رد: اخترنا لكم
 

وش فايدة‏ قربه ‏وكنّه ظلالي
‏دايمٍ معي ‏لكن عجزت أستظلّه

.....

رد: اخترنا لكم
 

ذولا هـل العوجاء ولابه مروات
شرب المصايب مثل شرب الفناجيل🇸🇦

.....

رد: اخترنا لكم
 

ماعاد تغريني ملذات الحياه
اشوفها مثل الليالي العاتمه

يا رب عبدك طالبك يرفع يداه
سترك وتوفيقك وحسن الخاتمه

بقلمي

رد: اخترنا لكم
 

والله انّه مايمر اليوم لين تمر بالي
آه من وجهٍ يشع النور مع طلة جبينه

مالقيت لوجهك أشباهٍ على مر الليالي
حطّه الله نسخةً وحده ولا حط اربعينه

.....

رد: اخترنا لكم
 

مرابيعهم شفي وداره غدت مشهاي
عسى مدهله روايح المزن مسقيته

.....

رد: اخترنا لكم
 

أنعش عروق الغلا في مد فنجالك
‏يازين هيل الغلا ويازين معموله
‏
‏أفرح بشوفك وأبل الريق بدلالك
‏وأصبح وأمسي وغلاك محد يطوله

جيتك غلا يوم الغلا وسط قلبي
أسس مدينة عاصمتها وجودك

اي والله انك طب لاقلت طبي
ياطب روحي لاتطول صدودك

.....

رد: اخترنا لكم
 

تعالي واشربي من خفوقي فناجيل
قهوة غرامـك طعمها شـي ثاني

الهيل حبك والوفـا له معاميل
والنار شوقي وسط ذيك المحاني

دلة هوانا حب واحلى محاصيل
يسمع صداها كل قاصي وداني

يرسم غلاتك في بيوته تفاصيل
يانور عمري فيكٍ بسمة زماني

شوفي خفوقي والحنايا مداهيل
ماريد غيرك لو يجوني ثماني

.....

رد: اخترنا لكم
 

أن ‏شفت شيٍ عليه الناس ملتمه
لو ودي أجيه طبعي عنه يمنعني

لي شيمةٍ ما تحوم إلا على القمه
أرفع لها راسي العالي وترفعني

أبعد عن اللي ينوش العزم والهمه
وأقرب من اللي بطولاته تشجعني

والطيب اللي اتجاه البوصله يمه
تلقاه دايم بتقدير العرب معني

.....

رد: اخترنا لكم
 

اليا سرى الليل سرتني مقاديري
على شمال الفضاء وشرقه وغربه

اسري مع اللي سرى بقلبي وتفكيري
الصاحب اللي ذبحني شوقه وحبه

.....

رد: اخترنا لكم
 

غرورك تمتع به على اللاش والمسكين
أما أنا نظام الغطرسه ما يناسبني

يكسبني الكلام الواقعي والجناب الزين
وردي العقل بالذات ماهوب كاسبني

.....