|
رد: ديوان شعراء السعودية في العصر الحديث (متجدد)☘️☘️
قصيدة احبك لحالك
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 198 مشاهدة نفسي تعْرف اني احبك لحآلك يا اللي لحآلك مالك القلب كلّه بعد الغيآب اشلون بالله حالك ترى حبيبك جآته ألفين علّه ماغير اهوجس وآتخيّل ضلآلك وحتى ضلالك دوم ادوّر لضلّه اجلس محلّي يوم انا اجلس قبآلك واقول هذا هو يآعآلم محلّه وللي سئل اقول مآلي ومآلك انا الخليل اللي بكآ لاجل خلّه تدري ياغالي لآوصلني سؤآلك احس كنّه صعب ما اقدر احلّه واقول في نفسي على طيب فآلك شريط حُبك لأجل غآليك فلّه واجي من اقصآيه وانا اقول جآلك جآلك حبيبك دمْع عينه يهلّه واقول لا اترده.. حبيبك حلآلك وسيف الهْجر طآلبك لآ لآ تسلّه لكن ترى لو يوم مآجيت بآلك مايُنحسب من بآقي العمْر.. لله انت البدر يآآآمن يكفي هلآلك ولغير حُبك مآلي ايّآت ملّه اكيّف بشوفتك واشرب خيآلك واسوي بطآريك ألفين دلّه واقدع من الذكرى وحَلوى ليآلك دربي على مآضيك غصبٍ ادلّه لو قلت لي.. انا ياعمري حلآلك اقول.. خذني بس هالكون خلّه لحآلي آحبك واحبك لحآلك ومن اجل حبك اكره الكون كلّه |
رد: ديوان شعراء السعودية في العصر الحديث (متجدد)☘️☘️
قصيدة الذل آفه
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 195 مشاهدة يامن تقول الذل مخرج ومنجآه من ذل مآعمره سلم في حيآته الرجْل ما يُعرف سوى عند بلوآه امآ اتبيّن سطوته أو ردآته وشلون يقنب كآنه يجآوب الآه وشلون يرمي دآم طآحت حصآته وين الفخر ان حلّ في يوم طريآه وان كآن شيخ إشلون يلبس عبآته الذل.. آفه للرجآل المسمآه وحيله لمن درب المطآنيخ فآته مآيشبه إلا بذرةٍ في حنآيآه تنبت مع الموقف وتكسر عصآته إن مآ انشحن من قو بآسه ويمنآه يبقى على طول الدهر في سوآته ولّيت ياموقف يسوق المُعآنآه ولّيت يآرجلٍ يشآبه خوآته وش الحيآه اللي بهآ الذل منجآه لاوالله إلا مآ تشرّف حيآته |
رد: ديوان شعراء السعودية في العصر الحديث (متجدد)☘️☘️
قصيدة صباح الليل
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 180 مشاهدة من اول فطآم الغلا.. للمنآيآ مااذكر على بآبٍ يجآفيك طقيت وتشرّعت من جور فعلك زوآيآ وعرفت ليه اني من العآم مَ اخطيت قد كنت لك شآيب.. يسوق الوصآيآ وقد كنت لك طفلٍ.. بيدّك تربيت ودآيم ازفّك من وَلَه للحنآيآ احسبْك من بِيض النوآيآ تحنيت لآ مآدريت انك كثير النوآيآ ويآليتني ادري عسآني تدآريت تحت الغبآ.. يآني مسوي سوآيآ وفوق العقل.. ماادري انا ويش سويت لاجلك اكذّب بالوجيه المرآيآ وانته سقيت الحي من نزعة الميت طعنت إخلآصي بخنجر عمآيآ وادمت خطآوي مآ لفا طيبهآ بيت شفت القبر قلت اشهد انه دوآيآ لكن تكفّنت بشقآيه وعآنيت مآعآد صبح الليل ينثر مزآيآ من يوم ليل الصبح شرّف وقفيت ماادري قتلت اللي بقى من خلآيآ والا انبتت لك بالخلآيآ عفآريت من جيتلك كآنت يديني ضمآيآ واليوم رآوي من عطش مثل مآجيت طلبت.. تسمع من عيوني غلآيآ وقريت لك قلبي بعزفه.. وغنيت قلت: السحآبه ضمّتك في سمآيآ وآخر حكآويهآ معك.. يوم هلّيت لكنّ قيعآنك سوآت العرآيآ حتى ولو اعشبت مآيوم مديت كآنك ترد مْن الهدآيآ هدآيآ يآمآ على دمعي من الظلم مشّيت صحيح قلبك غير كل الصبآيآ لكن انا دآخل حيآتك تصآبيت واسقيتك الدنيآ بكآسة وفآيآ وعلى انتظآرك بالمشآعر تشآويت ومآني بعآيد لك كبير الحكآيآ بس استمع دآم بعيوني تحآكيت مَ المشكله انك كثير الخطآيآ المشكله اني اذا اقفيت.. اقفيت |
رد: ديوان شعراء السعودية في العصر الحديث (متجدد)☘️☘️
قصيدة حظي تعلق بك وطاح
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 175 مشاهدة يابنت حظي من تعلق بك وطاح كل الطيور اللي على الجو طاحت لامايقاوم وقعها ريش وجناح وذيك الضلوع العوج جفٌت وصاحت كنت احسب اني بعد كم ليله ارتاح وكتمت في جوفي والاحزان فاحت وجيتك على غفله وانا كلي اجراح لقيتكك اللي بالمنام استراحت يابنت نامي ماعلى مثلي صياح لكن طيور الجو بالقاع ناحت النور لامنٌه على العالم انزاح كل الدموع لعالي الخد باحت هذا انا مابيني وبيني افراح حتى الهموم الخافيات استضاحت لا ماصدق من قال للعاشق وشاح وبروق شوقه بين الاهداب لاحت الدمع ضيقه بين الافكار يجتاح ولو هو كتم سره على العين راحت يابنت لايشقيك حظي ولو طاح دام الطيور اللي على الجو طاحت |
رد: ديوان شعراء السعودية في العصر الحديث (متجدد)☘️☘️
قصيدة فكاهيه
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 172 مشاهدة ياصاحبي وضع البشر نصه اغلاط كنّه عميل وتايه فباب تقسيط اخذت لي مع اغلب العالم اشواط حتى فشل للطيب منهج وتخطيط ان قلت اسوي ماتسويه الامشاط الشين يبقى شين وان جاه تمشيط درعم مع الايام وحذراك الإفراط إلا بفرص تحتاج من يدْك تفريط يعني كذا خلك مع الناس مغاط وإليا صدفت الخيّر ازداد تمغيط لن البساط الاحمدي ماهو بساط للي علومه كنّها عج تفحيط وإليا وصلتك حروف مافيهن انقاط للنيّه الزينه مهارات تنقيط همّش تراك بتملي اجيوبك اسواط وتطنيشك يلاعبهم بدور تمحيط واللي سلامه صار لامر بك طاط قلّه عليك الطاط مع رحمة الطيط |
