رد: فوق هام السحب ( الشعر الشعبي) على متن القوافي
 

ماني بمحتاج شي اكثر من السلوه
‏خل الهبوب الله يخليك تطرقني

‏يمكن يخف الحنين وتصغر البلوه
‏وارتاح من همي اللي كان مرهقني

‏امّا انّي انساك وانسى ايامنا الحلوه
‏هذا هو المستحيل يصير صدقني

....

رد: فوق هام السحب ( الشعر الشعبي) على متن القوافي
 

دام عزك ياوطن

مد انظرك وانشد هل العرف والبخص
‏وتدري ان ابو سلمان ماحد ٍ بحوله

‏حنا سمعنا دولة ٍ تشفع لشخص
‏ومحمد اول شخص يشفع لدوله

سلطان بن بتلاء

رد: فوق هام السحب ( الشعر الشعبي) على متن القوافي
 

لاتظن اني لفيتك يالخوي محتاج حاجه
والله اني مالفيتك غير من زايد وفاي

بين ادور عن خوين صادقن مابه عواجه
مايخلي القلب ياتيه الحسايف عن غلاي

ابو حسين الوايلي

رد: فوق هام السحب ( الشعر الشعبي) على متن القوافي
 

يقولوا الناس وش لي فيك ضايق دايم وزعلان
واقول اسبابها جرح الصديق الــي غــدر فيــني

تروا ماهد قَلبي واوجــعه واوهاه في الاحزان
سواء غدر الصديق الي حــسبته مثل الاخواني

.....

رد: فوق هام السحب ( الشعر الشعبي) على متن القوافي
 

الصدق ماعاد شي بهاذي الازمنه
ماعاد ڵـهٍ ميدان في بعض القلوب

ياصاحبي وش فْيَك في بدع السنه
توعد ولاتوفي غدى هرجك كذوب

ان كان قصدك في الكلام البحننه
ترى الوعد مثل الرعد دايم ينوب

....

رد: فوق هام السحب ( الشعر الشعبي) على متن القوافي
 

يالايــح العــين يــالــي صــوبنا مَآتشُوٌفْ
مانطــــرد الــي يــقفي منــنا لاقــفــى

ان شــفتنا حن نشوفك غير ذا مَآنشُوٌفْ
ومن نظره الرجل نعرف مقصده والخفى

ان رفــت فيــنا ترانا فْيَــگ والله نروف
ون عفتــنا حن نعوفك ذا الخبر والعفى

ان كان قدر الخوي عندك يجيه الشهوف
فــدروبنا في الوســايع مايجيها الحفى

تحكم علا قد عقلك قبل مــنتا تطــوف
وتزعل علا كيف كيفك وتبتدع بالجفى

تــرى دروب المــراجل سلمنا والعروف
وكــل شي له سلــوفه كان ذهنك غفى

ولاتــقول اننا بالطــيب إنحــن ضعوف
لٱ والله الا فعــول الطــيب درب الوفى

فالطيب منا وفينا لْـۆ تجــور الضروف
وعــند وقــت والشدايد الــشلي يعرفى

....

رد: فوق هام السحب ( الشعر الشعبي) على متن القوافي
 

ياطير يانايح عسى منت مجروح
وعساك ماجــريت نوحــك لــغالي

ياطــير كودك من عناء الوقت مجروح
والا تعاني م‌ـــِْن صــدوف الــليالي

ياطير قلي يمكن اعطيك منصوح
ويصير صدرك من غثاء الوقت خالي

ياطير مارجي منك فيده ومصلوح
ولارتجي مـڼـڱ على النصح مــالي

ماغير انا من كثر مانحــت مفحوح
وخذيت من كثر المواجع مثالي

.....

رد: فوق هام السحب ( الشعر الشعبي) على متن القوافي
 

رد قلب ٍ في ديار الحب ضـــاع
يوم ضاع القلب ضيّعت الدليل

الغلا و الحب تشرى ماتباع
والوفـا نــادر ومن يصدق قليل

الفراق اكبر مرض بالحب شاع
والدوا لاصرت في حضن الخليل

الرحيل الموت والدمعه متـاع
لعنبــوه القلب لو يقوى الرحيل

عبدالله الصقري

رد: فوق هام السحب ( الشعر الشعبي) على متن القوافي
 

والله أن رد الجمايل مثل رد الدموع
‏أن قدرت ترد دمعك قدرت تردها
‏
‏بدري الشيب

رد: فوق هام السحب ( الشعر الشعبي) على متن القوافي
 

تغرس بذور الغلا ويموت غارسها
والموت موت المشاعر ماهو الفرقى

عندي قناعه من الايام دارسها
الحب يبقى لو اهل الحب ماتبقى

د. ماجد عبدالله