

رد: ديوان شعراء السعودية في العصر الحديث (متجدد)☘️☘️
 

قصيدة عقارب تعبث
الشاعر: زايد الرويس زايد الرويس
#العصر الحديث
#المملكة العربية السعودية
0
94 مشاهدة

مسا الوقت الحزين وضحكة دموعي على الخدين

مسا هذا الفضا المخذول فيني لآخر اعوامي

عقارب ساعتي تعبث معي وتمارس التخمين

وانا اصرخ في مدى صبري تعبت وطاحت اقلامي

سوالفنا تسولفنا وتاخذنا معاها لين

يضجّ بنا السكون وتلتحف هالسكه اقدامي

أبغرق في محيط من اليباس وضحكتك تكفين

أبيها تشعل انفاس الرضا وتلوّن ايامي

على شان اتسلل من سكوني واتعلّق بين

مجراتٍ تجردني من امالي من الامي

أبرسم لك على وجه السما لا قرّبت قلبين

وابرسم بينهن سهم اشتعاله ينكر الرامي!

كثر ما قلت احبك صدق احبك طيّب وبعدين!!

أبنعس لو ثواني في هدبك وصحّي احلامي

باشوفك مثل ما ودك أشوفك لو بليّا عين!

وباحبك مثل ما ودي أحبك وادفي عظامي

لو ان الجرح غلطة وقت محبوبك بدون يدين

ولا يحضن سوى هذا الغياب المُجدب النامي

حبيبك يشعله هذا الضياع بقسوته ويلين

سرق نور القمر واطعم حنينه جرحه الدامي

وانا اغسل من ضيا هذا المدى ضيقي ذكرت اثنين

جنوني فيك وجنون الورق لا صرتي الهامي

ابكتب فيك لين القى حروفي والقلم سكين

وابقرا عنك عشقي واتوّجس خيفة اعوامي

رد: ديوان شعراء السعودية في العصر الحديث (متجدد)☘️☘️
 

قصيدة أحلام الفتى الطائر
الشاعر: زايد الرويس زايد الرويس
#العصر الحديث
#المملكة العربية السعودية
0
93 مشاهدة

البارحة ضاقت أرضي ب اتساعة سماي

أردد الصمت ب شفاهي ولا به مدى

بيني وبيني دروب وليل ظامي وناي

واحلام متخاذلة! واحلام ضاعت سدى!

هزيت كل النخيل وما تساقط سواي

قلت اتشبث ب حلمٍ تو ساعِه بدا

أفنيت الايام أدور من يثمّن عطاي

يا لل الحياة الرخيصة عشتها ما عدا:

فرحة صدوقة طريقٍ ما يمله غناي

مستقبلٍ ما يضيع وما تبقى! فدا

ضيّعت فالصيف ما كنت ارتجي في شتاي

كل المواسم جفاف! وما ل غصني ندى

ضاقت بي الأرض يا الجنحان هذي سماي

خلقت من صمتي لروحي مدار ومدى!!

رد: ديوان شعراء السعودية في العصر الحديث (متجدد)☘️☘️
 

قصيدة والله إني عليك احرص من امك وابوك
الشاعر: زايد الرويس زايد الرويس
#العصر الحديث
#المملكة العربية السعودية
0
93 مشاهدة

هب ليل البراد وقلت يا حزن دوك

قلب شاعر ملاه الشوق فوق الحنين

هيه يا النار ما تدفين لو أشعلوك

الدفا خابره مير الله انه يعين

يا حبيبي وغيباتك تثير الشكوك

ليش طوّل غيابك وانت ملح السنين

مالكٍ قلبي بليا شهود وصكوك

وانته برغبتك تقسى عليه او تلين!

والله اني عليك احرص من امك وابوك

كانهم عايشين وكانهم ميتين

أنت وردٍ طبيعي بس! من دون شوك

وش هو الفل عندك؟ وش هو الياسمين؟

كنت أقرب لعيني بس مني خذوك

وين ودوّك؟ مدري! مختفي ما تبين

روحي معلّقة بعدك ب دق السلوك

خايفٍ تنقطع واعيش عمري حزين

وش تفيد الرسايل؟ قوم لا فُض فوك

إتصل بي يجوز ان الليالي تزين!

رد: ديوان شعراء السعودية في العصر الحديث (متجدد)☘️☘️
 

قصيدة عمري وقف
الشاعر: زايد الرويس زايد الرويس
#العصر الحديث
#المملكة العربية السعودية
0
93 مشاهدة

من البارح وانا احرث دفتر الغربة وادوّرني

ملامح عاشقٍ دلّ الطريق وضيّع اقدامه!!

قريت الذكريات الموجعات اللي تكدرني

ما بين سطور تنهيدي وحبرٍ جفت اقلامه

أنا الواقف على خد السما لا شحت امطرني

يجوز استنبت من الواقع المخذول أحلامه

أسافر للحنين احيان واصغر به واكبّرني

وانا عمري وقف من يوم غابت زهرة ايامه

وجع هذا الشتا.. يا موقدي وش بك تجمّرني

أخاف ترمّد الدنيا علي وتنكسر هامه

رد: ديوان شعراء السعودية في العصر الحديث (متجدد)☘️☘️
 

قصيدة ماتسمى طريقه
الشاعر: زايد الرويس زايد الرويس
#العصر الحديث
#المملكة العربية السعودية
0
93 مشاهدة

جالس من اليوم اتحرى اتصالك

واراقب الساعة دقيقة دقيقة

مشغول بالي: ب ايش مشغول بالك

عن قلبي اللي تشتعل به حريقة

عقب الغياب ابسألك: كيف حالك؟

اسبوع كامل مر ما كنت اطيقه

من يوم رحتي لين جيتي ب فالك

وانا ادفن احلامي بوجه الحقيقة

عبرت حزني والسهر من خلالك

مع كل مشرق شمس يبدا بضيقة

شوفي حبيبك واسعديه بوصالك

ترى الصبر ما كل عاشق يطيقه

وشلون اببدا رجعتك في جدالك

وانا جروحي في غيابك طليقة

وبراحتك.. ما عندي الا حلالك

لو ان هذي ما تسمى طريقة

جالس من اليوم اتحرى اتصالك

واقول يمكن تتصل هالدقيقة!!

رد: ديوان شعراء السعودية في العصر الحديث (متجدد)☘️☘️
 

قصيدة كل حاجة تمام
الشاعر: زايد الرويس زايد الرويس
#العصر الحديث
#المملكة العربية السعودية
0
93 مشاهدة

من ورى البعد شق الليل صوت الغرام

محبطٍ من جراحات الزمان البهيم

ليت للجرح نزف يبل ريق الكلام

كان ماجيت اشيله مثل طفلٍ يتيم

أكثر ايام عمري تختنق ف الزحام

واجمل ايام عمري طعنةٍ ف الصميم

غربةٍ ما يغرّبها العتب والملام

راودتني وردتني لجرحٍ قديم

كثر ما كنت اشوف الحرب ضد السلام

صرت اشوف السلام الحرب والصحو غيم!

وين اوديك يا قلبي ودربي ظلام

والخطاوي تضيع وخطّها مستقيم

أسألك عنك! واسمع: كل حاجة تمام!

وين هذي التمام وباقيٍ بك هشيم!

طال هالبعد وجروحي تزف الغرام

والجراحات تتكاثر وليلي بهيم

رد: ديوان شعراء السعودية في العصر الحديث (متجدد)☘️☘️
 

قصيدة تلويحة مسافر
الشاعر: زايد الرويس زايد الرويس
#العصر الحديث
#المملكة العربية السعودية
0
93 مشاهدة

ما بقى فالليل ليل!
وقرّب الصبح يتنفس..
شمس بكره..
تمسك الأرض بتلابيب الظلام
ناس.. تغرق في سبات
وناس.. تعرق في حياة
وف آخر حدود الظلام
خطوة مسافر.. وتلويحة وداع!
كنّه اللي.. إهتدى ل درب الضياع!!
وإهتدى!!
وبعدين.. ضااااااع!!
في حقيبة ذكرياته
بعثر سنينه بلا ترتيب!
جمّع سنينه بلا تثريب!
رتبّها على كيفه!!
وعلى حسب الجراح
وانطلق..
قبل الصباح!
يخطف اقدامه معاه!
إلتفت خلفه
يدوّر!
ما لقى كفٍ يودّع
وما لقى قلبٍ يودّع!
ولوّح بكفه لماضي ذكرياته
وفاته إن الماضي الباقي!!
فاته إن الماضي مبعثر معه
في حقيبة ذكرياته!
يا مسافر
لا تدوّر عن ظلالك
ما معاك إلا ضلالك!!
يا مسافر
والسفر: ترحال الأرض بمن عليها!
السفر: صوت الخطاوي من بعيد!
السفر: قطعة عذاب!
السفر: تنهيدة الأحباب للأحباب من بعد الغياب
السفر: غاية تدوّر عن وسيلة!
السفر: نصفه هروب! ونصفه الثاني شجاعة!
وانت تجمعهم بخطوة!
يا مسافر!
غنّ روحك!
تقدر تسجل خروجك!!!
عن جروحك
كلها خطوة
وتلويحة مسافر!!

رد: ديوان شعراء السعودية في العصر الحديث (متجدد)☘️☘️
 

قصيدة فيها قبايل
الشاعر: زايد الرويس زايد الرويس
#العصر الحديث
#المملكة العربية السعودية
0
93 مشاهدة

ما عاد فيني للسهر... سامحيني

مضطر انام.. وطبعاً الشك زايل

حاولت اقاوم وانتظر... صدقيني

وما اظنّ في درب السهر أي طايل

كنت انتظر منك اتصال يجيني

ولا جا اتصال ولا وصلني رسايل

الشوق وسط القلب.. ماهو بعيني

والحب ما يحتاج مني دلايل

لولاك ما زانت بعيني سنيني

ولا اعتدل حظٍ من سنين مايل

وان صاروا العذال بينك وبيني

بادعي عليهم بس مانيب قايل!!

اخاف لا اجرح قلبك اللي يبيني

واذا جرحته عاد.. فيها قبايل!

رد: ديوان شعراء السعودية في العصر الحديث (متجدد)☘️☘️
 

قصيدة تلويحة مسافر
الشاعر: زايد الرويس زايد الرويس
#العصر الحديث
#المملكة العربية السعودية
0
93 مشاهدة

ما بقى فالليل ليل!
وقرّب الصبح يتنفس..
شمس بكره..
تمسك الأرض بتلابيب الظلام
ناس.. تغرق في سبات
وناس.. تعرق في حياة
وف آخر حدود الظلام

قصيدة فيها قبايل
الشاعر: زايد الرويس زايد الرويس
#العصر الحديث
#المملكة العربية السعودية
0
93 مشاهدة

ما عاد فيني للسهر... سامحيني

مضطر انام.. وطبعاً الشك زايل

حاولت اقاوم وانتظر... صدقيني

وما اظنّ في درب السهر أي طايل

كنت انتظر منك اتصال يجيني

ولا جا اتصال ولا وصلني رسايل

الشوق وسط القلب.. ماهو بعيني

والحب ما يحتاج مني دلايل

لولاك ما زانت بعيني سنيني

ولا اعتدل حظٍ من سنين مايل

وان صاروا العذال بينك وبيني

بادعي عليهم بس مانيب قايل!!

اخاف لا اجرح قلبك اللي يبيني

واذا جرحته عاد.. فيها قبايل!

كلها خطوة
وتلويحة مسافر!!

رد: ديوان شعراء السعودية في العصر الحديث (متجدد)☘️☘️
 

قصيدة أول إرهابيه سعوديه
الشاعر: زايد الرويس زايد الرويس
#العصر الحديث
#المملكة العربية السعودية
0
91 مشاهدة

لأنك أول ارهابيّه سعوديّه تدبِّر

جرائم حب ينتج من سببها القتل والتشريد

ضحاياك الكثير من البشر ما تقدر تعبِّر

عن الإحساس بالغربه وبالوحده ف يوم العيد!

تقرّر صرف مليونين للي حالاً يخبِّر

ويدلي بأي معلومه بسيطه عنك بالتحديد

سحاب الهم من بعدك مساء وصبح متزبِّر

وتمطر لك عيوني بالدموع ويكثر التنهيد

عليم الله قلبي من رحلتي بابه مغبِّر

حشا محدٍ قدر يدخل بوسطه من جميع الغيد

صحيح ان الغلا والبعد اذا ما اجتمعت تكبِّر

وانا توي صغير وشيب راسي مرسلٍ تهديد

تعالي ما لكسري من بعد ما غبتي مجبِّر

تعالي فجرّي فيني غلاك وقيّدي بي قيد

وانا نذرٍ علي ليا لمحتك باقف آآكبِّر

لربٍ حط في قلبي غلاك بمنتهى التعقيد

لأنك أخطر ارهابيّه سعوديه تدبِّر

جريمة حب ضميني لصدرك ما احتمل تشريد!!

رد: ديوان شعراء السعودية في العصر الحديث (متجدد)☘️☘️
 

قصيدة حزني واعرفه زين
الشاعر: زايد الرويس زايد الرويس
#العصر الحديث
#المملكة العربية السعودية
0
92 مشاهدة

أنا كذا من غير ما اشرح لك الحال

جرحي مشرّع والعواصف تهلّه

ميّلت حزني.. مال بي ألف موّال

سيّلت دمعة.. وانبرى الدمع كلّه

كن الدموع تطيح مني.. وتختال

أو كنها لا حوّلت... مسفهلّه

ويوم اختنق في صوتي احساس رجال

صبيت له من ضيقة البال دلّه

كنت انتظر في صمت.. وبموت الامال

كتبت لغز وما تمكنت احلّه!

يا مهرتي: ما عاد للخيل خيّال

لو في يمينه سيف دايم يسلّه

والله مدري كيف هالحزن ينقال

لا ضاع من قلبي عيوني تدلّه

أكذب عليك ان قلت ما جا على البال

حزني.. واعرفه زين.. جا في محلّه

والبارحة صبري على وحدتي طال

حبله تعقد بي وحاولت افلّه

يا شينها لا صرت ظامي على جال!!

الريق ناشف وانت عاجز تبلّه

رد: ديوان شعراء السعودية في العصر الحديث (متجدد)☘️☘️
 

قصيدة الشماعه
الشاعر: زايد الرويس زايد الرويس
#العصر الحديث
#المملكة العربية السعودية
0
91 مشاهدة

الجرح تقراه العيون ودمّ قلبي يكتبه

لا تلتحف صمتك ولا يسكن زواياك التعب

وانا تهجيّت الزمان من اسهله لين اصعبه

من اصعبه لين اصعبه عفواً تهجيّت الصعب

يا معلّق الدمعه على شماعة البعد انتبه

إن طاحت الشمّاعه إتطيح الدموع بلا سبب!!

اقربك يا ابعد من قرب منّي وحبيت اقربه

وابعدك عنّي موجع اللحظات وسلوم وعرب

شف كيف فنجال الغلا ما غيرك احدٍ يشربه

بلاش كيف؟ وهلّها؟ واطلب ويا هون الطلب

تعال باشيائك وشف لاشيئي اللي يتعبه

خيط السكون اللي تلّفّه في دهاليز العتب

لو تستبيح غواية العاشق بيرخي منكبه

لحكاية الدمعه على المنديل واطراف الهدب

لاتمسح دموعك!! ما دام القلب هذا مكسبه

دمعتك قوّه في زمان الضعف دمعاتك ذهب

تعال بلّلني من اوجاع السنين المجدبه

عاش الهدوء بزحمة النسيان واغتال الصخب

لو ما السهر يقتادني لك شوق ما جيت اسحبه

قلبٍ يئنّ من الجراح الفوضويه والنصب!!

تعبت ما ملّت تفاصيل الزمان المرعبه

جف الورق يا اجمل ندى وين انت؟ ما طاح الحطب؟؟؟

مشتاق لجراحك ولافراحك وعشقٍ تسكبه

خل السكون يضجّ بك لاجيت تملاني شغب

أو خلني للموت والحرمان بالدمع اكتبه

عادي ضياعي ليش تتعجب ولله العجب!!!

رد: ديوان شعراء السعودية في العصر الحديث (متجدد)☘️☘️
 

قصيدة عطني زايد
الشاعر: زايد الرويس زايد الرويس
#العصر الحديث
#المملكة العربية السعودية
0
91 مشاهدة

في هالزمن ما عاد به شي يعني

معناه.. يمكن عكسه يكون معناه!

يعني يجوز الجاني يكون مجني

عليه.. لا من صار له سلطه وجاه

وإن كان واحد قال في يوم: عطني

قصده هو بيعطيك ما لا تمناه!!

الضد صار الضد.. والهدم يبني

واللي سمعك ليا سمع قال لك هااااه!!

قناعتك ماهيب تسمن وتغني

والجمر يحرق رجل ماهيب تاطاه

مبادئك تنهيك!!.. شف كيف يجني

اللي بلى مبدأ ولا راي ينهاه

وش يرفع الفاعل سوى فعل مبني

على الجهل.. والعاقل بحكمته تاه

يا هو زمن ما عاد به شي يعني

معناه.. شف عكسه! وتلقاه معناه

شفني أخاف إن قال احد يوم: عطني

زايد.. واقول الله يخفف عطاياه

رد: ديوان شعراء السعودية في العصر الحديث (متجدد)☘️☘️
 

قصيدة اهوا دا اللي مش معقول
الشاعر: زايد الرويس زايد الرويس
#العصر الحديث
#المملكة العربية السعودية
0
91 مشاهدة

تنفس غرامك داخل القلب واسقاني

قراح المشاعر بير محفور جنبه بير

احبك ولو سولف عن احساسي لساني

يضج المدى وتعانقه روعة التصوير

تعالي باسولف لك عن إغفاية احزاني

وعن عاشقٍ فالحب ما خانه التعبير

زماني الى منه بقسوه تحداني

ذكرتك وقلت أي والله ان الزمان بخير

غرامك ذبحني؟ ما اعتقد يمكن احياني

من الواقع اللي عشت به في رجا التغيير

اقول الك لا قلتي حبيبي بتجفاني؟

أهو دا اللي مش ممكن ابد فالحياه يصير

لأنك غذا قلبي ودمي وشرياني

ونبضي وروحي والمشاعر فقط لاغير

نسيت الله انه يقطع ابليس نساني

نسيت انك انتي كل ما يشغل التفكير

من اول لقا لاخر لقا يوووووه وش جاني؟؟؟؟

أحس ان لي جنحان وانتي معي ونطير!!!

بفستانك الاحمر واضمك بجنحاني

والى طالعت عينك لنجمه عليك اغير

واشوف الزمن يرجع عليّه ويقراني

كأنه يدوّر عن سبب قسوته تبرير

واقول اله هيّن يا زمن كيف تبغاني

اسامحك عن قسوتك يوم انجرحت صغير

زمانٍ مضى مابين همي وحرماني

وضيقات ما تستحمل الصرف والتجيير

انا اشهد شهاده ربي بلطفه اعطاني

حبيبه تغني للحدايق يطيح الطير

توصيني امشي بالهداوه وتبلاني

الى كلمتني من جنوني عكست السير

انا كيف ابسرع دامها هي تحراني

تكلّم وتسألني: حبيبي وصلت بخير؟

تشربتها باحساس واحساسها اسقاني

قراح المشاعر بير محفور جنبه بير

رد: ديوان شعراء السعودية في العصر الحديث (متجدد)☘️☘️
 

قصيدة دمعه مالها داعي
الشاعر: زايد الرويس زايد الرويس
#العصر الحديث
#المملكة العربية السعودية
0
90 مشاهدة

الدمعه اللي بعيني مالها داعي

دامك بجنبي علامك ما مسحتيها

قلبٍ يحبك يحبك صدق ويراعي

خاطرك واحلى تعابيره اخذتيها

تمخطري وسط قلبي واخذي

ذراعي توسديها ونامي فوق اراضيها

وقولي أحبك عشان تسولف اسماعي

عن كل الاحلام لامنك نطقتيها

قولي أحبك تراها تنسف اوجاعي

قولي أحبك أحبك ايه عيديها

تدرين حبك هو اول واخر اطماعي

وعيونك اللي تضيعيني موانيها

واللهفه اللي بيدك تحن لاشباعي

عن جوع قلبي من الدنيا وما فيها

والدمعه اللي بعيني مالها داعي

انتي مسحتي ابوها ما مسحتيها

رد: ديوان شعراء السعودية في العصر الحديث (متجدد)☘️☘️
 

قصيدة فلسطين وبغداد
الشاعر: زايد الرويس زايد الرويس
#العصر الحديث
#المملكة العربية السعودية
0
90 مشاهدة

قلبي معلّق فالسما بين حبلين

تجاذبه مابين بصره وبغداد

اخواننا واشبالنا والمسنين

طاحت عليهم من صواريخ الاوغاد

شفنا دماهم تنتثر شوفة العين

ماتوا بعد ما سطرّوا درس الامجاد

والا انت يا صدام خالي من الدين

مواقفك قشرا قديمات وجداد

رياستك لو طالت سنين وسنين

قلبك علينا ممتلي كله احقاد

خليت عدوانك وحاربت الادنين

تبى تصيد وعانك اليوم تنصاد

جاك اليهودي بوش فازع له اثنين

توني بلير وراعي اسبانيا

عاد مرت سنين ولا نسوا يوم حطين

حقدٍ من الاجداد يمشي للاحفاد

خمسين عام ومشكلتنا فلسطين

واليوم حطوا مع فلسطين بغداد

رد: ديوان شعراء السعودية في العصر الحديث (متجدد)☘️☘️
 

قصيدة إلى أختي
الشاعر: زايد الرويس زايد الرويس
#العصر الحديث
#المملكة العربية السعودية
0
90 مشاهدة

ما ورى هالدمع دمع ولا ورى هالضيق ضيقه

خففي هالحزن ما انتي للتناكيد مخلوقه

اسألك بالله لا تبكين شوفي لك طريقه

غير هذا الدمع دام الوقت لحظاته سروقه

شي عادي فالزمن هذا أخو يطعن شقيقه!!

