رد: اخترنا لكم
 

حي الغلا حي المحبه والأشواق
حياك ياقلبن بالأحساس وافي

أهلاً هلا ياللي له القلب يشتاق
ومهما أقول وقلت ماهو بكافي

غلاك مثل الصبح في لحظة إشراق
في داخلي يظهر جميع الخوافي

.....

رد: اخترنا لكم
 

تــذكرني ليا ضاق المكان وشانت ظروفك
تراني مثل طيآت الذهب ما يختلف لونــي

.....

رد: اخترنا لكم
 

اشتقت لك والشوق ماله مواقيت
يا أجمل احـداث العمر في حياتي

قلبي وعيني ياغـلا الروح لك بيت
ولافيـه غيــرك يمتلك نبض ذاتي

احبك ولو عنـي تأخرت وابطيت
واموت بك يااغلا بشر في حياتي

واهواك مهما في غيابك تماديت
وتبقى امل روحــي وكل امنياتâپ¦

.....

رد: اخترنا لكم
 

‏مدام انا وانتي علــى الارض حيين
ياسعـــد عينك لـــو بكيتـــي شويه

والله لانسيك الزعـــل لين ترضين
وامهـــد لك الدنيا فجـــوجٍ فضيه

واحماك مثل حماية الجفن للعين
وكلش فـــداك اليا بغيتـــي شريه

يفداك ماشافت عيونك من الزين
لو ان متر الثوب مـــن خمس ميه

لو اني اسجل علـــى ذمتـــي دين
زودٍ علــــــى مـــايمـــلكنـــه اديه

.....

رد: اخترنا لكم
 

‏صرنا نراقب بعضنا من بعيد لبعيد
‏هو يحتري جيتي وانا احتري جيته

‏هذي حياة العنيد إليا عشق له عنيد
‏كلٍ ينتظر الثاني وحسب مزاجيته

.....

رد: اخترنا لكم
 

‏ستر المـــواجع داخل القلب راحه
لو يمـتلي صدري بــها ما تكلمت

ما هو جديد الـقلب يخفي جراحه
ولاهو غريب الضحك مهما تألمت

.....

رد: اخترنا لكم
 

‏يـا معاتب الناس لاتعتب ولا تشره
موارد الطيب بين الناس معروفه

والي تجاهل حقوق وواجب العشره
اجعل حقوقه من التفكير محذوفه

.....

رد: اخترنا لكم
 

كنت بكلامك تاخذ الحزن عني
واليوم غبت وراح عني كلامك

ياصاحبي وشلون خيبت ضني
يا باخلاً بإحساس قلبك علامك

.....

رد: اخترنا لكم
 

‏للحين احبك بس حبي من بعيد
لـي قـلب والله يعلم شلون حاله

صرت أتحرى لك من العيد للعيد
يـمكن تجـيني مـن يدينك رسالـه

.....

رد: اخترنا لكم
 

‏ودي اقول اني احبك واغليك
وودي اقول يابعد عمري فديتك

وودي اروح لديرتك والتقى فيك
واقول لك ياضي لعيون جيتك

وانته تطالعني وتنظر حواليك
وتقول ليتك جيت من قبل ليتك

.....

رد: اخترنا لكم
 

كل دارً يستريح بها ضميري داري
وكل وجهً يستريح له الفؤاد أحبه

.....

رد: اخترنا لكم
 

في سهلة فيها المنايا متاريس
‏يبدي بها المشحوف مافي ضميره

‏اليا بغيت اجلس ترى لي مجاليس
‏واليا بغيت انهج دروبي عسيره

.....

رد: اخترنا لكم
 

تعال ياسكر نبات العشق ياملح القصيد
غيبتك لي مدة وانا اغني على طاروقها

واصبحت تسري وسط شرياني وفالوريد
تقفي وتقبل وانت لي طعم الحياة وذوقها

.....

رد: اخترنا لكم
 

هلا باللي مراسيله تنور شاشة الجوال
يفز القلب لاجتني رسالة من مراسيله

.....