رد: ديوان شعراء السعودية في العصر الحديث (متجدد)☘️☘️
قصيدة سبحان من صوّرك
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 170 مشاهدة سبحآن من صوّرك يآ زين سبحآن ماكنك إلا في حلاك اتحدى ماهمّك إليا صآر للوصف ميدآن يكفيك خطف عيون يوم اتعدى كل شي فيكم.. صار له حس ولسآن وكل شي فيني.. لاتمايلت هدى لاتلوم قلبٍ يسهر الليل ولهآن كل مآ سلك في درب طيفك تصدى جيت آتعشآ فيك.. هالقلب جوعآن واشوفك اللي في حبيبه تغدى لايآ الذهب ماطآلتك كل الاثمآن وغيرك يُبآع ويُشترى ويتصدى لو مآ وجودك بين قآفي والاوزآن يآويش جآب الشعر ويآ ويش ودى لايطول صدك.. طلّ واكسب بي احسآن مليت من بُعدٍ علي يتردى |
رد: ديوان شعراء السعودية في العصر الحديث (متجدد)☘️☘️
قصيدة لا يارفيقي
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 164 مشاهدة لا يارفيقي لا تنبّش بالاوراق خل القضيّه داخل رفوف الايام سج القدم من ليلك لحد الاشراق ان ماتعب خاطرك تتعبك الاقدام بُعدي ترى طيّب وانا شايفه لاق خطوة عزيز النفس مايوم تنظام مالي بعالم زيف وخداع ونفاق ما للكريم إلا مطانيخ واكرام والآدمي ماهو لكل شي يشتاق تكفي حروفه عن مقاريد الارقام واللي طموحه لاشهب الوقت ينساق يثبت له الواقع مفاهيم الإعدام هذا الزمن له طاره وفيه سواق مير البلا به سيّد وفيه خدّام ياصاحبي ياصاحبي مابه اخلاق دقيتها ريوس ولا فيه قدام وذاك الجفى في داخل صويحبك فاق وسجّل على ماقيل حرفه بالاقلام |
رد: ديوان شعراء السعودية في العصر الحديث (متجدد)☘️☘️
قصيدة المترفه
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 162 مشاهدة يالمترفه بسأل.. وابغى اجابتك باللي لعب فيني ونفسي اعرفه لما تفكي فآك وْتسيل كلمتك ايش الشعور اللي كسا حرف ترفه؟ هل الركاكه من سبايب حلاوتك! او عندك لإذابة الحرف حِرفه! اوهمستك متخاصمه مع اناقتك! او غنج صوتك ضايعٍ وسط حَرفه! انا اقول الحرف بفراق شفّتك ياهو تمرّد! اوهو التيه ضرفه واحس جوالي إذا جات رنتك تتلخبط اوضآعه ولايغض طرفه بيدين موجاته يبي يظم رقتك ويفتح على احساسك للأزرآر شُرفه وتوقف لك الابراج عز لْباقتك وان جا اتصال يقاطعك جاب صِرفه ياكم طفى.. معذور طاح بلطافتك وايامه الاولى على الغير كرفه يالمترفه.. القصد ماهو اجابتك القصد حالي.. ليت قلبكيعرفه |
رد: ديوان شعراء السعودية في العصر الحديث (متجدد)☘️☘️
قصيدة الحشيمه
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 157 مشاهدة يامن تطقطق بالعتب روس الاصباع ذبحتني بين الحيا والحشيمه عاتب فديتك لاتخبيك الاوجاع مثلك عليه مْن النفوس الحليمه ان ازعجك من شمس ماقلته شعاع انا قريت اللي على كف ديمه رقيت بك لين العلو غصب ينصاع وعلى السما نلت الحياه المقيمه وطال البقا للغيم والنور ملتاع والشمس ماكانت تحب الهزيمه كان التنافس لك على وجه الابداع وكل الدروب اللي تبي مستقيه ألين ما صبح الغلا داخلك مآع واطفيت هالدنيا بهرج اللئيمه ما ادري عيونك للبشر كانت جياع والا ان سودك تاليتها وخيمه شوف السحابه ضاقت وناجت القاع وسالت على خد الثرى الف غيمه وبعض الكلام ان ماوصل يم الاسماع يغرق ولو يمسك بقش النميمه لكن مدامك جيت تنثرك الاوجاع باجمّع في بيت نفسه حليمه لو النحل مثل الذبابه بالاطباع ماكان ميّزة العسل عن خصيمه كُف العتب لا اضيع مع روس الاصبآع وفي جيّتك لك فوق قدرك حشيمه |
رد: ديوان شعراء السعودية في العصر الحديث (متجدد)☘️☘️
قصيدة الحراميه
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 149 مشاهدة ياصاحبي ارفق شويّه مادام تسرق من افكآري باعطيك فكره جنويّه توقف بحلق الفتى الزآري ومآني محآسبك موليّه لنك شهآده على إبحآري لاصآرت ارضك سحآبيّه سمآك تصبح نهر جآري اُوزن على شمسك الفيّه واعطف على جآرك وجآري ومن دون بِذره ولآ ميّه مثل اللذي مآهو بدآري صدقني تنبت لك بنيّه احسن توآصيفهآ البآري ولآتآخذك حولهآ حميّه بيفوتك الليل والسآري اركد والاوضآع عفويّه شوف الطْفل ينخلق عآري يُكسى مِن الاُم حنيّه وابوه بالإسم يحتآري وتبدا الحيآه الطفوليّه وبالفطره احوآله تمآري مرّه على طآق طآقيّه باللعب.. ومرّه على آتآري وإليآ كبر قآل وشفيّه ضيّعني البايع الشآري وش بالعرب صآيره سيّه وش صآر وش صآر وش صآري ويندب على كل مآضيّه ويآآآبير من يحفظ اسرآري. القصد.. خلّك على النيّه والشر لاتجيب له طآري خوض الحيآه الحقيقيّه واعطف مثل عطف الازهاري ولاتصير مثل الحرآميّه يا مطوّل إيديك لاشعآري ماجيت ادوّر على إيديّه جيتك وانا مقصقص اضفآري ماتشوف بشويّه شويّه نثرت لك كآس الافكآري |
رد: ديوان شعراء السعودية في العصر الحديث (متجدد)☘️☘️
قصيدة شيمه وصمت
