رد: اخترنا لكم
 

‏تعايشنا وعشنا فالبسيطه محسنين الظن
‏عسى من ظن فينا الخير ناتي له على ظنّه

.....

رد: اخترنا لكم
 

‏هـو يدري انه ذبح روحـي بسكينـه
‏ان كان مايدري عـن الحال عـزالـي

‏عبـرت عـن مـا بقلبـي يـم غالينـه
‏اللـي بقلبـي غـلاهـم اول وتالـي
‏
‏بعض الغلا كان مـا تثمـر بساتينـه
‏من سبة الهجرٍ ِ بين الغالي وغالـي

‏ياعين ياعين دمعـك يـوم تخفينـه
‏عشان ماتشمت العالـم وعذالـي

.....

رد: اخترنا لكم
 

تدري وش الي بالهوى يقتل الود
جو الغموض الي يلف الأماكن

لاجيت تحمل في يدك باقة الورد
ضاعت حروفك بين يمكن ولكن

.....

رد: اخترنا لكم
 

‏لاتامن الطيب ولا تامن الشين
‏خلك فطين وخل نفسك حريصه

‏حنا بزمن فيه اختلاف الموازين
‏ماعاد تعرف غاليه من رخيصه

.....

رد: اخترنا لكم
 

‏يوم قفا الوقت فيك ورحت كلك
مابقى لي من غيابك غير ذكرى

ادري إن الشوق من قلبي وصلك
وادري انك تفتح حسابي وتقرآ

.....

رد: اخترنا لكم
 

لو يعُود بي عمري ويسترجع الأعوام
‏ما لمَّت كفوفي غير لحظات غاليها

‏تظل السنه وأغلى التواريخ محض أرقام
‏لكن ما يخلِّدها سوى ما جرى فيها

.....

رد: اخترنا لكم
 

‏ياصباح الرسايل مع طيور الحمام
وَيَا صباح المحيا وَيَا صباح الهلا

وياصباح الصباح اللي يزيل الظلام
لاتبسم صباحك قلت يامسهلا

.....

رد: اخترنا لكم
 

على سبيل التمني جعل حظي يجيب
‏لي حاجةٍ في ضميري حيل ودّي بها
‏ِ
‏ماهي شفا عن مرض ولا مواصل حبيب
‏يعلم بها اللي غيوب الناس يدري بها

سبحانه

رد: اخترنا لكم
 

عطني صباحك واخذ الوقت كله
‏مافيه غيرك يجعل الوجه ضاحك

‏ياللي سكنت القلب واصبحت خله
‏ يسعد صباحي ويسعد الله صباحك

....

رد: اخترنا لكم
 

‏جاني سلام اصويحبي اول الصيف
‏كنه يقول أذكر وعدنا لا تنسى

‏هو يحسب إني خفت كثر المصاريف
‏أو خفت طول الدرب والليل لمسى

‏لا يريش العين يا حيف يا حيف
‏صاحبك طبع الخوف ماهو بجنسه

‏ليا بغيت أجيك جيتك على الكيف
‏جيتك بيومي قبل لا اتغيب شمسه

‏عمان عندي كنها كشتة السيف
‏في دربها مابدل القير خمسه

.....

رد: اخترنا لكم
 

‏ذقنا ملذات الهوى حب وفراق
‏وشفنا من صدوف الزمن واكتفينا

‏وعشنا ثلاث سنين بالضبط عشاق
‏احلى ثلاث سنين مرت علينا

.....

رد: اخترنا لكم
 

طلَّ الصباحُ ولم أظفر بطلَّتِها
‏فهلْ يكونُ صباح دون إشراقِ

.....

رد: اخترنا لكم
 

‏غلاك ما يحتاج توثيق وحروف
والله خلق حبك من الحب فيني

وعزفت نغمة عشق عن كل معزوف
وسكنت في قلبي وروحي وعيني

.....

رد: اخترنا لكم
 

‏يا ليل عطني مابقا منك وأعطيك
خذ الهموم اللي على القلب قامت

يا ليل ياليل السهر وين ساريك
أنا معك سهران والناس نامت

.....

رد: اخترنا لكم
 

قال المثل مـن جد فالدنيا وجــد
وغارس الاشـواك ما يحصد ورود

مش عيب لا كافح وناضل واجتهد
العيب فـي انسان مضاها رقود

والعــــز مـا ياتــي لمن قالو رقد
الا لمـن يبـذل في الدنيا الجهـود

.....

