رد: فوق هام السحب ( الشعر الشعبي) على متن القوافي
 

‏خلّ عنك اللي لو يلجّ العرب بصياحه
‏وكلّم اللي ما تغيضه عثرة المتكلّم

‏صمته أبلغ من مديح العالم المدّاحه
‏واحد ٍيقضي لزوم ولا يحب يعلّم

.....

رد: فوق هام السحب ( الشعر الشعبي) على متن القوافي
 

ويتكدر خاطري يوم آتذكّر
‏جادلٍ قادت مقاديم العفارى

‏باب قلبه عن هوى غيري مسكّر
‏مثل قلبي عن هوى باق العذارى

‏يا عيون اللي على الداعي تنكر
‏بايتٍ بالرجم ما صاد الحبارى

‏يجدعون الشلو قدمه ويتفكر
‏ضيّقوا صدره مداوير السدارى

.....

رد: فوق هام السحب ( الشعر الشعبي) على متن القوافي
 

‏من اللي يقول العين ماتكشف المستور
‏كلام العيون اصدق من الموت في حيّنه

‏صحيح الصدور قبور بس العيون تبور
‏خصوصاً ليا سن الجفا راس سكينه

‏هذا اكبر دليل اللي تغافل وعاش الدور
‏بغا ينكر الموضوع واستسلمت عينه

.....

رد: فوق هام السحب ( الشعر الشعبي) على متن القوافي
 

‏حمامة سلام ساقك الله لقلبي لين
‏ربيتي ورى عوج الضلوع وتمكنتي

‏عليك السلام الصادق ايلين يوم الدين
‏سلام يحفك بالرضى وين ما كنتي

‏ياكثر الوله من يوم غبتي اللى هالحين
‏وياكبر الفراغ اللي ما يملاه غير انتي

‏لاعل العوض فالليله اللي تضم ثنين
‏اللى امنّت بعد الفاتحه وانتي امنتي

.....

رد: فوق هام السحب ( الشعر الشعبي) على متن القوافي
 

‏القلب بيت شيوخ ماهو بفندق
‏ما كل من زاره حبيبي سكن فيه
‏
‏ودك تصدق ما تبي لاتصدق
‏قلبي تربى ما يبي من يربيه

.....

رد: فوق هام السحب ( الشعر الشعبي) على متن القوافي
 

‏افتح شبابيك الامـــل واطــرد الياس
وعيش عمــرك دون غصه وضيقه

مهما يضيق الوقـت وتزيد الاتعاس
لابـــد يفتــــح لك إلهـــي طريقه

ياخوك لاتجرح شعورك والاحساس
ولا تحتمـــل من فوق مالاتطيقه

خل السعاده داخلك دون مقياس
وعيش عمـرك كن عمرك دقيقه

.....

رد: فوق هام السحب ( الشعر الشعبي) على متن القوافي
 

‏يا ساكنــــين القلــب يسعد مساكم
بالعووود والعنبـــر ونفحــة عطوره

والله ورب البيـــت ماقــــد نساكم
واشلون ينسى من سكن في قصوره

في داخلـي ماحد وصـل مستواكم
زايــد غلاكم صعب نوصف شعوره

لو تعرفــــوا مقــدار زايـــد غلاكم
مايوصفه شاعـــر بكامــل سطوره

.....

رد: فوق هام السحب ( الشعر الشعبي) على متن القوافي
 

‏اخفي غلاك وفاضــح الشوق يبديك
واشتـاق لـك في كــل لحظـه شويه

لمسة كفوفي ترتجــي ضمة إيديك
وإحساس روحـــي لهفته لك قويه

هذا شعور انسان من قلـب يغليك
ويهيـم بك من قلــب صادق ونيه

ياللي في اعماقـي تملكـت تمليك
ومحبتــك بيــن الضلــوع الحنيه

.....

رد: فوق هام السحب ( الشعر الشعبي) على متن القوافي
 

‏اشتاق لك با لثانيه والدقيقه
وافرح بشوفه كنها ليلة العيد

هذي مشاعر قلتها والحقيقه
اهواك ياكل الحلا سيد الغيد

.....

رد: فوق هام السحب ( الشعر الشعبي) على متن القوافي
 

‏تدري من اللي يمون ومسكنه عيني
‏تعال واقرب وناظر زين بعيوني
‏
‏إن شفت غيرك تراك مضيّع فيني
‏وإن شفت نفسك تسمّع زين بلحوني
‏
‏الحرف لاجلك تخطه رعشة يديني
‏واليوم دونك أعده يوم من دوني
‏
‏يانور ليلي ولقيا غربة سنيني
‏ياصادق الود يامشكاي واشجوني

.....