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 148 مشاهدة ليت الزمن يفهم علي ان تكلمت تعبت ألمّح للبشر وآتصدد اليوم كنّي من غثا نومي قمت وراي القطيعه مايبي من تردد ياصاحبي هالصمت ماعاد هو صمت تعال شوف اشلون همي تعدد انا الذي من كثر ضيقي تعلمت ويالعن ابو من لاجل حاجه تودد ياما على افعال المقرّد تكتمت مير البلا من حال دوم يتجدد رح قلهم ياصآح عن شوفهم صمت وان الغلا اللي داخلي قد تبدد البارحه معهم وهاليوم انا شمت والراي الاول يارفيقي تحدد اللي بنا طيبه على شيمه وصمت غير الذي من قول غيره يردد |
رد: ديوان شعراء السعودية في العصر الحديث (متجدد)☘️☘️
قصيدة رمح جساس
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 140 مشاهدة ياماجد اللي كانت تمر الأدناس صاحبك عن درب العلاقه حرفها وهوّن ترآهآ بخفةٍ تشبه اكيآس تلعب ريآح الطآمعين بكنفهآ ولآ حرّكت يالذيب شعره من الرآس ولآ هي بحمل اطلب بقآيآ سلفهآ شوقي على الدرّه وْانآ جيت غطآس دآخل محيط.. الضآيعه مآجرفهآ ومآني مقرّب شط تغشآه الاتعآس خل الرديّه تآيهه في قرفهآ اللي رقآ معْهآ على ضلع مندآس هذآ شنبي لو مآبيدّه حذفهآ الفرق مآيخفى.. يآفآلصو يآ ألمآس وكلٍ قْروشه وين يبغى صرفهآ والدمعه اللي مآلهآ سآس واحسآس جعل العمآ للي لشينه ذرفهآ يا ابن المحيآ هب بالقلب نسنآس وطهّر خفوقي من علوم إقترَفهآ ولآ عآد اهآب إليآ طرى رمح جسّآس لاْن الوفآ خصله وجآ محترفهآ يمنآي.. شيخٍ بينه شيوخ جلّاس ويمنآه.. في دينه وفكره حَلفهآ مآعآد يشغلني من الغير وسوآس إلا الصفآت الزينه.. ابغاْ أتصفهآ اللي دروسه جآت.. من دون كرّاس نتآجهآ.. اتسرّ عينه خَلَفهآ وكنّي مآعآد احتآج بالوقت درّاس دنيآي في بحرٍ.. وفكري غرفهآ شفني رقيت بعزة القلب والراس وتبقا اليمين بذمّة اللي حلفهآ |
رد: ديوان شعراء السعودية في العصر الحديث (متجدد)☘️☘️
قصيدة البارحه يوم الخلايق نياما
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 138 مشاهدة جاني يا ابن عدوان بين الأناما شعرٍ على ماداج بالقلب موزون البارحه يوم الخلايق نياما بيّحت من كثر البكا كل مكنون مثلك بكيت وآنثر الما على ما وماعاد به دمعٍ عن الناس مخزون كان التوجد بعد شهْر الصياما على الذي في ثاني العيد مدفون يكفيك ماعشته معاه بعواما اللي على حب ونقا كان تقضون مير البلآ باللي يهل النداما على عشيرٍ بين هالناس مغبون كنت الغصون وكان طير الحماما بس القدر ماجمّع الطير بغصون ماطاعوا اهله يوم قلت الغراما بعد الرضا قاموا علينا يعيون وزفوه للي مايعرف السلاما شايب سلوم الطيب منْه يتبرون وكل السبايب مالقوا للمحاما وروّح ضحيّه بين داين ومديون يبكي عليّه واسمعه بالمناما وابكيه طول الليل والناس يوحون ماهمني لو عشت بين الظلاما وماهمني لو قالوا الخلق مجنون وفي يوم شفته بين سوق وزحاما جاني كلام الضيم من دمعة عيون وقالت طلبتك شوف لك ايّ لآما وإن كانها بالزين تلقالك زيون قلت الحلآ ماهو بشكل ولثاما خلي الذي مدفون بالقلب مدفون واقفيت كن العمْر لحظة ختاما وماعاد اشوف اللي على الدرب يمشون لي بالصدر ونّه كثيرة لطاما احس فيها كنّها شي مطعون او كنّها طيرٍ جناحه حطاما وماهو بشايف غير مخلاب وسنون الموت علمٍ ضامنه مايلاما لكن يبي يعزف قبل موته لحون مثل الوصيّه للفروخ اليتاما وللحين صوته بين الاضلاع مسكون ماعاد ينفع لو اهل الكلاما وكل المشاعر داخل العين يبكون دربي عليه اليوم اصبح حراما وماني من اللي بالحرام يتهنون يانمر ابن عدوان يا ابن الكراما رحلت عن حزنك وعن ضيقة الكون تركتني مابين رمح وسهاما عايش ولكن عيشتي ميت محزون والبارحه يوم الخلايق نياما مْن البكا ماعاد به دمْع مكنون |
رد: ديوان شعراء السعودية في العصر الحديث (متجدد)☘️☘️
قصيدة طاعة الله
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 135 مشاهدة يانفس كافي كل شيٍ تبيّن كثر الخطا ماهو عليه اتفاقي طرد الحياة بعين معتوه هيّن ومرتاح من هو بطاعة الله شاقي شخصيتي وسط الحياه.. المطيّن مثل النخيل اللي بليا سواقي حاولت في ماض التفاكير.. عيّن واليوم فيني عزم وزاد اشتياقي للدين ولاغيره وزيّ التديّن من قبل يلفي الموت واموت.. باقي على الجفا والبعد وهم التليّن ماني بحمل ذنوب منها احتراقي باقلب دوائر فكرتي للمعيّن لين الزوايا تنفرج لاختناقي تحت التراب الوضع ماهو متزيّن ماعاد فيها. لو. يالت. هاقي باقابل اعمالي وماهو متشيّن وفيها يزيد من الفراق اعتناقي يالله طلبتك كان هالضيق بيّن تجعل على ماقيل فيه الفواقي |
رد: ديوان شعراء السعودية في العصر الحديث (متجدد)☘️☘️
قصيدة ياملهمي