رد: اخترنا لكم
 

يستاهل الشعب اي والله يستاهل
يتحمل الجور لا ما يكتسر ظهره

في سكة الجهل ماقد حط له كاهل
لا بارك الله في سره وفي جهره

مادام والعقل طايش والهوا جاهل
إن مات بالحرب وإلا مات من قهره

.....

رد: اخترنا لكم
 

الحب ماهو بس كلمة وتنقال
ولاهو سوالف بين هذا وذية

الحب شعور بالقلب يغني عن المال
وله بالقلوب احساس ماهو شوية

الروح لاحبت تنسى للاموال
وتعيش بين الناس بنفسِ غنية

لكن يموت الحب لاصار به اهمال
ويضعف شعور القلب شوية شوية

الحب قد يثنيك عن بعض الاعمال
لكن تعيش العمر ونفسك رضية

باكتب له الابيات شيلة وموال
والحان الحنها بنفسِ هنية

رد: اخترنا لكم
 

‏اللي خلق في مشاعرنا من البعد خوف
خلق لنا نعمة النسيّان في غيرها

تموت الأحلام دايم في يدين الظروف
وتعيش الآمال وتواصل مشاويرها

في ليلةٍ تاهت الخطوه وطال الوقوف
هي نفسها الليله اللي شرها خيرها

جيت ومعي قلبٍ يحب ويحن ويروف
ورحت ومعي قلبٍ أقسى من معّاذيرها

.....

رد: اخترنا لكم
 

ويش أكلفك يا زماني قمت تتبدل
وأيامك السود لأصحاب الوفا خانت

تعبت أنا فيك ما لي قدره أتحمل
كنت أحسبك زين لكن نيتك بانت

شفت النشامى والأجواد فيك تتبهذل
وتعذّبَت فيك أعز الناس واهتانت

وأهل الكرم والعطى تطلب وتتسوّل
وكم وكم ناس منك يازمن عانت

ذي روسهم فوق وطو روسهم منزّل
وأهل الوفا والمبادئ شفتها أتوانت

يا كم تمنّيت ترجع مثل زي أول
والناس الأجواد ترجع مثل ما كانت

بس للأسف بعدما شفت الخبر طوّل
وأذلّ وأنذل بشر لأهل الوفا دانت

لا عاد يوجد أمل عندي ولا به حل
حانت تقوم القيامة يا زمن حانت

ابو عمران

رد: اخترنا لكم
 

يا لابـس البــرقـع تسلطـــت مــن ويــن
عــــلى فــوادٍ مـــــا يَعَــــرْف الرقـــابــه

ورمـيت قلعــــاته مـن يـســـار ويميــن
واليــوم ينــعق في المحـــاني غـــــرابه

خـافِ الــذي ســواك يا بنــت من طيــن
حنـا ليـا شفـِــــــنا المحـاجر غـــــــلابـــه

يا بــــدر حــــاذر مـن عيــــون المزاييـن
تـــــرَى علاجــــــك من منـابع رضـــابـــه

.....

رد: اخترنا لكم
 

مـاتـضـيــق الاّ تــزيــن وتنفرج
يامساحات الفرج كوني حياه

الظروف أحيان خيل وتنسرج
عــنـهـا بــيـن الأمــل والانتباه

.....

رد: اخترنا لكم
 

‏يا ما كتبـت اشعـار وابيـات وحــروف
ونشرتهـــــا ماشفــــت اي استجابه

وقلت في نفسي يجــي يوم ويشوف
اشعـــاري اللــي قلتهــــا في عتابه

اشعار تحكي قصـة انسان مشغوف
في عشـق من احــرق فؤادي غيابه

دونتها من شوق واحساس ملهوف
وقلب قاسىَ فــــي غرامــه عذابه

.....

رد: اخترنا لكم
 

عَلى الكُرهِ ما فارَقتُ أَحمَدَ وَاِنطَوى
عَلَيهِ بِناءٌ جَندَلٌ وَرَزينُ

وَأَسكَنتُهُ بَيتاً خَسيساً مَتاعُهُ
وَإِنّي عَلى رُغمي بِهِ لَضَنينُ

وَلَولا التَأَسّي بِالنَبِيِّ وَأَهلِهِ
لَأَسبَلَ مِن عَيني عَلَيهِ شُؤونُ

.....

رد: اخترنا لكم
 

الطـيب درب ماندم من مشى فيـــه
ممشى الكرام اهـل النفوس الاصيــله

.....

