رد: اخترنا لكم
 

عرفت انّ الشجاعة رجعة القادر على الإقدام
‏لا بان الذلّ في وجه الفريسة شام فارسها

‏وعرفت انّ الفقر عذر الردي وإلا الكرام كرام
‏ياوسع صدورها للضيف لوضاقت مجالسها

‏و عرفت ان النقي لا استغفلوه الناس ما ينلام
‏ما يفهم في حيالات الضعوف الا ممارسها

.....

رد: اخترنا لكم
 

معجب بشخص وتعجبنـي كتاباته
وسطوره اللي ذهب لاقـام يكتبها

لاشفت رده علـى حروفي وكلماته
جات القصايد تلاعبني وألاعبهـا

.....

رد: اخترنا لكم
 

تمرّ السنين ومجريات الحياه تدور
‏تجدّد أماني الناس وأمنيتي أمنيتي

‏جعل ظني في بيض الليالي ماهوب يبور
‏يابيض الليالي لا تغلّين لا أقفيتي

‏تعبت أتصنّع في ابتهاجي وأعيش الدور
‏وأنا أخفي عن العالم شجاي وتناهيتي

.....

رد: اخترنا لكم
 

‏عليه تمر لا بان الحزن في وجهك المخطوف
‏من الشكّ الوشيك اللي ليا مرّ الوهم يِطرى

‏غريب ٍ كل ماطاح الظلام وبان فيك الخوف
‏هربت مْن إرتيابك والأرق للشعر والمسرى

‏تِفَكّر في لياليك القِدام وحلمك المكتوف
‏وأمانيك القديمه في زنازين الظروف أسرى

.....

رد: اخترنا لكم
 

‏مالله كتب لي بقربك يا حبيبي نصيب
‏وش عاد نقدر نسوي هذا حكم الزمن

‏كانك بدوني وحيد وفاقد لك حبيب
‏أنا بدونك غريب وفاقد لي وطن

.....

رد: اخترنا لكم
 

‏أحبّك كثر ما قالوا هَنيك يا خلّي البال
‏وأحبّك كثر ما أخفيتك عن ربوعي وعذالي

‏حفظتك سِر ما يظهر على العالم ولا ينقال
‏زرعتك بين تنهيد الضلوع وبين غربالي

‏لك الله ما لغيرك فالحنايا والضمير ظلال
‏يا اقرب من قريب الناس وأقرب لي من ظلالي

.....

رد: اخترنا لكم
 

‏عاد للذكرى القديمه محلٍ فالضمير
‏كل ماجاء الليل جات الطواري ساريه

‏صورتك وأسمك وطاريك فالثلث الاخير
‏كيف أواجهها بصدرٍ ضلوعه عاريه

.....

رد: اخترنا لكم
 

يا أبوي مالي في حياتي مطاليب
إلا رضاك ودعوتك في صلاتك

أفداك من رجلك إلى نقرة الشيب
وأخدمك من صغري وخذني عصاتك

وإن كان مالي في حياتي مكاسيب
كسبي الوحيد إني على أربع جهاتك

واعرف ليا من أقبلنّ اللواهيب
كفي عن الرمضاء ترى اليوم جاتك

واعرف ليا من أقبلنّ المواجيب
يشدّ عزمي والعزم من صفاتك

وإن قالوا إني معتلي في المراقيب
بقول يا أبوي تراها وصاتك

ولا يلحقك يا أبوي شكٍّ ولا ريب
أبشر بنا يا أبوي قبل التفاتك

جميل العتيبي

رد: اخترنا لكم
 

معك الليال أفراح ودروبي وساع
والحب ثوبٍ من لبسته زهى بي

شلون بجزع معك وأضيق وأرتاع
وأنت العوض عن كل خوفٍ عثى بي

.....

رد: اخترنا لكم
 

تمشي على رجليك والله معافيك
وغيرك على بيض السراير يونّا

كان الذي مزعجك شيٍّ بماضيك
ما أنتَه معدّل مايلاتٍ مضنّا

.....

رد: اخترنا لكم
 

حنا لاجينا الحبل مبرم ومفتول
أما نعقد الحبل ولا نحله

إليا عشقنا نعطي الحب مدبول
ولا نهين الحب ولا نذله

وإليا انجرحنا مازعلنا على طول
‏وإليا زعلنا! نزعل العمر كله

‏محمد المقحم

رد: اخترنا لكم
 

نعيش في ظِلّ الأماني والأحلام
ونشتاق إذا للذكريات التفتنا

يوم أستعيد العام واللي ورا العام
في ديرةٍ منها الظروف اخطفتنا

دارٍ لنا نطرب لها شوق وهيام
منها بدينا للسعد فلسفتنا

ياحلوها ذيك الليالي والأيام
يوم المودة والغلا سالفتنا

.....

