رد: فوق هام السحب ( الشعر الشعبي) على متن القوافي
 

ياليل وين اللي على البال ذكراه
جـفت مراسيله وغـاب اتصاله

يمكن نسانا يحسب انا نسيناه
وهو عـلى البـال وفكري خياله

قم يا قلم واكتب له بالخط يقراه
وبـشره تـرى مالي غالـي بـداله

....

رد: فوق هام السحب ( الشعر الشعبي) على متن القوافي
 

وأنتي الشي الوحيد اللي بقلبي ما تمايل
‏كل فجر وكل صبح وكل عصر وكل ليله

‏وأنتي الشي الكثير وكل من حولك قلايل
‏والكثير إليا حصل لي طاب نفسي من قليله

....

رد: فوق هام السحب ( الشعر الشعبي) على متن القوافي
 

‏ليتهـا ما مـرّت أحلامـي الجميـله
‏ولاخذت من قلبي الوافي حنينه

‏خـالطـت روحـي وخلتهـا عليـله
‏ليتهـا مرّت وهـي فيهـا السكينه

....

رد: فوق هام السحب ( الشعر الشعبي) على متن القوافي
 

تـدري وش احلى مـوقفً للـمواليف
سـهـلـه وخـذهـا قاعــده من محبك

لاشـفـتنــي غارق معـك بالـسوالـيف
سـكـتنـــي بالـقـوه وقـل لي احـبك

....

رد: فوق هام السحب ( الشعر الشعبي) على متن القوافي
 

مدري عشقتك دون صوره ولا صوت
‏وش حال لو شفتك وصوتك سمعتـه

‏احلم بشوفك شوفتي لك ترى قـوت
‏والقلب عن غيـرك وشوفـي منعتـه

‏همسك على قلبي كما نكهة التـوت
‏فيني الغلا والشـوق بيـدك زرعتـه

....

رد: فوق هام السحب ( الشعر الشعبي) على متن القوافي
 

أنا من الناس ياسهلي وياصعبي
بحرٍ تشوفه ولا تقدر على عومه

....

رد: فوق هام السحب ( الشعر الشعبي) على متن القوافي
 

‏يسعد مساء اللي يحبون الاشعار
ويسعد مساء اللي معانا متابع

وحي الله الوافي وحي الله الجار
اللي لهم في عالم القاف طابع

بقلمي

رد: فوق هام السحب ( الشعر الشعبي) على متن القوافي
 

‏تعال عطني من مسائك دقايق
خل المساء بطلتك يشتعل نور

تدري مسائك يجعل البال رايق
ويخلي الدنيا بها الورد منثور

....

رد: فوق هام السحب ( الشعر الشعبي) على متن القوافي
 

بعض البشر مثل الأشجار الصناعيه
مهما سقيته من المعروف ما يثمر

....

رد: فوق هام السحب ( الشعر الشعبي) على متن القوافي
 

‏ما فيه احد ما يامن الرجل شرّه
‏دام الحسد موجود وابليس موجود

‏تسامح وعيش الحياه بمسرّه
‏قبل لا ياكل باقي عظامك الدود

‏ماهو بشرط الحب منه مبرّه
‏وماهو بشرط الكره بالكره مردود

‏المبغض اللي ما يبي لك مضرّه
‏افضل من محبٍ ما يبغي لك الزود

....