رد: فوق هام السحب ( الشعر الشعبي) على متن القوافي
 

‏ماعندي لكشف النوايا مرونة
‏من طاب فالجنة ومن خاب فالنار

‏أعامل العالم بما يظهرونه
‏واترك خوافيهم لعلّام الاسرار

.....

رد: فوق هام السحب ( الشعر الشعبي) على متن القوافي
 

‏من لايعيش العمر سامي ومتغاضي
‏ماهيب دايم ضروف الوقت خادمته

‏كنز القناعه غنـاة النفس للراضي
‏يعيش دنياه فـاهمها وفاهمته

.....

رد: فوق هام السحب ( الشعر الشعبي) على متن القوافي
 

‏من خان مره فالهوى لا تامنه
‏لو قال أحبك حاول إنك تنسحب

‏عجايب الدنيا سبع والثامنه
‏إن القلوب الخاينه تقدر تحب

.....

رد: فوق هام السحب ( الشعر الشعبي) على متن القوافي
 

بقى ذنب واحد من ذنوبي عجزت انساه
‏بعـد ما هـداك اللّٰه يا قـلبي على التوبـهَ

‏لك الشــوق ياذنـب تركتــه لوجـه اللّٰه
‏عــسى سيئـات الشوق ماهي بمحسوبـه

.....

رد: فوق هام السحب ( الشعر الشعبي) على متن القوافي
 

‏احسب اني كل ما طالت المده سليت
‏واثر قلبي لو يطول المفارق ماسلى

‏كل ماعرّض خياله على بالي بكيت
‏آخ يا ذيك الليالي و ياذاك الغلى

.....

رد: فوق هام السحب ( الشعر الشعبي) على متن القوافي
 

‏لا إله الا الله اللي لا إله الا هو
‏يامجير المستجير ومن لجى لك جرني

‏دلني لا تهت واصرفني عن اللي تاهو
‏واهدني للحق واغفر زلتي واسترني

آمين

رد: فوق هام السحب ( الشعر الشعبي) على متن القوافي
 

لاتدّور ترى ماغير نسخة وحيدة
‏تلقى غيري ولكن منت لاقي بدالي

‏الفقيدة ماهو اللي يموت الفقيدة
‏غاليٍ صار مع الايام مهوب غالي

.....

رد: فوق هام السحب ( الشعر الشعبي) على متن القوافي
 

لا صــارت الدنيــــا زحام وجمهــرة
أبحث عن الحكمة بقـدر المستطاع

الصمت متعــــة فـي زمان الثرثــرة
وأجمل حضور اتقان فـن الاستماع

.....

رد: فوق هام السحب ( الشعر الشعبي) على متن القوافي
 

خفف عتابك والزعّل لايجي فيك
أن كان تبغى الناس تقبل كلامك

ترى الكلام الزين بالخير ياتيك
تشوف به قدرك وزود أحترامك

وخلك على درب الصحابه مماشيك
واحذر طريق العيب ينقص مقامك

اطلب كريمٍ عنده الخير يعطيك
وخلك مُجدْ وبالمفيد أهتمامك

سعود عايد

رد: فوق هام السحب ( الشعر الشعبي) على متن القوافي
 

ياللي بحاجه للتجارب والدروس
بعطيك درسٍ دوّنه في صفحتك

الصحبه اللي تشبه أوجاع الضروس
مابين يوم ويوم تقلق صحتك

هي صحبة أللي لايراس ولا يروس
حذراك منها كان تبغىَ راحتك

النجم العالي