رد: ديوان شعراء السعودية في العصر الحديث (متجدد)☘️☘️
 

قصيدة ترنيمة جروحي
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
68 مشاهدة

لآقامت يدين صمتي تعزف جروحي

صفّق لها الخافق الغرقآن باوجاعه

وإن مرّني جرح يستوجب اسا روحي

اوقَف على دمعتي وانآظر الساعه

يااكم طعنت الحروف وسيّلت بوحي

واتنفست رغبة اللي حكّم قْناعه

الذآكره طير فوق هْمومي ينوحي

في كل وآدي معاه الروح منصاعه

وجن المسا حآلف إنه يعلن وضوحي

والليل مايعرف إلا سمعٍ وطاعه

اوّآآآه يفْراق وسط الصدر مطروحي

سفحه مسيرة ثلاث سنين عن قاعه

وسكينة الضيق منها الصبح مذبوحي

سنّيتها يوم لآحت خمسة اصباعه

اقفااا وخلفه كفوف الراحه تلوحي

قالت تريّث حظوظ الوقت بيّاعه

ثملت وريح الألم من وجهي تْفوحي

واخذت انآدي ولا احدٍ مرخي اسماعه

بعد الغموض ودروبه صرت مفضوحي

ما تستر الحال نفسٍ دوووم ملتاعه

وابحرت تايه وانثر دمعي بْروحي

وإن هبّت الريح انشّدها عن شراعه

واهوّد الهم في ترنيمة جْروحي

يمكن ينام الغريق بْغبة اوجاعه

رد: ديوان شعراء السعودية في العصر الحديث (متجدد)☘️☘️
 

قصيدة قالوا جديدك غاب
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
67 مشاهدة

قالوا جديدك غاب وقلت العتب ليه

اغلب قصيدي راح في ظلمة الليل

مليت انادي من يبيني وانا ابيه

اقفى يعد خطاه بالحط والشيل

لاواصلٍ صوتي ولا احدٍ مناديه

والفارس إليا طاح ماعاتب الخيل

احساسي اني بالقصايد ابرثيه

واخاف لامني كتبت اكتب الميل

لانه من العالم.. ولا احدٍ يثنيه

ولانه مزاجٍ مارجا نفحة الهيل

مخلوق رايق وانزعاجه يحليه

وبعيونه العالم سوات المهابيل

مغرور والكبره من ابرز معانيه

ومْن الدلع إحساسك شوي ويسيل

متناقض وكل التعابير تبغيه

ياما من اسبابه لفى القال والقيل

وطاغي حلاه ان شافه العود يغويه

والا الرضيع يطالب امه بتبديل

وشلون من حَبّه وقفى يغنيه

انا اشهد انه ذاق في دربه الويل

من غرته ألين تاصل مواطيه

معني الضياع وماتجيب البهاذيل

ان قيل قلبك ويش اخر امانيه؟

ودي بليله معْه في شاطي النيل

ليله من سنيني تكفي وتنبيه

عن عاشقٍ من دمعة الخافق يكيل

ويرمي على طول المسافه بلاويه

واخر علومه.. طاح من عزمه الحيل

يا اللي طلبت الشعر من شاعرٍ فيه

من جور ليله مايبكي له الجيل

هذا جديدي والشعر له قوافيه

وانا لي الله وارتكاز المعاميل

رد: ديوان شعراء السعودية في العصر الحديث (متجدد)☘️☘️
 

قصيدة زكاة الوصل
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
67 مشاهدة

كنت انتظر ليل اللقا.. وحال حوله

واقول باكر وجه هالصبح سافر

وجمعت لك شوقي وضحكة طفوله

وانت ارتكبت الجرم بيِد التنافر

لاباسطٍ كفك ولاهي مْغلوله

وصرت بزكاة الوصل يازين كافر

كلما وصلتك.. صاب دربك ثموله

وكلما دفنت اللي مضى.. جيت حافر

كنك تقول اللي.. اخافك تقوله

وكني على شي استحقه.. اعافر

الورد ماهو ورد ساعة ذبوله

والذنب يبقى ذنب.. وان كنت غافر

لو مع قسى قلبك تفيد العموله

ماكان سويت بخفوقي مخافر

وان ماخذا قلبي معاك البطوله

بالله قلّي ويش بالحب ظافر

يازين خلّك باان قاسي نحوله

شفقان ضحكة قلب والدمع وافر

واخر مسافات الهوى مع حموله

ما للقا ياكود عض الاضافر

الدرب يعطي للمسافر.. وصوله

والا انت تعطي للوصول.. المسافر

رد: ديوان شعراء السعودية في العصر الحديث (متجدد)☘️☘️
 

قصيدة جليس الظلام
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
66 مشاهدة

اشعلت ليل الغرام بنور ماقد مضى

وسريت بس القمر غايب بليلة غرآم

النار بالروح وقلبي فوق جمرة غضى

ماحولي إلا الضياع وشي من يآحرآم

اوسّع الصدر لكنّه يضيق الفضى

والدمع لآ ما استحى دامه جليس الظلآم

جرّيت صوت الغيآب بهم فيني مضى

واستاحش الفكر من بحة كثير الملآم

نزلت في بير الافراح لكن فضى

مافيه غير الجروح وداب سم الكلآم

رقيت للضحك بس شفاي عنها عْرضى

وش عاد باقي ياليل البُعد والفرْح شآم

والصبح مافك ريق الشمس وايضاً حضى

من سجة ضنون قلبي احتراق وعسآم

الحرف من غمد حبره غصب عني نضى

وهزيت فيه الشعور وطآح بعض الزحآم

يارب عبدك من الهوجاس حاله قضى

شوفه سهيرٍ وحظه غآرقٍ بالمنآم

ولو كان مايرضي اللي صار شوفه رضى

ودوّر مابين السلآم ازكى واصدق سلآم

انا ادري انّه يارب مْن القدر والقضى

بس الدعا يتبعه حالٍ على مايُرآم

والنور نور الذكر ون عاد ماقد مضى

ماهو مْتعدي حُدود العشق والا الهيآم

رد: ديوان شعراء السعودية في العصر الحديث (متجدد)☘️☘️
 

قصيدة غية نظرها
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
65 مشاهدة

نامت على كف الغلا نوم عرسان

وعقد المحبه ماله إلا نحرها

زايد حلاها بدّل العقل بجنان

وبدّلت نوم العين عشق لسهرها

وملّكتها مابين صدري من اوطان

حتى شعرت اني اسير لاثرها

وغابت على هون التعاسه والاحزان

وانا على جمر الوله منتظرها

ياليت لي سلطه على دعج الاعيان

ماكان موج البُعد يقرب بحرها

سجيت وسط البال مع عذب الالحان

وكلْ فكره لفرقا الهنوف احتقرها

ومديت كفي اطلب الحظ إحسان

لكن سحاب الوصل شح بمطرها

حالة يباس مهدده قلب إنسان

عقب الحنان وعقب غيمة نظرها

بردان ولكن داخل الصدر نيران

في ليلةٍ قشرا وغايب قمرها

ما اقول انا ياناس ضايق وزعلان

هيّه كذا دنياي وآنا آخبرها

اللي كسبته من ورى ظهر ماكان

هي ضحكه وحظ المقرّد قبرها

خلاص روحوا واتركوا القلب حزنان

وانا بعانق كل ليله صورها

رد: ديوان شعراء السعودية في العصر الحديث (متجدد)☘️☘️
 

قصيدة الاميره
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
64 مشاهدة

وشلون ادوّر بالملا قلب ثاني

وانتي معااااي الأوله والاخيره

اصلاً انا من بعد عْرفك انآآآني

وبنيت لك دوله تليق بأميره

تعآآلي من بين الوله والمحآني

واتسللي من ديره إلحد ديره

اتأمري واتدللي في زماني

يآ جامعه مع الشموخ المثيره

انا بعد ماكنت سيّد لسآني

سحبت دلو السر من وسط بيره

ابعترف للكل واترك مكآني

واجيبني لك قبل ما افك سيره

للي يبي يعرف.. واسكت عشاني

ادري عن اللحظات لآجت خطيره

اييييه اعترف عن حُبك اللي خذآني

لكن عن اسمك.. ويش يصبح مصيره..؟

لآ ذعته وبين الاوآدم حصآني

خلّك كذآ علمٍ تغطيه حيره

وغييره ابد يآ غآرقه بالحنآني

اللي تبيني لك اصيره.. اصيره

مآآتنكر السآعه مرور الثوآني

وحتى العشير اشلون ينكر عشيره

اخذيني من مآجآك.. ومآجآك جآني

ورد الوله مشتآآآق شمة عبيره

ولآ تخآفي مابين املا قلب ثآني

يا الأوله مآ عآآآد عقبك اخيره

رد: ديوان شعراء السعودية في العصر الحديث (متجدد)☘️☘️
 

قصيدة ماجيت عادي
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
64 مشاهدة

ماجيت عادي لأجل لارحت عادي

وانته فراقك يشبه لصكة الباب

بالامس انادي لك وقلبك ينادي

واليوم صوتك شابه لصوت الاغراب

يعني تبيني اخر الوقت غادي

بدري عليك.. الله خلق غيرك احباب

الليل يتشرّف بساعة رقادي

والصبح يستوفي معي نور الاصحاب

وان شفت منّي بالقساوه تمادي

لاتقول ماكنّا مسا البارح اقراب

انت الذي بالصد أصبحت بادي

وخليتي ابدّل كتاب بكتاب

بآكر تعْرف اشلون مد الايادي

لاشفت طيف اللي من إخيانتك غاب

رد: ديوان شعراء السعودية في العصر الحديث (متجدد)☘️☘️
 

قصيدة الشعر يفضح الشاعر
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
63 مشاهدة

يالشعر ما اشوف غيرك صاحبٍ غالي

بالحزن وألا الفرح ماتترك اصحابك

مثل القمر لاسريت آشوفك العالي

ولاجا غياب البشر مارحت لغيابك

ألقاك في دفتري وألقاك في بالي

الفكر هو والحبر والدفتر احبابك

وآنا جمعت الحبايب وسط موالي

يالشعر في غايتي ماترفرف اهدابك

ياما نصيتك بعد ماخيّب السالي

اجيك تايه قدم ميّت واحيابك

رح للحبيبه وعلمها بغربالي

واني بكل ليله آصوّت على بابك

وين انت ياللي جمعت المر والحالي

وين انت ياللي من غيابي على اعصابك

صارت تعد الليالي ضيقة احوالي

وانا اعد الليالي ظلم بغيابك

تعال خل الفرح يازين يصفالي

بين الغياب وهموم القلب وش جابك

يالشعر ردد على لساني من اقوالي

من قاع حزني على مافيني ارقابك

يالشعر مافيه غيرك صاحبٍ غالي

لكنك اللي بقافك تفضح اصحابك

رد: ديوان شعراء السعودية في العصر الحديث (متجدد)☘️☘️
 

قصيدة الجواكر
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
64 مشاهدة

ماكل زين نقول ياصاحبي زين

ياكم نجامل ناس مثل الجوآكر

وماكل زين نشوفه بنظرة العين

اقلوبنا احيآن تقعد تنآظر

وشلون اجل من شافله ناس حلوين

من خلف شآشه مآتبث المبآشر

انا اشهد ان الحظ يآصآحبي شين

ماتشوفني جآلس اعض الاظآفر

قفّل على برنآمج اهل الشيآطين

ولاتقول خليهآ.. ترى ابليس شآطر

الذنب الاول خآيف يصير ذنبين

ويآآشين هذآ الذنب لما إيتكآثر

صحيح صرنآ بمآ نشوفه مجآنين

لكن ترى هالدين يجعلك صآبر

واللي تغرّه بالمظآهر عنآوين

يصبح ضحيّه في يدين المظآهر

الحَلوه اللي تنكشف للملآيين

ما اظن يآكلهآ من الخلق طآهر

ومدآم اكلنآهآ وما ادري على وين

تآهت بنآ الدنيآ على كف طآير

كسر المشآعر تجبره نزعة الدين

على امل للذنب يآصآح غآفر

ابدعي وخلّك معي.. قول آمين

دعوه تبرّد كبد من كآن ثآير

استغفرك يآرب عن شوفة الزين

واتعوّذك من نآس مثل الجوآكر

رد: ديوان شعراء السعودية في العصر الحديث (متجدد)☘️☘️
 

قصيدة بين العالم والزحمه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
64 مشاهدة

بين العالم والزحمه

شفت الزين وينظرلي

ماطب العين الرحمه

ونيّة قلبي يهجرني

انثر شوقي ويلمه

وأحلف انه آسرني

هي جادت فيني امه

لكن بيّه عزرني

واضح طبعه من دمه

بنصف الشهر يذكرني

شفت المعطف بيظمه

قلت المعطف قاهرني

جيت اتحايل بآخمه

بنظرة عينه حذرني

شوف الورد بلا شمه!!

قولت غمّض واسهرني

رد: ديوان شعراء السعودية في العصر الحديث (متجدد)☘️☘️
 

قصيدة الله يخلي جيّتك كافي غياب
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
63 مشاهدة

أهلاً هلآبك يالغلآ يآهلآبك

اهلاً عدد ماقيلت أهلاً للاحبآب

أهلاً عدد مآطآل قدرك سحآبك

وأهلاً عدد مآ دآست اقدآمك ترآب

أهلاً عدد مآ الفكر بأرضك مشآبك

وأهلاً عدد مآ دآرت لزينك ارقآب

أهلاً تعبت آردهآ عند بآبك

مآكنّي إلا آقول أهلاً للابوآب

ان كآن شوق القلب يازين جآبك

انا تعبت اقول هالصبح وش جآب

واليوم جيت ورآح عني غيآبك

وحتى العتب من جيت عن نبرتي غآب

قلبي قلب نبضه إلا مرحبابك

وعيني ترف رموشهآ ألف ترحآب

وكل شي حولي بالمحبه قرآبك

كنك فتحت من الغلا عينك كتآب

قد قلت أحبك لكن اصبحت آهآبك

ولايشغلك وشلون رجآل ويهآب

البُعد مُجرم والدليل إغترابك

وانآ طبيعي صرت بالصد منصآب

ودآمك رجعت وبعّد الله غيآبك

الله يخلي جيّتك.. كآفي غيآب

رد: ديوان شعراء السعودية في العصر الحديث (متجدد)☘️☘️
 

قصيدة وضح الافكار
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
64 مشاهدة

اقفوا على مايشتهون الاجاويد

وانا بعد اقفيت عن من هو اقفى

إلا انت يا خالد كما الغيث للبيد

ذكراك بيت لكل الافكار ملفى

شبّهت ضيفك يوم يلفيك بالعيد

واحييت خوه كانت العام صلفى

احرجت في طيبك جميع المقاريد

وخليتها ما بين بندق وشلفى

احدٍ ثبت واحدٍ غشته الرواعيد

وانا هنا دكتور في كل مشفى

شوف الغصون إليا اثمرت بالعناقيد

واذكر رفيق يفز من غير تكفى

وخل البشر كان البشر بالمواعيد

اركن على اللي لأعتم الجو يصفى

وانا هنا جيتك من الحيد للحيد

شبيت ضوٍ ما يبى اليوم يطفى

حبيت امسي كارهين الحواسيد

ودررت لك من وضح الافكار خلفى

رد: ديوان شعراء السعودية في العصر الحديث (متجدد)☘️☘️
 

قصيدة قرا لك ايه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
63 مشاهدة

نسيتك او تنآسيتك او انّي ما ادري اش صآير

وانّك ضعت من بآلي وانّي وانّي وهآتك

حرآآآم الظلم يآعمري حرآآم تكون بي جآير

أنا وان ضرفي اتعثر صنعت ضروف لاوقآتك

على غصن الوله يآآآمآ غفيت وجيت لك طآير

وعطيتك قلب من حبك وفكره تحت رغبآتك

ابصر شو!! قرآلك ايه؟؟ وشو بدّك؟؟ وخذ دآير

شنو يازين!! دخيل ألله!! ويستر عرض إخوآتك

بلآش تشن نظرآتك وترمي هرجك الغآير

انا ما اتحمّل النيّه تسيء.. اشلون نظرآتك؟

ترى حبك بقلبي غير وحبي جآلك مغآير

واذا بتعد قد ايش المحبه عد نبظآتك

وذآ قلبي لو اتقنع بطبع الخآين البآير

طعنته قبل ماينبض.. قبل ما اتهز خصلآتك

احبك لعنبو حيّك حرآم تهزني جآير

تعآل وهآتني ويّاك وهآت أيآمك وهآآآتك

رد: ديوان شعراء السعودية في العصر الحديث (متجدد)☘️☘️
 

قصيدة رساله إلى ابن آدم
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
62 مشاهدة

اليوم هذا هو حياتك وبآكر

بتشوف عزرائيل في يده الموت

لاتخاف لكن كون لله شآكر

مدام قلبك حي والحبل مفلوت

ابليس يابن آدم ترى حيل مآكر

ولو كان ماتسمع لوسوآسه الصوت

مرت علي ايام في جو عاكر

واغمضت عيني قلت انا وسط تابوت

وحاسبت نفسي بكل ماكنت فآكر

وضاااقت علي الارض والعالم قنوت

ماشفت غير ذنوب وقت اتجاكر

قمت ارتجف.. وشلون للجنه آفوت

مايفيدني احمد ولايفيد شآكر

ولايفيدني ضحكٍ مع الخلق منحوت

الرزق متناثر ولافيه حآكر

ويمكن يجيك الاجر من هرج وبيوت

ومن كان في دنياه لله نآكر

ان مارحمه الله بالنار مكتوت

يالله ترحمني إذا جيت باكر

وبِيديني اللي كاسبه قبل ما اموت

رد: ديوان شعراء السعودية في العصر الحديث (متجدد)☘️☘️
 

قصيدة ايام
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
62 مشاهدة

ايام عشناها على شان ايام

وايام تكفينا لو نعيشها يوم

وايام ماتنعاس ولو كان باحلام

وايام تتحقق على وسادة النوم

وايام مرتنا على خطوة اعوام

وايام لآآجتنا على اللحظه تحوم

إلا انت يامن لاجلك تخط الاقلام

بمقابلك عن كل أيامي آشوم

القلب خلفك والاحاسيس قدام

واطيح بيمينك وبيسارك آقوم

ومن وين ماودك تناديني ايام

وانا بجيب ايام عمري لك بيوم

رد: ديوان شعراء السعودية في العصر الحديث (متجدد)☘️☘️
 

قصيدة شاعرك متغرب
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
63 مشاهدة

شآعرك يابنت الحلال امتغرّب

عنّك وعن روحه وعن أهل دآره

والضيق يآشينه لاجآ لامتعزّب

ولو كآن بيدينه يقب الزقآره

صوتك على همه يابنت يتغلّب

وشلون لاشآفك وحبك وقآره

الحزن كلّه بالقصآيد تسرّب

ومبطي ماجآت مْن الليالي بشآره

والصبح عنّه يوم جآله تهرّب

ويآكثر مآيمشي ويقطع اشآره

انسآن في حآله بدا اللعن والسّب

وان كآن في وضعه تبين استشآره؟

انا الطبيب وايضاً آآنآ المجرّب

وكني على هالحآل مآسك خفآره

ولاتنشدي وشلون حآلي تقلّب

من قرّب النيرآن ذآق الحرآره

رد: ديوان شعراء السعودية في العصر الحديث (متجدد)☘️☘️
 

قصيدة مضمار قضاعه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
62 مشاهدة

يوم المواقف تطرق ابواب الاشعآر

للشآعر يشرّع لهآ مفردآته

وفي حفل ربعي هلّت مزون الافكآر

وكل بيت عنوآن الموده عبآته

الأوله قومة ملك عزه الدآر

وهو عز دآره في غنآه وسطآته

احرج ملوك الارض في غيث مدرآر

وفيه افتخر كل شي حتى عصآته

هذآك ابو متعب ذرى الدآر والجآر

عسى الله يطوّل لنآ في حيآته

والثآنيه تشهد لها كل الانظآر

وتفوّق اللي غآرقٍ في سبآته

تجمّعوآ ربعي طويلين الاشبآر

وصوت الفخر غنآ لهم من حلآته

ومآهآن من يجمع على العز الاخيآر

إلا يلآقي بالرجوله ثبآته

ربعي جهينه مشعله كل الاقطآر

وعز الزمن يهدي لنآ مرحبآته

تشهد لنآ العقله بيوم الزمن جآر

ولو يكذب التآريخ يجرح لهآته

ولو قآلوآ ان الوقت بالنآس دوّار

الذيب طبعه مآيغيّر صفآته

واليوم بعد الامن قفآ بالاخطآر

تكآثفوآ والغرس يطرب نبآته

كأنهم والجمع موقَد له النآر

احفآد شيخٍ مآخذين بوصآته

ومآضآع صيتٍ عآش من بين الاحرآر

إلا يحصّل من غنآته غنآته

مآبه قضآعي مآنزل وسط مضمآر

إلا خذآ النآموس وزوّد غلآته

والبل عطآيآ الله بهآ الوصف يحتآر

كنّ الزمن سخّر لهآ مُعضلآته

وإليآ ركضن بالمآد زينآت الابكآر

شيطآنهن مآعآد كمّل سوآته

كأنهن خلف العدو تطلب الثآر

والا عدوٍ هآب لحظة وفآته

يطرب لهآ اللي مآشكآ كيف تندآر

ويعدهآ من بين جملة بنآته

مآتهون عنده لو يقولون مليآر

وتفديه وْلو هو غآب جن مرقآته

من عهدنآ الاول لهن كبْر مقدآر

وينولهآ اللي بالشهآمه سمآته

وإلين هذآ اليوم تنذآع باخبآر

ومن شآنهآ كم شيخ هل اعبرآته

ومآيلومه إلا من جهل ويش الاعذآر

مآكنّه إلا عشق سبب عمآته

فيهن تغنوآ بين الافكآر شعّآر

سوآت ربعي والمسآ له طرآته

واختآمهآ صلوآ على خير الابرآر

اعداد ما المُسند حوى مفردآته

رد: ديوان شعراء السعودية في العصر الحديث (متجدد)☘️☘️
 

قصيدة ما على المجنون ديّه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
61 مشاهدة

يآقصيدي وين رايح ملّت افكاري طريقك

اعكس الدرب وتوكل مطفي الكون بأذيّه

صف جن الليل. داهم. يكفي شعوري بريقك

اشرب المأكول حاول تاكل مْن الشاذليّه

صفق برمشك هويدا وازعج بعقلك رفيقك

انطح التفكير واغنم وارخص الفآيض هديّه

ازعل اشره لاتبالي طبطب بزفرة شهيقك

دندن اذن لاتصلي شرق والقبله خطيّه

غوص في بحر السما خل المسآفه ماتطيقك

واقتل النفس الخفيه ماورى المجنون ديّه

لي متى لبسك يظمّك مع بقاياك بفريقك

كم تحظّن وجه صبحك ليل مايملك هويّه

كم اكيل مْن الكتابه. مآوصلت اول عميقك

كم رفعت الصوت سآكت ماعلى دربك عليّه

يآقصيدي باكسر افكاري توكل بل ريقك

خلني بجلس دقايق او دقيقه او شويّه

القلم وآقف وحآير باتسآعك مع مضيقك

والهوى باربع جهاته شربكه ماهي سويّه

اختصار الموت كله مانجى البآرح غريقك

والصباح امسى ينادي ماعلى المجنون ديّه

رد: ديوان شعراء السعودية في العصر الحديث (متجدد)☘️☘️
 

قصيدة غربتي ودراستي
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
61 مشاهدة

متى على الله يقضي الهم... واقضي

من غربتي وادراستي والمعاناه

ياطول هالمده وياضيق عرضي

وياكم اقول لغايتي وآآحلآلآآه

بالنافله ادعي... وادعي بفرضي

اقول ياربي تجنبني الآه

واصلاً مافيه بدنيتي شي مرضي

إلا فعل مافيه عصيان لله

ياكم نهيت النفس واقول غضي

انا بشر ماكل شي آتفآدآه

وابليسي الله يلعنه صعب يمضي

ومن وين ماوجّهت الافكار... أبلقآه

وبعضي يشيل الذنب ويطيح بعضي

واقوم طايح... قوّم الضيق ويآه

والدمع يبصم في خفوقي ويمضي

واللي كتبت.. اغمّض العين... واقرآه

بالفكر اقلّبها وبشفاي عضي

وانا اشهد ان الحال قطّعني اقصآه

ياللي قريتوا حآلي.. ادعولي اقضي

من غربتي وادراستي والمعانآه

رد: ديوان شعراء السعودية في العصر الحديث (متجدد)☘️☘️
 

قصيدة موضه جديده
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
61 مشاهدة

يآصآحبي لآ تسئل الليل وشفيه

شف رآس مآلي مآ هو إلا قصيده

وان كآن تبغى الهم يكشف خوآفيه

لعب المشاعر صآر موضه جديده

ينهد حظي كل لحظه.. وابنيه

ألين عآنق حظي بروح قيده

خلٍ خفوقي وين يبغى يوديه

اقفى معاه بروح يآهي عنيده

كنت احسب انه بآن نوري بعاليه

لامآ دريت ان العواصف شديده

المشكله هالقلب ماهو بنآسيه

والمشكله قريب ولا اقدر اصيده

اللي خذا شيٍ ولاهو بيعطيه

قلّه حياتي كلهآ ع الحديده

يآ بدر لو العبد بيدين وآليه

ارتآح من بعض القلوب البليده

لكن بقولك شي وابغى تداريه

لاشفتني مآشي على الدرب سيده

شيٍ بدون النفس مآ والله ابغيه

وللي مضى بقول.. فرصه سعيده

رد: ديوان شعراء السعودية في العصر الحديث (متجدد)☘️☘️
 

قصيدة حب الحياويّه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
62 مشاهدة

حبيت بس استحيت آقول

ويآشين حُب الحيآويّه

اكتب يظن الحكي منقول

ألين ضآقت قوآفيّه

يقول: أهل الغرآم خبول

وأقول: بالرآس جنيّه

لعيووونه اصبحت ادق طبول

وأعزف بصوت الهوآويّه

يآمآ رسلت الهوى مغلول

وأحتآج نظره بحنيّه

يآنآآآآس مآفآدني مرسول

ولآ غيّر بنيته نيّه

محتآج رآيٍ يجيب حلول

وألا اسحب الموت بيِديه

لا احدٍ يقول إني المسؤول

هذي طبوع الحيآويّه

رد: ديوان شعراء السعودية في العصر الحديث (متجدد)☘️☘️
 

قصيدة نظم الاحاسيس
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
60 مشاهدة

يامن نظمتي ماتكن الاحاسيس

ماتدري ان الكسر بالبيت آفه

لكن كتبتي شي ماجابه ابليس

اللي ملك بالقاف كل الحرافه

محبوبتي لو نحسب الوقت ونقيس

ماكان خضنا بالقلوب المسافه

ماشوّه النسناس قل النسانيس

وما فرّح العالم كثير اللقافه

البُعد لاهل الحب مثل الجواسيس

يكشف لك الخافي بكثر اقترافه

كل مابعدنا زاد هم القراطيس

والحرف يفضح مانكنّه بقافه

مجنونتي يا ام العيون النواعيس

ياللي معاك العمر زاد اختلافه

كسرتي ابيوتك بأحلى الاحاسيس

وجبرتي قلبي لين جاك اعترافه

رد: ديوان شعراء السعودية في العصر الحديث (متجدد)☘️☘️
 

قصيدة وشفيه امجد
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
61 مشاهدة

لاتسئلي يابنت وشفيه امجد

حالي ورب البيت ماهو بطيّب

الهم ثوره ماتبي يوم تهجد

والضحك صَنعه لوتجيك اتغيّب

كان النخل يحتاج له واحد يجد

راسي من الخيبات يابنت شيّب

ذبحت نفسي بين شعر وتوجد

هذي حدود الطيب.. كيف آتطيّب

لاصار هزل الناس مخلوط بالجد

صعبه ألاقي للحبيب الحبيّب

الأسم يُنسب للأبو ثم للجد

لكن وش انسب للبعيد القريّب

ياما قتلت الهم وقت التهجد

ياما حييت النفس وقت التسيّب

وفي هالبشر يابنت صعب آتنجد

يلفي علي احساس كلّه تعيّب

ابتجه لله وبخشوعي اسجد

مافيه غيره يجعل الحال طيّب

امجد ماعاده مثل ماكان امجد

يعني طبيعي لو عليكم تغيّب

رد: ديوان شعراء السعودية في العصر الحديث (متجدد)☘️☘️
 

قصيدة جرح يخشى من اللمس
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
61 مشاهدة

ياقلب ليت الصبح يفهم على الشمس

شوف القمر مايكفي الليل نوره

ياقلب والمرسام بِيدي تكرس

يرسم على وجه الليالي عبوره

غنيت والدفتر بيدي تنفس

والضيق حالف مايبيّن فتوره

ان كان يومي مايحقق هوى الامس

العام ينكر مامضى في شهوره

ضميت جرح وجرح يخشى من اللمس

وطعنت خلق الليل وازداد جوره

مافاد ضحك البارحه خاطرٍ عمس

بنات برد الليل ترجي ذكوره

ياقلب كان الوقت معنا تعكس

كلٍ يبي دوره ولو راح دوره

رد: ديوان شعراء السعودية في العصر الحديث (متجدد)☘️☘️
 

قصيدة الردي يشتك
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
59 مشاهدة

اللي معي يشتك لاقلت له شيّ

اكيد فيه اشيا تخليه يشتك

لولا وجود الشمس ماكان به فيّ

لايالزمن ما اظن تخفاك علتك

استر عليه وتفضح الصدمه يديّ

وانا ادري انه لا قرا الحرف يصتك

وهذي حدودي لاجل انا محترم حيّ

واسوقها والشوك بالكتف يحتك

واقول خيره ماورى علتي كيّ

يالطيب مافادت مع القلب رفقتك

مثل الحيا مايسقي الضامي الميّ

باهمش اللي صار ولا افك طاقتك

ببقا جبل شامخ ولا اهتز من شيّ

ويبقا الردي من كل الاشياء يشتك

رد: ديوان شعراء السعودية في العصر الحديث (متجدد)☘️☘️
 

قصيدة الشعر والقريحه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
59 مشاهدة

