رد: فوق هام السحب ( الشعر الشعبي) على متن القوافي
 

‏أسهــر على صوره وذكــرى قديمة
واكتب قصيـدي وانتظـر نـور بكـرى

أصعب مواقف هالحيَــاه الأليمة
لا غاب عنك إنسَـان وأعطاك ذكـرى

.....

رد: فوق هام السحب ( الشعر الشعبي) على متن القوافي
 

تفاهمنا على حسم الأمور و كلّنا راضين
‏و توادعنا ما كنّ قلوبنا خضر و هواويّة

.....

رد: فوق هام السحب ( الشعر الشعبي) على متن القوافي
 

مالي ورى الناس لا مطلب ولا حاجة
‏مَـا دام رايي وجيه ومنهجي طيّـب

.....

رد: فوق هام السحب ( الشعر الشعبي) على متن القوافي
 

‏درسن تعلمته ولاني بناسيه
درسن من الأيام كله فوايد

عنوانه الرفقه و منهو تخاويه
ونهجه مناهيج العرب و العوايد

من لايرافق صاحبن يحتمي فيه
ويبين في وقت القسى والشدايد

يقعد لحاله وأفضل اللي مسويه
مارافق ضعيفن يحب المحايد


فتى الجوف

رد: فوق هام السحب ( الشعر الشعبي) على متن القوافي
 

‏الوقت ما يضمن على الزين والشين
والناس فوق الارض جايع وشابع

اهل الكلام حدود سـبعة مـلايـين
واهل الـفعـول نـعـدّهـم بالاصابع

سلمان بن دبسان

رد: فوق هام السحب ( الشعر الشعبي) على متن القوافي
 

‏تسامحوا ياناس عن كل مافات
يالله عسى المعبود يقبل عملكم

العفوا خير وفيه للرب مرضاة
مافيه داعي لايطول زعلكم

تجاهلوا عن كل غلطه وزلات
وخلوا طريق المصطفى هو مثلكم

انتم بشهر المغفره والمسرات
واطلب عسى المولى يحقق أملكم

سعود عايد الحربي

رد: فوق هام السحب ( الشعر الشعبي) على متن القوافي
 

ياللي بديت تحب شفني تخرجت
واخذت الاول مع شهادة ندامه

تدري وش عيوب المحبه ليا احتجت
يا تبيع حبك يا تبيع الكرامه

.....

رد: فوق هام السحب ( الشعر الشعبي) على متن القوافي
 

جعل عيني ما تشوف إلا عيونك
وجعل حالي ما يضمه غير حالك

انت قل لي ويش هالـــدنيا بدونك
والله ان مــــــــابه حياه إلا وصالك

.....

رد: فوق هام السحب ( الشعر الشعبي) على متن القوافي
 

لبيه لبيه من روحي الي روحي
لبيه يا اغلى من الدنيا ومافيها

لبيه احبك كثر ما تعشقك روحي
لبى حياتك من اولها وتأليها

.....

رد: فوق هام السحب ( الشعر الشعبي) على متن القوافي
 

‏ياشوق لا تقسى على عيونه السود
انا دخيلك لا تعذب جفونه

ما زال في عمر الصبا ناعم العود
حرام غير الكحل يلمس عيونـه

.....