رد: اخترنا لكم
 

خذني على جفنٍ من الشوق غارق
ما للندم نظره ولا للعتب صوت

.....

رد: اخترنا لكم
 

يا ليتني ما سمعت الكلمة الجارحة
اللي من البارحة تاكل وتشرب معي

.....

رد: اخترنا لكم
 

ياحاسد الناس خل الناس واتركها
مالك وراها مصالح يوم تشْغلها

أماّ تجمّل بكلمة خير شاركها
ولاّ تجنّبْ ولا تبحث مشاكلها

من عز نفسه عن الزلات يملكها
ولا فيه داعي لكلمة شر تنقلها

اعز لحظه من اللحظات وابركها
كلمه بها خير تنفع شخص تفعلها

.....

رد: اخترنا لكم
 

من صد عني وانا مَا اخطيت في حقّه
‏يرضيه طيبي اليا جرّب ردى غيري

.....

رد: اخترنا لكم
 

على دربك اسري مثل ما تسري الافكاَر
‏والاحساس يمك دون وعيي يوديني

‏مع الخط بين الشّوق و الحلم والتذكار
‏اهوجس واغني كن عينك تراعيني

.....

رد: اخترنا لكم
 

احبك ولا لي عنك صده ولا مجناب
نسايم هواك تحمل المسك والكادي

فديت القبال الزين والضحك والترحاب
قبالك وشوفك مبتسم ثالث أعيادي

.....

رد: اخترنا لكم
 

تهادى سكون الليل وانكفو السمّار
وراق الهوى ترويقة السالي الداله

على الكون خيّم جو تسبيح واستغفار
مشاعر تعيّش فاقد الحاله الحاله

.....

رد: اخترنا لكم
 

اما عشقنا عشق مافيـه تلفيق
ولاآ هجرنا الحب مذهب وملـه

اما غرام يشرح الصدر طاريه
ولا عسانا ياعرب ماعشقنا

.....

رد: اخترنا لكم
 

إلى أقفى النهار وهفت الشمس واعزاه
على اللي غياب الشمس بيّح بمكنونه

يبي سلوة الخاطر ويرجع على دعواه
وقلب المولع في الهوى لا تلومونه

.....

رد: اخترنا لكم
 

موادعك صعب واصعب منه نسيانك
لكن من المستحيل اقول لك تكفى

فتحت من طيبتك للناس بيبانك
وإن صد راع الجفا ماقلت له تكفى

.....

رد: اخترنا لكم
 

بقى ذنب واحد من ذنوبي عجزت أنساه
بعد ماهداك الله ياقلبي على التوبه

لك الشوق ياذنبٍ تركته لوجه الله
عسى سيئات الشوق ماهي بمحسوبه

.....

رد: اخترنا لكم
 

‏ذكرتك تحت قمرا في ديار مابها طرياك
‏ولمح بالذاكره وجهك عسى الايام تأتي به

.....

رد: اخترنا لكم
 

‏مثل مايمر الطيف في سجّة الساهين
‏تمر أجمل أحداث العمر دايمًا عجلة

.....

رد: اخترنا لكم
 

ألطف من الغيم وأمتع من رذاذ المطر
في عيوني أحلى من القمرا ومن نورها

الليله اللي تجيبك ذيك ليلة عمر
وأنتي مسا خيرها وانتي مسا نورها

.....

رد: اخترنا لكم
 

‏بارك الله في زمان بيّن وجيه ونوايا
‏وبارك الله في مواقف بينت كل الوجيه

.....

رد: اخترنا لكم
 

سج القدم فالارض والرزق مكتوب
‏تصيبك اقدارك لو اقفيت عنها

‏ومادام تلبس من هنا العافيه ثوب
‏النفس عن درب الملذات صنها

.....

رد: اخترنا لكم
 

عقب المواجع ي صدور الضايقين
بتأتي وجيه السنين الضاحكات

وبجود مولى الجود رب العالمين
لا بد ياتي خير من كل الجهات

.....

