رد: اخترنا لكم
 

‏يا حبيــب الروح لاتهـمــــل ضياعي
عاشقـــك اصبــــح في الدنيا قطيع

صرت مثل اليخـت مقطوع الشراعي
تايهـــن دربه في البحـــــر الوسيع

ليت يا المحبــوب تصغي لاستماعي
قبـــل ماعقلي مــن الفرقى يضيع

لاتعـــــذبني بهجـــــري وانقطاعي
يكفي ان القلب من هجرك وجيع


.....

رد: اخترنا لكم
 

‏مساكــــم الله بالرضى والمســرات
واجمل حروف الشعر واجمل قوافي

لكل غالــــي مسكنه داخـــل الذات
ومكانته وســـط الضلـــوع الخوافي

مني ســلام الود واجمـــــل تحيات
مخصوص توصـــل كل انسان وافي

بالورد والنرجــس على شكل باقات
من قلب صافــي للقلوب الصوافي

رد: اخترنا لكم
 

‏عسى خيـــــر بعـــد اتعابنا يــوم نرتاح
وعسى الامــل يأتي بطيــب الاماني

وعسى ورا الاحـــــــزان تأتينــا الافراح
وعسى السعــاده ماتفـــارق كياني

وعسى حظوظ الوقت تنسينا الاجراح
وعسى القدر يمحي جروح المحاني

وعسى الزمن يضحك لناعقب ماطاح
وعسى المـرح يبقى طوال الزماني

.....

رد: اخترنا لكم
 

‏يا الله يامن فــــوق عرشـك تعليت
يامــن تدبــــر كل زينـه وشينه

ادعيك تغفر لي خطايا اذا اخطيت
وتمسح ذنوبي كل ذنبٍ بحينه

يارب يااللي لك عبــدتك وصليت
عبــدك لجا لك يا إلهي تعينه

ترزقني الراحـــه علــى ماتمنيت
وتملا حياتي بالفرح والسكينه

.....

رد: اخترنا لكم
 

‏دام الأمـــل موجـــود لا تتـبع الياس
وافـتح مــــع الآمال صفحـه جديده

والضـيــق ما هو للمخاليق مقياس
كم ضـايقن تصبــــح حياته سعيده

يا الله يا عالــم شعوري والاحساس
اجبــر خواطـــر في الضماير نكيده

إسعدقلوب الناس ياصاحب الباس
فيـك الامــل يا الله وفيـك العقيده


.....

رد: اخترنا لكم
 

‏فديت عينـــك لو تبي العيــن خذها
وخذ النظـر مادمت في الروح غالي

واشلـــون اغليها وحبـــــك سكنها
وانت الوحيـد اللي سكن في خيالي

لا تسألونــــي يا هــل العشق عنها
ضاع الجواب وضاع معها السؤالي

اخفيــــــت طاريهـا وقلبـي علنها
وقال اعشقـك يابعد حالـي ومالي


.....

رد: اخترنا لكم
 

‏مشتاق لك والشـوق قطــع فؤادي
بالله ترحمني مــن الشــوق لاموت

معقـــــول يا لذة شرابـــي وزادي
احرمتني حتــى على نبـرة الصوت

حبـــك علينا يا الغـلاء غيـر عادي
لعبــت بي لعبة برامــج وريموت

لاكن احبــك من صميم اعتقادي
والقلب يا كل الغلا يعشقك موت

.....

رد: اخترنا لكم
 

‏يا طير في كبد السما شد بالسير
صــوب الديار اللي فـــؤادي عشقها

سكانهـا ناســــن لهـــــم كل تقدير
وغلاتهم في القلـــب ماحـد وسقها

لامن وصلــت الزيــن صبحه بالخير
واشـرح له اشواقــي بلحظـة فرقها

وقله على فرقاه عايــش وسـط كير
ونفسي من اشواقـه على اخر رمقها

.....

رد: اخترنا لكم
 

‏من كثــر مادونت في عشقـك ابيات
ماعاد بقـي لهواجــس الشعر طاقه

كتبت لك مــن كل معجـم عبارات
ومن قصيـد الحــب حالـي مذاقه

وش عاد بكتب مابقى شي فالذات
خِلصــت دفاترنا وخلِصــت وراقه

ماعاد معي غيــــر الوله والتنهات
في داخلـي والشـــوق لآخر نطاقه

.....

رد: اخترنا لكم
 

‏يسعد مساكـــم بالقصايــد والابيات
واجمل حروف الشعر واجمل قوافي

لكل غالــــي مسكنه داخـــل الذات
ومكانته وســـط الضلـــوع الخوافي

مني ســلام الود واجمـــــل تحيات
مخصوص توصــل كل انسان وافي

بالورد والنرجـس على شكل باقات
من قلب صافـي للقلوب الصوافي

.....

رد: اخترنا لكم
 

‏يا وقـت امانه هــل تَغيـرت او الناس
هي مـن تغيــــر حالهــا والطبيعه

زمــان كان الطيـــب عـــــزه ونمواس
واليوم صار الطيـب مكر وخديعة

ياوقت ليت تشوف كيف صارو الناس
ضاع الوفاء فيهــم وقاموا ببيعه

قلبي من افعـال البشــر صابه الياس
والروح من كيــد الاوادم وجيعه

.....

رد: اخترنا لكم
 

‏تعال يالحـظ القوي وانطح الفال
ماعاد لي بمواجـه الصبــر حيله

شوقي علـى فرقا المحبيـن قتال
وابغا اعيش الوصـل بأية وسيله

ياشوق سـوا دخــل الصدر زلال
ياشوق هدي عالضلوع النحيله

ادري بأن البُعد والهجر قد طال
يا شوق حظــي مال ربي وكيله

.....

رد: اخترنا لكم
 

‏عودتني لاضـــاق حالـــي نصيتك
واليـــوم جيتـك مالقيتك ولاريت

بعدت عنــي ماعرفـت اين بيتك
وبجيتك من شوف عيني تواريت

ياحـظ مـن فرقـا حبيبي نخيتك
يكفي من الهجـران ماقد تلقيت

حاول تجمــع شملنا به فديتك
ياحــظ لانا حـي دونه ولا ميت

.....

رد: اخترنا لكم
 

‏يارب فرجهــا على ضايــق الحال
اللي همومــه في خفوقـه دفينه

سهل امـــوره يا إلهـي والاحوال
وامـلا حياته بالفــرح والسكينه

يارب لاتبلـي عبــادك بالاحمال
ولاتجعـل الدنيـا لعبدك تهينه

واعطيةياربي من الرزق والمال
وارفق بعبدك في حياته وعينه

.....

رد: اخترنا لكم
 

‏خذ ياسحاب الشوق من قلبي الشوق
وارحل جعــل مسعاك درب السلامة

صــوب الذي له شــآن ومكانته فوق
وسط الضلوع العـــوج ساكن غرامه

قله قسم قلبي من الشــوق محروق
والنار تنهــش في الخفــوق إلتهامه

والجسم كامل صابه الياس والعوق
والقلب ينـــزف داخلي مـن سقامه

.....

رد: اخترنا لكم
 

‏تعـال يا قلبي ترى القلب مشتـاق
‏والشـوق يمـك يـا غناتـي دعانـي

‏القلـب ينبض لك من الشوق خفـاق
‏والشـوق يمـك يـا حبيبـي خذانـي

.....

رد: اخترنا لكم
 

انت روحي وانت عمري وانت مودي
وانت نبض القلب ولا لك شريك

لو تقاسم عشقي الشعب السعودي
كان كل الشعب صار يموت فيك

.....

رد: اخترنا لكم
 

‏تمنيتك وحلمــــــي فيــــك طول
وحظـــــي ماتحقق فيـــه حلمي

عليـــــك الله ياحظـــــــي تحول
ترى يأســـي هـدم بي كل عزمي

محبتها تزيــــد اكثــــــر من اول
وشوق القلب هش اليوم عظمي

ونار البُعد في الاضــــلاع تشعل
ومن جـــور الفـــراق ازداد همي

.....

رد: اخترنا لكم
 

‏مهما خذا البعد منـك أو خذا مني
ما راح ياخـذ غـلانا مـن مـحانينا

شفني على باب قلبك واقف أغني
إنت البدايات وآخر ساحل ومينا

.....

رد: اخترنا لكم
 

‏لأجل عين اللي على عيني يمون
العيـون احـرمتهـا حلـو المنــام

ساهرٍ بين العــواصف والسـكـون
والمـودة نـارهــا بــرد وســلام

انتقـي عذب المعـانـي واللـحـون
وانظـم لعينه طواريـق الغـرام

.....

رد: اخترنا لكم
 

‏يا مالـك قلبـي وعينـي تراعيـك
لبيت قلبي يوم هـاض بغرامـك

أحترت مـن زود الغلا ويـن اوديك
حتي عيونـي ماتليـق بمقامـك

والله لو صدري يضمـك ويحويك
لجعلك فوق القلب تبني خيامـك

.....

رد: اخترنا لكم
 

‏اغيـب عن كـل البشـر وانـت باقي
في داخلي لايمكـن تغيب لحضات

فـي كـل ساعـه لك يزيـد اشتياقي
انت الوحيد اللي له اشتاق بالذات

.....

رد: اخترنا لكم
 

‏على الناس ما عندي معاتب ولا تثريب
‏نظاف الضماير كلهم ماتوا الظاهر
‏
‏ليا قلت يوسف وين قالوا كلاه الذيب
‏وانا داري انه ما سفك دمّه الطاهر
‏
‏تحيّرت بين العزم وملاوع التأنيب
‏اخاف الفشل واشوف مستقبلي زاهر
‏
‏انا كني اللي حن لأهله وتل الجيب
‏يبا ينطلق ويرده الخوف من ساهر

.....

رد: اخترنا لكم
 

‏ماخاف لو عشت بايّام انطوائيه
في عزلة الناس والدنيا انا راضي

من خبرة سنين وظروف اجتماعيه
بعض العلاقات مصنوعه على الفاضي

.....

رد: اخترنا لكم
 

انقطع وحبال الاخبار من دونه قصار
والله مدري هو تحت الارض ولا فوقها

.....

رد: اخترنا لكم
 

‏بداوتنا ماجات موضه ولا تزوير
‏ولا جمهرة عصرٍ تبارا مواكبها

.....

رد: اخترنا لكم
 

‏إنّ سلت بعض الوجيه من التعاليل الطويله
‏ما سلا قلبٍ طموحه ضحكة الوجه المثالي

.....

رد: اخترنا لكم
 

عيونك اكثر قصيدة ما اقدر اكتبها
اخاف من كثر ما أوصفها يحبونك

.....

رد: اخترنا لكم
 

والله ان كن الهبايب والنسانيس العليلة
‏ما تعرف تهبّ من كل الجهات الا جهتها

.....

رد: اخترنا لكم
 

الشجر يحتاج للماء ويحتاج أكسجين
‏والبشر تحتاج للوصل ماهو للجفاء

.....

رد: اخترنا لكم
 

‏هنيّ الغشيم اللي ليا ضاق صدره غاب
‏ولا بدّ تلقى ضيقته ما يوسعها

‏ينام ويجي بينه وبين الحياه حجاب
‏ليا عافت جنوب النشامى مضاجعها

.....

رد: اخترنا لكم
 

‏أنا أعرف كيف ينساق البحر كلّه لبحة ناي
‏وأنا أعرف من هي اللي تقتل أشعاري وتحييها

‏إذا ما ارضي غرورك لا كتبتك تنكسر يمناي
‏وربك ما تخون القوس هقوة كف باريها

.....

رد: اخترنا لكم
 

‏اقبلت واستغفرالله كنّها حورية
‏والشعر مثل الذهب يلعب على الأمتاني

‏إن تثنّت كنها مأمورةٍ منهيّه
‏وإن تمايل عوددها يالله لا تبلاني

‏جيدها فتاان والفتنة تجيب السيّه
‏والبروق تلوح بين الخوخ والرماني

‏قلت وش هالغنج قالت كذا عفويّة
‏بنت مملوحه جميله والجمال اطغاني

.....

رد: اخترنا لكم
 

‏ملكني غرامك لين صرت املك استعداد
‏اناصر ضحايا الحب وافهم مجانينه

‏ادور لجرحك من يدين الطبيب علاج
‏واثر ما يضمد جرحك الا سكاكينه

‏انا قبل اعرفك كان قلبي عيوف وصاد
‏وبعدك ماصرت اعرف الا الله يعينه

‏ لكن الله الي مكنّك والله اللي راد
‏ تخلينه يحب الحياة وتخلينه

.....

رد: اخترنا لكم
 

بشروك بما تحبين يا الحب الوحيد
‏انتي اللي عن جميع البنات مْغايره
‏
‏قفلي باب السوالف بقفلٍ من حديد
‏وقولي احبك وحطي عليها دايره
‏
‏وانزلي من حبل الافكار في حبل الوريد
‏واسبحي فعروقي اللي دماها فايره
‏
‏طيّشيني فيك لين اتريّح واستهيد
‏لي سنه مغير ارد الهموم الغايره
‏
‏ورافقيني موقفي صعب واحلامي بعيد
‏جعلني ما احلم بحاجات ماهي صايره
‏
‏ينجرح قلبي ليا شفت تلويحات الايد
‏كل ما تبحر سفينة وتقلع طايره

.....

رد: اخترنا لكم
 

‏عسى الهجره اللي بين صلب ودكاكة عرق
‏عليها القنوف تنثر الماء سحايبها

‏ياكم ليلة حررت فيها قيود وطرق
‏قبل تنكر وجيه الليالي حبايبها

‏سبب وجعتي هجراع خلج وسجايع ورق
‏وصدة ظروف تحسب اني سبايبها

‏وانا والله ان حتى الهوى اللي يجي من شرق
‏افز ابه كنه واحد ٍ من قرايبها

.....

رد: اخترنا لكم
 

توَّدد لي وأنا ودّي لو الدنيا بيدي تفداه
‏له من الودّ ما ودّي أغنّي فيه موّالي

‏أحبّه مثل ما ربّه كتب لي بالحياة رضاه
‏قدرت اقرى مكاتيب الهيام بعينه لحالي

‏غلاه اغلى من اغلى شيّ عندي عشت له والله
‏وفيت لفيّته وأفنى هجير العمر باظلالي

‏سليت الناس بوجوده وإذ قفّى عجزت اسلاه
‏يجي في زحمة الدنيا ويتمركى على بالي

‏تحت أمره فدى عمره وش ايامي أنا لولاه
‏حلاله مابداله لو أذوق المرّ يحلى لي

‏تودّد لي وانا ودّي أمدّ احلامه ليمناه
‏واقول الله يقويني ويبقى دايم قبالي

.....

رد: اخترنا لكم
 

‏كيف لا مرّ السهر من دونك أستعذب نعاسي
‏وأنت تدري ما لعيني من بعد عينك مسرّه
‏
‏كل ما طال السكوت بسور صدري طال باسي
‏كنّي اللي راضي التعذيب من قوّ المضرّه
‏
‏والله إني ما تحلويت الجفا لو كنت قاسي
‏مير قلبي من كثر حبه عجز منْك يتشرّه

.....

رد: اخترنا لكم
 

‏ أحتاج لأطيب خوي وأحتاج لأفضل حبيب
‏ لين الغلا والهموم يقل مفعولها

‏ يا صاحب الخاطر المكسور خلك قريب
‏ عندي قصيده حزينه يمكن أقولها

.....

رد: اخترنا لكم
 

‏نصبح ويصبح ســاير الكــون لله
‏هو العظيم اللي فلق نور الاصباح

‏الواحــد اللــي ماله انداد واشباه
‏سبحــانه المعبــود خلاق الارواح

سبحانه