كم سمعنا عن مآسي وابتسامات مخنوقه

اسمعي مني.. وانا ما اقول عنك انّك صديقه

انتي اختي.. ما بها تشكيك وابياتي صدوقه

ربما الإنسان يحمل حمل.. لكن ما يطيقه

وواجبي آآآقف معك عن وقتنا هذا وبوقه

من عرفتك وانتي اختي صدق ب اثبات وحقيقه

لو تبين المر اذوقه ليش لا والله لاذوقه

بس ما ودي أشوفك ضايقه لو هي دقيقه

خففي هالحزن ما انتي للتناهيد مخلوقه

رد: ديوان شعراء السعودية في العصر الحديث (متجدد)☘️☘️
 

قصيدة 1000قلب
الشاعر: زايد الرويس زايد الرويس
#العصر الحديث
#المملكة العربية السعودية
0
90 مشاهدة

على كثر القصيد اللي كتبته فيك صبح وليل

أحس اني برغم اللي كتبته ما قدرت اكتبك

لأنك دايم اكبر من قصيدٍ قيل أو ما قيل!

أشوفك حولي اشياءٍ كثيرة واعجز آرتبك

وش اكتب بك وش آخلي؟ وانا اشوف السنين تميل

على بحة حروفك لا ابتعدنا وابتديت اقربك!

يا الذ من الرضا واصدق من الدمعات قبل تسيل

يا ارق من الدموع اللي تسيل ف لحظة وتتعبك

معك تاخذني احلامي واحس إن الخيال بخيل!

إلى مني رسمتك.. نهر يشربني.. قبل لا اشربك

معك تصبح شراييني قلوبٍ تعشق التدليل

واصير ب قلبٍ تشتهي خوخك وقطف عنبك

رد: ديوان شعراء السعودية في العصر الحديث (متجدد)☘️☘️
 

قصيدة العاشق الأكذوبه
الشاعر: زايد الرويس زايد الرويس
#العصر الحديث
#المملكة العربية السعودية
0
90 مشاهدة

نادراً ما كان قلبي ف الهوى يتهوّر

وكنت.. لامنّه تهوّر! أنجو ب أعجوبة

أتلّصص غيبة أحزان المدى واتسوّر

حائط الواقع عشان آآآمالي المنهوبة

أدري اني من ثلاث سنين وآنا أتضوّر

جوع للتنهيد فوق اللهفة المشبوبة!

وامطرت دنياي ليل.. وشفت وجهك نوّر

قلت لا يمكن أبد!.. لا!!.. يمكن الرعبوبة

شافت الوحدة ف عيني والعذاب مصوّر

وحست ان قلبي جفاف..وجاتني مصبوبة!

وازهرت كل العروق.. وخافقي لو دوّر

مثلها.. جته الليالي بالتعب مصحوبة

خايف افقدها... واخاف اكثر إذا ب اتهوّر

يمكن اصبح في نظرها العاشق الأكذوبة!!

رد: ديوان شعراء السعودية في العصر الحديث (متجدد)☘️☘️
 

قصيدة ترنيمة ورق
الشاعر: زايد الرويس زايد الرويس
#العصر الحديث
#المملكة العربية السعودية
0
90 مشاهدة

تصدّق اني بعض الاحيان اصدّق

إن الحقيقة كذب واحلامنا صدق!

لا صرت في جذع الزمان متعلّق

يمكن نخيل احلامك يمدّ لك عذق

وان شفت قلبك بالغرام متورّق

صب الفرح في عرق والحزن في عرق

كم حلم موته لو يصير متحقّق

لا مات.. دوّر جرّته في السما.. وارق

وما دام حظك فالسنين متفرّق

ماهو صحيح الحزن ترنيمة الورق!

شف كيف قلبي بالجروح متشقق

وعلى السما عيني ونجماتها الزرق

المشكلة والموووت لا صرت اصدّق

إن الصداقة كذب ما تعرف الصدق!

رد: ديوان شعراء السعودية في العصر الحديث (متجدد)☘️☘️
 

قصيدة ابن حزن وجروح
الشاعر: زايد الرويس زايد الرويس
#العصر الحديث
#المملكة العربية السعودية
0
89 مشاهدة

يستريح الحزين من الحزن

ثانية! قبل.. يرجع به عليه

ما يغمّض من اوجاعه جفن

ولا يوّقف عن الفركة يديه

وش يقول السجين عن السجن!!

لا غدت خطوته منّه إليه

صاحبي.. والغلا ما يندفن!

كل عرقٍ بقلبي يحتويه

الوفا شي ما يحتاج إذن

ولو سألني أحد! من غير ليه

قالوا انك مريض وقلت: ابن!

حزن وجروح هذا اللي يجيه!!

ما نساني واعرف انه يحن

ويدري اني أحبه! واشتهيه!!

كل ليلة.. على بالي يعن

واحدٍ فالبشر ماله شبيه

فرحته كنز! لكنّ الحزن

كل ما ارتاح يرجع به.. عليه

رد: ديوان شعراء السعودية في العصر الحديث (متجدد)☘️☘️
 

قصيدة الحنين يجر بعضه
الشاعر: زايد الرويس زايد الرويس
#العصر الحديث
#المملكة العربية السعودية
0
89 مشاهدة

صاحبي والحنين يجرّ بعضه

ذكرياتٍ تخون اللي نساها

وش يقول الغريب ان طال ركضه

لا استعاد السنين وما وراها

فيه قلبٍ تناسى صوت نبضه

رحلته مبتداها منتهاها!

عيني اللي تبي فالنوم غمضة

أسهرتني وقلت اتبع خطاها

ما سطع في ظلام الليل ومضة

من جبين اللي اشغلني غلاها

رد: ديوان شعراء السعودية في العصر الحديث (متجدد)☘️☘️
 

قصيدة ماتقبل السهره القسمه على واحد
الشاعر: زايد الرويس زايد الرويس
#العصر الحديث
#المملكة العربية السعودية
0
88 مشاهدة

يا طول ه الليلة اللي جوها بارد

بارد! وانا داخلي ما تطفي الجمرة!

يشعلني الشوق واحساس الغلا واجد

والمشكلة أقرب من الضمة الكسرة!!

حبيبتي صدقيني.. والسهر شاهد

أعدّ من واحد غيابك إلى العشرة!

واقول يمكن تجي في لهفة مواعد

تسبق خطاويه يم الموعد العبرة

أدري بشوقك.. ولكن! كل شي وارد

يجوز عني أخذك النوم إلى بكره!

يغريني النوم.. لكن قلبي معاند!

يقول نسهر.. واقول بخاطرٍ يشره

ما تقبل السهرة القسمة على واحد

إن ما سهرتي معي! وش هو له السهرة؟

رد: ديوان شعراء السعودية في العصر الحديث (متجدد)☘️☘️
 

قصيدة اسبوع
الشاعر: زايد الرويس زايد الرويس
#العصر الحديث
#المملكة العربية السعودية
0
88 مشاهدة

الله يعوّض صدق قلبي وطيبته

وتخف عنه مع الليالي مصيبته

واقلبي اللي ضاع واستاقه الهوى

وكل الظروف اللي تحيطه مريبته

اليوم تم اسبوع عن حالي النبا

وقلبي يعاني من مفارق حبيبته

اللي تساوي عندي الكون باكمله

قلبي يسامرها على طول غيبته

لوّ انها ماهيب عندي قريّبه

يسرح بها شوقي ويرجع بخيبته

هي وينها؟ لاحس جاني ولا خبر

وامسيت مثل اللي خذوا منه هيبته

يا روح روحي يا اقرب الناس كله

مترضين قلبي ينكوي في غليبته؟

تذكريني كل ما نسنس الهوى

تذكري طاري غرامي وشيبته!!

تذكري زايد الى من تواردت

هواجسك أو قلبك بدت فيه ريبته

يبقى غرامك لين ما تبعث الورى

والله يعوّض صدق قلبي وطيبته

رد: ديوان شعراء السعودية في العصر الحديث (متجدد)☘️☘️
 

قصيدة لا صرت
الشاعر: زايد الرويس زايد الرويس
#العصر الحديث
#المملكة العربية السعودية
0
88 مشاهدة

لا صرت اقدرك وانته ما تقدرني

ماهي غريبة إلى منّا تزاعلنا

ولاصرت ادوّرك وانته ما تدورني

باقول صدفة الى منا تقابلنا

ولاصرت اعبّرك وانته ما تعبرني

ما اظني اعني لك ان كثرت مشاكلنا

ولاصرت اسايرك وانته ما تسايرني

ما اظن الايام بتسهّل تواصلنا

ولاصرت اشاورك وانته ما تشاورني

الراي للوقت يقسى أو يجاملنا

يا نور الايام في دنياي نوّرني

حرام ننسى بعضنا في مشاغلنا

بعدك خسارة.. عسى الله ما يخسرّني

محبتك لو ظروف الحب تخذلنا

رد: ديوان شعراء السعودية في العصر الحديث (متجدد)☘️☘️
 

قصيدة تمتير
الشاعر: زايد الرويس زايد الرويس
#العصر الحديث
#المملكة العربية السعودية
0
87 مشاهدة

الغلا وام الحلا وش تقولين

فالشوق لا من صار في هيئة انسان

هذاك انا عايش معه بين قوسين

إن خفّ: زلزلني واذا ثار: بركان

وانتي على كيفك تجين وتروحين

وتمتّرين القلب شريان شريان

ما اقسى من الحرمان.. وانتي تعرفين

ما يجتمع فالحب وصلٍ وحرمان

والحب وش هو: غير نشوه وقلبين

إلى التقوا تشطب سوالفهم ازمان

عامين مرّت ما تسمى بعامين

ما ضمّت يدينك يديني بتحنان

روحي اسألي وشلون وضع المحبين

لا طوّلوا عن بعضهم جاهم جنان!!

والمشكلة ماهي ب قولتك بعدين

المشكلة بعدين ما جت إلى الآن!!

رد: ديوان شعراء السعودية في العصر الحديث (متجدد)☘️☘️
 

قصيدة رساله مالها عنوان
الشاعر: زايد الرويس زايد الرويس
#العصر الحديث
#المملكة العربية السعودية
0
87 مشاهدة

يعيش الشعر في عصر انحطاط الذائقة منفي

رسالة ما لها طابع! ولا ساعي! ولا عنوان

يشوفه من يشوفه ما يعرف أحيان وش يخفي

ما دام عيون من يقرا قوافي تلحق الأوزان

وانا لو قوّتي شعري.. أعرف انه بعد.. ضعفي

متى ما اوفيت له أوفى.. متى ما خنت لحظة.. خان!

أداري به جنوني.. أو جروحي لا ابتدى نزفي

وياخذني على رحلة مواجع ما لها سلوان

حبيبي.. والسما من غبت عني ضيّها مطفي

كأنك خذت مني كل شي! ورحت للنسيان

أحبك.. يا البعيد اللي معي والمحك في حرفي

وانا من غبت مدري ليه طالت غيبتك ل الآن!

