رد: فوق هام السحب ( الشعر الشعبي) على متن القوافي
 

‏نعيش الحياه ومانبي إلا سلامتنا
‏لنا بـ الظواهر مالنا في خوافيها
‏
‏ولو الناس في بعض القناعات لامتنا
‏ترى أهم حاجه فـ الأوادم مباديها
‏
‏على كل حاجه نصبر إلا : كرامتنا
‏هي الحاجه اللي ما نساوم حدٍ فيها
.......

رد: فوق هام السحب ( الشعر الشعبي) على متن القوافي
 

‏واللـه يالـولا طيـبنـا اللـي ورثنــاه
ماكـان تاخذنا الحيل والدغايــل

نضحك وكن اللي حصل مافهمناه
وحنا نشـوف لكل خمله دلايــل

عزالله ان الصبـر تحمـد سجـايـاه
ويحول دون المعضلات الجلايل

ماراح قلنا روحـت مقيـط ورشاه
وماجـا عدلنـا به عـوج كـل مايل


شايع العيافي

رد: فوق هام السحب ( الشعر الشعبي) على متن القوافي
 

‏يروحون ويعودون وانا على مركاي
وأذا ماخذو عبره متى توخذ العبره

حياة الهبيل مع المراسيل رايح جاي
ولا في يده حيله ولا في يده دبره

انا لو أبا ازعل واتحما وأجيب اقصاي
فجوج الفيافي راحت اضيق من الابره

تعاوا ذياب الليل وانا على ممشاي
ويلقاني الطيّب على ضنه وخبره


.......

رد: فوق هام السحب ( الشعر الشعبي) على متن القوافي
 

‏حنا الذي بالطيب نثري عربــنا
افعالنــا هي شاهد القول فيــنا
‏
مـن التواضع ماذكرنـا نسبــنـا
تاريخنا معروف وفيه اكتفــينـا

على الردي مايوم حنــا عتبـنـا
هقواتـنا بالناس دايــم ثميــنــا
‏
نرخص بغالي الروح للي طلبـنـا
‏حيث الكرم موجود براحة يدينا


.......

رد: فوق هام السحب ( الشعر الشعبي) على متن القوافي
 

‏مهمـا تسوي مـن معاريـف فـ الناس
لايـمكـن انـك تـرضـي الـخلـق كـلـه

تسعى وتبذل جـاه والناس جـلاس
وتتعـب ورى الموضوع حتى تحله

احيان يصلح معك واحيان ينحاس
واحيان تدفـع مـن حلالك رضى له

واللـي يغـث النفـس ويعكـر الراس
لاجـاك مـن بـعـض الـمـقـاريـد زلـه


.......

رد: فوق هام السحب ( الشعر الشعبي) على متن القوافي
 

ما كل نظرة تبيّن في البنادم شعور
يا كون نظرة سحى تغلب عليها الثقة

من العيون الوساع اللي زهاها الغرور
اللي تلفّاتها في العاشقين صدقة

الى متى وانت يا قلبي كتوم وصبور
واهدافك مشتّته وآمالِك معلّقه

لكن حصل خير يا قلبي ثواب وطهور
كم عاشقٍ عاش حلم ومات ما حقّقه


.......

رد: فوق هام السحب ( الشعر الشعبي) على متن القوافي
 

صوتي تجرح ما بقى غير همسي
وعسى حروفي اليوم توفي بغرضها

کن السنين استكثرت طول عرسي
سبعين غيري ما حصلّه بعضها

ولا بدها يا سعود بتغيب شمسي
ذي سنة رب الخلايق فرضها

ولعلها حريتي بعد حبسي
ولعلي ألقى عند ربي عوضها

لولاي أحبك ما تذكرت نفسي
ولا انتبهت لعجزها أو مرضها

ومادام أشوفك طاب حزني وأنسي
وما همني حلو الحياة ومضضها

لعل قبل سعود لحدي ورَمسي
أخوي من أثرى حياتي ونهضها

ويا من ذكرني ما تذكرت منسي
ذكرت من عد النجوم وقبضها

أنا الذي لو تلمس الريح خمسي
كان السحاب أرخى العباة ونفضها

هذا الشجن حرثي والأيام غرسي
قصيدتي يبطي الزمن ما نقضها


أبيات للشاعر الأمير #بدر_بن_عبدالمحسن مخاطبًا أخوه الأمير سعود في أزمته الصحية

الله يرحمه ويغفرله ويجعل ما أصابه رفعةً له بالدرجات ويعوضه بالفردوس الأعلى ..

رد: فوق هام السحب ( الشعر الشعبي) على متن القوافي
 

‏لا ضاقت الدنيا عليك و تشاويت
‏خلق الله اللي فالرخا كان .. واجد

‏و من العرب و الصوت و الثوب مليت
‏و قامت عليك هموم بقعاء تراجد

‏فارفع يديك لخالقك لا توضيت
‏و ادعو تراك أقرب إليا صرت ساجد .

محمد بن فطيس

رد: فوق هام السحب ( الشعر الشعبي) على متن القوافي
 

‏خذها نصيحھ دام قدامك الوقت
اتعب على اللي يسعدك في حياتك

واللي يزوّد ضيقة الصـــدر لاضقت
ما هو كفو تخليھ في وسط ذاتك



.......

رد: فوق هام السحب ( الشعر الشعبي) على متن القوافي
 

مايرفع المنصب قصيرين الأشبار
ضعف الفريق أول يخليه جندي

الهندي يكيف على الفلفل الحار
مايعترف فالعود والعود هندي

اللي يدور زلتك مايبا أعذار
عطه الخطا واضح وماجاك عندي


.......