رد: اخترنا لكم
 

‏ازعل على كيفك كثر ماتبي وارض
‏وخذ بدال العام عشرين عامي

‏لا قامت الساعه ولا ضاقت الأرض
‏ومانيب لا جايع ولانيب ضامي

‏واسمك ليا من طاح من شاشة العرض
‏تراه ماهو من كبار الأسامي

‏ومواصلك لاهوب سنه ولا فرض
‏ومواجهك ماهو بكل اهتمامي

.....

رد: اخترنا لكم
 

‏اول علامات الردى والرخامه
نقل الحكايا وانعـدام الحميه

واول علامات الوفا والشهامه
فزعة خويٍ مايخلي خويه

.....

رد: اخترنا لكم
 

على النقا والبياض وصافي النيّه
‏نعامل الناس صادقها وحاقدها

.....

رد: اخترنا لكم
 

أن ضويت الله يحييك يابرقٍ ضويت
وأن سريت فعز واليك يابرقً سرى

.....

رد: اخترنا لكم
 

بكره تقوم حظوظنا ياصابريـن
وباب الامل يصبح ويمسي علينا

.....

رد: اخترنا لكم
 

كرامة النفس حالت دون رغبتها
‏عزيت نفسي ولو ان الثمن غالي

.....

رد: اخترنا لكم
 

اناشــــــدك بالله يا شـــــوق باللهون
قلبي فقـد يا شـــوق كامـــل عزومه

على الحبيب اللي في الروح مدفون
الغايـــب اللي في خـيالــــي رسـومه

ياشـوق خـذنــي وين ماكان ويكون
ودي ازور الـزين واعـــــرف عـلــومه

حـتـى ولو قالـــوا لي الناس مجنون
انا اعـرف المجـــنـــون ماحـد يلومه

.....

رد: اخترنا لكم
 

جعل عيني ما تشوف إلا عيونك
وجعل حالي ما يضمه غير حالك

انت قل لي وش هالـــدنيا بدونك
والله ان مـــــابه حياه إلا وصالك

.....

رد: اخترنا لكم
 

انت الوحيد اللي عطا قلبي الامان
يوم انه ابوي في صفوف الميتين

شفت فيك اللي فقدته من زمان
لا تخليني يتيمه مرتين

.....

رد: اخترنا لكم
 

عن كل ماضي خوفك لا تخافين
لو الليالي والزمان يتحداك

لايضيق لك خاطر عسى ماتضيقين
كل الظروف اللي تشوفين تفداك

.....

رد: اخترنا لكم
 

‏عطني جروحك كلها وارقد الليل
واترك عيوني للسهر ترقب الضي

كل ماتضايق خاطرك ضمني حيل
لا تشتكي للناس همك وانا حي

.....

رد: اخترنا لكم
 

‏ياشوق لا تقسى على عيونه السود
انا دخيلك لا تعذب جفونه

ما زال في عمر الصبا ناعم العود
حرام غير الكحل يلمس عيونـه

.....

رد: اخترنا لكم
 

‏تدري وش اكثر شي خلاني اهواك
حبك وعطفك والغلا والتفاني

وتدري وش اللي مايخليني انساك
خوفك عليّ وتضحياتك عشاني

.....

رد: اخترنا لكم
 

يامن جرح قلبي وخلاني عليل
أشتقت لك تكفى لوجه الله تعال

مالي غنا عنّك اذا اعلنت الرحيل
ومستحيل انسى ونسيانك مـــحال

لعيونك الثنتين اجيب المستحيل
وادفع لها ما في يميني والشمال

.....

رد: اخترنا لكم
 

تذبحني الغيـره وانـا واثـقن فيـك
واصبر ولا ودي تعرف اش حصل لي

من كثر خوفي زايد الشـوق ياذيـك
صبرت ما احد في عذابي فطـن لـي

بالضحك وحروف القصايـد مسليـك
والنار فـي عقلـي وقلبـي وكلـي

عـز الله انـك هـم لكنـي اغليـك
والله حتـى همكـم جايـز لـي

تشوف شوقٍ في عيونـي يناجيـك
واشـوف بعيونـك عذابـي وغلـي

.....

رد: اخترنا لكم
 

‏ياعايش الدنيا ترى الحظ مقسوم
مثل الهبوب اللي بلا دار وديار

نجري ورى الدنيا مع الليل واليوم
ويا ما وطت الأقدام عجلات الأقدار

.....