رد: ديوان شعراء السعودية في العصر الحديث (متجدد)☘️☘️
 

قصيدة اسامينا
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
98 مشاهدة

يقوم الحب وتطيح الحياه البائسه واقوم

واحط ايدي بيد قلبك ونحلف مانخلينا

نطنش امس ونفكر لباكر وش يصير اليوم

ونحقق رغبة الإشراق وننور وسط امانينا

احبك قد ما اكره احب غيرك وقد ما اشوم

عن العالم وثورتها وسياسه ضد غالينا

احبك قد ما القمرا عليها مْن الامان نجوم

احبك قد مانفخر بأرضٍ ماتعادينا

احبك قد ما داري سكنها مْن الرجال قروم

وقد ما العز مستوطن وقد ما الدين حامينا

صحيح ان ماعلى هذي البسيطه لليال يدوم

ولكن شوف اسامينا نموت تظل اسامينا

تعالي نامي وربي يطيب لماتبين النوم

مدام إحنا تلاقينا محبتنا حوالينا

يقوم الحب وْحنا نقوم وكل اللي نبيه يقوم

وبعَدها اللي يخلينا..؟ على كييييفه يخلينا

رد: ديوان شعراء السعودية في العصر الحديث (متجدد)☘️☘️
 

قصيدة المذن اذن وناداني
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
98 مشاهدة

المذن اذن ونآدآني

واقبلت له خآشعٍ وآضي

سخّرت للكل نسيآني

ما الله خلقني على الفاضي

ودي إذآ مت ألقآني

عن سآلف اوقآتنآ رآضي

وان شرّف الوقت باحزآني

ارتآح مع طآري المآضي

من صغري آبوي وصّآني

مآ اهل للعآلم فيآضي

واليوم عبّرت لاوزآني

ولميت بحروفي اغرآضي

رد: ديوان شعراء السعودية في العصر الحديث (متجدد)☘️☘️
 

قصيدة موتي قهر
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
96 مشاهدة

تقول عني شي عادي وانا اقول

عادي ولكنك على القرب تبطين

تقول سهل ولو ابي قلبه آطول

واقول صح ان كنت مثل المجانين

في غفلة العالم تدز ألف مرسول

وقدامهم تنثر على صفوي الطين

يابنت نامي مالحق عزفك طبول

وياليت قبل النوم دايم تسمين

مابي شياطينك على دربي تصول

ولابي بكوابيسك معايه تغنين

مثلك يقضي اليوم من مول لا مول

ويكره جلوسه بين طهر المصلين

ياكثرهم منك وللعالم عقول

واهل الغزل ماتملك عقولهم عين

اما انا طاهر ولكتوفي حمول

ارقى بها والعزم ياحلوه الدين

إيه آتباها بعزتي لني آنول

مرضاة رب الكون وْكل الميامين

موتي قهر وارمي على دربي القول

ماهمني قولك وبالقرب تبطين

رد: ديوان شعراء السعودية في العصر الحديث (متجدد)☘️☘️
 

قصيدة لاجلك انت بعيوني
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
96 مشاهدة

البارحه يانور عين المحبين

من غبت ماضمّت جفوني جفوني

سجيت حافي فكر لاجيم لاسين

ماغير اتمتم من نسوني نسوني

ويمك حداني من قسى وقتي اللين

وانا الذي مايوم ناسٍ حدوني

شبيت ضوي قلت ابشكي من البين

حتى مليت الدمع باطراف كوني

وعدت الشريط اللي لفابك من سنين

واوتار قلبي فيك تعرف لحوني

غنيتك بصوتٍ يهز السلاطين

وناطحني الدخان واختلّ لوني

ورددت ياخلي وياساكن العين

انته وشوقي للملا تفضحوني

من عادت الدخان طرد المزايين

واعمى عيوني لاجلك انت بعيوني

رد: ديوان شعراء السعودية في العصر الحديث (متجدد)☘️☘️
 

قصيدة انتي صباح الخير
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
96 مشاهدة

لاتصبّحين القلب يا ام المعاطير

مثلك كذا مخلوق للصبح جذاب

انتي صباح الخير والورد والطير

يالنور يا الإشراق يا وجه الاحباب

طلّتك بعيوني سوات التباشير

ولاعاد اشوف إلا البشر جنبك غياب

ومادامك انتي بخير وعيونك بخير

نبغى نشرّع داخل احلامنا باب

هاتي يديك.. وقبل لانمشي نطير

ولاهمنا من كان بالحُب يغتاب

يالغير بغيابك وفي جيّتك غير

انا بزود الشوق طايح ومنصاب

وافكار قلبي لاجل عينك طوابير

وازريت ألملمها من كتاب لكتاب

احتاج لأنفاسك مع شوي تخدير

واحتاج اضيع ان كنت بيدينك انساب

واحتاج اخاوي ضلّك بدون تفكير

واحتاج اضمك صورةٍ بين الاهداب

احتاج لك يابنت ما احتاج للغير

والعين لو دارت من اصحاب لأصحاب

ما اظن يكفيها سوى شوفك بخير

والا عسا ماتشوف من بعدك احباب

رد: ديوان شعراء السعودية في العصر الحديث (متجدد)☘️☘️
 

قصيدة المليون والبيرق
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
93 مشاهدة

