رد: فوق هام السحب ( الشعر الشعبي) على متن القوافي
 

التشبه بالغلا مثل التشبه
‏بالامور اللي محد يقدر عليها

‏غشّني في كل شي الا المحبه
‏المحبه مستحيل انغش فيها

....

رد: فوق هام السحب ( الشعر الشعبي) على متن القوافي
 

‏عسانا ليا جينا نجي فالمقام الذربّ
‏وعسانا ليا غبنا غيابٍ على هيبه

....

رد: فوق هام السحب ( الشعر الشعبي) على متن القوافي
 

بيني وبين الحظ قومه وطيحة
‏لاقلت هانت قال ماهو بهالحين

نفوسنا من بعض الأشياء جريحه
‏لا صار طبع الناس ماهو بليّن

....

رد: فوق هام السحب ( الشعر الشعبي) على متن القوافي
 

‏تعال عطني من مسائك دقايق
خل المساء بطلتك يشتعل نور

تدري مسائك يجعل البال رايق
ويخلي الدنيا بها الورد منثور

....

رد: فوق هام السحب ( الشعر الشعبي) على متن القوافي
 

حي المساء لا جاء بعطر الخزامي
يفوح عطره من غلا صاحب الطيب

وحي العيون الي ترد السلامي
لا سلهمت ترسل مع الشوق ترحيب

....

رد: فوق هام السحب ( الشعر الشعبي) على متن القوافي
 

عن وصل غيره يدين الحُب مكتوفه
‏وعن شوف غيره عيوني مالها طمعه

‏أنا قتيـله وانا أمْـنه وأنا خوفـه
‏وأنا غناته وأنا طرحه وأنا جَمعه

....

رد: فوق هام السحب ( الشعر الشعبي) على متن القوافي
 

فاقد اللي زود بعده مانقّص من غلاه
‏من يبشّرني بشوفه ويبشر بسعده

‏مابقى في ساحة البال من ذكرى لقاه
‏ غير تلويحة وداعه وخذلان وعده

‏قلبي اللي عاش حلم المواصل في ذراه
‏ خايف إنه من مهاده يوارى فلحده

....

رد: فوق هام السحب ( الشعر الشعبي) على متن القوافي
 

‏ياكثر مامرت على عيوني عيون
تمرنـي وأسأل عليـك إنت وينك

ماهمنـي لـو بـالثــواني يمـرون
تكفي عن عيون المخاليق عينك

....

رد: فوق هام السحب ( الشعر الشعبي) على متن القوافي
 

أورد لك عروق من الظما جفت وتحيا بك
بعد ماشفت براق الوله يمم مداهيلي

أناجي الليل واشوفه دفا بكفوف ترحابك
أضم كفوف ترحابك وعطرك في مناديلي

وصدر الشوق ياخذني أنا وياك واهنا بك
وادور في حكايا قلتها لك في مراسيلي

أساوم عينك بكل ماتبي لا ترخي أهدابك
أبيها توثق الصورة وانا أردد مواويلي

ولها الله كيف نستني اللوم وعتابك
وطويت الحجة اللي دونها طاحت معاديلي

هلا بك كثر ماهزالحنايا شوق في غيابك
هلا بك كثر ما طيفك يشاركني تفاصيلي

....

رد: فوق هام السحب ( الشعر الشعبي) على متن القوافي
 

حاولت اعلمك الوفا طول الاوقات
حتي تعلمت الجفا منك وأقفيت

....