العام زوّجت الشْعر للقريحه

واليوم جوك عيالهم بالدواوين

فيهم ذكر بس الاناثي فضيحه

لافرّعت عند الرجال الميامين

مافيهم المترديه والنطيحه

لكنها ماهي على رغبة الدين

والناس ماهي للصراحه صريحه

احيان تخلط لك صفا الما على الطين

مثل الجهاز اللي بدون الشريحه

يلعب ولكن قول يلعب على مين؟

وياصاحبي لاتامن اهل النصيحه

ترا اغلب الوافين ماهم وفيين

شفّ صاحبك له نظرةٍ مستريحه

ياخذ من العقّال فكر المجانين

ولاقابلوه اهل الوجيه الفليحه

قلّطهم بقلبه وقهوتهم العين

ويبقى الشْعر بين القلوب الجريحه

وبين القضايا اللي جفتها السلاطين

وان شفتني اسدلت وجه القريحه

اعرف تراني كارهٍ للدواوين

رد: ديوان شعراء السعودية في العصر الحديث (متجدد)☘️☘️
 

قصيدة ارجل طفل مرثيه باخي الصغير
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
58 مشاهدة

في مثل هذا الوقت اخذته ويآ ليت

في مثل هذآ الوقت مآجيت اخذته

بعز انشغآلي مآ ادري اشلون له جيت

ويآليتني من قبل مآ امشي حضنته

جآني وحب يديّ.. وْلِيِديه حبيت

من طبعه الليّن وحُبه.. عشقته

قلت احضنه اذا وصلنآ الى البيت

وللحين ادوّر حظنه اللي فقدته

بلمحة بصر حنا اصتدمنآ بوآنيت

ومن بين خمسه وآحد اللي خسرته

صحيح انا مع الثلآثه تآذيت

إلا ان موتي بْكل مآصآر ذقته

ربي كتب.. وانا رضيت وتعنيت

والوقت لو يرجع.. وربي رجَعته

فقيدنآ يطري إذآ اصبحت وامسيت

اكلمه واقول كلْمآ لمحته

هو صدق يآ خآلد..؟ يقولوآ توفيت

واحس كنّه رد.. كنّي سمعته

لا احدن يقول اني بمآ قلت جنيت

ياكم شعور بوسط عيني دفنته

ما انسآه لو اني معآكم تنآسيت

ولا انسى بعد وشلون بِيِدي قبرته

وخآلط ترآب القبر دمعي.. وبلّيت

اخر لقآ.. بآهآت قلبٍ سكبته

باللي مضآ كآن الغلآ ذآيع الصيت

ما اذكر مابين اخوآني اني نهرته

دون الاخوّه كنت مُعجب وحبيت

الطيب والعزّة وشي مآفهمته

ارجل طفل.. عليه يآمآ تحديت

ويآكم كسبت ارهآني اللي رهنته

يآهو ينومس كآن عنّه تحآكيت

وشلون لو بين السوآلف نظرته

وللمدرسه يآمآ تمنى.. وتمنيت

اني اشوفه لآكبر.. ليت شفته

خذآه ربٍ يحيي النآس ويميت

وانا على كلْمآ عطآني شكرته

بآقي كثييير وباختصر في شطر بيت

ما اذكر فقدت انسآن قد مآفقدته

وين انت يآخآلد وليه انت قفيت

وتركت اخوك اللي تمنى.. حظنته

رد: ديوان شعراء السعودية في العصر الحديث (متجدد)☘️☘️
 

قصيدة مشاكسة زواج
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
57 مشاهدة

اليوم هذآ ودي اصير منصور

ويحضر زوآجي من بيحظر زوآجه

تعبت مآسك خلف خلق الله الدور

واشوف خط السير بآن انعوآجه

مجبور يوم آخط هالبيت مجبور

جوّه صفآله بس جوّي عجآجه

مسرور؟؟ مآظني يآبو فلآن مسرور

الحآل بآقي مآتعدّل مزآجه

بيت القصيده مآهو والله مكسور

الكسر باللي تآه باسبآب حآجه

ومنصور هذآ اليوم قد صآر منصور

يشرب زلآل المآ وغيره همآجه

باسوق له مبروك من قلب وشعور

والله يبآرك له بفرحة زاجه

رد: ديوان شعراء السعودية في العصر الحديث (متجدد)☘️☘️
 

قصيدة الحزينه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
53 مشاهدة

لاتنزعج ياقلب.. الاوضاع زينه

وانا على خبرك.. على الظيم صابر

مازعزع البدوان نور المدينه

ولا زوّد الفقران كثر المكابر

اللي كتب ربي.. يجينا بحينه

واللي على بالي.. يزور المحابر

مهموم..؟ دمعك مانزل فوق طينه

مكسور..؟ خلفك.. صادق الوقت جابر

شوف البحر.. اعطى المراكب يدينه

والريح تلعب دور.. شمخ المنابر

وايامنا بين المشاعر.. سفينه

ولاكل موج إن مرّ.. بيمر عابر

ومحبوبتك للنبض يآآآهي رهينه

وماضيك سجّلته.. بصدر المثابر

يعني عليك تثير.. روح السكينه

وتكف دمعك.. عن يبآس المعابر

وان طالت الدعوه.. ومآآآآآتت حزينه

الله يطوّل عمر كل المقابر

رد: ديوان شعراء السعودية في العصر الحديث (متجدد)☘️☘️
 

قصيدة مقطوع من شجْرة احزاني
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
54 مشاهدة

البارحه والظلام صدود

الصد من دنيتي جاني

واصبحت كني كذا مطرود

من بيت ابويَه وإخواني

ولليتم بانت عليّ إشهود

مقطوع من شجْرة احزاني

احاول اسلا مع الموجود

واحصّل الحال وحداني

يااكم زرعت وابي المصود

وينبت جفا يكسر اغصاني

لاعدت ياحظي المقرود

اصبحت باسبابك اعاني

رد: ديوان شعراء السعودية في العصر الحديث (متجدد)☘️☘️
 

قصيدة ورديّ الاحلام
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
52 مشاهدة

ما مرّ في بآلك على مرّ الأيام

اللي تمرّي باله ألفين مرّه

ما سقتي الافكار في شوف الافلام

ان البطل ماذاع للخلق سرّه

إن قبّلك بالنوم وردّي الاحلام

انا السهر ضميته وذقت مرّه

البارحه وانا على متن الإلهام

اللي مضا في كل موّال اجرّه

حتى شكت من كثر ما اشكيك الاقلام

وبحر القصايد فيك لله درّه

يموج بك من بين راكب وعوّام

ولو كان وسطه موتي اعشق اكرّه

يا متعّبتني إتعِب لعينك اقدام

مرّات افك الصدر مرّات ازرّه

لو الغلا هبكه والإحساس قدّام

ماذقت من طاري تجافيك شرّه

ولايغرّك ان الحب بالقلب حوّام

ياااكم غريرٍ طيّحه من يغرّه

على الغلا اللي بين سالم وهمّام

إلا ان سالم ثار في وجه مرّ

رد: ديوان شعراء السعودية في العصر الحديث (متجدد)☘️☘️
 

قصيدة كف اللقاء
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
51 مشاهدة

يافاتنه بوسي على كف اللقا

في عيون الليل ابرسم لك سهر

لاْجل نصبح بالمسآفه اصدقا

ومن يدين الحُب.. أقطفلك زهر

قبل ألمّك كنت منثور بشقا

وكل يوم يمر يسكن بي دهر

وفي حنآنك مترف احسآسي رقا

كيف لآ!! وْانفاسك حْكاية طهر

قمت اهذري للرحيل وللبقا

خايف اضما بعد ما جيتي نهر

محتاجلك والقلب مأسورٍ هقا

إنْك نهاية.. للدموع وللقهر

ولآتخافي مآ ابي إلا النقا

نخفي الإحساس والباقي جهر

يافاتنه.. ياتصافحيني باللقا

والا انثري في محجر عيوني سهر

رد: ديوان شعراء السعودية في العصر الحديث (متجدد)☘️☘️
 

قصيدة بشار الاسد وحمزه كاشغري وباقي الفئران
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
50 مشاهدة

ايوالله إنآ وآرثين الرخآمه

ان كآن عدّآ اللي يسويه بشآر

يذبح من السُنه.. ونُقتل ندآمه

ونْزيدهآ بالصمت موته بإصرآر

لآوالله إلا مآنبي للسلآمه

مدآم هم بالنآر؟ شبّت بنآ النآر

يآويش يآ بشّآر شبه النعآمه

وآآشيب عيني.. ذبحته ذبحة الفآر

مآهو بحمل الجمع باول قيآمه

لكن نبي من يفتح الدرب للبآر

والله مآضني يكمّل منآمه

اللي به احلآمه غدت حيل تحتآر

نصمت وزآد الصمت لاهل العمآمه

حتى انشلع كلْمآ تخفآ بالاستآر

نآدوآ بذم العآيشه والكرآمه

ومْحآولة اسقآط من يسكن الدآر

وبآقي ندرعم في خضم الملآمه

وحربٍ بدون سلآح مآردّت حمآر

واللي بعد زآد اللهآيب عسآمه

قومٍ دعوآ باسم اترك العرض للطآر

والشرع لآتهتم وشهو مرآمه

ادعس على الغيره ودندن بالاسحآر

ثم ازرعوآ تفكير يخزي نظآمه

وخلوآ اليدين اتصير كلتيهن إيسآر

حتى احصدوآ وآطي ذبحنآ كلآمه

حمزه كآشغري زوّد المر بامرآر

وقآل الذي أهدى لقلبي لطآمه

وخرّت من هروجه دموع ألف منهآر

من بعد حمزتنآ نديم الزعآمه

عم الرسول وسيف في وجه كفآر

قآموآ يسمون الردى بالشهآمه

وحنآ ولآ كن الذي صآر قد صآر

ضعنآ مآبين مدوّرين الفخآمه

ومآ بين من يتبعهم بْكل مشوآر

حتى الفتى اصبح يدوّر هيآمه

وعليه مآ يأمن إذآ غآدر الجآر

جيلٍ بحب العيش بآن اهتمآمه

إلا الذي قد خآف ربي ولآ سآر

وبشآر نآزل ذبح باول ختآمه

ويزيدنآ بالذل مع سبق الإصرآر

لآ والله إلا غطرفوآ للرخآمه

ان كآن عدّا مآ يسويه بشآر

رد: ديوان شعراء السعودية في العصر الحديث (متجدد)☘️☘️
 

قصيدة حريق جده
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
47 مشاهدة

من جد ياجده حصل كل هذآ

او ماحصل لك شي ماهو بجده

يعني ورود اطفآل كآآآنت تْشآذآ

رآحت ضحيّة حرق ملعون جده!!؟

اوجعتني يآحآل.. كيف ولمآذآ.؟

صآر الذي يسطي بجزره ومده

ما ادري بدرب المجرمين اتحآذآ

والا تبي تقسى قلوب الموده!!

لاتعتذر.. ما للمُسبب ملآذآ

ومالي على سمع السخآفآت شده

قلب الرجل لو كآن مثل الفُلآذآ

بْمآ يشوفه غصب دمعه يهده

وشلون اُم الطفله.. الله يآ ذآ

شيٍ يهز اجبآل.. يكسر اشده

رحمآآآآآك يآربٍ عليك المعآذآ

ولآعدت يآ عآلم هوآت المخده

واللي ملآ بطنه.. بنآس اتئآذآ

مآآيهمّه ايّت شي.. مآ شي صده

متى القرآر.. اللي يظم اتخآذآ

اللي يوصل.. كل شيٍ لحده

ملّيت من هذآ.. وهذآ.. وهذآ

ومليت من اخطآء بآنت بجده

رد: ديوان شعراء السعودية في العصر الحديث (متجدد)☘️☘️
 

قصيدة بارحل عشانك ماوصلتي عشاني
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
47 مشاهدة

يالشمس ليه انتي عليهم تضوين

وانا الذي كنت احسب انك عشاني

الصبح جابك لاجل فيني تهلين

واخلفتي وعْودك بظلمة كياني

يالشمس قبل انك معاهم تغيبين

اخذي الكلام اللي بطارف لساني

النور ماهو انك عليهم تمرين

النور نور العْقل.. وْلافيه ثاني

انتي حدودك نص عمر وتروحين

والعقل مايؤمن بوقت ومكاني

ياكم نهارٍ ما اوصلته الرياحين

قد راح لعبه بين مجني وجاني

والخير ماهو انْك لعالم تبينين

الخير تعطي من خذاك.. الاماني

لو كل خافي تقدر تشوفه العين

لا ما انخدع هاني بشوفة تهاني

يا الشمس مثلك بالشتا ينثر اللين

وبالصيف مايلقى لبحره مواني

لكن مدام انك عليهم تطلين

برحل عشانك... ما وصلتي عشاني

رد: ديوان شعراء السعودية في العصر الحديث (متجدد)☘️☘️
 

قصيدة ياتسرع ونقلب ياهدي السرعه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
47 مشاهدة

ياموتري هدّي وين انت بي طآير

ماعااااد به علمٍ يستاهل السرعه

ما ادري احس انك من صدمتي ثآير

او ماعجبك اللي اخلف معي شرعه

وقف دقيقه بس باكتب على العآير

الحب ياعآشق محتآج لو جرعه

هذا الذي صآير.. لاتقول وش صآير

في دآخلي ازمه غطّة على درعه

خلّي طَلقني بس ودآني الحآير

كنّه عطآني هم ثم قال لي إرعه

ياويش ابي ارعا يابذرة البآير

فلّاحك المنشل لامآجنى زرعه

ياموتري لاتحن في حالنا الجآير

يالله نبي انسوي لعيونك القرعه

واختار بين امرين دآم العْقل طآير

يانسرع ونقلب يآهدّي السرعه

رد: ديوان شعراء السعودية في العصر الحديث (متجدد)☘️☘️
 

قصيدة جرح وطعون وقتيله
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
45 مشاهدة

الفرح بيني وبينه جرح وطعون وقتيله

كل مآ جيت آتبسّم يبتدي دمعي ميوله

القدر فآرض وانا المفروض لآفكرّت ازيله

ادعي الله واترجى وامسك بسنّة رسوله

لكن اقرب ما أقوله اشتعل سلك الفتيله

وانفجر مآكنت خلفه.. مآ ترك لي مآ اقوله

الحزن يآآآقو قلبه مانجى منهو دخيله

سمّح الله ضيق ليلي يوم غآآرت بي خيوله

ابتعدت بهم قلبٍ مشِعل النآر بشليله

يرسم الدخآن صورة خل مآيقوى حموله

مابكى من جور حآله قد مآيبكي خليله

كل مآفكّر يقآوم دقّة اوجآعه طبوله

يعني حآلة بيني ومآ بين أفرآحي قتيله

وحظي الطآيح لو انّه قآم يكفيني ميوله

رد: ديوان شعراء السعودية في العصر الحديث (متجدد)☘️☘️
 

قصيدة جووووز
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
45 مشاهدة

اجوز عن بعض السوآليف وآجوز

عن فكري اللي مايحب اللقآفه

مادام انا وانتي يامحبوبتي جوز

لازم ادغدغ مسمعك بالطرآفه

صحيح ماني جآك ولا انتي بعد روز

لكن زرعنا حُب صعب اقتطآفه

واللي يحب اللوز يَحرص على اللوز

والشاعر فبيت القصيد اعترآفه

العآم حلمي بس في وصلك آفوز

واليوم قلبك نلت منْه إلتحآفه

والنبض كنّه بينك وبيني رموز

يآوزن بيت الشعر.. خصلتك قآفه

بعض البشر تهنى على صوت فيروز

انا على صوتك اعيش اللطآفه

ألين صآر البعد يازين مايجوز

ولايجوز بيني وبين روحك مسآفه

حبك بقلبي قبل لا اعرفك محجوز

وفي جيّتك كل شي حان اقترآفه

يعني كذا صعبه عن احسآسك آجوز

وصعبه بعد لوجزت عن هاللقآفه

رد: ديوان شعراء السعودية في العصر الحديث (متجدد)☘️☘️
 

https://diwandb.com/images/poets/por...om_rfisx5a.jpg
الشاعر محمد بن عمار

الاسم / محمد بن عبد العزيز بن محمد بن عمار من مدينة ثادق شاعر نبطي غزلي من عائلة مشهورة بالشعر ورث الشعر أن صح التعبير عن أبيه وجده وخاله وعمه و خاله وخال والده كلهم شعراء فطاحل جده محمد بن راشد بن عمار غني عن التعريف صاحب الألفية المعلقة / ألف أولف من كلام نظيفي & ودموع عيني فوق خدي ذريفي لديه ثلاثة دواوين 1- جريح القصيد 2- نزف القوافي 3- قصص في قصائد.

رد: ديوان شعراء السعودية في العصر الحديث (متجدد)☘️☘️
 

قصيدة عبير الورد
الشاعر: محمد بن عمار محمد بن عمار
#العصر الحديث
#المملكة العربية السعودية
0
1,177 مشاهدة

كلما، عنّاني،الفكر، يمّك

القدم من زود شوقي عنالك

من غلاك بدافي الحضن أضمّك

وأنعش القلب العليل بدلالك

وأشرب المعسول من شهد فمّك

وأطفي أشواق الغرام بوصالك

ليتي أقرب لك أصير ابن عمّك

أو شريكٍ في النسب مع خوالك

ياعبير الورد وش لون أشمّك

وأنت بأعلى الغصن صعبٍ منالك

كان حبي ذا يبٍ وسط دمّك

فالغلا لك في فؤادي لحالك

لك غلا مهما العوا ذل تذمّك

فوق ماتتصوره في خيالك

كل نبضة من خفوقي تلّك

وتكتب العنوان حبٍ وفاء لك

لأجل همي مرتبط فيه همّك

والفرح والعمر كله فدالك