رد: اخترنا لكم
 

دامني في ذراك أعيش عيشة كريمة
والكرم والرجولة عادةٍ للسنافي

ماخذه من طبوعك قو باس وعزيمة
والهدوء والرزانة والثقل والتكافي

خلنا نقلب الأمثال لو هي حكيمة
ودي أوضّح الصورة ب بعض القوافي

خلف كل الرجال نشوف مرأة عظيمة
بس أنا أحس بالعظمة لأنك خلافي

.....

رد: اخترنا لكم
 

تشعفني الغيمة ويشجنّي الطير
والأرض ما كن ودي أمشي عليها

وفي عيني الدنيا قليلٍ من كثير
جرادةٍ من صادها يشتويها

وللناس وجهتهم وأنا وجهتي غير
ولكل حيّ هوايةٍ يهتويها

والأيام ممزوجٍ صفاها بتكدير
والله كريم ورحمته نرتجيها

وأنا صبور وقانعٍ بالمقادير
ومتوقّعٍ ساعة فرج وأحتريها

مهذل الصقور

رد: اخترنا لكم
 

الناس ماخلقت حواليك ترضيك
مثلك مقادير الولي تعترضها

أخير لك لاتندفع في هقاويك
تلمّس الأعذار ولا افترضها

مافيه شيء إلا ليا راد واليك
ولا فيه صعبة كان ربك فرضها

اللي ماتقسم ماتجي في مراميك
لو كان تلحم بندقك وتحفظها

ورمي الركادة غير رمي التماتيك
والفرق في هذي وهذي غرضها

اكحل عدوّك من سعادة مصافيك
ولا يشغلك غيب القلوب ومرضها

يظهر صديقك ويتبيّن معاديك
‏وكذا الحياة بما تلاقيه خضها

وسّع مفاهيمك، وجوّد مباديك
‏وكرامتك عن مايشوب انتهضها

دايم جناحين المعزّة تعلّيك
بالك لحاجات النفوس تخفضها

إلّا الوفاء، خل الوفاء في مباديك
عملة رجال تعدّها وتحفظها

يا صاحبي في وقفتك كيف أجازيك
وأنا أدري انك ماتدوّر عوضها

مايجعل الأحرار مثل المماليك
‏إلا معاريف الرجال فبعضها

عكاش الذيابي

رد: اخترنا لكم
 

من طق باب الجود يحضى بترحاب
ومن طق باب البخل شاف احتقاره

ومن رافق أهل الطيب طابوا له وطاب
وإن ما ربح ما شاف منهم خسارة

.....

رد: اخترنا لكم
 

يا ليتكم يا أهل الوفاء ما تموتون
يوم الرّدي حتى المنايا تعافه

.....

رد: اخترنا لكم
 

يميّز الإنسان عقله وثقله
وأنا بعمري ماتصنعت ثقلي

أخاطب الجاهل على قد عقله
وأخاطب العاقل على قد عقلي

.....

رد: اخترنا لكم
 

‏تجوّدي في صباح الخير وابتسمي
حتى لو ظروفنا ماهيب مبتسمة

أنتِ وجودك معي كأنه وجود اسمي
وأنا من اللي يقدّر قيمته واسمه

.....

رد: اخترنا لكم
 

اصبر على ما جاك واقبل بما جاك
وحبل الرجاء خله مباري لحبلك

لو تضرب الدنيا من هناك لهناك
مالك من الدنيا سوى ما كتب لك

.....

رد: اخترنا لكم
 

‏والله إن هالات عينك تزود الزين زين
ما تقلل من حسن هالعيون الطاغية

القمر مازيّنه غير هاك الندبتين
ولا هو من دونها لمبةٍ متصاغية

يزيد الفوازي

رد: اخترنا لكم
 

أنا من يوم شفتك فز كلي
وصافحت الزمن كله بيديّا

لبست أحلى الكلام وجيت أهلّي
هلا بالعمر يا سمح المحيّا

.....

رد: اخترنا لكم
 

‏اطلب الله فالستر واسجد وهلل
واجتهد فالنافلة وهي الفريضة

واعلم إن العمر أيامه تخلل
بالسعادة ولا بأيامٍ بغيضة

والعشر ماقد خبر ضله يضلل
في ربيع الوقت ولافي مقيضة

وإن شعرت اليأس في قلبك تسلل
عن ديار الضعف لك دارٍ عريضة

ومن يحاول من نجاحاتك يقلل
اقطع حبالك منه لو هي غليضة
‏‌
إبراهيم أبو فمين

رد: اخترنا لكم
 

‏في رجا الله ما يخليني لجّدي واجتهادي
مارجيت إلا وعده وما خشيت إلا وعيده

‏صالح النشيرا

رد: اخترنا لكم
 

من متى وأرواحنا عطشى لمزاحك
لي متى وهذا الوله ساكن غرفنا

من صغرنا ماننام إلا ببراحك
ومن كبرنا غير ضحكك ماعرفنا

ليت قبرك وسعه بوسع انشراحك
وليتنا من وحشة الدنيا سلمنا

.....

رد: اخترنا لكم
 

‏وآلّله ما مثـل آلتـوكـل على آلّله
يملآ لك آلدنيـآ سـعاده و توفيق

وآللـي يردد دآيـم آستغفر آللـه
تلقآه مايدري عن آلهم وآلضيق

.....

رد: اخترنا لكم
 

اسرقيه من التشاؤم والشماته
‏واسهري له في لياليه الطويله

‏واضحكي له لو هموم الوقت جاته
‏ضحكتك قمـرا تنوّر كل ليله

‏و كل ما ضاعت من يدينه حياته
‏امسكي ايدينه بقوه واضحكي له

.....

رد: اخترنا لكم
 

من ساقه الحظّ لين يصبّح بوجهك
‏ يشوف خير الصباح اللي يقولونه

.....

رد: اخترنا لكم
 

حتى مواعيدنا لو ما تتم ما تموت
أنتِ كريمة جفى وأنا كريم إنتظار

.....

رد: اخترنا لكم
 

محبتْك حتى في غيابك مثل ما هيّ
‏لا هانت لياليك القديمة ولا هنتي

‏من المستحيل يحول عن ذكرياتك شيّ
‏لو يحول من دون اللقاء حاجز إسمنتي

‏يروحون كل الناس مني شوي شويّ
‏ولا فيه أحد يبقى على البال غير أنتي

.....

رد: اخترنا لكم
 

صباح الوله ياللي معاك المشاعر فرض
‏تصادق عليها الشمس والصبح يضمنها

‏تعالي وسط صدرٍ ملكتيه طول وعرض
‏عن الخوف غافل رقّتك لين يامنها

‏تقول السماء لا شافتك ماشية في الأرض
‏علام السحايب ناسية قطعةٍ منها

.....

رد: اخترنا لكم
 

حبيبي من غفى طرفك قبل حزّة طلوع النور
‏وأنا للحين أحس الصبح متخبّي ورى أهدابك

.....

رد: اخترنا لكم
 

قلت اصبري قالت أنا أقولك زين
قلت أتمنّى ما تكوني بخيلة

ضمت يديني قلت توّك تحنين
قالت يدينك بس هذي قليلة

يوم حضنتني دمّعت قلت تبكين
قالت أظن الدمع أصدق وسيلة

ردّت وقالت وش عذاب المحبين
قلت الغياب وفي عيونك دليله

.....

رد: اخترنا لكم
 

روحي فدا الي يليق ابها النبط والفصيح
‏الي عليها القصيده تزهم القافيه

‏ان اقبلت شفت وش معنا الزمان الشحيح
‏وان دبرت شفت معنا النعمه الضافيه

‏الله عطاها الذرابه واللسان الفصيح
‏والضمه الدافيه والكلمه الخافيه

‏فرعاً عليها السحابه تستلذ المطيح
‏وتباشر الارض فيها لامشت حافيه

.....

رد: اخترنا لكم
 

اخاف لا منك بغيتي تنامين
‏ما أحدٍ يمد لحافك ليا استويتي

‏وأخاف ما أحد يقول لك يوم تدعين
‏أبشرك زانت بعد ما دعيتي

‏وأخاف لا قمتي وخاطرك شين
‏ما أحدٍ يعرف من نظرتك وش بغيتي

‏وأخاف واجد واجد إنك تروحين
‏يا ويلي ان رحتي ولا عاد جيتي

.....

رد: اخترنا لكم
 

أبي لي ساعةٍ تبتّل فيها للشفوف عروق
‏تعال وهات معك الساعة اللي نختلي فيها

‏تعال ورّد عمرٍ من ربيع أيامنا مسروق
‏معاك أنت الدقايق كانت أيام بلياليها

.....

رد: اخترنا لكم
 

ياللي فرقتي بالكلام وبالغياب وبالحضور
‏يا سالبة عقل الغلام اللي فهق سن المهد

‏حقك علي اكبر من أحبك و وينك لو تجور
‏عاد انت تامر وانا تحت أمرك بأحاول واجتهد

‏ببقى معك لين الحياة تدور واسكن فالقبور
‏هذا عهد وانا من اللي ما يخونون العهد

.....

رد: اخترنا لكم
 

يزيدك دلالك تِيه وازيد فيك هْبال
‏أنا اللي يشوفك قِبلته وين ما وجّه

‏ألبّي وأفدّي كل ما جيتني تختال
‏وأشاهدك ْ وألقى في مشاهدتك السجّة

‏على بحر ْ جيدك قشّة الغارق السلسال
‏أدوّر نجاتي بعد ما صرت في لجّة

‏من يلوم طرف ٍ هام في عودك الميّال
‏عيون ٍ فتنها الحسن هذا لها حجّة

.....

رد: اخترنا لكم
 

لا تخاوي البخلان وتساير اللاش
‏تسلك مساليك الردى وانت جيّد

.....

رد: اخترنا لكم
 

اللّي خذلنا ما نعيد الرجاء فيه
لو هو بجنب أكتافنا ما نشوفه

.....