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 135 مشاهدة يامُلهمي كانك عن الدرب صديت القلب الاخضر تشعله نظرة اعجاب وكانك معزم في خطاويك واقفيت بأطويك صفحه وافتح لبعدك ابواب كيفي قصيد ومنْه ياما تقهويت اجيه وألقى من حلاياه ترحاب وكانك لقيت الغير وللغير وليت كني اشوفك جالب لموتك اسباب عليت قدرك لكن انك ترديت بين النجوم وجالك الشين جلاب خلك على ما انته وانا اللي تغنيت صحيح مزيونن وللعين جذاب وانك بنيت بداخل القلب لك بيت وحتى كرات الدم ترخصلك ارقاب لكني بالنسيان شفني تحليت وغردلي العصفور وتنبحلك كلاب ولا جيتني يازين في كف عفريت ولاهي علاقة فاس ويدين حطاب اصبحت في قربك وفي بعدك امسيت ويالعن ابو صبحن يغطيه كذاب لاشك ما انت اللي لقلبي تمنيت والصقر ما يتبدل اليوم بغراب وكانك لقلبي يا ادعج العين حنيت صفحتك راحت وابتدا بغيرك كتاب كني على لكزس وكنك بوانيت يعني على ما قيل ماني بمرتاب دوم آتغنى واردف البيت بالبيت وان جت على حبك ترى خاطري طاب |
رد: ديوان شعراء السعودية في العصر الحديث (متجدد)☘️☘️
قصيدة الشوارع في غيابه عرايا
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 134 مشاهدة ياوقت ما لليل عندي مزايا ولا للصباح ان جا بدونه مزيّه حاولت اشوفه في عيون الصبايا بس الصبيّه ون تعلّت صبيّه مايشبهه غير القمر في سمايا والّا على هالارض قلبه سميّه كل ماوقفت ادوّره بالمرايا لقيته معشش بذيّه وذيّه وإليا رمشت اتطيح دمعة غلايا ما ادري عليه ابكي.. او ابكي عليّه بس الاكيد إني اسير لهوآيا واني بدونه كنّ مآلي هويّه شوف الشوآرع في غيابه عرايا وحتى المدينه لاذكرته خليّه ان كان مابلّة عيونه ضمآيا عسا العيون بطول بعده شقيّه ياوقت لاجا الصبح يستر خفايا والا المسآ..! مآآهو مخلي خفيّه |
رد: ديوان شعراء السعودية في العصر الحديث (متجدد)☘️☘️
قصيدة قالت تعال
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 134 مشاهدة تذبحني الحلوه إذآ قآلت تعآل واكشخ واذبحهآ إلى من جيتهآ ونمسي ضحيّة حب مأسور الدلآل لكن وربي يوم جيت احييتهآ مآ ادري اسميهآ المهآ وْالا الغزآل والا اسميهآ حيآة لميتهآ حبيتهآ من يوم مآكآنت لي مُحآل ومن بعد مآ ضميتهآ حبيتهآ يآليتني آذوق من فِيهآ الزلآل ويآليتني يآقلب مآ ظميتهآ لقيتهآ غصنٍ من الاشوآق مآل وللحين مآيل مثل مآ لآقيتهآ وكتبتهآ غيمه لقيت الحرف سآل ومن اعشبت قريتهآ وعآيشتهآ كأنهآ وردٍ تطيّرْه الليآل وكأن في صبحي ترف لمّيتهآ يآنآس مآ ادري ويش تفسير التعآل اللي بعدْهآ دون مآ اشعر جيتهآ |
رد: ديوان شعراء السعودية في العصر الحديث (متجدد)☘️☘️
قصيدة الحب واللعب
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 133 مشاهدة لاجيت اببدا بالقصيده واكتب اجلس ادور بالحقايق كذبه بصدق معاكِ بس قولي أكذب حتى نكون اثنين داخل لعبه النجم لامن غبتي ياقمراي يندب واقرب سحابه تدمع باسباب ندبه والارض من حزن المشاعر تعشب وتطول لاجل تشوف قلبك عشبه وانا اتعلق بالاماني واتعب واطيح مع حظي ولا اللقا طبه وآكل على طآري عيونك واشرب ياليت تعطين المواصل شربه تعبت ابعّد عن حياتي واقرب من كل واحد مايبيني قربه والله ماااشفت بزماني اصعب من عقدة حجاجك علي ياصعبه لكن برجع من جديد وبلعب علي.. واكتب لاجل منك اتنبه وعليك تكذيبي.. عشاني.. والحُب يبقى بقلب اللي حبيبه حبه ما ابغاك روحي بحظن بيتك والدب ياللي مثل دبّك غديتي دُبه وانا على صوت التجافي بطرب والضحك في كاس الحنايا صبه وازوّج الافراح قلبي وانجب اللي يسب البُعد ولا اقرب سبه ياللي على بُعدك بكيت واكتب اخذي كلام الصدق قبل الكذبه |
رد: ديوان شعراء السعودية في العصر الحديث (متجدد)☘️☘️
قصيدة الاماكن
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 133 مشاهدة ضيّعت من بين الامآكن امآكن وامكنتني من قبل لا القلب يمكنْك ما اقول شفتك داخل القلب سآكن اقول شفت القلب وْشلون يسكنْك في جيّتك مآعآد هالليل دآكن والصبح في غيبتك.. مآ ينبلج عنْك تبقى الوحيد اللي.. يحرّك سوآكن يامن شعوري مآتحرّك.. سوى منْك بالقلب احاسيسي وْروحي.. ترآكن في جلسةٍ كل السوآليف تآمنْك لااستفردوا بك.. بالشعور يتحآكن ولاجيتهن.. بالحُب تلقآني ألعنْك اشكي لهن.. من وين عينه ترآكن وما اسمع سوى افكآر.. بالتيه توزنْك ومن زود شوقي.. المسآفآت شآكن امشي وحيدٍ.. بأعذب الصوت ألحنْك اقول ودّي يالامآكن.. امآكن وتقول مآلك غير من كآن يسكنْك |
رد: ديوان شعراء السعودية في العصر الحديث (متجدد)☘️☘️
قصيدة سنوات الضياع
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 133 مشاهدة مسلسلات الغرب وسواس خناس علمان والعلمان قدر الدواعيس نور ومهند قصةٍ توجع الراس ولميس ويحيى حقهم زود تخسيس عزالله ان الراس مصقوع بالفاس الفكر جوله بالرذايل دنافيس والعقل حطوا فيه مليون وسواس وش شغلتك يا ابليس غير الوساويس عاداتنا بأردا التعاريف تنداس وصار التطور بالثرى والدحاليس يامحمد الموضوع يبقى بكراس وانا نثرت شعور وسط الكراريس حبيبتي حبيبكي حيل حساس وحبيبي اشعلّك بليلي فوانيس هذا هو التفصيل والوقت بلباس وانته على ما تشتهي ناظروقيس جونا بغدرٍ يشبه لغدر جساس ياجعل عين مأيديها غواميس وياجيلنا ما انت بعلى سابق الساس تحتاج من هدي النبي زود تأسيس ول يا فؤاد اذكرك بالعام محماس وش وقعك بين العقول الملاحيس هيّه كذا للي بغى العلم نبراس ماهو كلام يخالطه نهج تدليس بأرض القصايد قلت ياهوه ياناس تدرون وش صاير بخلف الكواليس الغرب همه يخلط السم بأنفاس ويظمنا لأهل الحظوظ المناحيس ويبغى يبعدنا عن الدين باخساس وعقولنا من فلسفتهم متاريس يامصاحب الخنزير ويامصاحب انجاس من وين ما وجهة تلقى الجواسيس وتصير في بحر الرذيلات غطاس وتجني من الفنان دق المراويس ودمك خذا من دم الانذال الادناس وما حولك الا وجيه سود ومعابيس ابنصح ونصص كلامي بالاقواس ابعد عن مصاحب عقول الاباليس واجعل لكل اشيائك حساب واقياس لاتصبح بدنياك ظمن المفاليس ولاتصبح شفاتك من الدين يباس منبوذ ياعايش بدنيا المطافيس ومن ما حصل دقيت بالشعر الاجراس قصدي يفوق اللي غشته الكوابيس وسلم على اهل الدين جانين الاغراس هم رافعين الروس عز ونواميس وهروجهم درّن وياقوت وألماس تهب في قلبي سوات النسانيس واختامها صلوا على سيد الناس هذي نهاية خطنا بالكراريس |
رد: ديوان شعراء السعودية في العصر الحديث (متجدد)☘️☘️
قصيدة باقة الناس للناس
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 131 مشاهدة الجادل اللي جيتها طير قرناس سجّل عذابي في خفوقي هدفها زرعتها ورده لها روح وأنفاس وجاها على درب الردى من قطفها راحت معْه في.. باقة الناس للناس مجهولتي غيري بسلمه عرفها ما للعْمر بين المخاليق مقياس أحيان تبقى روح ميّت انفها اللي خسر ما ينفعه ضرب الاخماس والخمس مبتوره بليّا شرفها سميتها ماضي له لسان ملّاس وكل العتب ماهو على اللي ولفها ولاهو عليها يوم راحت بلا ساس على الذي لجروح قلبه وصفها اغنيتها وْطشت يديها للافلاس عقب الأريج تْفوح ريحة سلفها الحقد ما يضرب عليها بالأجراس الله يهنيها مع اللي خطفها متكاملة أول معايه ولا باس قتلت بابياتي نهاية طرفها الوردة إن ذبلت.. يجي يوم تندآس وحتى الثرى له حق لو يلتحفها |
رد: ديوان شعراء السعودية في العصر الحديث (متجدد)☘️☘️
قصيدة ماتمشي علي الزعامه
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 128 مشاهدة اللي يلفْ بالهرج ويدور ويدور ياليت عقله مايدوخ بكلامه لي صآحبٍ ماعاد باقي به شعور من يوم حصّل بالعلامه علامه ياما نصحته.. لكن الخبل مطيور هو يحسب ان الحر مثل النعامه مشيت الاولى.. لينهآ جات طآبور ولاني موصّل طيبتي للرخامه وياصفعة الصاحي على خد مخمور منها يعرف اشلون يعني قيامه ماكنت ابيها بس ياصاح مجبور الخيل مايُركب بليّا لجامه وكانك بلشت وتلتفت داخل الشور عليك منّي مايبّن اثآمه اللي امر وشلون ينكف مأمور..! ولو ما يولّي من جفاه اهتمامه ماني زعيم ولا لي إفبعض الامور لكنّ.. مآتمشي عليّ الزعامه ودامه صفا جوّي.. انا معْك مخبور الذيب ينطح فرصته باغتنامه خل الذي قد دآر في هرجه يدور ماهو بلآحق غير جرّة كلآمه دنيا بها ماعاد للخير مسرور منها ماابي يارب غير السلآمه |
رد: ديوان شعراء السعودية في العصر الحديث (متجدد)☘️☘️
قصيدة الموت لحظة طلّته
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 125 مشاهدة الغزآل اللي فتني يوم طل من خلف بآبه صوّبتني طلّته ماادري نبت بين الحنآيآ اوهطل فديت نبته يوم تثمر هطلته ماعآد انا بالثقل رجآلٍ بطل ايّت ثقل.. الحآل حلّت نطلته مثل الغشيم اللي على سرعه نطل وام المصآيب باسود اللون اطلته الخلآيآ سبّته جآهآ عَطل او ان عقلي معْهآ حآنت عطلته الوكآد القلب بالشوفه سطل يآآآجعلني فدوة حلآه وسطلته هو يحسبٍ المسئله عآدي.. وطل مآيدري ان الموت لحظة طلّته |
رد: ديوان شعراء السعودية في العصر الحديث (متجدد)☘️☘️
قصيدة ياحظي الطايح
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 123 مشاهدة ياحظي الطايح ألا ليتك تقوم تعبت اسلّي هالخفوق بامانيه إليا متى والعين تشتاق للنوم وإليا متى والليل يكره اغانيه صارت حياتي مثل رجال مسموم لامات ولا راح المرض عن معانيه يعني كذا طايح ولايعرف الحوم والهم مستوفي بصدره مبانيه ياالحظ يالك في مدى الضيقه علوم ويالي سنين الوضع هذا اعانيه غير التعب والضيق هالقلب مهموم وشلووون مثلي يستقر بموانيه باقول بيتٍ قلته العام للقوم لانه علي راكب ولو كنت شانيه الغادي اللي مالقى بالسما نجوم قلّه يخبي دمعته في محانيه |
رد: ديوان شعراء السعودية في العصر الحديث (متجدد)☘️☘️
قصيدة الذيب
