رد: فوق هام السحب ( الشعر الشعبي) على متن القوافي
 

‏بعض القلوب أوطان للحب والذوق
‏للطهـر أرض وللمشـاعر حـقايــق

‏لا غابت أيامـاً حـدانا لها الشــوق
‏يكفـي حضوره عن كثير الخلايـق

.....

رد: فوق هام السحب ( الشعر الشعبي) على متن القوافي
 

ماخاف فرقا عشان الخطاء والصواب
اخاف لا نفترق لان المواصل ممل

سعد علوش

رد: فوق هام السحب ( الشعر الشعبي) على متن القوافي
 

بخروهـا عن عيون الحاسدين

وعلموهـا كيف تذكر ربهـا

طفلةٍ تـكبر ويكبر حبهـا

.....

رد: فوق هام السحب ( الشعر الشعبي) على متن القوافي
 

تدري وش اقسى شي يابعد عيني
اني اشــوفك مـــبتسم وانا حزين

ضيعت عمري فيك واجمل سنيني
ماكنت اضن انْك بجرحي تستهين

مــــا بـيني وبـينك وبـينك وبـيني
عشرة عمـر مـضمونها بـين قـلبين

لكن حـسافه ويـــش سـويت فيني
ارخصت قدري يوم انا قدري ثمين

الشريف

رد: فوق هام السحب ( الشعر الشعبي) على متن القوافي
 

‏أحلى هدية في حياتي وجودك
جتني من دروب الصدف بـابتسامة

بالأمس خايف لاتعـدى حدودكك
واليوم اسمك فـي خفوقي فخامة

.....

رد: فوق هام السحب ( الشعر الشعبي) على متن القوافي
 

قالوا طريق الحب كله مجانين
قلت الطريق الصعب يبغى مجنن

.....

رد: فوق هام السحب ( الشعر الشعبي) على متن القوافي
 

‏بعض البشر مثـــل العســل والجواهر
مهمـا وصفته بالحـــلا مالـه أوصـاف

وبعض البشر طيبـه على الناس ظاهر
ما يختفــي مثـل القمر دوم ينـشـاف

وبعض البشر غايــب وإن كان حاضر
من ثقـل دمـــه شوفتـه دوم تنعـاف

وبعض البشر مثل القلم في يد شاعر
يسعد قلوب الناس بطيبه والالطاف

.....

رد: فوق هام السحب ( الشعر الشعبي) على متن القوافي
 

‏أتصنع وسعة البال في وجه الظروف
‏وجهٍ أضحك له محبه ووجه أجامله

.....

رد: فوق هام السحب ( الشعر الشعبي) على متن القوافي
 

من صب لي من دلته ربُع فِنجان
صَبيت له من خافقي الروح دله

ومن ساق لي بالطيب قول وأفعال
أسوق له الروح والعمر كُله

.....

رد: فوق هام السحب ( الشعر الشعبي) على متن القوافي
 

ﺳﻠﻤﻮﻟﻲ ﻋلى اﻟﻠﻲ ماﺗﺸﻮفه ﻋﻴﻮﻧﻲ
ﻓﺮﺣﺔ ﺍﻟقلب ﻋﻨﺪﻱ ﻳﻮﻡ طيفه تهيا

كاﻥ ﺭﺩﺍﻟﺘﺤﻴــــّﺔ ﻋﺠﻠﻮﺍ ﺧﺒﺮﻭﻧــــﻲ
ﺑﺲ ﻵ ﺗﺤــــﺮﺟﻮنــــه كاﻥ باﻟﺮﺩ عيا

.....