رد: اخترنا لكم
 

عمرك الـفايت ترى مالـه عـوض
‏والحــيـاة أيـام والــدنــيا تــدور

‏وكل ماضاقت على صدرك توض
‏الصـلاة عـلاج ضيقـات الصـدور

👍

رد: اخترنا لكم
 

تجارب الايام في اقبال واقفاي
‏عرفت منهـــا عقب ما غربلتني

‏ما به يمين تعــزني مثل يمناي
‏ولافيه متن يشيل لي مثل متني

.....

رد: اخترنا لكم
 

شرع الباب وتعود على نطح الضيوف
‏وان سمعت اللـــي ينادي تحزم للندا

‏لا تقول الوقت شين وتعذر بالظروف
‏الكريم معان والطيب اخير من الردى

‏البعير يبين صبره ليا طــــال الوقوف
‏والحصان يبين عزمه ليا طــال المدا

.....

رد: اخترنا لكم
 

ماتدري انك داخلي وين ماروح
‏تجري مع دمي بداخل وريدي

‏ماهمني غيرك ولعيونك ابوح
‏تعال ياروحي وغنوة قصيدي

.....

رد: اخترنا لكم
 

‏تعال رتب طلة الصبح بيدك
‏ابيك ترسم لي بداية شروقي

‏ابي صباح الخير تشرق بعينك
‏وابيك تروي في حضورك عروقي

.....

رد: اخترنا لكم
 

‏كل ماهل الصبح جيت على بالي
‏وقول ياعسى ربي يصبحك بالخير

‏وكل ماكتبت اذكرك يالغالي
‏وقول صباحك عندي يفرق عن الغير

.....

رد: اخترنا لكم
 

‏والله أن نفسي عزيّزه وكبدي كبد طير
‏مستحيل أرجع لحاجه وأنا قد عفتها

.....

رد: اخترنا لكم
 

‏لاترمي المزحه على كل جالس
‏ترى نفوس الناس ماهي سويه

‏احفظ لسانك لا دخلت المجالس
‏ماكل من قابلت تصبح خويه

.....

رد: اخترنا لكم
 

‏تخيرتك محبه ماتخيرتك ألم وأوجاع
‏أشوفك ديرةٍ ضمت مداي وشي من روحي

.....

رد: اخترنا لكم
 

‏يشتاق لك قلب العنا وين ماراح
‏يالي غلاك اقرب من الروح للروح

‏لاتحسبنك بالهوى طيف سواح
‏يحوم حول القلب لحظات ويروح

‏لا والذي خلاك للقلب طبيب جراح
‏انك معي يا كل الغلا وين ماروح

.....

رد: اخترنا لكم
 

‏والله يالولا هاجس الشعر والبوح
‏تبطي جروح الجاش ماتندمليا

‏تاخذني الطرقه واعرٌج على الروح
‏نفسي تروم العز بكفوف مليا

‏تطلع بي اقدامي على نايف الصوح
‏ماارضى الطمان ولانزول السهليا

‏اهوا الشموخ وكل طيٌب وطحطوح
‏واكره وجيه مجمعين الفشليا

.....

رد: اخترنا لكم
 

‏ما الله كتب لي فيك حظ ولا نصيب
‏الواقع أصدق من يا ليت وربما

‏حتى لو إن إحساس قلبي ما يخيب
‏سفك الشعور أشد من سفك الدما

‏والغيمة إللي تاخذ شوي وتغيب
‏ما تغري الأ الميتين من الظما

‏أحيان حتى إللي تحس إنه قريب
‏يمكن يكون أبعد عليك من السما

.....

رد: اخترنا لكم
 

‏ماعاد بيني وبينك غير رد السلام
وابياتي اللي مع العالم تشوفينها

اخذي هدايا الجفى ماهي هدايا الغرام
وروحي مراح الظنون اللي تظنّينها

.....

رد: اخترنا لكم
 

‏يمرني وقت ماخذ فكري الشارد
‏حنين الأيام وعيوني لها غرقى

‏ماردني عنك كود احساسك البارد
‏ولا أنا شخص مايقوى على الفرقى

.....

رد: اخترنا لكم
 

‏انا لي شهر وسبوع مدري شهر وليال
‏وانا احوج من المحتاج واشفق من العبري

‏على الغره الي ساجد فوقها السلسال
‏وعلى نهايت السلسال والناحل المبري

‏ومظالليل عكش ٍ سلهمتها دمار اجيال
‏وعلى خبري الي فات والي بعد خبري

‏بخيلة عطاء فالوصل حتى على الجوال
‏وانا فالمحبه قلبي اكرم من الوبري

.....

رد: اخترنا لكم
 

‏ان صد عنا اللي يجينا بوجهين
‏اللي يغيّره المسا والصباحي

‏قريح خطه للمقفين سيدين
‏مخصصاتٍ كلها للمراحي

.....