تعالي واتركي ناصر وسيرة شاعر المليون

انا المليون والبيرق انا ناصر وملياره

مدام اني متقدم لك ابي اللي فيك لي يجيزون

مراحل عمرك امشيها معاي ابيات مختاره

ياروح الحبر والدفتر ياحب القاف للموزون

ألا يا ملهمة شاعر سرقتي كل افكاره

ابد ماشاف غير انتي يا اغلى من النظر للنون

يهيمك بحر ماجاله بطول العمر بحاره

تعالي نرفض العالم ونترك حكيها المدهون

نعرف ان ما نطق شعري بنصف الخلق غداره

انا بوزنك وبغنوجك واقفيك بدلع مزيون

احلّي فيك بالمعنى قصيدي يجود بأنهاره

بأجيب الكرسي قبالك وباطلق مهرة المسجون

احاسيسك تصفق لي تزيد التاره بتاره

لأجل نستحضر اللجنه ونفتح للنقاش عيون

تجين النقد والتبرير وانا اللي جاته بشاره

نقيّم بعضنا ونقيس ونشطب قولهم وشلون

نخليها كذا تمشي مثل هالوقت واقداره

اذا التصويت والترشيح مشاعر حسها مجنون

خذيني شاطي الراحه على الجمهور وانظاره

على فكره قبل تحكين شوفي الليل بك مديون

اخذكي بنومه البارح وانا دونت بشعاره

خلاص الليله الليله تجين بخاطرٍ مفتون

تسدي كل ماقد فات على ماقيل كفاره

ابي اتعبْك واتشرّه وحجة حالتي تمون

انا بظلمك واوقفلك مع المظلوم وانصاره

ابد لا تحكي ياعمري انا ادري داخلك مسكون

ولكن غيرة الشاعر مشت في درب مشواره

رجائي تتركي الشاشه وسيرة شاعر المليون

انا المليون والبيرق انا ناصر وملياره

رد: ديوان شعراء السعودية في العصر الحديث (متجدد)☘️☘️
 

قصيدة ثرثرة خوفي
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
93 مشاهدة

أطرآف شعري تصآفح ثرثرة خوفي

وحْروفي اتلملم شعوري وألملمهآ

يآآآويش ابجنيه من مآتكنز حروفي

مآغير لأعدآء قلبي بس أسلمهآ

تعتآش سود النفوس بكثر مصروفي

ومآهي على حآلهآ سآعة اكلمهآ

السم ثقله على كم وجه مخفوفي

وضحكه لروحي هدفهآ انّه يألمهآ

تعبت منّهآ كثر ما امد معروفي

وموتي كثر مآ تكفنّت بتظلمهآ

باسكت ولو الحزْن للعين مألوفي

والله مآودي العآلم اعلمهآ

رد: ديوان شعراء السعودية في العصر الحديث (متجدد)☘️☘️
 

قصيدة اللي فقد غالي فقد كل الاخلاق
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
92 مشاهدة

يا ثامر الاخلاق من زفت لآ زفت

وكل مآسهيت اعود في شين الاخلآق

ياليتني عن خطوة الامس وقفت

او ليت دربي كان به لوحة إغلآق

مآكآن بحضوضي على الموت شرّفت

ولآ كآن ودّع من له بقلبي اشوآق

شيّبت بهمومي وبالدمع خرّفت

وبْكل ليل اخذ من اوجآعي اطرآق

يا صآحبي لو شفت لو شفت لو شفت

صآحبك خلف الحزن ينسآق ينسآق

لآ تنشده وش فيك من دنيتك عفت

خلّه ترى حظه على الدرب منعآق

ولآ تزعجك بحروفي اخلآقي الزفت

اللي فقد غآلي.. فقد كل الاخلآق

رد: ديوان شعراء السعودية في العصر الحديث (متجدد)☘️☘️
 

قصيدة المدينه المنوره
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
92 مشاهدة

اليوم وسط المدينه غير

ماتشبهه كل الايامي

كنّه صباحٍ عشق له طير

ويدندنه عشق وهْيامي

وهذي المدينه تحب اتسير

في دمّي وتسحب اقدامي

عن وصفها يعجز التعبير

ولعيونها تنزل أعلامي

وكان القصيده تبي تفكير!

اهل المدينه هم إلهآمي

الطرس غنّا له التحبير

والشعر يضحك مع اقلامي

اعييش حاله من التخدير

واظم بعيوني احلامي

اليوم وسط المدينه غير

يومٍ يساوي له اعوامي

رد: ديوان شعراء السعودية في العصر الحديث (متجدد)☘️☘️
 

قصيدة شعور الليل والغربه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
90 مشاهدة

شعور الليل والغربه وضيق الصدر يالغالي

تزول بنظرة عيونك تعال وناظر عيوني

سرجت الفكر بابياتي وجيتك فوق موالي

اناديك بصدى قلبي ولكن خابت لحوني

انا جالس هنا جنبي واوآسي حالي بحالي

عليم الله ضايقني زمان يشيّد ضنوني

ترى من فطرتي اكره علوم القيل والقالي

ولكن صرت ألاحقها مابين العقل وجنوني

اهذري بك بصبح وليل واسئل عنْك جوالي

قسى كل شي ياعمري قسى حتى تلافوني

احبك قد ما ليلي من افواه البشر خالي

احبك قد ماتمشي عيون الناس في كوني

احبك قد ما اشعر بحبك اول وتالي

احبك قد ما احبك دبل ياضحكة سنوني

احبك قد ماحبري يضيّق كل عذالي

احبك قد ماربعي من الغيره تناسوني

احبك قد مالفرحه تحبك دايم فبالي

احبك قد مانفسي تكون اللي ينادوني

شعور البُعد والوحده ودمع الليل يالغالي

تراك انته سبايبها تعال وكفكف عيوني

رد: ديوان شعراء السعودية في العصر الحديث (متجدد)☘️☘️
 

قصيدة الاردن
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
91 مشاهدة

جتني القصايد لاجل الاردن مغابيش

في صبح غير وطلته كلها خير

ماكنها إلا بالمحبه مطاريش

لا يالهواشم طيبكم غير في غير

واخص عبدالله بلا ليه او ليش

هذاك حرٍ مالفاه اي تقصير

في هدته ياقع من براسه الريش

حر المدا ماني بقايل كما الطير

جلالته اكبر من مداعب الطيش

ترقى سماه العزه بدون تبرير

والامن وافي والسّطر يسكن الجيش

والشعب مكسب بالليال المعاسير

علمٍ اشوفه مالفاني بتغشيش

في شوفهم ماتشتكي ضيقة عصير

ماتشتكي ياكود ناسٍ دراويش

اللي هواهم ضحكه لنافخ الكير

بعطيكوا علمٍ مالفاه اي تهميش

الاردني هو والسعودي مخاشير

ديارنا وحده ونتقاسم العيش

مافيه لاحدٍ ولابه معايير

وان كان شفتوا فيه مركز وتفتيش

هذاك تنظيم المحبه مع السير

ومدام جتني هالقصايد مغابيش

صبحكم الله ياهل الحفل بالخير

رد: ديوان شعراء السعودية في العصر الحديث (متجدد)☘️☘️
 

قصيدة خوف الخيانه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
90 مشاهدة

يسكن بجوفي خوف والخوف نوعين

خوف الفراق وخوف طعم الخيانه

يابو نبيل وصاحبك خاف الاثنين

عزاه ياشيخن تعرض لاهانه

ياليت اوكل للعلاقه محامين

لأطلب من القاضي لقلبي إعانه

حنا خلقنا ياالأوادم ضعيفين

لاتامن القاسي يبين ليانه

والحب مايعرف شيوخ وسلاطين

كنه طفل طارح عليك الميانه

والعاشق اللي يقضي الليل ليلين

اكيد خله غاب واخلا مكانه

ياصاحبي واللي طريقه على الزين

صعبه من المحبوب يفقد امانه

وانا فطين وقادر ألعب بحبلين

واعطي فؤادي مانقص من حنانه

لكني اكره من سقى فكرته شين

وش كان يخسر لو فزع في ظمانه

ياعيشتن تشبه لعيشة مجانين

فعلن اشوفه غير هرج بلسانه

يفز قلبي لا سمعت المذيعين

احساسي ان الغالي مصدر بيانه

في خلي المزيون قلي على وين

رزقي على الله لكن انْها جبانه

يرضيه خلك ضايعن بالميادين

انا ادري انه جاهلن بالبطانه

وأبقى اعيش وفيني الخوف خوفين

خوف الفراق وخوف طعم الخيانه

رد: ديوان شعراء السعودية في العصر الحديث (متجدد)☘️☘️
 

قصيدة يادلوع
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
88 مشاهدة

عقب البطا تنكر محبك يادلوع..؟

وحتى شفاتك بالكلام اتدلّع

ماشي ياسيد الغنج.. يانادر النوع

باكر تحس بنار قلبٍ تولّع

وتشوف كيف ابيح ماكان ممنوع

وتقرا بعيني.. ويش جابك تقلّع

انا هنا والا هنا الراس مرفوع

ولاعاش من هو بالخفوق يتسلّع

ولاتقول قلبك مايجي يوم ويفوع

طبعك بشر من كل شي يتهلّع

وخابرك ماتقوى على افراقي اسبوع

وحتى من احلام الغياب اتخلّع

وحكاية اني اضما هالوصل وآجوع

طلّعها من رآسك وخآفيك طلّع

منّي تراك اصبحت ياهيه دلوع

واليوم في صدك علي اتدلع

رد: ديوان شعراء السعودية في العصر الحديث (متجدد)☘️☘️
 

قصيدة كافي غياب
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
86 مشاهدة

يازين كآفي غياب ارجوك ارحمني

اشد حيلي معآك وينقطع حيلي

من زود شوقي عليك احيآن اكلمني

واقول ويلي على هالوضع ياويلي

حتى رفيقي ابد مآصآر يفهمني

ولاني بعد فاهمٍ حطي على شيلي

أركيت دلّة مشآعر قلت تأمني

واسرجت فكري وطيفك روّح بخيلي

تعآل روّق مزآجي خلّني مني

الكيف شوفك ماهو في بني وهيلي

كآنك تحبني على قولتك علمني

وشلون ابصحى الصبآح وارقد بليلي

رد: ديوان شعراء السعودية في العصر الحديث (متجدد)☘️☘️
 

قصيدة رساله إلى لوجين شطحه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
86 مشاهدة

يابنت يااللي كل همك تسوقين

واميرنا... لا ما يهمّك قراره

حنا اتفقنا قبل ما انتي تبكين

نعطيك سياره وبوري وطآره

وسط الحديقه إلعبي لاتدوخين

مرفوعه بسسته واحلى دواره

سوقي وهزيها من يسآر ليمين

بس انصحك لاتقطين الاشآره

وخلي البنآت اللي على منهج الدين

اهل القيم وْاهل الشيم والوقآره

هم البنآت اللي سوآت السلآطين

عيشة ملوك ومآتعْرف الفرآره

لآضيّقة لبسٍ.. ولآ طلّعة عين

التربيه ماتروح فيهآ خسآره

ولو يحصل اللي يالهبيله تريدين

تتعلّق الدجّه برآس المنآره

كني اشوفك بالشوآرع تحومين

ومآبآقي إلا تقدحين السجآره

لكن وربي ما نحبك تسوقين

والشعب لو سقتي بيصدر قراره

رد: ديوان شعراء السعودية في العصر الحديث (متجدد)☘️☘️
 

قصيدة المفارق قسمتي
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
86 مشاهدة

يآمحمد لاتعيد الذآكره وارجع معآهآ

والله انه مابقالي غير دمعه محتظنهآ

المفآرق قسمتي واللي حداني قد حدآهآ

مُهرتي رآآآحت وخلّت من بقآيآهآ رسنهآ

لاتلوم الحآل مثلك يعرف القآع وسمآهآ

لاعلى الدنيآ عتآب ولافهمهآ من ظمنهآ

يطلق الرمش العيون وتآصل لاخر مدآهآ

ثم يرد الرمش عينك والحبيبه في وطنهآ

لاجنيت الوصل.. لاشوفه.. ولا يثمر حلآهآ

وسط مرثيّه تنآم وثم تغطيك بلحنهآ

يآآآمحمد والله انّه ضآآع فيهآ من قرآهآ

لكن اللي مثلي ومثلك تذرّآ في كفنهآ

رد: ديوان شعراء السعودية في العصر الحديث (متجدد)☘️☘️
 

قصيدة تويتر
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
85 مشاهدة

على تويتر لو تبي ألف مزيون

سهله!! ولكن وين دينك وغيرتك

يكفي على قوقل يعيش ألف ملعون

وابليس شغله بس ينفخ لجمرتك

يآتحترق يآتكون كذّاب ملسون

وانته على ماتشتهي شوف حيلتك

حنّا بزمآن الضيق والغدر والدون

جرّب تجمّل بس سآمح جميلتك

بتجيك في ظهرٍ من الوقت مطعون

وحآول ماتستغرب لآجت من قرابتك

صآر الوفى نآدر ولا يشكّله لون

مثل الذي كلّفك فوق استطآعتك

بتسوقهآ والنآس مثلك يسوقون

لكن تجوّد يوم تمشي بطارتك

دنيا بها الصآلح غدآ حيل مغبون

يالآخره ودّي بحضرة سعآدتك

رد: ديوان شعراء السعودية في العصر الحديث (متجدد)☘️☘️
 

قصيدة ضيق حالي
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
86 مشاهدة

البآرحه دوّرتني بين الأحبآب

ولقيتني وآقف على ضيق حآلي

مرّه على شُرفه ومرّه على بآب

ومرآت ما ادري وين.. لكن لحآلي

كنّي بدون اصحآب وْمآ عندي اقرآب

واحآول ازرع أي وآحد بدآلي

مآلي مفر عني وْلآ خآفقي طآب

ولآ عآد حآلي يستطيع احتمآلي

شيّبت وْشآب الفكْر او خآطري شآب

مآ ادري ولكن شبت مآذقت حآلي

الله يصبّرني على كل الانشآب

والله يقصّر عمر.. ضيم الليآلي

ببقآ كذآ صآحب ومن حولي اصحآب

واغض طرف الحْزن عن كل غآلي

وافوّح الأطيآب لآ فآحت اطيآب

واهدي لقلبي.. رآحه تعز بآلي

اليوم انا هونت مآودي احبآب

ولآ عآد ادوّرني إذآ ضآق حآلي

رد: ديوان شعراء السعودية في العصر الحديث (متجدد)☘️☘️
 

قصيدة نظم المواجع
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
85 مشاهدة

يا مورّدٍ شاعرك نظم المواجع

في كل منبر لا وصلته اعانيك

قل للقريحه انك اليوم راجع

خل المسا ينعم بغبّة معانيك

إليا متى والبُعد للشعر فاجع

إليا متى والوزن يرجي قوافيك

كل القصيد بحامي الدمع هاجع

وما يمرّ شطر إلا بحزني يناجيك

مع البيوت الضيق داله وضاجع

والا انت! من لحن المفارق اغانيك

ما اقول منْك الحرف بالهم ساجع

حتى جماهيري شكت من تغليك

تعال لاجل آكف نظم المواجع

شاعرك في كل المنابر يعانيك

رد: ديوان شعراء السعودية في العصر الحديث (متجدد)☘️☘️
 

قصيدة ياصغيّر السن يامروّق
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
86 مشاهدة

ياصغيّر السن يامروّق

آخذتني باب ترويقه

بين المحآني وتتسوّق

والحب يزداد تسويقه

طوّل غيابك يامتشوّق

والليل قمرا وتشويقه

بالوصل خابرك متفوّق

والحال ماحلّ تفويقه

لي عآآم بالحُب متطوّق

وانته بطيشك وتطويقه

ياصغيّر السن ماتروّق

باكر بتحتاج ترويقه

رد: ديوان شعراء السعودية في العصر الحديث (متجدد)☘️☘️
 

قصيدة بحر الصداقه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
84 مشاهدة

الا عبدالله محمد خذينآ

من الدنيا مزيّنها علينآ

ابد ماودنآ في شي ثآني

ولجآم الطيب مكروب بيدينآ

رفيقي يابعد رآسي وخشمي

على بحر الصدآقه قد رسينا

ولو من دون موج ولا مرآكب

رسينا ثم رسينا وابتدينا

نفيض مْن الغلا بين المراجل

قصيد وشي من عز السنينا

وكن اللي غشيته بالمعاني

خذا من نور ما حنّا ضوينا

ومثلك يا اجودي بالقلب ساكن

ولانرضا يطيح اللي بنينا

ولو ماكنت محسوبٍ وغآلي

ابد ماكان بالطرقه مشينا

صحيح اللي جمعني فيك شاشه

ولكنّ للفعل نورٍ مُبينا

تعليت بيمينك يالعصيمي

ونلت اللي ينوّر بالجبينا

بعدها باشتكي او قول اسولف

عن اللي بالحشا مستوطنينا

همومٍ ورّدتني للمهآلك

تصآفح بالشمآل وباليمينا

واوّلها فلسطين اليتيمه

خذوها من قلوب المسلمينا

تصيح بصوت ماحوله مجآوب

بذرنا بس ويش اللي جنينا

ياكبر العآر ياصغر الحميه

عن الاقصى بدنيانا سلينا

وثآنيها بعد اذنك ابسكت

مدام اوّلها فلّ اللي طوينا

وثالثها ورابعها وخامس

شكو منْه الرجال الاولينا

انا وش شكوتي مع من سبقني

هي الحاله سعينا ماسعينا

وذاك اللي عليه القلب وآقد

حسافه كيف ينسى ماكلينا

انا ما زادني غيض وسكينه

سوى لا يفرحون الشامتينا

مضت لي من مساعيهم بلاوي

وتفرقنا بسبب ابن اللذينا

ولاني راجي الوصل وحنينه

كُتبنا للفراق وابتلينا

خلاص اشلون اسولف او ابشكي

نموت ومن بلانا ما انتهينا

ألا عبدالله محمد سلامٍ

مْن الله يحفظ اللي قد خذينا

من الدنيا ويسترنا بستره

ويحفظنا ولايغيّر علينا

رد: ديوان شعراء السعودية في العصر الحديث (متجدد)☘️☘️
 

قصيدة حبك الهندي
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
85 مشاهدة

جتني على مهل اللقآ والمواصيل

ورآحت على درب الجفى.. وانتهتني

عانقت جوالي برجوى مراسيل

لآ كلّ متني.. لا. ولآ كلّمتني

وان قلت ابنساها بعزف المواويل!

على جنون الليل بالفكر جتني

كل الخطا من قبل جَني المحاصيل

على صدود القلب ما علمتني

يآما اتركتني في يدين التئاويل

ويآما خذتني طفل ولا لآعبتني

يابدر سم الحال سمّ المعاميل

شفني شربت دلال ماكيفتني

بعض المسائل ماتبي زود تأصيل

مثلي كذا مع عينهاْ اللي رمتني

والله ثم والله من غير تفصيل

ان الجفى نار بلهبها عمتني

يابدر لاتشره على دمعٍ يسيل

هذي على بحر الهموم اجرفتني

وفي حُبها الهندي سوات التماثيل

اتملّكتني بس.... مآمثّلتني

وان كآن تبغى للمسافات تعديل

تلحق على روحي بعد م أقتلتني

رد: ديوان شعراء السعودية في العصر الحديث (متجدد)☘️☘️
 

قصيدة تقول ياحلوك
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
85 مشاهدة

تقول ياحلوك وانا اقول.. ياهوه

غمزتك تذبحني قبل كلمتك ذي

يكفي ضياعي ساعة تقولي آلوه

يوم الموبايل جايب اقصاه بيدي.

طفله اقابلها مسا الشعر واتوه

مع ليلها أمشي وعيني على الضي

وهذي سوات العاشق إليا تولوه

كل المشاعر وابتدا يبني الفي

فيها دلع لعنت جدّه على آبوه

وألا حلاها بالكرم حآتم الطي

تقول ياشاعر وانا اقول يآهوووه

لولا وجودك مالفى شعري بشي

رد: ديوان شعراء السعودية في العصر الحديث (متجدد)☘️☘️
 

قصيدة راس مال العلاقه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
83 مشاهدة

يالصاحب اللي بالمواقف سندناك

وراك تنّكر ماخذته الصداقه

وقت اللوازم جيت..وحنا عطيناك

ماهي بمنّه لكن الحال طاقه

كانه تردي منك.. ياشين يمناك

واللي خذيته راس مال العلاقه

اكبر خطانا كيف حنا جهلناك

ياللي ستر عيبه بكم اللباقه

ينقصك وسم ولابخلنا وسمناك

انا اشهد انك بين الاجواد ناقه

رد: ديوان شعراء السعودية في العصر الحديث (متجدد)☘️☘️
 

قصيدة غريبه بس تتشابه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
83 مشاهدة

ماعاد فرحي يقاوم شي اببدابه

والحزن ياقوّته لا جا بيبدابي

لا غمّض الهم يفتح حلمي ابوابه

وياسرع ضيقي على تقفيلة ابوابي

الصدق مركب تحطم بِيد رُكابه

كنّ البحر من سواة الناس منصابي

البارحه شفت وجه الصبح يقرابه

بأفكار قلبٍ عليه عيون تقرا بي

يا حلو ليلي ومرسامي واحبابه

لامن طروا لي يهلّ الماضي احبابي

احن وافرح ويفتح دمعي اكتابه

ويوقّع الحزن واشقى به على كتابي

ياعين كم لك على هالخد سكّابه

ياعين كم له شعور الضيق ينسابي

منّك يديني غدت للكل كتّابه

المشكله ماجفاني غير اصحابي

ومن هو يصدق..صباحي بيّن انيابه

ماعاد اميّز مابين اعداي واقرابي

حاولت اقاوم حفيف البُعد واسبابه

وابطا زماني مع المحبوب متصابي

الحب طفلٍ يسيّل طيبه لعابه

دلوع خلقه.. بفيّة جدته رابي

الحب ضيّع شعور اللي بيعنابه

ودليته الدرب والمعتوه غلابي

ارقى بحلمٍ اخبر الخل يرقابه

وخلي بوسط الفؤاد ودوم يرقابي

فيه الوصايف غريبه بس تتشابه

ما اذكر سوى مدة ايدينه لالعابي

لكن خذاه الزمان بصحبة غيابه

شفني رميت الغياب ورحت بغيابي

رد: ديوان شعراء السعودية في العصر الحديث (متجدد)☘️☘️
 

قصيدة تامرني على شي
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
83 مشاهدة

لا تقول تامرني على شي وتروح

خيبتني باتفه طلب ياظنيني

لا مابقى غير الشكل فيك مملوح

الخافيه تندب عليها سنيني

تعبت مراسيلي على بابك تلوح

وخليتها مابين قسوه وليني

كنت بحياتي شي راقي وممدوح

كنت اتّمنى دوم تمسك يديني

والباب في دربك على الفكر مفتوح

ان جيت ابسئل عنك اباقول ويني

والقاك صادق كلك افراح ومزوح

واتوه في ضحكك.. عبث تحتويني

اتغيّر اللي كان بالقلب مفضوح

لحظه ورى لحظه ويبدا يشيني

اول ابي عونك وعطرك بي يفوح

واليوم مابه غير ربي عويني

كانك تبي تطلع من القلب مسموح

غيرك ورى البيبان يسئل يبيني

ماكان لك يارهيّف العود مصلوح

مير ابتديت بجفوتك تبتليني

امس الجفى ماهو مع العين ملموح

واليوم سقته سوق بينك وبيني

مات الوفى والا الخطا كان مدموح

حتى ولو ناديت وش له تجيني

من يوم غابت شمسك وجيت بوضوح

وقلت لمتاهت سكتك احظنيني

حسيت بان الشكل باقي بلا روح

وعرفت بإن الحال صعبه يبيني

لاتقول تامرني على شي وتروح

روّح ما ابي حاجه ولا انته ظنيني

رد: ديوان شعراء السعودية في العصر الحديث (متجدد)☘️☘️
 

قصيدة انتي سما لكن بها تجري الخيل
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
82 مشاهدة

ماترمش عيون الغلا وانتي اللول

وماتستوي إلا معاك التعاليل

يابنت وش تبغيني آقول.. واقول

اللي تبينه يابعد كل ماقيل

ان كان غيري ياخذ الحكي منقول

انا اخترع لك مآيهز التمآثيل

وكان الغلا تبغيه يآصلك مرسول

أقلب لك الدنيا قصيد ومراسيل

دام الحكي واصل من لسان معسول

مالي سوى هالمنهل العذب وآكيل

قلبك ينول وقلب معشوقك ينول

انتي سما لكن بها تجري الخيل

ياكم قلبت النبض لاشفتك طبول

وياكم عزفت لنجل عينك مواويل

احيآن اقول اني بليّاك مهبول

واحيآآآن اقول الناس دونك مهابيل

مآلك شبه بالخلق وْلو كآن بالزول

غيرك عشان يزين.. يحتاج تعديل

وليته بعد جُهده يجي بس مقبول

وانتي الوصايف فيك من ويل لاويل

الريق قهوة كيف.. شفّتك معمول

وش عاد ابي في مدّة البن والهيل

والعين وسعة صدر من فوقه خمول

والخد صبحٍ مايجي عقبه الليل

والعنق دربٍ يوصِل لباب مجهول

والخافيه تحتآج مع همتي حيل

لو قست بيديني مدا العرض والطول

لاجيت خصرك ترعد يديّ وتميل

عاد اتسآآآعك عقبها ماله حلول

ياكود تكبيرٍ نشا خلف تهليل

بالمختصر.. انا معك شبه مقتول

ويمكن تموت الناس لآجبت تحليل

باسكت عن اوصافك ابآ اصول واجول

في بيت يكفي عن جميع التفاصيل

معقول اقول انك عجيبه ومعقول

جنبك بنات الناس شبه الرجاجيل

يعني انا والشعر يااعز مجمول

سيلٍ على مايشتهي قلبك يسيل

بس قولي اش تبغيني آقول.. واقول

ومآ آظن تكفي مابقلبي اقاويل

رد: ديوان شعراء السعودية في العصر الحديث (متجدد)☘️☘️
 

قصيدة برد المسا
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
83 مشاهدة

يآطريق الليل واطرآف الصبآح

يآمشآعر قلب مآعمره قسآ

شف عيون اللي تغطت بالوشآح

كنّهآ طفلٍ من الحُب إحتسآ

جآدلٍ لآ نآظرت بالحمل طآآآح

كيف لو ضمّتك عن برد المسآ

والله ان العشق والحب إرتيآح

فوق بحرٍ فيه محبوبك رسآ

مآذكرت البُعد عن سيد الملآح

وعن لقآنآ ما اذكر بعمره نسآ

مآهوينآ بين شور وإقترآح

ولآ نقول بيوم علّ ولآ عسآ

عشق صآمت بس بعيونه صيآح

والغيآب إجرآم والنآتج.. اسآ

كنت اجيهآ قبل.. حيّا ع الفلآح

ليلةٍ والكل بالنوم إكتسآ

ثم نسولف عن متآهآت الجرآح

وانتعآهد نقضي العمْر إجلسآ

بس غآآآآبت والوجع بالعين سآح

ولآ قدرت انظر بعدْهآ للنسآ

آآآه لو تصفا الليآلي للمرآح

وتعود لي وْاعود لآ افرآح المسآ

باحتظنهآ حظن نورٍ للصبآح

وانسى كل اللي لقيته من اسآ

رد: ديوان شعراء السعودية في العصر الحديث (متجدد)☘️☘️
 

قصيدة المسبّه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
82 مشاهدة

يامن تسب وتعتبرها ميآنه

او زود شوقك وصلك للمسبّه

ماهو كذا ياصاحبي ياتكآنه

ترى ابتسامه منْك تسوى المحبّه

صح انت للعلم المجمّل بيآنه

لكن ترفق صاحبك لآ تشبّه

بعض الغلآ يوصلك حد الإهآنه

واللي تقبل هالغلآ ضآع طبّه

ياصاحبي غآلي وقدرك مكآنه

بين الضلوع العوج تلقى مصبّه

وترى العتب احيآن مثل الامآنه

ولا يسوقه إلا غآليٍ ما كذب بّه

ولا اقولها من باب كره ولعآنه

بالعكس خذهآ طيب مثل المُنبّه

كلٍ يعبر ماحوآه بلسانه

وتبقى المسبّه يارفيقي مسبّه

رد: ديوان شعراء السعودية في العصر الحديث (متجدد)☘️☘️
 

قصيدة استوطن الزين في صدري
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
81 مشاهدة

الوقت لاصار متغيّر

والناس ماهي على خبري

سجيت ماني بمتحيّر

مايرد ليلي سوى فجري

ادوّر اللي معي نيّر

ونلقى بعضنا ولاندري

الحب طير وله مطيّر

والوصل بقلوبنا يسري

ياما لفى بُعدنا مسيّر

وهديت بابي على جدري

احساسي بدونهمعيّر

وشلون ابملك بعد صبري

لْكل صعبٍ له مصيّر

ويضم شبره على شبري

سمّار ولو قتنا قصيّر

ماينزّل الحب من قدري

اذكر نهوني وانا صغيّر

والغصن مبسوط بالقمري

واليوم زادت ومتطير

كنّي حفرت بيدي قبري

ياوقت ماعاد انا مخيّر

استوطن الزين في صدري

رد: ديوان شعراء السعودية في العصر الحديث (متجدد)☘️☘️
 

قصيدة الدين يبعد عن عيونك عيني
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
80 مشاهدة

الدين يبعد عن عيونك عيني

وشلون تبغي تصافحين يديني

تعبت اجمّع بالخفوق ذنوبي

وانتي على الذنب الجديد تعيني

يابنت انا ما اخاف غير الرازق

اللي طلبته بالخفا يَهديني

شومي عن العالم وحب الدنيا

لا اسقيك من كاسي ولا تسقيني

ان غرّك المنصب وكثر فلوسك

انا الغِنا ميزه حميده فيني

وان غرّك الزين ونعومة شعرك

لاتنسي النار وحطبها الشيني

من طبعك الخافي يبيّن طبعك

يعني على وجه الحقيقه بيني

واتعوذي من وسوسات ابليسك

وخلّك بحالك.. مثلي.. وخليني

وحذراااك لو تنظر بعينك عيني

وانا بأبعد عن يديك يديني

رد: ديوان شعراء السعودية في العصر الحديث (متجدد)☘️☘️
 

قصيدة المحبه تطلب شويّة غذا
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
81 مشاهدة

المحبه يالحبيبه تطلب شويّة غِذا

يا بجلسه يا بنظره يا بمرسول الموبايل

لاطلبتك شي قلتي هذا ياعمري إذا!!

وآنا في وادي غرامك من عنا الاشواق سايل

قد حلفت اني بدربك مشيتي خلفك حِذا

لايتعكر صفو حبك.. قد ملكتي قدر هايل

من زرع ورد بخفوقه تخرج انفاسه شذا

ومن بنا واخطى اساسه يبشر بكثر التمايل

صدتك يابعد عمري ماهي وربي أذا

صدتك معنا الهلاك وخيبة رجال القبايل

جا قساك وجا عنادك وابتليتيني لذا

باجمع شْموخي وابرحل واعمل فبُعدك عمايل

وان سئلتي ليه ردي.. بس يآعمري كذا؟؟

يا تجي مثل الحبايب.. يا لحملي ألف شايل

رد: ديوان شعراء السعودية في العصر الحديث (متجدد)☘️☘️
 

قصيدة ارفعي خشم قلبك
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
80 مشاهدة

يارآفعه خشم قلبك.. بالحلآ والغلآ

مرّه اقبّل حلآك ومرّه اقبّل غلآك

تفدآك روحٍ على بآبك تدوّر هلآ

ويفدآك عمرٍ قضيته غآرقٍ في هلآك

غبتي ولكن وجودك بآقيٍ بي.. ولآ

قد غآب لحظه وانآ.. مآ اشوف غيرك ملآك

جيت اعترف بالقصآيد.. جيت اعترف للملآ

انك يتيمت هوآي واني يتيمٍ بلآك

زيدي غرور.. وأزيدك يآآبعدهم ولآ

يكفي ابآت إبهوآك وآآآتوسّد ولآك

حبيت قلبك قبل ما اعرف بانك حلآ

ومْن الطبيعي ابتقهوآك وآكل حلآك

ايه ارفعي خشم قلبك.. ايه انزلي للغلآ

وايه انثري لي حلآك.. إيه اجمعي لي غلآك

رد: ديوان شعراء السعودية في العصر الحديث (متجدد)☘️☘️
 

قصيدة حاضر وانت غايب
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
79 مشاهدة

مره تغيب ومره تكون حآضر

ومره حضورك نسخةٍ من غيآبك

وش ذنب قلبٍ يقضي الليل نآطر

وش ذنب روحٍ طآيحه في عذآبك

كانك تبي آموت.. ماهو بآمر

لاني انا ميت وقدآم بآبك

ما ودي إنآ بالعذآب انتشآطر

ولاودي إنآ باليدين انتشآبك

ولاودي إني عن همومي اكآبر

اللي ابي ماتخيّب اللي هقآبك

انا على شآنك حظنت المخآطر

وادآري احسآسك وحظرة جنآبك

اللي بقوله وانت تقرى العبآير

وتحس باللي بالخفوق اعتنآبك

ليتك دخلت بوسط قلبي تناظر

حتى تعرف اشلون يعني غيآبك

رد: ديوان شعراء السعودية في العصر الحديث (متجدد)☘️☘️
 

قصيدة العيد فرحه واحساس
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
80 مشاهدة

مادام هالاسواق يابنت غثّتك

وانا تعبت ألف وادوّر قياس

لقيت لك حلٍ يناسب لحالتك

ويناسب لحالي ولا يعرف الياس

بألبس نهار العيد حُبك وضحكتك

واكشخ بها قدام هالعيد والناس

وألا انتي زينك ماخذٍ دور كشختك

مشيك اسآور والحكي طوق والماس

خلّك مثل ما انتي ولا اتهون غرّتك

اغتر فيها الراس واستانس الساس

ولو تلبسي خيشه على لون خصلتك

اتصير موضه لانك تحلي لباس

وماني بقايل هاتي الصبح فرحتك

وارمي على كل التعب رفعت الراس

اصلاً نهار العيد يحتاج طلّتك

حتى يكون العيد فرحه واحساس

رد: ديوان شعراء السعودية في العصر الحديث (متجدد)☘️☘️
 

قصيدة هم يحسبون الشاعر يدور احضان
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
80 مشاهدة

بعض القصايد تشبه لبعض الاخوان

اوّسطهم اللي تكتسيه الرجوله

وبعض القصايد مالها بالفكر شان

مثل الهبيل اللي ينقّل طبوله

واللي قصيده ماتعدته الاوزان

الشعر مثله ماوربي ينوله

وان قال هي بالصوت مع جر الالحان!!

اجل عصافير الفضى من فحوله

مليت يا محمد من الليل يادان

وتكريس ضعف الشعر في كل جوله

كن القصايد بس من فم للسان

واعلامنا ماهمّه إلا العموله

هم يحسبون الشاعر يدوّر احضان

مايدرو ان الهم نوّخ ذلوله

باقصا حنايا الضيقه وشب نيران

ودمعات عينه بالكا صفقوله

الهم متنوّع له اشكال وألوان

والمحترف يلعب بدور البطوله

وما اقول انا الفارس ومرسامي حصان

الحكم بِيد الناس.. وكلٍ ميوله

الشعر حسٍ ممتطي قلب إنسان

انسان عن مافيه ما احدٍ يحوله

الشعر مثل النار يسبقه دخان

حتى يبرهن قبل يوصل وصوله

الشعر ثوره صدر من عقل بركان

في جيّته حرف المولّع مهوله

الشعر ياما سلّم الموت فرسان

قد راح ابو الطيب ف بيبتٍ يقوله

وماقد نزفت الحبر ياصاح من شان

اطرد ورى الشهره وادوّر سيوله

لا والذي خلاني ابدع بقيفان

حبّه بقلبي عمّر ألفين دوله

وان كانها جتنا على عزّه وشان

تبقى بذمة للمواقف رجوله

رد: ديوان شعراء السعودية في العصر الحديث (متجدد)☘️☘️
 

قصيدة الصدفه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
79 مشاهدة

الصدفه اللي جابتك مابتآخذك

وبدري على قلب الحسود انتفارق

ماني غريق ولا لفيتك ابنقذك

بس الهوى لقلب المُحبين سارق

عيون قلبي بالخفوق اتلذذك

وهذآ الغلآ من شمس لقيآك شآرق

عن غيري مْن النآس لآزم افولذك

حتى مااهآب ان جآ من الشر مآرق

ارسلت لي بالوصل نبغى تعوّذك

ورديت لك ماكل مزيون فآرق

في بحْر همسآتك نويت آتنوخذك

وافرد شرآع الفكر مع كل وآرق

وافقّر احسآسي وآتيك واشحذك

واعطيك مايرفع لقلبك بيآرق

وآمرْك بيّ.. وقبل تدري.. انفذك

واسَكر البيبآن عن كل طآرق

الصدفه اللي جابتك صعب تآخذك

لن الحيآه بدون وصلك.. تفآرق

رد: ديوان شعراء السعودية في العصر الحديث (متجدد)☘️☘️
 

قصيدة آخر بيت
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
78 مشاهدة

يازين ارحم عيوني لاتخليني

دمعي يناديك والمنديل يبكيله

ياوين ابلقاك حتى لو ما الاقيني

من ضاع دربك مافيه اي درب امشيله

الحال كنّه جنون وجا بيغويني

ومن زود مابي شهقت وقمت احكيله

اتصدق اني كتبت بدون يديني

واني قريت لسواد الهم مراسيله

كنّي تعودت ألم الضيق في عيني

ولا اقدر اخبي عن العالم تفاصيله

ياني تعبت اسمعك مع من يسميني

واكلمه باسمك ولاضاق اشكي له

الله يسامحك ع الغيبه يا ناسيني

لكن ترفّق واخر بيت إصغيله

الموت عقبك يقول انه بياتيني

وان كان طوّلت بالغيبه.. انا اجيله

رد: ديوان شعراء السعودية في العصر الحديث (متجدد)☘️☘️
 

قصيدة شرفة احزاني
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
77 مشاهدة

في آخر الليل شفت النور

وآقف على شرفة احزاني

الله يستر من المستور

اخاف من باكر آعاني

يامن يقيّد غوى العصفور

لاتجرحه كسرة اغصاني

وماودّي اسمع عن المطيور

اللي سكن داخل اوزاني

ياكم يغني مع المسرور

ماكنّه المجني الجاني

ويااوردة الخافق المنثور

لمّي يديني بالاحظاني

إن كان رحتي بدون إشعور

إخذي معك آخر ألحاني

وان كااان جيتي يابنت النور

صكي معك شرفة احزاني

رد: ديوان شعراء السعودية في العصر الحديث (متجدد)☘️☘️
 

قصيدة محاكاة صورة
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
77 مشاهدة

يالشمس كفّي لهيب النار

إدروب الافراح منقفله

هم يحسبوني اطق حجار

لاْجل آتسلآ كما طفله

لاوالذي بِيده الاقدار

الحزن غنّا وابعزفله

ماعاد عندي حظن او دار

ولا احدٍ يطبطب واذرفله

يتيمةٍ تحت ظل المار

والوقت يامييين يعرفله

ضيقي تجمّع علي وجار

من واحة الهم ابقطفله

اكد بالقرش والدينار

والجوع الاوجاع تهتفله

ياليت ابويه من التجار

ومْن الترف دوم محتفله

ودي بقلآيد ذهب واسوار

ومن ينقصه شي اصرفله

واصبح عروسه لها الانظار

كلن يقدم لها قفْله

ابغا آتدلّع وثم اختار

اللي على شوقي احلفله

بس التجآعيد جت لصغار

ويآكل الاحلام مسطفله

طفله وصارت تطق حجار

ماكنها باقيه طفله