|
رد: فوق هام السحب ( الشعر الشعبي) على متن القوافي
ترى مسساء الخير منّك عوافي
لاقلتها لي زان جوّي وروقـت هات مساء عذب الاحساس دافي وخذني شعورٍ ماتغير مع الوقت .... |
رد: فوق هام السحب ( الشعر الشعبي) على متن القوافي
اتعبوا لأهدافكم ياهل الحلم الشغوف
عنفوان زهور الأعمار قافيها المراح الفشل لاتجعلونه ذريعه للوقوف هو تراه أول مراحل محطات النجاح ما يعديك المهونه ويلحقك الشفوف غير ممشاك بشجاعه وعزمٍ من كفاح .... |
رد: فوق هام السحب ( الشعر الشعبي) على متن القوافي
بقى ذنب واحد من ذنوبي عجزت أنساه
بعد ما هداك الله يا قلبي على التوبه لك الشوق يا ذنبٍ تركته لوجه الله عسى سيئات الشوق ماهي بمحسوبه .... |
رد: فوق هام السحب ( الشعر الشعبي) على متن القوافي
خلك على الوجه الأبيض وأصلح النيه
لاتقول هاذي لأجل هاذي مسويها قل جعلها حسنةٍ تقضي على السيّئه الناس مهما تسوي صعب ترضيها يا الله بذكرٍ جميل وسمعةٍ حيه والوقفه أللي تبيض وجه راعيها .... |
رد: فوق هام السحب ( الشعر الشعبي) على متن القوافي
من فيض إحسانيهما يجري الرضا
وبجود ما يهبان يخضر الثرى اللهم اغفر لي ولوالدي رب ارحمهما كما ربياني صغيرا اللهم جازي والدي عني خير الجزاء ووالديكم وجميع المسلمين والمسلمات والمؤمنين والمؤمنات الأحياء منهم والأموات |
رد: فوق هام السحب ( الشعر الشعبي) على متن القوافي
ما نجبرك للحب ياللي تغليت
الله يسهل دربك اللي مشيته ماجاك مني غير طيبي و ياليت تذكر مواقيف الوفا ما نسيته ياما علشانك من القلب لبيت وياما علشانك قلوبٍ جفيته وياما علشانك نويت و تمنيت وياما على لقياك حلمٍ بنيته .... |
رد: فوق هام السحب ( الشعر الشعبي) على متن القوافي
مازلت لاهي وأنا من غيبتك ما ألهى
كنّي عن علوم غيرك فالعمر منهي مازلت أناقش خفايا الروح واسألها الحاجه اللي تعوض غيبتك وشهي .... |
رد: فوق هام السحب ( الشعر الشعبي) على متن القوافي
تعبان من كثر إحتراقي ومكبوت
ما بين عشق ولهفتي ب إلتفاته وش يذبح المشتاق ويحس ب الموت إلا مفارق شخص يسوى حياتـه .... |
رد: فوق هام السحب ( الشعر الشعبي) على متن القوافي
اقرب اشوفك يامكحل عيونك
واضمن نجاك من كل زله ضمانه تعال مالي روح تحيى بدونك يامن خذيت في قلبي اعلا مكانه اظهر معي في الوصل كامل فنونك مادام روحك في حياتي مصانه .... |
رد: فوق هام السحب ( الشعر الشعبي) على متن القوافي
مع كل طلة شمس ياصبح الآمال
أعيش وأبدا لي حياة جديده ٰ على رجى من غاب عني ولا زال يختال مابين الفواد و وريده .... |
رد: فوق هام السحب ( الشعر الشعبي) على متن القوافي
وش حيلةالمشتاق لا اخفى اشتياقه
في قلبه الهايم تعابير وشعور لاطايق صبره ولاالبعد طاقه قسى عليه الوقت ويظل مجبور .... |
رد: فوق هام السحب ( الشعر الشعبي) على متن القوافي
ايش الخدود الناعمات الرقيقات
وايش ابتسامتك وهذا الخلاقه كنك لحالك تاج روس الانيقات يهديك قلبي من هوا الورد باقه كنه في اوجانك شعور العميقات ايش الدلع يابنت وايش الرشاقه جننتي العالم وكل الصديقات والقلب يتمنا بصدرك عناقه .... |