حبيبي.. كم سنة من يوم غبت؟ أسألك: ما يكفي؟

ترى ما عاد بعدك لا طيور.. ولا بقت أغصان!

حبيبي.. باختصار الشعر: غبت! وصرت انا المنفي

حياتي مالها طابع.. وانا!! ما عاد لي عنوان!

رد: ديوان شعراء السعودية في العصر الحديث (متجدد)☘️☘️
 

قصيدة فاعل وفعله خيالي
الشاعر: زايد الرويس زايد الرويس
#العصر الحديث
#المملكة العربية السعودية
0
87 مشاهدة

أدور ف وجيه الليالي والأيام

أدوّر اللي ضيعته الليالي!

حلمٍ عشانه ما بقى عندي أحلام

حملٍ توتّر من جوابه سؤالي!

مليّت أجمّع حزني حروف وأرقام

ميّلت دمعي للجروح ورقى لي

أرعبتني في وحدةٍ كلها أوهام

أعربتني: فاعل وفعله خيالي

ماله مكان وكل ما حوله حطام

ماله طموح وذكرياتٍ خوالي

أكبت وجع دنياي وجروحي أقلام

أكتب مواعيد انتظاري لحالي

وأدور ف وجيه الليالي والايام

أدوّر إحساسٍ خذته الليالي

رد: ديوان شعراء السعودية في العصر الحديث (متجدد)☘️☘️
 

قصيدة تنهيدة قتيل
الشاعر: زايد الرويس زايد الرويس
#العصر الحديث
#المملكة العربية السعودية
0
87 مشاهدة

هيه يا اللي كنك الورد.. لامن مال.. مال

مال قلبي منك غير انكسارات الرحيل

تحسب انك يوم سافرت شديت الرحال!!

أنت في قلبي هنيا ولا غيرك بديل

يوم سافرت وتركت الحدايق للرمال!

ما تخيّل وش بقى لي مع الصبر الطويل

ضحكةٍ ما كنّها الا غمامٍ دوووب سال

سيّلت في وسط روحي جروحٍ ما تسيل

تدري انك كل ما ابطيت داهمني سؤال:

كيف صار البعد واقع! مع انه مستحيل!

بشروني عنك بين الحقيقة والخيال!

ورجعت روحي ل روحي مثل عابر سبيل

وانت يا اجمل حلم كان يتهادى في دلال

كلني لك شوق يا حلمي العذب الجميل

ودي اضمّك واغمّض ف لحظة من وصال

واحترق بك واحترق لك بلا نار وفتيل!

كل عرقٍ وسط قلبي ينادي لك تعااااال

ودي اسمع منك احبك ب تنهيدة قتيل!

بعدها سولف واسولف عن اللي ما يزال

يكتب اشعاره ب دمعِه وحزنه سلسبيل

وكان وردك مال قلي بأن الورد مال

كان ما ميّلت قلبي.. عسى حظي يميل!!

رد: ديوان شعراء السعودية في العصر الحديث (متجدد)☘️☘️
 

قصيدة خبر كانا
الشاعر: زايد الرويس زايد الرويس
#العصر الحديث
#المملكة العربية السعودية
0
87 مشاهدة

كم عام مرّت علينا.. ما تلاقينا

جانا الهوى.. بس ليش الوصل ما جانا

ذي قصة الأمس تبَكينا وتبكِينا

وهذي دموع السهر في وجه ذكرانا

الوقت من وين ما ودّه يوديّنا

وحنا نتفرّج ونسكت يوم ودّانا

ياما سهرنا وسولفنا وغنيّنا

الليل مركب ونصفه كان مرسانا

تشابك عيونّا ونشبّك يدينا

تذوب شمعة ونشعل شمع لقيانا

واليوم شوفي ليالينا تنادينا

قدّام لا نحترق من عز فرقانا

أضحى التنائي بديلاً عن تدانينا

وان طوّل البعد.. رحنا في خبر كانا!!

رد: ديوان شعراء السعودية في العصر الحديث (متجدد)☘️☘️
 

قصيدة اسئله وإفتراضات
الشاعر: زايد الرويس زايد الرويس
#العصر الحديث
#المملكة العربية السعودية
0
87 مشاهدة

صوتك مُثير لكل ما يمكن يثار

من أسئلة أو افتراضات.. أو.. أو

وانا بعيدٍ عنك تجلدني افكار

تبدا بكيف وتنتهي دايم ب لو

كيف اقطفك لا مالت غصون الاشجار

لو ازرعك واغيّر الجو ب الجو!

يا ام الحنان الممتلي عشق واسرار

يا ام الجمال الممتزج ضي.. مع ضو!

من وين ما سافرت بك شفتك انوار

كواكبك متقندلة ب اول النو

البحر ما يحتاج مركب وبحّار

يحتاج له عشاق باحلامهم جوا!

كل المداين وجنتك.. شفتك نار

مادام صوتك واصلٍ مسمعي تو!

أثار بي ف الحال ما يمكن يُثار

من أجوبة أو اقتراحات.. أو.. أو..

رد: ديوان شعراء السعودية في العصر الحديث (متجدد)☘️☘️
 

قصيدة هذا هو المطلوب
الشاعر: زايد الرويس زايد الرويس
#العصر الحديث
#المملكة العربية السعودية
0
86 مشاهدة

دفا حضنك وترنيمة هدبك الفاتر الجذاب

خجلك المنتثر لمسات يدّك عطرك المسكوب

سوالف عينك وفمك وشعرك الناعم المنساب

دلالك.. سكّر حروفك إلى من ذاب فيني ذوب

دقايق صمتي ودقات قلبي لا فتحتي الباب

إلى آخر ذكرياتي والشروق المنتهي بغروب

بقتْ فيني وخلتني على حطة يدك مرتاب

أعلّق رغبتي في دفتر احلامي بدون اسلوب

على بساط السهر نامت بك عيوني وله وعتاب

وطارت لك معه كل السنين ودمعة المحبوب

أحس ان الليالي مستبده والزمن كذاب

غلبت الصبر لكني على أمري معك مغلوب

أعيشك في حياتي قصةٍ ما قد حواها كتاب

على صفحاتها طاح الحنين بجذعه المصلوب

انا بسألك: توّه ما شبع قلبك دلع وغياب!

واذا صعب السؤال استسمحك باسترجعه واتوب

لأني بس ابي حضنك وسحر الفاتر الجذاب

وسوالف عينك وفمك.. وهنا.. هذا هو المطلوب!

رد: ديوان شعراء السعودية في العصر الحديث (متجدد)☘️☘️
 

قصيدة يارب حسن الختام
الشاعر: زايد الرويس زايد الرويس
#العصر الحديث
#المملكة العربية السعودية
0
85 مشاهدة

الصمت تنهيدة المجروح قبل الكلام

بعضه رضا! واغلبه تفكير ما له مدى

من يتقنه يستريح من العتب والملام

مادام نصف الكلام اللي نقوله سدى

قلت اشتري راحتي والحكي ألدّ الخصام

يجلب عليك العدا ويرد عنك العدا!

يا روح: لو فيه بعدك روح.. طاب المقام

في واحة العمر.. لكن ما توارى بدا!

إلى انتصف عمر! قل يا رب حسن الختام

وش هم!! لو بهجة الأيام كبش الفدا

يا رب: ما ضرّ عفوك لو يعم الأنام!

ويضرني صوت نزواتي ورجع الصدى!!

يا رب: عن نارك أنقذني ب برد وسلام

وقدام لا اموت أرشدني لدرب الهدى

عفوك وحلمك كبير.. اكبر من ايّة كلام

ورحمتك تاسع عبادك لو يطول المدى

رد: ديوان شعراء السعودية في العصر الحديث (متجدد)☘️☘️
 

قصيدة لهفة عصافيري
الشاعر: زايد الرويس زايد الرويس
#العصر الحديث
#المملكة العربية السعودية
0
86 مشاهدة

أنا اللي ورى باب الغياب انقتل صوتي

وماتت على ذمة سنيني مشاويري

بكت ضحكتي يوم انها شافت سكوتي

تغاضى عن احزاني ولهفة عصافيري

بداية فرح والا بدايتك يا موتي

علامة تعجّب ترتسم في مقاديري

قفص من ذهب والا ذهب وسط تابوتي

غرامٍ شكى من كثر خوفي وتأخيري

نعي قلب والا قلب مرسوم ف كروتي

هي شموع والا دموع تسكن تعابيري

عسى الوقت ما يقتل صدى صوتي وصوتي

إذا ماتت سنيني ب ذمة مشاويري

رد: ديوان شعراء السعودية في العصر الحديث (متجدد)☘️☘️
 

قصيدة فوق وساداتي
الشاعر: زايد الرويس زايد الرويس
#العصر الحديث
#المملكة العربية السعودية
0
86 مشاهدة

صب الجمر فوق معلوق الظما واترك

ملامحك تستبيح عيون شرهاتي

العشق ماهوب لا بامري ولا بامرك

لو كان قلبي عشانك ساق خطواتي

إن جيت بالوصل ياكبره علّي اجرك

فرّجت همي وكرباتي وضيقاتي

وان رحت عني تعب ما ضاق بي صدرك

يا ارحب من الحب واقرب من مسافاتي

إي والله اني أحبك حب لو تدرك

أقصاه ما اخلفت روحاتي وجيّاتي

والبارحة فاضت احلام الغلا عبرك

عجزت لا القى بعدها وين غاياتي

يا صبر قلبي على احلامه ويا صبرك

على سؤالٍ بداياته نهاياتي

يا طول ليلي قبل لا ينبلج فجرك

طاحت نجومه قبل ما اكتب لك الآتي:

والله لو تصب فوق وسادتي جمرك

لانام مرتاح واصحى وانت في ذاتي

رد: ديوان شعراء السعودية في العصر الحديث (متجدد)☘️☘️
 

قصيدة شعر ومواويل
الشاعر: زايد الرويس زايد الرويس
#العصر الحديث
#المملكة العربية السعودية
0
86 مشاهدة

ياصاحبي لا تشتكي لي من الوقت

هو فيه احد في وقتنا ما يعاني!!

كم مرةٍ ضاقت بوجهي.. ولا ضقت

تضيق.. لكن ما تضيق المحاني

وكم مرةٍ كني بحزني تفرقت

على الشوارع والشجر والمباني

ياما على حبل الأماني تعلقت

وياما انقطع بي.. ما قطعت الأماني

من كثر ما كذبت الأحلام صدقت:

إن التعب بحرٍ بليا مواني

ومن كثر ما طاحت دموعي توّرقت

شعر ومواويل وجروح وأغاني!

وان جيت لايامي بتلقاني اشتقت

ألقى مكاني مثل ماهو مكاني

والله لو في وجهي احيان دققت

في ضحكتي بتشوف طعنة زماني

لكن لأنه في النهاية هو: الوقت

تعال نضحك... كننا ما نعاني!!