رد: اخترنا لكم
 

‏حطني بين المعنق وبين الخوختين
‏وانثر السود الجدايل عليّ وفلها
‏
‏يا جميل الوصف عز الله ان الزين زين
‏رش روحي من سحابك وكبدي بلها

.....

رد: اخترنا لكم
 

‏يا فاتنه غضّي عن العالم العين
‏وعيشي ما بين الغطرسه والتغاضي

‏توقّفين الشارع إللي تمرين
‏وتحركين العالم الافتراضي

‏من يوم جيتي طاح كرت المزايين
‏تحولوا من جيّتك فعل ماضي

.....

رد: اخترنا لكم
 

‏حتى لو أنك بعض الأحيان فيك إنَّ
‏ماينتهي دورك ولا يحترق كرتك

‏تدري وش اللي لذا الحاله موصلنا
‏أنك تشاويتني وأنا تكاثرتك

.....

رد: اخترنا لكم
 

خد البسيطه سافي الجوع يسفيه
‏يموت فيه المستحي ما تغانا

‏يفداك يا خدَ قسى الوقت قافيه
‏ تفداه حتى روسنا لو بغانا

‏خد من القطب الشمالي ولا فيه
‏ الا صبيٍ من مواليد غانا

.....

رد: اخترنا لكم
 

‏الصيت باقي فالزمان البايد
‏والطيب حظ اللي يبيّن فوده

‏خلك على هامة مجالك رايد
‏ولا تدوّر فرصةٍ محدوده

‏ما يذكر التاريخ غير القايد
‏ويهمش التاريخ فعل جنوده

.....

رد: اخترنا لكم
 

‏ودّعت رغباتي عقب هدّت الحيل
‏لوّحت للأحلام ليلة حصادي

‏ما عاد تشفع للقصيد المواويل
‏ما يوصل الإحساس لو كان عادي

‏الجرح ما يشفيه حضن المناديل
‏والخوف ما يخفيه كثر التمادي

‏يا غربتي مشتاق للي مضى حيل
‏إشتقت لبْلادي وانا في بلادي

.....

رد: اخترنا لكم
 

مــا ينـكــتب شـعـر بليا مشـاعــر
‏ولا ينكتب بيت بلا صدق واحساس

‏صحيح بين الـناس ملـيون شـاعـر
‏لكن قليل اللي عجب شعره الـناس

.....

رد: اخترنا لكم
 

ناس على قل الوصل حيل تغليك
‏وناس مقابلهم عـمر يــكرهونك

‏بعض البشر مهما هملته يراعيك
‏والبعض لو تعطيه عمرك يخونك

.....

رد: اخترنا لكم
 

القلوب اللي على الفطره تودك
‏إزرع الخيرات والمعروف فيها

‏والقلوب اللي على الصعبه تحدك
‏لا تخاويها ولا تشره عليها

.....

رد: اخترنا لكم
 

‏حنا أحرار وكل حرٍ جزوعي
‏ما تمشي العوجا علينا مدانيق

.....

رد: اخترنا لكم
 

‏لولا الحسد ماشفت بالناس ضايق
‏وماشفت ناسٍ تشتكي من مرضها

‏الوقت علّمنا دروس وحقايق
‏الناس كل أسبابها من بعضها

.....

رد: اخترنا لكم
 

‏الخاطر المنكسر والضيقه اللي تزيد
‏متى انطلق من غثاها وامتثل للشفاء

‏احتاج وقت وكذا شخص ومكان ٍ بعيد
‏حتى اهدى وأستعيد العافيه وأغفى

‏الوقت في كل يوم يجيب جرح ٍ جديد
‏ من غير جرح الغياب وغير جرح الجفاء

‏مات الشغف والحماس وضاع قاف القصيد
‏والجانب المشرق اللي كنت أعيشه طفى

.....

رد: اخترنا لكم
 

‏دارت بك الدنيا وعنّك تخلّيت
‏ومغليك غيّر نظرته وانطباعه

‏وآمنت بأن الوصل مدّة وتوقيت
‏ولا بد لك يومٍ تشوف انقطاعه

‏وأنا غليتك صدق ما يوم ملّيت
‏شوفك والبي لك الغلا كل ساعة

‏وأحرجتني بردود فعلك وهزّيت
‏مشاعري والكون ضاق اتساعه

.....

رد: اخترنا لكم
 

‏الظنون أحيان يخطيها الصواب
‏مثل طيبك في زمن مافيه طيّب

.....

رد: اخترنا لكم
 

‏لقيتك ليلةٍ تسرق شعور ومزنها صبّاب
‏يا وجهٍ كل مايضحك عساها تضحك سنينه
‏
‏يمّل القلب تلويح الكفوف وسكة الغيّاب
‏مثل من ملّ خطوواته على رجوى تنادينه
‏
‏تشوفين الهوى غربه وانا اشوف الهوى غلاّب
‏تعالي والكلام اللي بصدرك لا تخلّينه

.....

رد: اخترنا لكم
 

‏من ذاق خمرك قضى عمره وهو طينه
‏ياللي بتاج الحسن والذوق توّجتي

‏مايضفي اللبس لو انك توطينه
‏مكشوفة الستر وانتي ماتبرجتي

‏فيك الدلع طبع و الكشخه بلا زينه
‏وفيك التغنج لو انك ماتغنجتي

‏أمانةٍ معك كان الصوت توحينه
‏حبي جبين العجوز وقولي أنتجتي

.....

اخترنا لكم شعر نبطي وفصيح
 

خلي جديلك ينتشر بين الهبوب
‏اللي يسرّيني ليا منّه سرى

‏مخلوق من خصلات والا من قلوب
‏يبي له احباب وقصايد واشعرا

‏قولي لرمشك عن براءاته يتوب
‏لا عاد يذبحني وكنّه ما درى
‏
‏من شافك يشوفك معاه بكل صوب
‏ومن تجرحينه عاش عمره ما برى

.....

رد: اخترنا لكم
 

‏لا يطوّل زعل قلبك على اللي يبيك
‏الدروب الوسيعة ليه ضيقتها

‏أنت تبغى القصيد اللي مسويه فيك
‏وكل حاجة جميلة معك في وقتها

‏ضمّني من على صدرك وسكر يديك
‏وقرّب الحاجة اللي بريقك اغرقتها

‏والله أني ما اسولف لك ولا اقصد عليك
‏من قصيدي قصيدة وأنا ماذقتها

.....

رد: اخترنا لكم شعر نبطي وفصيح
 

‏من سابع المستحيلات إني أنساك
‏رغم إن الأقدار خلّتني أخلّيك

‏وشلون بنسى ومن حولي هداياك
‏عطرك رسايلك ضحكاتك أغانيك

‏لو هي على الحب قلبي ما تعدّاك
‏ولو هي على دمعتي ياجعل ماابكيك

‏لكن ورب الشعور اللي تمنّاك
‏اني لو أهديك عمري ما يكفّيك

.....

رد: اخترنا لكم شعر نبطي وفصيح
 

اغرسي في رملة القلب بسمات وورود
‏ودّي اطرد هاجس الضيق منّي واقتله

‏كيف بنسى زمّة الموت من بين النهود
‏وكيف اجيك بريح الاشواق وانتِ سنبله

‏وكيف اجمّد سايل الدمع لا بلّ الخدود
‏والجمر في شفّتك كلّ صلب يسيّله

‏وكيف بآوي للجبل وانتِ بنتٍ من ثمود
‏تنحتين من الجبل بيت عشقٍ ندهله

‏يا حبيبي شيد الليل في صدري سدود
‏والغصن في خافقي قام يشدي بلبله

‏في صحاري غربتي ضمني صوب العدود
‏واسقني من جمتك طيب هرج وبسمله

‏وان سكبت بدله السمع عذبات الوعود
‏الوعود مصدّقة والدلال مهيله

‏الغياب اقسى من النار في صدر الحسود
‏والظروف السود طعناتها مسترسله

‏غيبتك تجعل حياتي مراهيف وجنود
‏حرب ذات تحرق القلب حتى تذبله

‏لا تباعد طرفة العين يا الظبي الشرود
‏الثواني خلت سنين عمري ممحله

‏النخله تعطيك من جذعها مليون عود
‏وعود واحد يقدر يشب مليون نخله

.....

رد: اخترنا لكم شعر نبطي وفصيح
 

سم اللقا صدفة واسميه ميعاد
أنا انتظرتك وانت مريت صدفة

.....

رد: اخترنا لكم شعر نبطي وفصيح
 

‏البخل بصمة عار في وجه راعيه
‏والجود يبقى صاحبه رافع الراس

‏مات البخيل وضاع مالٍ تعب فيه
‏ومات الكريم وعاش ذكره مع الناس

.....

رد: اخترنا لكم شعر نبطي وفصيح
 

‏من لقى منك البشاشه والسّماحه
‏واللسان الذرب والهرج القراحي
‏
‏لا تلومه لا أنكسر صوبك جناحه
‏ما يمرّك واحدٍ ويروح صاحي

.....

رد: اخترنا لكم شعر نبطي وفصيح
 

رافق ولكـن لا توافـق على خمـس
‏لــو يطلـبونك صحـبتك لا تـوافـق

‏فاسد وراعي بخل والمزعج العمس
‏ومعهم رفـيق المصلحه والمنافـق

.....