|
رد: فوق هام السحب ( الشعر الشعبي) على متن القوافي
اما عشقنا عشق مافيه تلفيق
والا هجرنا الحب مذهب ومله اما غرام يشرح الصدر طاريه والا عسانا ياعرب ماعشقنا .... |
رد: فوق هام السحب ( الشعر الشعبي) على متن القوافي
لاجيت طيّب قالوا الناس مسكين
وإن جيت أقشر قالوا الله يشيله ولاحدّتك دنياك للفقر والدين قالوا فقير وحمّلوك الفشيله ولاضحكت أيامك وحصلت قرشين قالوا ترى نصّاب ياويل ويله ولاجبت غلطه حطوا العيب والشين وزادوا على غلطتك قاز وفتيله ولاجاتك الزلّه وتاهت عنوانين قالوا ترى مجنون خلوا سبيله ولارحت مقفي مع رجالٍ مقفين قالوا ترى المقفي ندور بديله ولاجيتهم بالجود وفعل الكريمين قالوا يهايط كل صبح وليله وان طحت خلوك العرب والمحبين واللي يطيح ف هـالزمن عزتيله قال الجمل لاطاح جتك السكاكين وكلٍّ على ذبحتك بيشد حبله هـذي حقيقه قلتها وسط بيتين من شاعرٍ ساق البيوت الجزيله جرّبت في الدنيا وشفت الكثيرين وأشوف هذا الوقت مافيه حيـله الناس ماترضى لو تسكن العين وصعبه تحقـق حاجةٍ مستحيله .... |
رد: فوق هام السحب ( الشعر الشعبي) على متن القوافي
ياذا المساء روق وهات الطواريق
خل النفوس بروعة الجو تسلى فنجال من دله وكاسه من أبريق ونفس خفيفه مع قصيد محلي .... |
رد: فوق هام السحب ( الشعر الشعبي) على متن القوافي
خلوني ابعد عن الواقع واعيش الخيال
مع اني العاقل اللي عايشٍ واقعي لكن من لايحمد الله على كل حال اما ماعنده صبر والا ماعنده وعي .... |
رد: فوق هام السحب ( الشعر الشعبي) على متن القوافي
ستر المواجع داخل القلب راحه
لو يمتلي صدري بها ماتكلمت ماهو جديد القلب يخفي جراحه ولاهو غريب الضحك مهما تألمت .... |
رد: فوق هام السحب ( الشعر الشعبي) على متن القوافي
رسالتي لك....
إن شئت ألاتدور عليك الدوائر فلا تفضح مستترآ ولاتشمت بعاثر ولاتسخر من مبتلي |
رد: فوق هام السحب ( الشعر الشعبي) على متن القوافي
ابشرك لا زال قلبي ينبض
بالحب لك والشوق لك يملاني الروح تواقه وعقلي يرفض فكره محبة اي واحد ثاني والعين تسأل والمشاعر تلفض رغباتها كلمات من وجداني تعبير يشرح لك ومعنى يوقض ضمير قلب احساسك الانساني من اجل لاتجبر شعوري يفرض واقع وينسا كل من ينساني .... |
رد: فوق هام السحب ( الشعر الشعبي) على متن القوافي
يانجد ماني غريبه لو شعوري غريب انا قصيده تغنت بك وصارت مره .... |
رد: فوق هام السحب ( الشعر الشعبي) على متن القوافي
هذا أنت ياللي مال حبّك نهايات
يستقبلك حاضر ويحضنك ماضي في زحمة العالم لو تمر لحظات كنّ المكان إللي تجي فيه فاضي بس أنت من يجعل من الهم بسمات يمرّك الزعلان ويروح راضي .... |
رد: فوق هام السحب ( الشعر الشعبي) على متن القوافي
كنا انا وياك والثالث الليل
ويضيع كل الليل بيني وبينك حنا تعودنا على بعضنا حيل هذا انا والليل بس انت وينك .... |
رد: فوق هام السحب ( الشعر الشعبي) على متن القوافي
ماٌني بـ شاٌعر ُلكنيٌ شٌخصٌ متٌذوق
أميز الكلمة الهزله من الجزلهٌ وإنٌ ماٌ حصٌلي قصيدً جزل ٌومٌشوق جلسٌت عٌن مٌدعيٌن الشعر فيٌ عزلٌهٌ .... |
رد: فوق هام السحب ( الشعر الشعبي) على متن القوافي
ترى خوة الشاعر مثل خوة المسؤل
وانا خوة الاثنين ماني بدانيها لولا المبدع الرجال والطيب المقبول تركنا بيوت الشعر للي يغنيها .... |
رد: فوق هام السحب ( الشعر الشعبي) على متن القوافي
أن كنت تغليني أبي منك ثنتين
أبغى الصراحة منك وأبغى أهتمامك وأن كان قلبك يحتوي حب شخصين أسف نظامي يختلف عن نظامك .... |
رد: فوق هام السحب ( الشعر الشعبي) على متن القوافي
ذوق العــــباره والحـــلا كلـهم فيك
والقـــلب من نشــرك يـزيد انشراحه تســـلم انامل اصبــعك في اياديــك ذي تنـــظم الروعه بحرف الفصاحه فارسم أحاسيس المشاعر بما فــيك لتـســتبــيح الوجـد فـيــنا استباحه كل الأدب والذوق يازيـن شـــاريك هـذي الحقــيقة قــلتــها بالصـــراحه من يشـبهك من ذا يدانـي معــالــيك كن بلسم الوجدان تــشــفي جـراحـه انثـــر نفيس الــدر وانــظم لآليــك بالـوعي يا أعــقـل عقـول الرجـــاحـه .... |
رد: فوق هام السحب ( الشعر الشعبي) على متن القوافي
عيش بحياتك قد ماتقدر تعيش
جرّب تحب وشوف فرق المواني مادمت أنا من علّمك لذّة الطيش خل العقل ينفعك مع شخص ثاني .... |
رد: فوق هام السحب ( الشعر الشعبي) على متن القوافي
هذا الصباح والقلب ينبــض صباح الخير
عســى يزيد الخيــر دائــم عليكــم أسعد صباحكم ماسبح بالسمـاء طيــر يا من فــؤادي بالـــــوفاء يحـتـويـكم بقلمي |
رد: فوق هام السحب ( الشعر الشعبي) على متن القوافي
لبيـــــه يابعـض العرب كل ما طل
يتـل قلبــــــي تـل واجـيـه كـلـــي يحل معـــــه الود من ويــن ما حل أفرح إذا شفتــه وأرحب وأهلي .... |
رد: فوق هام السحب ( الشعر الشعبي) على متن القوافي
لاتلوم الساكت الي يقول الصمت زين
داخله هرج مبعثر مع انه ماحكا لاتلومه يامجيد ساكت عده سنين لو تجيه تقول امانتك لاتبكي بكا .... |
رد: فوق هام السحب ( الشعر الشعبي) على متن القوافي
احترق قلبي من الي قد سمعته
واشتعل قلبي بنيران الحريـــق مات قلبي يا بشر الفين موتـــه وضلمت فيني حياتي والطريق كان يقتلني امانه فـــي سكوته وقلبي الولهان في حبه غــريق كل هاذاء ليش وانا الي هويته وقــد لمع حبه بقلبي كـ البريق .... |
رد: فوق هام السحب ( الشعر الشعبي) على متن القوافي
لا غاب له ساعه غدى القلب شرهان
وتزعل من التفكير حلو الملامح يرجع وأكون اللي من الفقد غضبان وإليا ضحك صرت الكريم المسامح .... |
رد: فوق هام السحب ( الشعر الشعبي) على متن القوافي
يستر الله علي ويستر الله عليك
ياغرامٍ ذكرته عقب هب الهوا لايغرك سكوتي يعلم الله ابيك بس حظي وحظك مايبينا سوا .... |
رد: فوق هام السحب ( الشعر الشعبي) على متن القوافي
لك في عيّوني سر ماأظن مستور
و لك في ضلوعي الف فزه غيوره ولي فيك واجد كثر ماالف وادور وارد لك مشتاق مع كُل دوره عسى حظوظ الله تباريك بسرور ولا يواجه قلبك الا سُروره يااعز من مر النظر وجه وشعور شوفك يرد الروح لو هو بصوره .... |
رد: فوق هام السحب ( الشعر الشعبي) على متن القوافي
ايه اعشقك يابنت يام العواطف
ياملهمة شعري وروحي احبك ان كنت قصرت اعتذر لك واسف مالي طمع والله ابي بس قلبك ياما على صدري نثرتي سوالف وياما ضحك قلبي إذا كان قربك .... |
رد: فوق هام السحب ( الشعر الشعبي) على متن القوافي
ياملـيح الوجـه مـنحـول الـخـصـر
واجب انشد عنك واطمن عـلـيـك بانـي الـك داخل اعـمـاقـي قـصـر بأعذب احساس الـمحبه يحتويك وتسـبق انفـاس الغلا لمـح الـبـصر المــنافـذ كـلـهــا مــنّــك وإلــيـــك .... |
رد: فوق هام السحب ( الشعر الشعبي) على متن القوافي
جيتك ونا من الشعر شابع ورويان
كتبت من شانك جزيل القصايد في جيتك يزهر لك القلب بستان وفي غيبتك تصبح حياتي نكايد .... |
رد: فوق هام السحب ( الشعر الشعبي) على متن القوافي
لو المراجل بـ الذهب نشتريـها
يدفـع ثمنها كارهـين الرخامـه والنـاس مربـاها على والديـها أما تـربـى صـقـر ولا حمـامـه .... |
رد: فوق هام السحب ( الشعر الشعبي) على متن القوافي
خارج الصندوق....
فَسادُ القُلُوبِ مُتولِّدٌ مِن سِتَّةِ أَشياءَ - يُذنِبُون بِرجاءِ التَّوبةِ - ويتعلَّمُون العِلم ولَا يعملُون بِهِ - وإِذا عمِلُوا لَا يُخلُصُونَ - ويأْكُلُون رِزْق اللهِ ولَا يشكُرُونَ - ولَا يرضَون بِقِسمةِ اللهِ - ويدفِنُون موتاهُم ولَا يعتبرُون |
رد: فوق هام السحب ( الشعر الشعبي) على متن القوافي
هذا المساء يحتاج دلة وفنجال
وقلوب ينبع من صفاها العذوبة لا فكروا بالدنيا ولا فكروا بالمال والضيق لو هو حولهم مادروبه .... |
رد: فوق هام السحب ( الشعر الشعبي) على متن القوافي
ياحـي طبع اللي يصـون الصداقه
حتى لـو انّـه مـا تعنّـى وسيَّر يحفظ أصول المعرفه والعلاقه ويبقى على طول الدّهر ماتغيّر .... |
رد: فوق هام السحب ( الشعر الشعبي) على متن القوافي
مشتاق له لاكن حروفي تكابر
والخل مثلي طايحً في غروره ودي رساله منه تسعد للنضار مادام في قلبي وروحي حضوره محتار من حبه انا سرت محتار ما الحل قولو له مراقب مروره .... |
رد: فوق هام السحب ( الشعر الشعبي) على متن القوافي
من عاش فالـدنـيا علَشان يحتال
يبي يمــوت وغـــايته مـالحــقها جعله فداً لمصخّر الجـاه والمال اللي تعــب للمرجــله ويعـشقها الفـرق بيّن فالأسـامـي والأفـعال والنـاس يـوم اللّـه خـلقها فرقها هـزاع الغـميسي |
رد: فوق هام السحب ( الشعر الشعبي) على متن القوافي
صواديف بقعا لو تخلي الجبال طحين
ما ترخي على كسب الجمايل عزايمنا صبرنا على اللوعه لا مره ولا ثنتين ولا احدً على صبرً صبرناه لايمنا صدوف اليالي صارت بيومنا روتين واكلنا مطبات الزمن مع ولايمنا ونطحنا الظروف القاسيه كلبوها لين ثبتنا وحطونا النشامى على اليمنا مزيد |
رد: فوق هام السحب ( الشعر الشعبي) على متن القوافي
الخطا وارد وموجود حتى فالصلاه
قِدم رب البيت نخطئ ونسجد له سهو كيف قِدم إنسان مخلوق غيبه ماقراه تستغله ضحكة الوقت والدنيا لهو بدر مروي |
رد: فوق هام السحب ( الشعر الشعبي) على متن القوافي
يقولون لا ضاقت عليك الوسيعة غن
وأنا أقول جهّز لا تضايقت سجاده وناج العظيم الي على هقوتك والظن ما خابت رجاوي من لجى له من عباده كريمٍ تعالى ما لحق مدته.. بالمن جزيل العطا ما ينقصه كثر ما زاده تزول الشدايد لا تضايق ولا تحزن نواصي الخلايق بأمر واليك منقاده عبدالحميد الشمري |
رد: فوق هام السحب ( الشعر الشعبي) على متن القوافي
الــرزق بالدنيا مقاسيم ووفوق
نوب تكايــدنا ونوب تروقــــي وعناية الخالق على كل مخلوق محيي الهشيم ويابسات العروقي بدر الحويفي |
رد: فوق هام السحب ( الشعر الشعبي) على متن القوافي
ياشيب عين الي تحده ظروفه
رجل غزاه الشيب من قل ماله وقامت عليه ايام دهره تحوفه واللي بلاه الفقر ياويش حاله م |
رد: فوق هام السحب ( الشعر الشعبي) على متن القوافي
الا واهني اللي ليا حط راسه نام
زمانٍ يلوع أهل المواجيب مالاعه والاواعذاب اللي ليا غط ساعه قام كما حال طفلٍ راقدٍ له على راعه محمد أبوعبيه |
رد: فوق هام السحب ( الشعر الشعبي) على متن القوافي
عش حياتك مثل ماتبغى تعيش وحب واكره
حب واكره باعتدال ولاتبالغ في الميانه لاتظن انك مهم وخذ من الايام فكره فكرةٍ تشرح لك الموضوع ياعنتر زمانه مايهايل فوق راسك بالتراب ان مت بكره الا اعز الناس واقربهم الى قلبك مكانه سعيد العلياني |
رد: فوق هام السحب ( الشعر الشعبي) على متن القوافي
والله مانحسب حساب المشاريه
اللي تجي من واحدٍ مايقدّر راع الوفاء نعطيه حقه ونوفيه منّا يروح وخاطره ماتكدّر والرجل يعرف ويش تاطا مواطيه وليا خذا الماجوب قدّر وصدّر لولا مواقفنا خذونا المداريّه ورحنا كما برقٍ يلوّح وتحدّر لاحق العضياني |
رد: فوق هام السحب ( الشعر الشعبي) على متن القوافي
يارب ثبتنا على الحق والدين
فيك الرجاء وانت الرجاء والثباتي حنا ماحنا في حــياتك مقــيمين ضيــوف خــير وتاركيــن الحياتي العلم والله لاغـدا العــلم علمين يوم الحساب وبعد وقت المماتي جربت في الدنيا وذقـت الامرّين ولافيه ألذ من الخــشوع بصلاتي مازن العوني |
| الساعة الآن 08:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية