رد: فوق هام السحب ( الشعر الشعبي) على متن القوافي
 

أن زان حظك فالزم السر والصمت
وإن شأن لا تجعل عدوك يشوفه

....

رد: فوق هام السحب ( الشعر الشعبي) على متن القوافي
 

اللي يعزك ما يشوف الردى فيك
ومن يكرهك حتى بخيرك يذمك

....

رد: فوق هام السحب ( الشعر الشعبي) على متن القوافي
 

‏عشقت التميز والتميز عمَل مسموح
‏والليّ يعذربني علي أنت ويش لاقي

‏اذا جيت أجي وأترك حضوريّ لاجيت أروح
‏لاجل سمَعتي تنوب في فترة فراقي

‏ونفسيَ وحش ماهي بسهله على الطاروح
‏تموت النفوس ولا تهقوت بمسباقي

....

رد: فوق هام السحب ( الشعر الشعبي) على متن القوافي
 

لو نكتب الشـــــــوق ما تفنى دفاترنا
يفنى الورق والقلــم يكتب لنا وصاته

ولو نكتب الشــوق يطلع في مدامعنا
الشـــوق واضح على المشتاق نظراته

....

رد: فوق هام السحب ( الشعر الشعبي) على متن القوافي
 

يوم الحسن ما بين خلق الله يجي فيه إشتباه
‏بينك وبين الناس يا الفارق فروقٍ شاسعه

....

رد: فوق هام السحب ( الشعر الشعبي) على متن القوافي
 

اختياري لك لأن ذوقي رفيع
والرضا منك جمعني من شتاتي

في كلام الناس عنك ما أطيع
أنت ثابت في حياتي لا تحاتي

سيد الضحكات يا الحُسن البديع
من لقيتك بالعُمر لقيت ذاتي

من صفاتك تضحك بوجه الجميع
وغيرة العشاق من أكبر صفاتي

الحروف اللي على ثغرك تميع
جنّنت قلبي وهزّت من ثباتي

ووجهك اللي يسرق أنظار الجميع
انتشلني من غياهب ذكرياتي

ابتسم محتاج في وجهك أضيع
الضياع بضحكتك من أمنياتي

شفت كيف الورد يزهر في الربيع
كنها لحظة دخولك في حياتي

....

رد: فوق هام السحب ( الشعر الشعبي) على متن القوافي
 

الله يمسي صادق القلب بالخير
صدره نظيف وكل حكيه صراحه

اهل النفوس الصافيه قربهم غير
متبادلين الطيب في كل راحه

....

رد: فوق هام السحب ( الشعر الشعبي) على متن القوافي
 

‏سلامي على اللي ماتغير مع الايام
‏ ولا زال يذكرنا ولا زال صاحـبنا

....

رد: فوق هام السحب ( الشعر الشعبي) على متن القوافي
 

ولك في خيال الشاعر المهتوي ميعاد
‏ومجلس على غيمة وليلة قمر نجدي

....

رد: فوق هام السحب ( الشعر الشعبي) على متن القوافي
 

‏تعال خذني للامل حب واحساس
وارسم على ذكرى الوله ذكرياتك

ما دام حنا نـاس والناس للناس
اكتب على قلبي جميـع امنياتك

....