رد: اخترنا لكم
 

تصغر بعيني غلطة الصاحب الذرب
لو انها اكبر من طويق وطميه

حشمه لماضي كان مابيننا طرب
متجذر في المرجله والحميه

.....

رد: اخترنا لكم
 

صبري على شرواك عزاً لشرواي
ولو كان غيرك ماصبرنا دقيقه

لكن ضربت الراي في طيب الراي
ولقيت عيب الرجل يترك رفيقه

.....

رد: اخترنا لكم
 

يالله يالمعبود يا خالق جنه ونار
أرتجي رحمتك يارب يا رحمانيه

ياكثر ما أذنبت في ليل ولا في نهار
وأنثني وأتوب وأعود مره ثانيه

والله إني عارفٍ بصالة إنتظار
والذهاب أوكيه لكن متى الأعلانيه

.....

رد: اخترنا لكم
 

نقوم بالواجب ولا نحسب حساب
وش عذرنا لا من تركنا المواجيب

حنا علينا بالرجاء فعل الاسباب
وعلى الله المعبود كل المطاليب

عشنا بوسط المجتمع مثل الاغراب
من الحظوظ العاثره عيشة الذيب

تبقى الكرامه لو على قطع الارقاب
ولا همنا غيض الوجيه المغاضيب

.....

رد: اخترنا لكم
 

لو تعمل الطيب والخير للناس
مهما تسوي ترى الناس هراجه

قدام وجهك على العين والراس
وان رحت نار الحرب ولع سراجه

.....

رد: اخترنا لكم
 

ليا صار في صدرك طواري ونقص وزود
والافكار حاشت دم راسك وحاصرته

تخير من اهل الطيب قرماً عريب جدود
مايلحقك لـوم اليا نصيته وشاورته

لاتبدي خفى صدرك على واحد مقرود
يعاقبك في كل المجالس بثرثرته

.....

رد: اخترنا لكم
 

بعض العرب لامدحته طار فالعجه
من ضعف عقل السفيه وقلة ايمانه

راعي مراجل وشبعانٍ من الدجه
وكرامته ماتعدا بيت جيرانه

ليانصحته يقدم لك مية حجه
ماتسلم الخلق من ظلمه وبهتانه

وليا حضر فالمجالس كثرت اللجه
ياليت راع القديمي يقطع لسانه

.....

رد: اخترنا لكم
 

ياحزين النفس عند الله فرجها
اطرد الاوهام جامل بابتسامه

سج رجلك بالوسيعه من فججها
عن روتين النفس خذ درب السلامه

وخل عوج اهروجها للي هرجها
طنش اللي سهمته نقل النمامه

.....

رد: اخترنا لكم
 

ياربي طلبتك تعطي السائل المحروم
وتاقف معه قبل الرخا ساعة الشده

لي أيام مافي خاطري الا زعل وهموم
ابي النوم وعيوني على السهر منحده

رفيقي السنافي اللي ذخرته لمثل اليوم
هو أسباب حزني وانكساري وله مده

يعاني وأعاني معه واللي حصل مقسوم
ظروف الليال السود تبنيه وتهده

.....

رد: اخترنا لكم
 

قل للفقير اللي زمانه ماعطاه
اصبر على جور الليالي والسنين

اللي رزق شجره وهي فوق الحصاه
قادر على رزق العباد الصابرين

.....