رد: فوق هام السحب ( الشعر الشعبي) على متن القوافي
 

فقدنا وجيهٍ بالثرى جعلها الفردوس
معاها طراة العمر شدت ركايبها

فقدنا زحازيحٍ تدوس النوايب دوس
تشين المجالس لأنفقد صوت شايبها



.......

رد: فوق هام السحب ( الشعر الشعبي) على متن القوافي
 

اضحك ومن شاف الضحك قال مرتاح
وامـرح ومــن شاف المـرح قال سالي

مايدري انـي ضحكتي ضحكت اجراح
ومايدري ان المـــزح من ضيق حالي


.......

رد: فوق هام السحب ( الشعر الشعبي) على متن القوافي
 

اجزم وخل مكسرين المجاديـف
ولا تقـول إن الـلـيالـيزطـويله
.
انطح بصدرك عاتيات العواصيف
مـا تـبـلغ الغـايـة بليّا الوسيلـه


.......

رد: فوق هام السحب ( الشعر الشعبي) على متن القوافي
 

‏عزاز نفس وبالمقادير راضين
‏ ونفوسنا من فضل ربي رضيّة
‏
‏ وإن جرحّتنا بالظروف السكاكين
‏ نشكي مواجعنا لرب البريـّة

‏ما عندنا بالأرض خصم ومعادين
‏ ولا نقـابـل بالأذيـّه أذيـّة
‏
‏حنّا تربينا على اللطف واللّين
‏ وصدورنا لصدور الأحباب وفـّيـه


.......

رد: فوق هام السحب ( الشعر الشعبي) على متن القوافي
 

اعلم ترا مالي مع الناس مصلوح
ولا جيت ادوّر بين خلقه صداقه


جيت انثر شعورٍ تمثّل من البوح
حـرفٍ يـراودني ولي بـه عـلاقـه


ماعاد يعنيني سوى راحة الروح
ونفسٍ تعوّذ من ذنوب وطفاقه


.......

رد: فوق هام السحب ( الشعر الشعبي) على متن القوافي
 

خـل النوايـا بيض واحسـن ظنونك
واغفـل عن اللي ما يهمـك ويعنيك

واصرف عن اعْيوب الخلايق عيونك
تـرا عـيـون الخلق تبصـر مسـاويك

واحـذر تـكـبّر او تـرى الناس دونك
تصـغر بعين الله وخـلـقـه تعـاديك


.......

رد: فوق هام السحب ( الشعر الشعبي) على متن القوافي
 

‏أكبر هموم القلب تركك للصلاة
والا ترى الدنيا مشاكلها تهون

ماتستريح النفس وتزين الحياة
إلا مع اللي يركعون ويسجدون


.......

رد: فوق هام السحب ( الشعر الشعبي) على متن القوافي
 

‏لمع بارق الفرقا وهلت دموع العين
وانا اقول ياعين الشقا ليه هماله

بلاش التعاسه واعرفي كلنا مقفين
والا عمار جرف لا اقبل الموت هياله

.......

رد: فوق هام السحب ( الشعر الشعبي) على متن القوافي
 

تـدري متى تـرتـاح وتـكون فـي خير
لاصـار مالك قلـب يحقـد على الناس

عش في الحياه ويرزقك رازق الطير
ولـ غيـر رب الـنـاس لاتحـني الـراس


.......

رد: فوق هام السحب ( الشعر الشعبي) على متن القوافي
 

ياقلب يالي من غثا الوقت مللاع
اصــبر وصــابر لـو الايــام تقسى

بكـره يـزول الهم وتزين الاوضـاع
ويطيب فال النفس والقلب ينسى

وتستسلم الأجـفان للنــوم هـجاع
وتنـام ليـنه يكشـف الليـل شمسا

وان كان شح الوقت والحظ ماطاع
اصـبروتلقالك مـع الصـبر مـرسى


.......