رد: اخترنا لكم
 

تولعّت في غرو غريرٍ يتلّ السير
ابيّ نظرتٍ من لفتة الحرّ وسبلته

صغيرٍ بسنّه غير عندي ماهو بصغير
يامغلاه في قلبي وياكبر منزلته

أجمع له سمان الهرج خوفٍ من التقصير
ولا جيت ابشرح له كلامي تهيزلته

يجيني منّه هيبه معزة سحى تقدير
اقابله عندي علم وأروح ماقلته

سعد بن جدلان رحمه الله

رد: اخترنا لكم
 

عانو اللي نصف سعره يهز الاقتصاد
جيب لكزس تو صدّر جديد اخر موديل

ما يكيّش سعره الا هوامير البلاااد
مايجيبه راعي القرض والدخل القليل

لو شريته صبّحوني مكافحة الفساد
وقتها في ذمتي ما يطلعني الكفيل

ومستحيل اجيبه الا لمن الله اراد
وانا داري ماعلى الله شي ٍمستحيل

جراح العتيبي

رد: اخترنا لكم
 

كرامة الطيّب اكبر من كبار الظروف
وقسوة ظروف الحياة تلاوعه في شقى

والوقت متغير وصلف الليالي تحوف
عزيز قومٍ يكابر و الظروف محقى

ولو يختلف كل شي وكل شي منه خوف
يبقى على ارحب وحي الله ودام البقى

لو كان ما يملك من المال قيمة خروف
يملك وسبعين نعم وهقوة اللي هقى

.....

رد: اخترنا لكم
 

خلوني الحالي بعيدً عن الناس
مرتاح بالي في حياة البساطه

ما غرّني كثر الدراهم والإلماس
وشوفة زخاريف القصور و بلاطه

اسبح الله واحمده مذهب الباس
اخير من حكي البشر واختلاطه

‎رجا عوض العتيبي

رد: اخترنا لكم
 

واصل قريبك قبل تحضر وفاته
وتودعه في المقبرة بين الاموات

قريبك اللي قاطـعه في حياته
ويش فايده قبلة جبينه ليامات

‎عبدالله الطلحي

رد: اخترنا لكم
 

الكريم اللي يحب الضيف يسلم فاله
فاتحٍ بابه وسمحان الوجيه اتدلّه

من كرم يمناه دايم تشتكي عماله
بين ود الطيب رد الطيب هات الدله

.....

رد: اخترنا لكم
 

لاشفت طيبي صاير اليوم ضدي
واللاش وعيال الردي تلبس البشت

صرت اتمنى عصر جدك وجدي
لو كان ماشفته تمنيت به عشت

.....

رد: اخترنا لكم
 

تدري زمان أول وش اللي محليه
إن النوايا في قسى الوقت زينه

وصدق النفوس وطهرها والمشاريه
وخوة شرف لأجله تباع الثمينه

.....

رد: اخترنا لكم
 

ترى شرهة البندق على وقفة الرماي
مثل شرهة الفارس على زرقة الحربه

.....

رد: اخترنا لكم
 

الزمان يدور والحية الرقطا تدور
وكل ضلعٍ نايفٍ تنطوي في فيته

وكان حنا ما دفنا الحيايا بالجحور
بعد بكره كل جحرٍ تجينا حيته

خليل بن هدلان

رد: اخترنا لكم
 

عـدوّك البيّن ابرك لك من الخافـي
اللي يعاديك ويِسمّك على الصامت

الوجه وجه الصديق المخلص الوافي
والقلب قلب العدوّ الحاقد الشامت

.....

رد: اخترنا لكم
 

الرفقه اللي مالها ساق وعروق
لو هزها صلف الزمن يقتلعها

واليوم لاتشره على كل مخلوق
خذ ماتيسر واكثر الناس دعها

والسلعة اللي ماتجملك فالسوق
بارخص ثمن عند اول السوم بعها

وعلاقتك بالمجتمع فوق لافوق
تبعدك عن عرف الهموس وطمعها

.....

رد: اخترنا لكم
 

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

.....

رد: اخترنا لكم
 

مدري علام الوقت مايرحم ظروف الطيّبين
خلّى نواحيـه الرحيبـات وتركـني فـي نحا

وان جيت ادوّر عن مسيري في رياض الصالحين
كـني مـدوّر فالطحين اللي تـدور إبه الرحى

صدّيت عن مُجمل طموحاتي وقلت الله يعين
صـدّة فقيـرٍ لقمته عنـد اليتاما واستحى

.....

رد: اخترنا لكم
 

يارب تجعل حاجتي منك وإليك
ياخالقٍ سبع السموات والأرض

يامصرف الاكوان والرزق بيديك
يامن جعلت الخمس في ديننا فرض

يا واحدن ماخاب من كان يرجيك
يارب تستر حالنا ساعة العرض

لاجا نهارن فيه كل الرجا فيك
ولافيه بالأعمال سلفه ولا قرض

.....

رد: اخترنا لكم
 

نجـود من مايجـود ربـي علينـا
ونعين ونعاون ونحتـاج للعـون

إن سـاعفت مانـبذل الثمينـا
وان عاضبتنا حـالنا ما تشوفون

على سـلوم جـدودنـا الاوّلـينـا
والناس فيها خير وابليس ملعون

الله يديم أمن الوطن ويحمينا
لاقاموا اهل الشر للشر يسعون

.....

رد: اخترنا لكم
 

اي والله اني من ظروفي تعلمت
بعض البشر لاطحت ماينفعوني

حتى ولو اني بحاجاتهم قمت
أكيد انا لا أحتجتهم يخذلوني

أثري بواجد في حياتي توهمت
ذخرتهم للمعضلات ونسوني

.....

رد: اخترنا لكم
 

إليا ذعذع الغربي وحرك غصون الراك
وناح الحمام بعالي الصوت يجهربه

أجاوب حمام الدار يالايمي عساك
يحـدك زمانـك يم من لاتبي قُُربـه
‎
رشيد الزلامي رحمه الله

رد: اخترنا لكم
 

لا اله الا انت رحمتك يالله يارحيم
رف بحال الي جفى النوم جفنه وهجره

ادري ان مافيه حي على الدنيا مقيم
مير سد الصبر لامره الحزن فجره

من فقد محزم معزه وعوق للخصيم
والله ان تنزل دموعه لو القلب حجره

منكسر قلبي من الفقد والله العظيم
مثل كسرة يابس العود من فند شجره

.....

رد: اخترنا لكم
 

هذي حاجتين تكشف اللي خفاه بعيد
لا طال المرض والاّ ليا طالت الطرقه

سعد بن جدلان رحمه الله

رد: اخترنا لكم
 

يا النوم مالك نية تمتطيها
ترى العيون اللي تحراك ملت

.....

رد: اخترنا لكم
 

نقول للمقفي محلل ومسموح
حتى لو انه بالنهايه خذلنا

من عادت الدنيا ابتسامات وجروح
حنا نعرف اطباعها ما جهلنا

اللي بيتركنا على الدرب ويروح
لا يبتسم في وجهنا لا وصلنا

.....

رد: اخترنا لكم
 

تصبح الدنيا وأهلها على شمس الصباح
وأنت شوفك صبح ثاني وشمسٍ ثانيه

.....

رد: اخترنا لكم
 

تطاوعـك القوافي كلها بالوزن والتركيـب
بشعـرٍ مقصده يرضيـك في لونه وتلحينـه

ولك الحب المطرز بالوفا والود والترحيب
يفداك العمر ياكل الغلا يا شمعة سنينه

.....

رد: اخترنا لكم
 

خفو على الناس من كثر العتب والملام
يكفي ضروف الحياة اللي يعيشونها

.....

رد: اخترنا لكم
 

أثر المصايب ماتجيك الا من الناس القراب
وبهالزمن حتى الخوي الي تثق فيه احذره

لابارك الله في رفيقٍ تزعله كلمة عتاب
ولاجمع الله الرجال اللي تفرقهم مره

عودت نَفسي كِل ما شددت لليمّه ركاب
ما اصد وجهي عن طموح الا ليا جبت خبرّه

الصاحب اللي مايجي من صحبته غير العذاب
نذر علي ان ما هجرني والا انا اللي ب اهجره

من يفتح لفرقاي باب أفك له عشرين باب
و أذا خوي مايقدر خوتي ما اقدره

إن روحـو فانا بري منهم ليوم الحساب
وإن جرحوا قولو لهم ماحركو فيني شعره

شِفهّم لهم حول السنه ولا خَذو مني جواب
احسـن دوّى للي يحاول يستفزّك تَسطره

.....