رد: فوق هام السحب ( الشعر الشعبي) على متن القوافي
 

طريت في بالي وفجأه تبسمت
وغمضت من لذة خيالي عيوني

الليل والذكرى وطاريك والصمت
هالأربعه في غيبتك سامروني

.....

رد: فوق هام السحب ( الشعر الشعبي) على متن القوافي
 

ياطبيب الروح قلبي ماتحمل
العتاب الي وصلني من جهاتك

وانت من خليت ورد الحب يذبل
في بساتين امنياتي وامنياتك

وانت من تجرح وتزعل ليه نزعل
وانت سم الحب يقطر من شفاتك

ليش لي رديت باب العشق مقفل
وانت من اجبرتني ادخل حياتك

طارق محمد البداي

رد: فوق هام السحب ( الشعر الشعبي) على متن القوافي
 

جيتك غريب ٍضايع الخطوات في ليلٍ طويل
‏أبصرت بك فجر ٍضحك لي نوره وغيثه همىَ

‏من جرب وصالك ماعاد يطيب له غيّرك بديل
‏يشوفك لحالك سحابه والبشر كلها ظمى

.....

رد: فوق هام السحب ( الشعر الشعبي) على متن القوافي
 

الشعر ما يروي عطش قلبٍ مقهور
ولا يداوي جرح نفسٍ امغبونه

ولو نكتب الأبيات بإحساس وشعور
نار الحزن تفرض عليها لحونه

تبكي الحروف وتنحني داخل السطور
ويذوب صبر القلب وسط سكونه
يا ليت بعض الهم ينقال ويدور
ولاّ يزول بخاطره من يخونه

.....

رد: فوق هام السحب ( الشعر الشعبي) على متن القوافي
 

لا تتلف الروح لجل الناس ترضيها
وهمّ ولا يوم سوّوها على شانك

والله ماتندم على الدنيا ومافيها
لو تعرف الوقت من موتك لنسيانك

.....

رد: فوق هام السحب ( الشعر الشعبي) على متن القوافي
 

ترى التشكي للمخاليق يشــــــنـاك
يحط من قدرك ويفـرح امعــاديـك

وكثر التـشره يجعـل الناس تجـفاك
ولاعــاد تلـقى بيـنهـم من يخـاويك

.....

رد: فوق هام السحب ( الشعر الشعبي) على متن القوافي
 

ماعاد لك توقيع ياللي على بالي
واسمك مغيب ليه و إحساسك الروعه

وإحساسك اللي غاب مثر على حالي
بس اترقب متى الإشراق وطلوعه

رد: فوق هام السحب ( الشعر الشعبي) على متن القوافي
 

ليتك عرفت القلب ويش كثر يغليك
وليتك عرفت اني معك اصدق انسان

ضيعت فرصه ياحبيبي من ايديك
خلاص تبقى فعل ماضي من الان

لا لا تحـاول بـس ماعاد يمديك
فات القطار وخاطري منك زعلان

روح عسى سود الليالي تربيك
وتنصف لقلب صان حبك ولا خان

.....

رد: فوق هام السحب ( الشعر الشعبي) على متن القوافي
 

ان كنت شاعر جيت والروح تفداك
لان شعرك مثل شعر الصعاليك

مثل الفرزدق وامرو القيس شرواك
وان كان مش شعرك فباترك طواريك

.....

رد: فوق هام السحب ( الشعر الشعبي) على متن القوافي
 

لا تستحي لك الله إن صدري رحيب
‏إن كان في خاطرك نشده هاتها

‏لكن لا تنشدني عن الغايب وأغيب
‏في برزخ الذكرى و في لوعاتها

.....