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 122 مشاهدة يآذيب ودّي مثل خوّتك يآذيب ماودّي بسود الوجيه وبلآهآ مثلك يشوّقنا لروس المرآقيب والمرجله نجلس لهآ وانحمآهآ نكون للصآحب خيآر الاصآحيب والعلّه إليآ جآت نخلق دوآهآ ما اتحدنآ بعض السوآلف على العيب العيب حآجه مآنقدّر مدآهآ ولآ مآنقصّر سآع تبدا الموآجيب وندمح إذآ جآت اليدين بخطآهآ يآذيب مآغيرك رفيقٍ على الطيب ولآ غيرك اتسمّن يدينه عطآهآ يآذيب حتى الكلب عنده مخآليب لكن دروبك!! يبطي ومآ مشآهآ في خوّتك درس لجميع المصآعيب ونثبت على الدنيآ بدورة رحآهآ انت الطبيب اللي يفوق التطآبيب امرآض بعض الخلق فعلك كوآهآ وانت الشنب لآقيل وين الاشآنيب انا اشهد ان رفقتك يثمر وفآهآ ولااحتجت.؟ مآتحتآج دز المكآتيب اتجآوبك كل الذيآب بعوآهآ ما اقولها إلا من كثير التجآريب والنفس في صحبتك يحصل رآضآهآ تعبت انادي وين صفو المشآريب ومليت من نآسٍ يخيّب لقآهآ من صدمتي شوف امتلآ عآرضي شيب لو ما ابيض اللون بْوقآره كسآهآ وما اقول انا في سطوتك عآلم الغيب لكنّ عيوني مآ شكت من عمآهآ مسرآك ضلعٍ وْالنجوم المعآزيب وقنيبك احلى مْن الهروج وغثآهآ جيتك بقلبي شآمخآت الترآحيب ومن ربع كّفت للمسآجين مآهآ والحر ماتشوقه سوى صحبة الذيب ياللي بك العليآ تقبّل سمآهآ خل الحسود لخآفيآت العذآريب اما كذآ طنخة رفيق!! او بلآهآ |
رد: ديوان شعراء السعودية في العصر الحديث (متجدد)☘️☘️
قصيدة مدت لي الفنجال
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 121 مشاهدة مدت لي الفنجال وابطيت ساكت نسيت حالي لين ما احرقت يدها ما ادري بكت من حرّها او تباكت بس الاكيد اني ضفرت بشهدها وكل المشاعر في خفوقي تراكت ألين شافت في عيوني سعدها الله ياليله من القلب حاكت والله ياقلبٍ بليله ورَدها لو الورود اللي بهالكون شاكت ماعاد تفرق دام عندي بلَدها قولولها انكان عني تحاكت لاتطري اللي صار داخل وعدها وانابعد عنها ابا اتم ساكت وياااجعلني فدوه لفنجال يديها |
رد: ديوان شعراء السعودية في العصر الحديث (متجدد)☘️☘️
قصيدة حرب الحوثيين وطنيّه
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 121 مشاهدة صاح الجنوب وردد الشعب لبيه وجينا بكف الموت نلطم عدانا مانعرف إلا من تطاول بنعميه وهذي طبوع الكل ماهو حدانا حنّا الحرار ومخلب الشر نبديه لاثارت الهيّه وهذا لقانا ياما نخانا الغير والغير نحميه وش عاد يالحوثي وقالوا لفانا حنا لهيب النار والميت نحييه حنا نسوق الموت لاخر مدانا هذا وطنا اللي علينا نبديه ولعيون شعب المملكه ما انتفانا كْبارنا واصغارنا من عوافيه وفي رهن ابو متعب إلى من نخانا تثور النفوس وبارد الوقت نصليه لحماية ارض الدين نبعه ولانا كل القبايل يوم صفت تناديه هذا الملك وتقول وشهو ورانا اشر ياعبدالله عدوّك نوطيه اشر وحنا باللقا ما انتوانا اشّر نبين من سطرنا خوافيه اشّر ترى حبك وعزمك عطانا خذنا رجل واحد وهالحرب ننهيه ترى الشهاده غايةٍ في هوانا كم من شهيدٍ راح وكلٍ يهنيه مسكانه الجنه وبيّح خفانا باب الجهاد إليا انفتح مانخليه فينا مرض سطوه ودربه دوانا تكفى يا ابومتعب مرضنا تداويه تكفى يا ابومتعب تعانق منانا والله ثم والله والله نحميه الكون كله لو تبي من عمانا صاح الجنوب وردد الكل لبيه وجينا بكف الموت نلطم عدانا |
رد: ديوان شعراء السعودية في العصر الحديث (متجدد)☘️☘️
قصيدة زمان الطفوله
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 120 مشاهدة الله اكبر يازمانٍ فيه كنا بس نغني لاتخافي لاتخافي نحن ابطال المطافي آه يا ذاك الزمان اللي عطاني قد سني ايه اخذته عرض وطول ولا دعست الشوك حافي بسكليت وكمبيوتر وْالمشاكل يشربني طفل فاتقها وكنه ما فهم من قال كافي ومرة ايام الطفوله وآنا داله واحسبني ببقى في جو البرائه لين بانت لي خوافي اتضح من كان همه بالمصايب يمتحني ولّ يادنيا العجايب كن ما بالكون وافي استشرت العقل جاوب قال والله ماشحني إي وانا اشهد ماشحني يبقى هالطيب اختطافي لكن اني ببدي علمٍ وْالقصايد هيضني واحكي عن قلبي وعن دنيا المحبة والعوافي لاجل اريّح شعري عن درب العواذل والتجني ايه انا حبيت والله والحبيبه قلب صافي طاهره متعاليه والليل يطربه التغنّي ويعذر القلب المولّع من لها بالعين شافي التعامل مع حبيبك يجبر الخافق يحني اختلاف الناس زايل يوم يبدون الطوافي اقسم بربي من اللي حبته صار متهني جوها مقهى رومنسي صوتها كاسين كافي والقصايد لاجل عين الزين دايم يحتمني والغزل كنه همس لي ابتكر فيها القوافي وفكري لصوب الحبيبة ماعرف أية تأني طاير وكني بموتر ساريٍ والنور طافي وكل ما أسرجت المعاني هالقصايد هن يجني وابتدي فيها القصيد وللجماهير انتصافي وياما داعبنا الغياب وضيقي بالخمسه لطمني وادعي الطيف الحسيني وابتدي معه اعترافي وانتذكر كيف كنا بالزمان اللي فتني قبل هذا الوقت قبل الضيق مايبدى إلتحافي لكن اني بعد اذن الكل بختمها واغني لا تخافي لا تخافي نحن ابطال المطافي |
رد: ديوان شعراء السعودية في العصر الحديث (متجدد)☘️☘️
قصيدة يا مطيّح الحر يوم ارمشت
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 119 مشاهدة عطشان ويامن تبلّ الروح بعيونك اسكب لي من كاسة النظرات حنيّه باشربك لين افقد الافكار في كونك وتصيري امي وابوي وكل من ليّه من بعد مجنون ليلى جيت مجنونك ولو خانك البال ألعن لك ابو حيّه كل البشر لو يعرفونك يصونونك ماكن ربي خلق إلا انتي بْنيّه يامطيّح الحُر يوم ارمشت بجفونك ادخل على الله.. قلوب الناس قمريّه وآنا احبك واحب اللي يحبونك وازرع على شوفتك احلام ورديّه ودآم المشاعر اذا شفتك يحيونك وشلون لو تلتقي يديك بيديّه |
رد: ديوان شعراء السعودية في العصر الحديث (متجدد)☘️☘️
قصيدة تقول يامجنوون
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 117 مشاهدة تقول يامجنون واقول... مجنون!! لو فيك ما انجنيت في مين ابنجن هذا انا مجنووون والقلب مرهون في دنيتك يادنيتي وانظمك فن ياقمرتي شوفك كما عزف ولحون والا نجوم الكون ماهن بيغرن يجون كل ليل بسمانا ويسرون وانتي حضورك يوم في شهْر ونحن وفيك الحلا طاغي وفاجر وملعون كنّه يبي مشاعر الخلق يعصن خدود مع غمازتينٍ مع عيون مع جسم مع رمان ومن شاف يلعن انتي حقيقة كذب صادق مع ضنون وانتي اكاذيب الحقيقه بِلا ظن انتي قوافي حب من قلب موزون وانتي ابتسامه ماظهر خلفا السن وكن الشوارع لاوقفتي يغَمزون ولامن مشيتي خلف خطوتك يمشن وحتى السحاب ان شافك افراحه مزون ولافارقت خطوتك ماداست تون ياملعثمه فكرٍ قضا العمر ملسون لو شافك اليهودي اسلم واذن الله يكون بعون من لك يمرون ويكون في عوني وانا صدق مفتن قالت اقول وقلت.. انا ايه مجنون وقالت ترى قلبي بعد فيك منجن |
رد: ديوان شعراء السعودية في العصر الحديث (متجدد)☘️☘️
قصيدة جن الشعر
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 116 مشاهدة الشعر كانه جنّ.. شوفه ركبني يابدر اخط.. وفيه ماني بشاعر ما ادري كتبته. او هو اللي كتبني ما ادري ولكنّي كذا. جيت شاعر مرّه ابوي وباقي الوقت ابني إليا احترمته. ما احترمت المشاعر لاجيت اشب النار شفته حطبني دربه على دربي ولو كان واعر يابدر بكرة فكرتي تنتخبني إليا طلعت. تبهر جميع الاباعر اسوقها بالحرف ولا جرّ غبني كلابٍ على مجناي قامت تجاعر يابدر عقل الليل يهدم ويبني وجيته بشعرٍ ممتطي قاف آعر يعني كذا للشعر جن.. وركبني وانا ركبته.. بس ماهو بشاعر |
رد: ديوان شعراء السعودية في العصر الحديث (متجدد)☘️☘️
قصيدة يديك ويديني
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 114 مشاهدة الحظ قصّر من يديك ويديني ولولا الامل ماكنت اناظر يدينك مديت لك يدي ودمعات عيني وتعبببببت اشوف اللي ابي وسط عينك اتجمعي بالشوق واستشعريني واستنزفي طاقة غلاتك وزينك يمكن يفوق الحال.. يمكن يليني او يستحي من دمعتينك ولينك والا انا من يوم قلت احتريني ألين مااتشفقت بيني وبينك عيّا البخت لايوقف ويهتديني وعجزت لا اوصلّك على كل وينك ياااامن يقرّب من يدينك يديني والا يقرّب من يديني يدينك |
رد: ديوان شعراء السعودية في العصر الحديث (متجدد)☘️☘️
قصيدة الحال عمدانه على الحظ طاحت
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 112 مشاهدة يافلان يا ابن فلان.. يافلان.. يافلآن يآآآمن يجاوب يوم الافكار شاحت حتى القصيد اخاف ماتشيله اوزان لو حس بهمومٍ عليّ استراحت لله يا الأفراح كافيني احزان حضوضي القشرا عليّه تناحت حزين متضايق وضايع وسهران وريح الالم من بين الافكار فاحت ان شفتني فرحان لاتقول فرحان اطيورنا في كل الاحوال ناحت وان شفتني يافلان بالدمع طربان يمكن عشان العين حسّت وساحت والا الذي يكشف خوافيه لانسان عليه خيبات السنين استضاحت ما عاد فيه احيان وأحيان وأحيان الحال عمدانه مع الحظ طاحت |
رد: ديوان شعراء السعودية في العصر الحديث (متجدد)☘️☘️
قصيدة بردانه
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 111 مشاهدة بردآآآنه وداخلك برد وهوآجيس تعالي اتصلي بشوقي وكحي خلِ الدفا يطرد مناجاتك ابليس كلي دوا من سكري لين ملحي تفضلي بالصدر يا ام النواعيس قد قالوا ان مخاآآشر الخل صحي وانا الدليل ان جت عليّ المقايس ما للوفا عني غياب وتنحي متخبيه بالروح خلف الكواليس واكشف غلاكِ بين رفض وتلحي غني وعيني جاورها المفاليس عليّ ياكنز المشاوير تحي دولة سكوتك مالها بالتضاريس كذا طبيعه دون لف وتسحي تطري علي ان قالوا اهل النسانيس يلعن ابوه الصوت لاجاك بحي انتي انتثرتي فوق كف الاحاسيس عليك آهٍ تذبح اشلون احي اشاكسك وْاهجيك دق ومراويس واضحك واجيلك ماسكٍ عقد صلحي اخذي كلامٍ غير حلم وكوابيس بنزّله عليك من فوق صرحي من جيت مكسور وعزومي محابيس رحتي ولاشميت ريح التبحي منهج غرام وطالب بدون تدريس ماخذ تفوق عشق.. رغم التشحي اخذ الصحيح بدون كذب وساويس سمعت احبك منك.. وانتي تكحي |
رد: ديوان شعراء السعودية في العصر الحديث (متجدد)☘️☘️
قصيدة ماعاد ادوّر صداقه
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 105 مشاهدة في هالزمن ماعاد ادور صداقه دام ان صديقي ماسلم من صديقي ياما انخدعنا في بحور اللباقه لكن يبان مْن الزراق العميقي ومانبخص العالم سوا بالعلاقه مايكفي الرجال نسلن عريقي مثل الكلام إليا انفهم من سياقه يا يطيقه اللي يسمع او مايطيقي اقولها وادري بقابل حماقه ويفيق من لافكر انه يفيقي هذا يسكّر باب ويفك طاقه وهذاك ما بين البَرَد والحريقي والا الوفي يبقا زعيم الطلاقه ومن ما اقوله مايفكر يضيقي عقله بحر والموعظه باصطفاقه وصدره محيط ولادرى بالمضيقي ومن طاقم اقرابي وجمع الرفاقه ابقى على كيفي اشكّل فريقي ما ابغا بدوري عز تُرفع بطاقه ولعلّ ما يبتلّ بالزيف ريقي وكلن على كسب الرجوله نطاقه للارض علم وللسحابه بريقي والطيب لو ماعان ساقي بساقه ياجعل ساقي ماتكمّل طريقي يامزورين الضحك بين الصداقه ماني مضيع بينكم من صديقي |