رد: اخترنا لكم
 

يوم جيتي كان ياكثر الكلام اللي بقوله
ويوم رحتي ما لقيت من الكلام الا ، تعالي

إن ذبحتيني جعل روحي فدا العين الخجوله
وان عتقتيني جعلت الليله أعز الليالي

لا المحبّه طاوعتني في زعلك ولا الرجوله
غاليه يالدمعه اللي ما تطيح الا لغالي

.....

رد: اخترنا لكم
 

يبقى الوفاء طبعي ولو راح عمِرَي
لَآنٌ الوفاء خصله رَفيع اصلها

مِاهمني لَوُ خانوا اجيال عصري
آلَطيب عنواني وصبري رسنها

.....

رد: اخترنا لكم
 

‏اعلم ترى التاريخ مايصنع وجود بلا وجود
‏كم واحدٍ يمناه ما تكتب وصدره مكتبة

.....

رد: اخترنا لكم
 

‏أعيش الصمت لا غنّى حمام الدوح
‏وأحس أن السماء والأرض ممتنة

‏عسى بعض الكلام اللي يجي ويروح
‏فدى اللي ما يخيِب بمسمعي ظنّه

‏كلامٍ في مضامينه ضماد جروح
‏ماهو باللي بدون سروج وآعنّة

‏على كثر المديح اللي يرد الروح
‏ماجاني مثل جعل ابوك فالجنة

.....

رد: اخترنا لكم
 

‏كايده واتعب عشان المقام الكـــايد
‏ واترك الهين مع صفق الــهبوب يعدي

‏بنت واحب الطناخه والشـــموخ الزايد
‏والطناخه والشموخ اسلوم ابوي وجدي

.....

رد: اخترنا لكم
 

‏يا راسي اللي بين رهبة وتشكيك
‏ آمن مادام اللهَ من خط لوحك
‏
‏وعيش الحياة اللي تبيها مباديك
‏حتى لو العالم تعاتب وضوحك
‏
‏لو كثروا أشباة الحبايب حواليك
‏عادي تكون الوحده أكبر طموحك
‏
‏علاقتك مع روحك أحيان تكفيك
‏عن جمعَةً ماهي على كيف روحك

.....

رد: اخترنا لكم
 

لو ما تجي سود الليالي على الكيف
‏عن سلمنـا و أهدافنا ما أنحرفنا

‏ما قد ذرفنا عند خلقه مكاتيف
‏وعند السجود لوجه ربي ذرفنا

.....

رد: اخترنا لكم
 

مشاعرهـا تهاجمنـي تثـور بداخلـي بركـان
أركـد هـا تعانـدي تركـد نـي واعانـدهـا

حقيقه لو بغيت أوصف وش الغربه وش التحنان
تمجدنـي متاهاتـي واسولفـهـا وامجـدهـا

انا طبعي كـذا دايـم أوصلهـا الـى الادمـان
ولامني بغيـت ادمـن غلاهـا قمـت أركدهـا

تسافر بي من الحاضر الى الماضي الى ما كـان
توسدنـي عذاباتـي وابوسـهـا واوسـدهـا

غريبه لعبة أيامي تسولف عن ضمى الوجـدان
واسولف عن ضمى وجدي ولا تسمـع تنهدهـا

سمرت بليلة ظلما اليـن أول فجـر قـد بـان
وسمرت لأخر أنفاس النهار وجيـت أبسعدهـا

حقيقه يا كـرم حـوا لقيـت ان الثمـر رمـان
ولقيت ان الكرز يزعل الى مـن قمـت أعددهـا

أمانه وش بقى فيها دخيـل الناعـس الذبـلان
أمانه وش بقى فينـي سهـر مـازار مرقدهـا

تمخطر كنها المهره بجوفـي والحشـى ميـدان
وتلعب في شراييني مسابح فـي طـرف يدهـا

تسامرني وسامرها تحدي مـن هـو الخسـران
واسامرها وتهزمني وعاود غصـب واجهدهـا

وعلى باقي سهر عيني تجيني تعشق السهـران
وأنا ما بي لها عشـق ومحبـه يـوم أبعدهـا

اذا بأول مسا حبي تكبـر مـا تشـوف انسـان
أجل باخر رمق ليلـي تجـي يرقـص توددهـا

غريبه شيطنة فكـري تبينـي للشقـا عنـوان
وأنا عمري لها القاضي عن المجرم وشاهدهـا

تلوى داخل انفاسـي تمنانـي نغـم واشجـان
تمنى تسمع اصـوات النحيـب اللـي يجددهـا

وأنا ماني لها صوره وترسمني قهـر واحـزان
أنـا مـن فـوق طاقتهـاواذا تخطـي بأدبهـا

واذا ردت على نفسي فانا نفسي رفيعـة شـان
واذا ردت على تقّـدر قـدرت أقتـل مواردهـا

تبيني مثل مـاودي تجينـي تعـرف العنـوان
ولاتفهم مـن اصـراري جفـا وانـي بهددهـا

أنا كلي لها دامي لها بيـت وسكـن واوطـان
وأنا كلي فـدى دامـي قصايـد حـب تنشدهـا

واذا ردت لعاندنا نسيت اللـي مضـى يافـلان
اقفي بس اسامحهـا اذا يومـي طـرف يدهـا

مشاعر خافقي ثـارت فداهـا كنهـا البركـان
اركـد هـا وتضحـك لـي ويغمرنـي توددهـا

....

رد: اخترنا لكم
 

‏عن الغلاء والذوق تبقى الوحيد انت
لك قـدر فـي قلبي وهيبـــه وهامه

اسمك في الاخـلاق والطيـب دونت
وانت الرفاهيــــــه وانت الفخامه

ادمنت في عشقك انا اليوم ادمنت
والقلــب ياقلبي هـــداك احترامه

ياكيــف ما احبـــك وفيني تمكنت
واسمك نحته فـي خفوقي علامه

.....

رد: اخترنا لكم
 

‏جفت عـروق الشــــوق يا سارق الروح
وانساب فـي صــدر المواجــع غيابك

تعبــــــت اخبــــي ما اهذريه وانوح
والقلـــب يا قلبي حـــرق من عذابك

لي نبض متعـذب ولـي قلب مذبوح
ولي روح تســرح كل يومــي صوابك

ولي جفن مايغفي ولي دمع مسفوح
ولي عيـــن توله بالسهــر في عتابك

.....

رد: اخترنا لكم
 

‏يا نــوم صارحنـي وقـــول الحقيقه
ويـش المشاكـل بينـك انته وعيني

متفارقيــــن وكل مـــن في طريقه
ومرت على ذا الحال عدت سنيني

يانــوم عينـي زوجتك مو طليقه
ليش الجفا والحقـد هذا الدفيني

إتصالحو كثــر السهـــر ما اطيقه
والله حـــــرام اللي تســووه فيني

.....

رد: اخترنا لكم
 

‏في داخلي شـوق ن من ايام مخفيه
وأحـــرق بناره بس اراعـي ظروفك

ومنتظــر فرصــه على شان ابديه
وانثرلك احساسي بلحظة اشوفك

يامن غرامك ساكن القلب يا هيه
وينــــك حبيبي عذبتني طيـوفك

قلبي معـذب فيـك ليتـك تداويه
واكبر علاج القلب لمسة كفوفك

.....

رد: اخترنا لكم
 

‏الصبح وعيونك حكايات عشاق
لاسلهمت لي ضعت كلي من الشوق

انت صباحك يشتعل كله اشواق
وانا صباحي فيك يمنحني الذوق

.....

رد: اخترنا لكم
 

‏اضحك ومن شاف الضحك قال مرتاح
وامـرح ومــن شاف المـرح قال سالي

مايدري انـي ضحكتي ضحكت اجراح
ومايدري ان المـــزح من ضيق حالي

يااهل العيـون الحاسده وضعنا طاح
ماعاد بقـــــــي للراحــه ايت مجالي

الوضع حطــم داخلــــي كل الافراح
والياس حطــــــم داخلـــي مابقالي

.....

رد: اخترنا لكم
 

‏أخفي همومي وسـط قلبي ولا انهار
واجامــل العالـم بضحكـة شفاتي

وادعس على حزني ولوصار ماصار
ولا خلـي الحُسـاد تعـــرف شتاتي

هذا انا الصامـد على ضيق الاقدار
صامــل ومعلـن فـي حياتي ثباتي

وصابــر على الدنيا وما ربي اختار
وعايش ولوضاقت بوجهي حياتي

.....

رد: اخترنا لكم
 

‏اهديـك مني ســلام الشــــوق لعيونك
واهديك كامل مشاعــر داخلي تحتاش

ياام العيــون الكحيله صرت مجنونك
ويشهـــد الله مانا في الهــواء غشاش

اسمــع كلامـــــي وقلبها على هونك
ترى حياتــــي لعينك يا الغلا تفداش

صعب اكتفي العيش ياكل الغلادونك
لولاك لولاك قلبي في الهواء ماعاش

.....

رد: اخترنا لكم
 

‏يا ويــل قلبي منّـــك لاحــل طاريك
نفسي وهــي نفسي تشــك بغلاها

أنسى اسامي الناس واغلط واناديك
قلبي معــك كـل الاسامـــي نساها

ياساكـن اعماقــي انا ميت ن فيك
ومشاعــري بالقلــب حُبك خذاها

وقلبي مولَـع بك وهايـــم بطاريك
وروحي تحبـك حُــب لآخـر مداها

.....

رد: اخترنا لكم
 

‏لاحــد يلوم القلــب لو جاله الضيق
لان السعــاده بيــن الايــام شاحت

مـات الفـرح فينا مـــع كل تشويق
وافراحنا فـي العمــر ولت وراحت

قهر الزمن والحال نشف لنا الريق
وهموم ياسه للقلــوب استباحت

واحلامنـــا ماتـت بـــلا اي تحقيق
وحظوظنامن جور الاوجاع طاحت

.....

رد: اخترنا لكم
 

‏إن كنت لي مشتاق شوقي لك اضعاف
وشوقي ضعـف شوقـك بعشرين مره

ياليت كان الشـــوق بالعيـــن ينشاف
كانك عرفت بكبــــر شوقـــي وقدره

ياخل شوقي لك قسـم ماله اوصاف
من غيبتــك قلبـــي تعــــذب بقهره

راعي شعـــورك لو مــن الله بتخاف
وارحم معـذب عاش دونك بحسره

.....

رد: اخترنا لكم
 

‏يوم الخميـس الخـل للخــل يشتاق
والقلــــب يتمنـى يعانـــــق حبيبه

ليلة عمـــر فيهــا الوله دوم خفاق
وعلى المفــارق كل لحظه صعيبه

ياحب ياالي مسكنك بين الاعماق
قلبــي مــن الاشـــواق ناره لهيبه

نفســـي بليله كلها ضــم واعناق
انسى بها كـــل الهمــــوم الكئيبه

.....

رد: اخترنا لكم
 

‏ليتك معـــي تسمع كلام اخر الليل
وتحس بي واشلون وضعي بدونك

حالي ترى من غيبتك هده الحيل
والعيـــن تتمنـى تناظـــر عيونك

اسهـر على ذكـراك ويجيني الويل
والنار في صــدري تــردد لحونك

وضعي صراحـه مايبي اي تأجيل
ارجوك ما تسـوى حياتي بدونك

.....

رد: اخترنا لكم
 

‏فديت عينـــك لو تبي العيــن خذها
وخذ النظـر مادمت في الروح غالي

واشلـــون اغليها وحبـــــك سكنها
وانت الوحيـد اللي سكن في خيالي

لا تسألونــــي يا هــل العشق عنها
ضاع الجواب وضاع معها السؤالي

اخفيــــــت طاريهـا وقلبـي علنها
وقال اعشقـك يابعد حالـي ومالي

.....

رد: اخترنا لكم
 

‏لعيـــون حســادي تبسمــت للضـيق
مافيــه أحــد يقــــدر يعكـــر مزاجي

اضحـك مع اعدائي ولو نشفت الريق
وامرح ولو جــــوي غشـاه العجاجي

طبعي اكابـر واقلــب الضيــق ترويق
واعيـش حظـــي في فـرح وابتهاجي

واحرق قلـوب اللي بهم حقد تحريق
واغيـــض كل اللي يريــــد انزعاجي

.....