رد: فوق هام السحب ( الشعر الشعبي) على متن القوافي
صدقوني مابقى للحب قيمه
الجفا شال الوفا واصبح مكانه والصراحه صايره كلمه قديمه والهوى اصبح من خيانه في خيانه ألا من رحم الله.... |
رد: فوق هام السحب ( الشعر الشعبي) على متن القوافي
ليت الغلا والشوق يتقسم اقسام
نتقاسمه نصين بيدي وبيده ولا قده مشتاق وهايم انا هام وكلين يلبي عاشقه مايريده .... |
رد: فوق هام السحب ( الشعر الشعبي) على متن القوافي
أحب من يملى ثياب الرجوله
لو كان ثوبه فاضياتٍ مخابيه وأحب من تسبق كلامه فعوله مزن ٍتدفّق ماه وأرعد مناشيه وأحب رجل ٍجاك تجمح خيوله من قبل تسرج له حصانه وتدعيه وأحب من يستر خَضَاره ذبوله وجه ٍطليق حجاج والهمّ حاديه وأحب قرم ٍيوم ربعه شكوا له قال النخل يفدا جريده سواقيه .... |
رد: فوق هام السحب ( الشعر الشعبي) على متن القوافي
ابعتذر واكتب على جمر الاوجاع
صدر الغلا تدفيه طعنة يمينك الشوق رابط والجفا سيف قطاع تصرخ حبال الوصل بيني وبينك راح العمر في سكة الهم أوضاع تاهت خطا ايامي وراحت سنينك ارخصت لك قلب الغلا فيك ماباع واهدرت اوقاتي الجميله لعينك .... |
رد: فوق هام السحب ( الشعر الشعبي) على متن القوافي
علق من الشوق جوالي
أضغط على الرقم واعيده واقول من عين الغالي الي خذا خافقي بيده .... |
رد: فوق هام السحب ( الشعر الشعبي) على متن القوافي
بعض البشر يعجبك حتى آحترآمه
وتحب فيه آجمل صفآته و ترتآح آن غآب تشفق في لقآه وسلآمه واليا حضر همك من القلب انزاح .... |
رد: فوق هام السحب ( الشعر الشعبي) على متن القوافي
لاتجيني تعتذر وتقول آسف
لاتحدثني عن اسباب الغياب لاتحاول أن تثير بي العواطف دام حبك كذب واوهام وسراب لاتبرر لاتفسر وانت عارف إن جرحك ما التئم للأن وطاب ياحبيبي أنتهى وقت السوالف عن غـيابك وابتدأ وقت الحساب .... |
رد: فوق هام السحب ( الشعر الشعبي) على متن القوافي
نبع الغلا عندك وعندي مصبّه
ومن الولا في خافقي لك ولايات وطيفك حطب عيني وعيني مشبّه والشوق برد ما انقطع لو للحظات ومكانك الصدر ولك القلب شبّه بين الضلوع اللي فردها التنهات ولك بيرق فالقلب حبك يهبّه شامخ ولا هزه من العذل غارات .... |
رد: فوق هام السحب ( الشعر الشعبي) على متن القوافي
اذا ارسَلَت تصيبنـي لهفه وشـوق
ويصير وجهي مكتسي بالبشاشه واخش جو العشق واروق واتوق حتى ولو هي حروف بوسط شاشه .... |
رد: فوق هام السحب ( الشعر الشعبي) على متن القوافي
لبى المساء تاملته على شانك
ولبى حروف تفرقها وتجمعها يازين كلمة مـساء الخير بلسانك من حلوها كني اول مره اسمعها .... |
رد: فوق هام السحب ( الشعر الشعبي) على متن القوافي
واحد من الناس يكفيني وراضيبه
ماريد غيره ابيه اموت واحيابه يامر وينهى ولبي لـه مطاليبه تفداه روحي وقلبن تله انهابه الزين والذوق هي جملة عذاريبه وحلو النبا مع دلولن حيل جذابه .... |
رد: فوق هام السحب ( الشعر الشعبي) على متن القوافي
انت اجمل ذنب برضاي اقترفته
وقلبك اطهر قلب في هذا الوجود وانت اوفا شخص بالدنيا عرفته يحفظك ربي من اطماع الحسود الغلا من اجل عينيك احترفته جود يا وجه السعد بالوصل جود .... |
رد: فوق هام السحب ( الشعر الشعبي) على متن القوافي
في عروش القلب متربع على كرسيه
حاكمٍ كل المشاعر والحواس الخمسه ماتشوف عيوني الا هو ولا به زيه ولا لمست كفوف غيره واه محلى لمسه وما تنفّس صدري الاّ انفاسه الورديه ولا عشقت من الكلام الا ذرابة رمسه .... |
رد: فوق هام السحب ( الشعر الشعبي) على متن القوافي
اعطش لشوفك وترتوي بك عيوني
لأنك غدير اللي من الوجد عطشان اشتاق لك شوق يهيض شجوني شوق المحب اللي تعلق بخلان .... |
رد: فوق هام السحب ( الشعر الشعبي) على متن القوافي
اقراء كلامي ي الغلا وافهمه زين
لاتحسب احساسي مجرد خواطر كل ماكتبت لخاطرك ي اريش العين كله مشاعر من صميم المشاعر انت الذي أعنيه وسط الدواوين وانت الذي خليتني صرت شاعر وانت الذي وسط الكبد والشرايين وانت الذي في الروح ناهي وآمر .... |
رد: فوق هام السحب ( الشعر الشعبي) على متن القوافي
أتركوني في جراهيد الحياه أسحب بساطي
لين همي ينجلي في شامها ولاّ يمنها ما سلم من دورة الوقت الحذِر والإنضباطي كيف عاد أسلم و أنا اللي معطي الدنيا رسنها .... |
رد: فوق هام السحب ( الشعر الشعبي) على متن القوافي
الناس واجد واقرب الناس مني
رجلٍ يبادلني الغلا والحشيمة شخصٍ ادور له عذر لاعزمني وشخصٍ اجيه بلا اتصال وعزيمة .... |
رد: فوق هام السحب ( الشعر الشعبي) على متن القوافي
لاتشتكي من بعض الأصحاب وتبوح
كلن يبيّن بـ آخر الوقت أصله أحدن يجيلك لأجل حاجات ويروح واحدن لو انه راح ماغاب وصله .... |
رد: فوق هام السحب ( الشعر الشعبي) على متن القوافي
العافية والستر مع راحة البال
هذى الثلاث اعدها راس مالي ياللي تقول الغالي اشريه بالمال اللي يجي بالمال ماهوب غالي .... |
رد: فوق هام السحب ( الشعر الشعبي) على متن القوافي
انت غبت وضحكتك صارت على بالي مقيمه
كل ماضاق الفضا فيني جلت عنّي عماسي يابعد من باع خلق الله وحبك من صميمه من يصدق لو اقول انك نسيت وصرت قاسي ما اقول ان عشرتك كانت عواقبها وخيمة كنتِ اجمل من كسر قلبي وطيّر لي نعاسي انهزمت وذقت في حبك ملذات الهزيمه في سبيلك منهزم قلبي وانا مرفوع راسي .... |
رد: فوق هام السحب ( الشعر الشعبي) على متن القوافي
يا كثرك بذاكرتي تمر وتسيل أشجان
وتفاصيلك بْكل الوجيه آتلمسها ياكل السنين وضحكتي وأول الكتمان سقى الله عيون ٍ حيّرتني نواعسها تمر الحياه وليت الاقدار بالامكان وأعرف الليالي وش تخفّي بواهسها يا كيف اتجاوز ما مضى واقدر النسيان ولك ضحكة ٍ في تربة البال غارسها .... |
رد: فوق هام السحب ( الشعر الشعبي) على متن القوافي
اشتاقلك شوق المواليف واحن
لو كان مابيني وبينك علاقة اعجاب مدري حب متخالط الظن بس الا كيد القلب زاد اشتياقه .... |
رد: فوق هام السحب ( الشعر الشعبي) على متن القوافي
ان تتحول العلاقه إلى رسميه مع الشخص الي كانت بينكم اقصى مراحل الميانه لايوجد اسوء منها وكأنه شخص غريب
يقول جابر النشيرا : رغم الثقة تعتريني شِكّة المستريب واقول جعل الليالي بالجهل ما تدور يا وجدي ان عوّد المألوف مثل الغريب ذي والله الحاجة اللي تستفز الشعور |
رد: فوق هام السحب ( الشعر الشعبي) على متن القوافي
اثر الغلا والحب ماهو بالشوف
كم شخص يعشق شخص مايوم شافه الحب فجأه يسكن القلب والجووف وأغلب بدايات الغلا ضحكة حروفه .... |
رد: فوق هام السحب ( الشعر الشعبي) على متن القوافي
بعد الفراق الي مثل واهج النار
ماعاد لي في باقي الحب عازه فقدت من يداري على القلب ويغار وحبه ورى حدب الضلوع ارتكازه الحب من فرقاه خليته يسار وسلمت تسليمة صلاة الجنازه .... |
رد: فوق هام السحب ( الشعر الشعبي) على متن القوافي
عطني علومك وطوّلها وفصّلها
وترحب أذني وقلبي وايدي وعيني وأبعد عن الأرض وأبعد عن مشاكلها وصوتك عن الناس والدنيا يكفيني .... |
رد: فوق هام السحب ( الشعر الشعبي) على متن القوافي
على اللي ذبح قلبي بحبّه بدون سهام
تمكّن وهو عنده دوا قلبي وجرحه وانا قبل اعرفه ماعرف قيمة الأحلام ولا كانت أيامي سعيده ومنشرحه جابه لي الله لين شفت العوض قدّام وسود الليالي عوّدت بيضٍ و سمحه .... |
رد: فوق هام السحب ( الشعر الشعبي) على متن القوافي
وإن تخيرتك دروب أعرف مشاويرك في بالي
أنت صوتٍ يجذب السيَّار ويحدّ الدليلة معك يا طيْب السّنين وفيك يا حلو الليالي شاعرك وش يَقتله غير المعنَّق والجديلة من مغبَّات الحياة أشدّ رَكْبي وارتحالي وأتجمع لك صحاري وأتفرق بك قبيلة يا معاريف الدّيار إن شفت نفسك من خلالي من خلالك كنت أشوف البرق في عِرْض المخيلة وين أروح إن غيبتني شمسك وجفت ظلالي الظمأ عاري وصوتك حق وعيونك خميلة ما يهمّ العمر لا منه وقف لـ عيون غالي كيف عاد أسوق لك عمري سحاب ولا تخيله ردني لـ أيامك الصلفات لا زاد انعزالي آه ياذلّ السؤال إن صار ما فـ اليد حيلة خابرٍ هذا الحزن سيّال ما له فيك تالي رغم هذا كلما ضجَّت حياتي ألتجي له ليش أميل لضحكتك وأكسر لطارفك اعتدالي وأتمنّى خنجرك وأبدأ نهارك وأنتهي له ما لمحتك فالبيان ولا بحثتك فالأمالي أنت فصلٍ يُعجِز الكاتب ولو يدفع حصيلة أتذكّر وقفتي دونك ومزحي وارتجالي وأتسامى لين أدفّ الضلع لعيونك وأشيله الإجابة تحتضر لا سيَّل إحساسك سؤالي والدروب مجرَّبة إلا دروبك مستحيلة هات لي كلّ الكلام وهاك شكّي واحتمالي وانتظرني بين هتّان السحاب وبين سيله وش مضى لك يا ملاذ الشعر وإلَّا وش مضى لي الحقايق غايبة والغصن غرَّبني مقيله اقطع الريبة يا أبو وجهٍ وراه أسوق حالي والله إني مرخصٍ نفسي وروحي في سبيله المرارة في حياتي موغلة وإلَّا أنت حالي وكلّ شيءٍ منك عن كثره يكفيني قليله لا تحاول تشرح أسباب الرحيل ولا تبالي صدة العشّاق مثل الفارس اللي زلّ خيله والحياة إن غرّبت صوتي وخلتني لحالي أدري إنها ما تكون بـ حضرتك إلا جميلة محمد السلطان |
| الساعة الآن 09:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية