|
رد: فوق هام السحب ( الشعر الشعبي) على متن القوافي
شـابـت لـحـانـا مالـحـقـنـا هـوانا
عزي لمن شابت لحاهم على ماش صــرنـا نـكــد وكــدنـا مـا كـفـانـا عيشة وزا يالله على الكره نعتاش العـمـر رحـلـه و اللـيـالـي تـدانـا والادمـي لوراقب الوقت ماعاش يـامـا سمعنا عـلم شـيـنٍ دهـانـا سهوم المنايا بين مسرى ومغباش مبارك بن مرجان |
رد: فوق هام السحب ( الشعر الشعبي) على متن القوافي
يالله اللي كل امالي فيك لا تحرمني
من رضاك ومن عطاك المستديم الوافر ياكريمٍ لك يمدون الكفوف اكرمني يا منزَّل سورة الكوثر و سورة غافر ودي اسلى لو مرّه والفرح يعزمني واترك همومي خلافي كلها و اسافر بس حظي ما يساعدني ولا يفهمني ليه ياحظي كذا والله لو اني كافر م |
رد: فوق هام السحب ( الشعر الشعبي) على متن القوافي
وين احصل ثرى ً فيه الهبايب تصافق
ما يمره اطروش ولا خطوطّ سريعه لي سبوعين والضيقه سوات المرافق حرها مايروح وضغطها ما استطيعه واكثر الناس مابيني وبينه توافق لا تقولون ليش اتغيب صارت طبيعه عن سوالف غثيث وعن مجامل منافق راحة النفس فالعزله والارض الوسيعه متعب بن مرزوق |
رد: فوق هام السحب ( الشعر الشعبي) على متن القوافي
لاتندم على المعروف لا راح مهما كان
لو انك تقدم طيب للخبل والجاهل اذا راح للرديان صدقة على الرديان واذا راح معروفك مع الكفو يستاهل فريد السحيمي |
رد: فوق هام السحب ( الشعر الشعبي) على متن القوافي
الطّعنه اللّي بظهري من قريبلّي
في ذمّتي مشتكي منها ولانساها أنا أحسب أن البعيد اللّي حريبلّي وأثر البنادق تثور احيان بخباها تغيّرت نيّة العالم مع الحلّي دنياً نشوف العجايب في محيّاها قرابة اليوم احولّك وحولّي ياشين ذالرفقه اللي شان مبداها محسن المداريه |
رد: فوق هام السحب ( الشعر الشعبي) على متن القوافي
معي صورةٍ حيه لشخص ٍعزيز ومات
ياليت الصور لا ماتوا أصحابها ماتت لو إن البنادم يقدر يرجّع اللي فات أبي من سنيني بس خمسة عشر فاتت م |
رد: فوق هام السحب ( الشعر الشعبي) على متن القوافي
خافوا الله في المتغربين
العامل اللي جابه الفقر عندي اعامله بالطيب في كل حاله تخيّل إنك عاملٍ عند هندي حتى تحس بغربته وإنعزاله صويلح بن مرجي |
رد: فوق هام السحب ( الشعر الشعبي) على متن القوافي
الله خـلـق عـبـده على شـان العباده
ماهو على شان مفاخر العرق بالعرق صـح ان بالـدنـيـا عـبـيـدٍ وسـاده لكـن عـنـد الله مابـيـنـهـم فـرق خـلـك بـسـيـط الـكـبر ماهو بعاده لاتسرقك دنياك عن خلقتك سرق سعد علوش |
رد: فوق هام السحب ( الشعر الشعبي) على متن القوافي
انا على الله متكل والنعم فيه
ياذيخ فيك الحسد متكب نبحه ابليس من طاعه فلابد يطغيه يلزم تعوذ منه مغرب وصبحه اشوف وقت اليوم كثرت بلاويه خسايره واجد وقليل ربحه نويمي الصبحي |
رد: فوق هام السحب ( الشعر الشعبي) على متن القوافي
الزمن يدرج رحاه ودورته مقلوبه
ابتلش به عاقل العقال ممّا شافه والسبايب عالمٍ من جهلها منكوبه سالفتهم وش دخل بالبنك والصرّافه مادروا ان الحساب اللّي وراه عقوبه مايساوي وزن عود الرّاك والاّ السّافه محسن المداريه |
رد: فوق هام السحب ( الشعر الشعبي) على متن القوافي
لا تنشغل بالناس وش هم يريدون
وتَـتـعـب وكلٍ لــه مـزاجـه وجـوّه بنفوسهم لـو عندهم خير يـبـدون وكلٍ معـامـيـلـه على جـال ضـوّه والله خلق لك قلب والسان وعيون وأعـطـاك مثل الناس نظـرَة وقـوّه أشطب على جُملة مثل ما تشوفون ومـا يرضي الله ثـم يرضـيـك سـوه عبدالله حمد |
رد: فوق هام السحب ( الشعر الشعبي) على متن القوافي
رفيقي تغير غير مدري وش الموضوع
ومن هو نشدني عنه في الحال صرّفته يقولون كم لك عنه وأقول قبل أسبوع وأنا لي ثلاث شهور بالضبط ما شفته عبدالله حمد |
رد: فوق هام السحب ( الشعر الشعبي) على متن القوافي
لاصار م أنت ب عارفن قدر نفسك
لاتضمن إن الناس دايم تقدرك حاسب ضميرك بين بوحك وهمسك قدام شعرك ينجرف مع مشاعرك أبن عياد |
رد: فوق هام السحب ( الشعر الشعبي) على متن القوافي
جعل قلبي دائماً متعلق بذكرالله
الله اللي كل ماضاقت علي يفرجها أعبده وحده ولاتطري علي الذله لوّ عدوان النجاح خيولها تسرجها أبن عياد |
رد: فوق هام السحب ( الشعر الشعبي) على متن القوافي
احدن هواه الصيد ويحب طيره
واحدن طموحة كيف جمع المغاتير واحدن همومه بس يرضي مديره واحدن يحاول كسب حب الغنادير .... |
رد: فوق هام السحب ( الشعر الشعبي) على متن القوافي
ماكل مــن يشفق علـى الصيد قناص
ولا كل مــن قـال الـقـصـاايـد وزنـها لـو كل مـن طب البحر صاار غواص الـجـوهـره لابــد يـرخـص ثـمـنـهـا .... |
رد: فوق هام السحب ( الشعر الشعبي) على متن القوافي
يالله ياللي عندك الرزق مكتوب
ياللي جعلت الرزق ماصك بابه ياعالم النيات ياقاضي النوب كلٍّ عطيته باب رزقٍ شقابه .... |
رد: فوق هام السحب ( الشعر الشعبي) على متن القوافي
مسامح الناس خوفي حزّة السكره
ألقى رصيدي من الاحسان يجرحني الكل ميّت سواء اليوم او بكره اللي جرحته وانا مدري يسامحني .... |
رد: فوق هام السحب ( الشعر الشعبي) على متن القوافي
لامن عسفت إعسف من الخيل شقراء
تعجبک وقت الحرب لاصرت خيّال ولا من عشقت إعشق من الغيـد عذرا منسوبـه الجدين و العـم و الخـال .... |
رد: فوق هام السحب ( الشعر الشعبي) على متن القوافي
بعض البشر تلقاه صدفه وتغليه
حتى الـقلم يمـه يحب الـكـتـابه أفـرح وأهلـي فيه يـوم التقي فيه وشكـرت حظـ ساقني له وجابه .... |
رد: فوق هام السحب ( الشعر الشعبي) على متن القوافي
يا كثر ما نعطي ولا ننتظر رد
وننسى عطايانا ليا من عطينا قلوبنا ما تعرف الحقد والصد ونطيب فـ اللي ما يطيبون فينا ونحبّ لكن فـ المحبّة لنا حد لا وصلّت حدّ الكرامة مشينا عبد الله |
رد: فوق هام السحب ( الشعر الشعبي) على متن القوافي
بعض البشر ل احترمته يحسبك خاضع
ويحسب انك بطيبك للبشر ذليت مايدري انك تحب العيش متواضع ونك علا العز والاخلاص قدشبيت والبعض ياخوك مايقطع بهم قاطع لو باتسوي معاهم كن ماسويت عبد الله |
رد: فوق هام السحب ( الشعر الشعبي) على متن القوافي
ياعين يكفي لش في الدنيا دمـــــوع
كُفي بُكاء ياعين لا هانا وبــــــــــــس لوشي لماضي العمر فالحاضر رجـوع كانه رجِع في هذه الساعات امــــــس عبد الله |
رد: فوق هام السحب ( الشعر الشعبي) على متن القوافي
الحــزن مهما طــــال لايمكن يدوم
بعض التجارب فـي حياتك مفيده وان كنت من عذبات الايام محروم منت الوحيــد اللي ظروفه عنيده مادمــت لاظــــالم ولاأنت بمظلوم وقلبـــك بعد لازال ينـبــض وريده إنفض غبار الهم واصحى من النوم واصبر على الشدات لوهي شديده عبد الله |
رد: فوق هام السحب ( الشعر الشعبي) على متن القوافي
يارب سامحـني قبل حـزة النۆم
ۆاغفَـر خطُا نفَـسي ۆزلة لساني ما فَيہ من يضمن بعٍدِ نۆمہ يقۆم مدِام گل اللي عٍلﮯ الأرض فَاني |
رد: فوق هام السحب ( الشعر الشعبي) على متن القوافي
ماكتبت الشعر من شان الاعجاب
احروف شعري كلها نبض واحساس اكتب غزل اكتب حزن اكتب اعتاب واحساس قلبي دوم للشعر مقياس اقطف من ارياض الهواجيس ماطاب وانثر حروفي بين حبرن وقرطاس .... |
رد: فوق هام السحب ( الشعر الشعبي) على متن القوافي
انت طب الجـرح وعيون الطريق
وأنت لك في خاطري قدر ومقام لا تغار ولا تشـــك ولا تضيق دامك انـت الأول ومســك الختام ... |
رد: فوق هام السحب ( الشعر الشعبي) على متن القوافي
قال أحد الشعراء الشعبيين:
الـولد وإن طـاب طيبه من خواله بـالـخوال يـسـال قـبل الـوالديني وقد سُبق بالمعنى عند كثير من الشعراء الأولين كقول أحدهم: عليكَ الخالَ إنّ الخالَ يسري إلى ابنِ الأختِ بالشبهِ المبينِ |
رد: فوق هام السحب ( الشعر الشعبي) على متن القوافي
رسالتي لك....
إِذَا عَلِمتَ أَنَّ اللَّهَ { يُدَبِّرُ الأَمْرَ } فَلَا تَجمَعْ عَلَى نَفسِكَ أَحدَاثَ الأَمْس وَشُغْلَ اليَوم وَهَـمَّ الغَد اللَّهُمَّ عِوَضَاً عَن مَا مَضَى وَعَافِيَةً فِيمَا يَجرِي وَكَرَمَاً فِيمَا سَيَأتِي |
رد: فوق هام السحب ( الشعر الشعبي) على متن القوافي
حتى لو إن إحساس قلبي ما يخيب
سفك الشعور أشد من سفك الدما والغيمة اللي تاخذ شوي وتغيب ما تغري ألا الميّتين من الظما أحيان حتى اللي تحس إنه قريب يمكن يكون أبعد عليك من السما .... |
رد: فوق هام السحب ( الشعر الشعبي) على متن القوافي
أعاهدك باللي فرض حجة البيـت
مجفاك لو قبـري يشيـد ترابـه جاني خيالك في منامي وفزيـت وهلت دموعي مثل وبل السحابه ياما على شوفة خيالـك تمنيـت عزاه من جـرحٍ بقلبـي لجابـه وياما من هموم المحبه ترويـت والقلب زاد من الهمـوم إلتهابـه .... |
رد: فوق هام السحب ( الشعر الشعبي) على متن القوافي
وإذا شاب الغياب وشحّوا المقفين
أنا أعرف الليالي طبعها جاحد من أول كنت ادور عن لقى والحين أشوفك أو ما أشوفك كلها واحد .... |
رد: فوق هام السحب ( الشعر الشعبي) على متن القوافي
قالت انت تموت فيني وقلبك مايخون
التفت الها من اعماقي و صارحتها قلت انا ميت و ميت و قلبي مايخون يعني فوق الارض احبك واحبك تحتها جيت ابا جازيك على الجفيا والطعون وانثنت من دون غلطاتك وسامحتها العيون السود والخصر الاهيف والمتون يالبى اللي فوق الامتان واللي تحتها .... |
رد: فوق هام السحب ( الشعر الشعبي) على متن القوافي
يهاجر الحرف بين اللغه والقلم والكتاب
يبوج صحراء الذات فكر ويستلذ الأقامه يستطيب المحابرطاف فوق صرح الخطاب تستمد الشوف عينه شوف زرقاءاليمامه .... |
رد: فوق هام السحب ( الشعر الشعبي) على متن القوافي
ياجميلة كيف أفوّت فرصتي وأفوتك
والمشاعر من حلاوة مبسمك متحده ودي أحيى بك وأداري خاطرك وأموتك قبل جثمان المحبه لا يوارى لحده بعدك أبدع بالقصيد اللي يثير سكوتك وقبلك أشعر بالفراغ العاطفي والوحده كيف ماأحبك عساني مانحرم من صوتك وأنتي أحلى صوت وأحلى وجه وأحلى وحده .... |
رد: فوق هام السحب ( الشعر الشعبي) على متن القوافي
ماني بمتعدي مواني جنونك
دامي معك نفسيتي ما عليها لا عاد أسمع خلني في عيونك أنت عيوني كيف أخليك فيها .... |
رد: فوق هام السحب ( الشعر الشعبي) على متن القوافي
إن قلت أحبك فالمحبه لها حد
وإن قلت أنا معجب فالإعجاب عادي لكن أنا شخص عن العقل مرتد وأسرح مع طاريك في كل وادي .... |
رد: فوق هام السحب ( الشعر الشعبي) على متن القوافي
يالبي صوتك يعانق نبض هالروح
وهمسك نغم واجمل قصايد فريده كل ماسمعته جاني اجمل البوح ورددت مع انفاسك اعذب قصيده .... |
رد: فوق هام السحب ( الشعر الشعبي) على متن القوافي
من ذاق حبك ياغلا الروح ماتاب
يبقي سنين العمر لاهي وعاصي وعن حب غيرك قافل كل الابواب يذوب في حبك بنوع اختصاصي .... |
رد: فوق هام السحب ( الشعر الشعبي) على متن القوافي
نثرت لك عمري عطر فـي سنينك
وأرويت روحي منك ياأعذب الري لو تنزل أعماقي تشوف أنت وينك باقصى الحشا لك شان ماياصله حي .... |
| الساعة الآن 05:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية