رد: فوق هام السحب ( الشعر الشعبي) على متن القوافي
 

‏مو كل صـدفه للبشر تجمع احــباب
ولا كل فرصه في حياتـك سعــيده

يمكن يكون احــيان اغلاق الكتـاب
أفضل ترى من فتح صفحه جديده

.....

رد: فوق هام السحب ( الشعر الشعبي) على متن القوافي
 

احبك والهوى نعمة وحبك نعمة الرحمن
‏ولو كان الهوى غلطة فحبك كل غلطاتي

.....

رد: فوق هام السحب ( الشعر الشعبي) على متن القوافي
 

‏القلــب لو يكتـب علـى بيـض الاوراق
كتــب علــى بيـض الدفاتـــر فديتك

جيتك غلا جيتك وفـاء جيتك اشواق
عفـت الخلايـق كـل ابوهـم وجيتك

يامن سكنت القلب واعماق الاعماق
وسكنت روحي وصـارت الروح بيتك

.....

رد: فوق هام السحب ( الشعر الشعبي) على متن القوافي
 

‏ليه أحس إن الليالي فالفرح دايم لئيمة
‏وليه أحس إن الأماكن تغترب منها سنيني

‏محزن إني عايش برجوى أمل ليلة رحيمة
‏وموجع إني خايف تموت الأماني في يديني

‏ودي ألقى فالليالي ليلةٍ ماهي يتيمة
‏تحتضني من عنا وقتي ومن لهفة حنيني

.....

رد: فوق هام السحب ( الشعر الشعبي) على متن القوافي
 

القلب يكسره اللسان ولا تجبّره اليدين
‏ماهوب عظمٍ كل يومٍ تكسره و تجبّره

‏ماعاد عندي فرصةٍ تهدر من العمر الثمين
‏واللي بينشدها من أسباب الفراق تخبّره

.....

رد: فوق هام السحب ( الشعر الشعبي) على متن القوافي
 

‏تباهى على غيرك ب حشمه وزين قبال
‏وعينٍ تصيب المبتلي فيك وتتلّه

‏من يلوم فيك الذايقه كل ماتختال
‏لك من القصيد أطلال ومن القمر طلّه

.....

رد: فوق هام السحب ( الشعر الشعبي) على متن القوافي
 

مقبله تمشي ويتبعهـا الفضول
تحضن أطراف الجدايل شيلهـا

وفي لسان الحال نظرتهـا تقول
مرحبا بـحـر الــمـشـاعــر سيلها

.....

رد: فوق هام السحب ( الشعر الشعبي) على متن القوافي
 

وين أنت ياللي كتبت الشعر لعيــونك
‏عطنــي تفاصيل حرفك وترك الخافي

‏ان كان حرف القصيد يحرك اشجونك
‏وشفيك ماتبدي إعجابك على قافـــي

.....

رد: فوق هام السحب ( الشعر الشعبي) على متن القوافي
 

الجوارح طاغية بسّ القلوب مصدّه
‏والوصل عقب انقطاع احيان ماله داعي

‏حبلك المتواكل اللي تقصره وتمدّه
‏عايفه حتى ولو تلويه فوق ذراعي

.....

رد: فوق هام السحب ( الشعر الشعبي) على متن القوافي
 

الغياب اجزل من أعذارٍ تجيب أسمنها
‏خلك اللي كمَّل غياب ومكانه خالي

‏حاشمك من رجعةٍ ماضيِّك أجمل منها
‏من متى والغالي إذا راح يرجع غالي

.....