رد: ديوان شعراء السعودية في العصر الحديث (متجدد)☘️☘️
قصيدة لا تنبّش خفايا
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 103 مشاهدة ياللي طلبت الشاعر اخر قصيده تكفى طلبتك لا تنبّش خفايا ياكثر ما بالبال ولا اقدر اصيده باليني الله بين عوج الحنايا في قلب مُهره بالوصايف فريده فيها احاسيس الوله والهدايا إهي القصيد مْن القديم لجديده متسيّده مابين فكر وخلايا ماتدري اني بالمواقف وليده ماتدري اني ما اخاف المنايا معاي تلعب دور صعب وتجيده وماعاش من بالامس يلعب معايا خلتني مابيني وبيني فقيده وخلتني اكره لابسين العبايا ماعاد اشوف إلا مشاعر وقيده ولا عاد اظم إلا عيوني بقايا ياللي طلبت الشاعر اخر شريده صادتني اللي مادرت عن خفايا |
رد: ديوان شعراء السعودية في العصر الحديث (متجدد)☘️☘️
قصيدة موقف لآ اكثر
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 102 مشاهدة يابو محمد لاتهمّك خطيّه كل شي جايز والخوي لخويّه لاتشتكي.. لاتقول.. لاتشيل بالقلب انسى الزعل.. عيش بحياةٍ هنيّه وخلّك قنوع واسمع اللي بقوله انا بشر اخطي ويخطا عليّه ماقلت ليه وليش.. وازعجت راسي مشّيتها للصبح لاجل العشيّه لو مالخطا ما بان بالناس غالي لو مالعفو مافيه نفسٍ تقيّه يابومحمد لاتجيك الحماقه واتضيع بين اليابسه والنديّه إدمَح ويُدمَح عَنْك.. يرتاح بالك ولاتناشبك هذي على شان ذيّه شوف الجماعه لو بدقق عليها مازرت غير اللي عليه الوصيّه لكن غلآهم فوق متن السحابه ولايزعزعه مخلوق بين البريّه يابو محمد مشّها لاجل نفسك من قبل لاتكبر وتصبح قضيّه ولو هي على الفزعه تراني خويك امشي ولو تبغى دروب المنيّه ولو ماقدرت تسد جوعك من يديك ماني ولدها لو تقصّر يديّه لكن عليك تعيد الافكار ثاني وامسحها في وجه الحياه الشقيّه ياصاحبي لو نلتفت للخطآيآ طاح الخوي ولا درابه خويّه |
رد: ديوان شعراء السعودية في العصر الحديث (متجدد)☘️☘️
قصيدة الغالي اللي يحب الكذب
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 100 مشاهدة الغآلي اللي يحب الكذب ومع كل هرجه تجي كذبه ماادري وش اللي معاه آآحب لاعاد هرجه ولا حِبه بالنفس دايم اقول إيهب ماخآف مني ومن ربه وإليآ تكلّم يقوم يسب ويقول احبك مع السبه بالله ينفع لمثله طب بالعون بلشآن في طبه المشكله مسكنه بالقلب وآنآ وهالقلب نسكن به اخآف من كثر مآ يكذب الحب يطلع لنا كذبه |
رد: ديوان شعراء السعودية في العصر الحديث (متجدد)☘️☘️
قصيدة الحياه الملوكيّه
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 100 مشاهدة يالحآيره من مُشآكستي احلآ الصفآت الطبيعيّه مآتدري إنك كذآ لنتي من بعد مآ انتي حيآويّه واليوم همّك مرآقبتي وتبغين مآغيرك بْنيّه والصدق إنك تملّكتي قلبي بهمسه غرآميّه وسآعة على العين سيطرتي شفتك قصيده نزآريّه وش عآد لحظآت فرّعتي قطّعت يديّ عفويّه مَلكتي الحسن وانصفتي وكل الوصآيف ملوكيّه فلّيتي الشعْر وليّلتي والوجه احلى صبآحيّه يآآآكم سكتي.. وسولفتي بذيك العيون المهآويّه وبالرمش قلتي وثم طلتي انآ اشهد انك جنونيّه وألا بحيآكِ! تنآثرتي لين إجتمعتي غنآويّه كنّك على القلب تكتكتي وبالتكتكه برشلونيّه واحيييه لآمن تشيطنتي تؤمن على يدك يديّه مجنونتي كيف عقّلتي اللي حيآته شقآويّه على شمآلي توجهتي وصآرت جهآتي حجآزيه إلعآلمك ليت ودّعتي للغير ابكتب ودآعيّه لآتقولي إني ومآ إنتي معْك الحيآه الحقيقيّه أعلنت للحب واعلنتي دبيسي يعشق دبيسيّه ومآدآم للدرب وآفقتي العمْر ميّه على ميّه ولو كآن في يوم هوّنتي باطعنك بألفين شبريّه وبآقول يآمن تفرعنتي معْك الحيآه الملوكيّه |
رد: ديوان شعراء السعودية في العصر الحديث (متجدد)☘️☘️
قصيدة مايعيش قلب الطيّب
الشاعر: أمجد الدبيسي أمجد الدبيسي #العصر الحديث #المملكة العربية السعودية 0 100 مشاهدة ماتت مع الايام للطيب فكره ماهي وجع.. إلا عنا واتركوني باخذ مع النسناس ألفين سكره واكوي بها اللي بالقفا ما ارحموني العام احب ولكن اليوم اكره مايعيش قلب الطيّب وافهموني ياكثر من يصداد بيدين عكره ولاطال غير يدين ناس احسدوني اللي كفانا الخير بعطيه شكره واليا كفانا الشر ياخذ عيوني حبل الوصل لاشابه بخيط مكره قطعته بنفسي ولو هم بكوني ما اقولها وانا على الوضع مُكره إلا خلاصة عالمٍ ماتموني وان ضاع يومي العشم عند بكره وايام بكره مو ضروري يجوني ياليتني اخذت عن امس فكره كان ابتعد قبل البشر يتركوني |
| الساعة الآن 12:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية