رد: فوق هام السحب ( الشعر الشعبي) على متن القوافي
 

‏ان حكينـا يقولوا هو يـزل السقـوف
وان سكتنا يقولوا هو لغـب واختلف

اتعبتنـا المراحل واوجعتنا الشفـوف
واثقلتنـا طمــوح محققـين الهــدف

عـادها بي تـزين وريت عينك تشـوف
يا قضيــة كبيـرة ما احتملهـا ملــف

.....

رد: فوق هام السحب ( الشعر الشعبي) على متن القوافي
 

‏فالقلب قـــصرٍ للغـلا وأنت بانيه
حراسه أشــــواقـي وطيبة ظنوني

أظن بك ظن الوفـاء وأنت راعـيه
ياللي طيوفك في الغياب إسكنوني

.....

رد: فوق هام السحب ( الشعر الشعبي) على متن القوافي
 

في وجودك ماتضيع إلا الجُمل
وفي غيابك كل مافيني معاك

ماحدٍ يشبهك في لون وشكل
الله اللي جملك والله عطاك

.....

رد: فوق هام السحب ( الشعر الشعبي) على متن القوافي
 

يا مـدّعــي حـب لـيلى بِـئس مـا تدّعي
حبّك لها ضيـق لا يوصف وحبّـي سعه

كيف اْقطع الياس من ليلى وليلى معي
في مهجة القـلب فـوق العرش متربّعه

صدري لها قـصر والسور المنيع اضلعي
عـظـيـمة الشأن مـحشـومـه ومـترفّـعه

يا لائمي في هـواها حِـس واْسمع وعي
عـشـقــي لـهـا طُـهـر لا لـذه ولا منـفـعه

انـا قَـدَرهــا ووآقــعــهـا وهـي وآقـعـي
قضى لنا الامـر من فـوق السما السابعه

.....

رد: فوق هام السحب ( الشعر الشعبي) على متن القوافي
 

‏وصفك على وصـف المخاليق يفرق
مــدري حــواك الزيـــن ولا حويته

وطلتك في العيـــن تنـــور وتشرق
مثل القمر والشمـس نورك فديته

لي قلب متعذب وبي شوق محرق
ولك عشق طاغي بالحشا ماقويته

وفيني محبــه لك في الروح تغرق
عالم بأسره في ضلوعـــي خفيته

.....

رد: فوق هام السحب ( الشعر الشعبي) على متن القوافي
 

‏ياحضــرة الشـــوق عبّــر كل مافيني
البوح عاجــز عــن التعبيــر له فتره

قــل للرفاقــه غلاهـم ساكنن عيني
مافارق الروح والإحسـاس والنظره

مهمـــا ابتعدنا وفاهـم شي يعنيني
كل المشاعــر لأعـز الناس منتظره

حماهــم الله وهـــذا الـي مكفيني
دعـــوه من القلب للي نال تقديره

.....

رد: فوق هام السحب ( الشعر الشعبي) على متن القوافي
 

‏يارب غفرانك ليا اصبحت وامسيت
مـن الخطـايا والذنـــــوب الثقيله

ادعيك تغفر لي خطايا إذا اخطيت
وكــل ذنـبن يا إلهـــــي تزيله

يارب أنا فــي دعـــوتك ما تونيت
وحاجتي ماهــي عليـك مستحيله

ارزقني الراحـــــه علـى ما تمنيت
وسهـل برزقي في السنين المحيله

.....

رد: فوق هام السحب ( الشعر الشعبي) على متن القوافي
 

‏ياقلبي إتفائــل ولو فيــك مافيك
مافايـــده ياقلـــب كثــر التمني

إغنـم حياتك واسأل الله يهديك
وعيـش عمــرك بالرضا والتأني

ياقلب لاتلحق ورا الياس يبكيك
ما من ورا الضيقات غير التعني

وكٌل امورك رب الارباب يكفيك
ولاخاب من في رحمة الله ظني

.....

رد: فوق هام السحب ( الشعر الشعبي) على متن القوافي
 

‏نامت حروف العتب وأستحى وجه الغياب
وأنطفى شمع الوصل من رياح الراحلين

.....

رد: فوق هام السحب ( الشعر الشعبي) على متن القوافي
 

فمان الله من قلبي لو ان البعد يوجعني
تروح بحفظه وترجع مثل مارحت تلقاني

.....