رد: فوق هام السحب ( الشعر الشعبي) على متن القوافي
 

مشاعر العشاق دايم من صراع الى صراع
‏لو ينتهي عمر المحبه ما انتهى مفعولها

‏اللي عيونه يمكن توصّلني لحد الضياع
‏صوته يحسسني بأمان من الليال وهولها

‏عذروبه انه يطوي احلامي مثل طي الشراع
‏وعذروبي إني ما اترك الأحلام لين انولها

.....

رد: فوق هام السحب ( الشعر الشعبي) على متن القوافي
 

أنا المقتنع بإن آخر المجريات أنصاف
‏لـذا مـا تزيد جروحي إلّا أبتسامـاتي

‏ولو مهل الله ما هـمّـل قلبي الشفاف
‏ يجـي يــوم و الدنيا تـعـدّ انتصاراتـي

‏ تخافون دورات الليالي و أنا ما اخاف
‏ تبي تـرد لـي معروفي وبيض وقفاتـي

.....

رد: فوق هام السحب ( الشعر الشعبي) على متن القوافي
 

سامح الله من خذا مني هدوي وإرتياحي
‏لين حدني على بعض الأمور اللي مابيها

‏مرحلة مدري متى تعتقني وتطلق سراحي
‏ما قدرت أعيشها ولا أنتقل للي يليها

‏لو تساعدني خطاوي رجلي بحزة مراحي
‏من يساعدني على روحٍ يدب الشوق فيها

.....

رد: فوق هام السحب ( الشعر الشعبي) على متن القوافي
 

‏من يلومك شايفٍ حالك وفي بداية شبابك
‏ طاغي تجرح قلوب الناس تحسبها بطوله

‏يا كثر ما كانت ظنوني دخيل الله تهابك
‏بس اكذبها وأقول اوهام والقلب وميوله

‏وأثرك اللي تستلذ إن ذاقوا العالم عذابك
‏مشكلة والمشكلة هذي بسيطة ومحلوله

.....

رد: فوق هام السحب ( الشعر الشعبي) على متن القوافي
 

أحبك ولو عادت جميع الوجيه أغراب
‏خذيتك أمان يشرّد الخوف من طيِبه

‏أشوف الحياة اللي مع الناس ملح وذاب
‏وأشوفك يقينٍ يقطع الشك والريبة

‏أبيع السنين اللي بدونك برخص تراب
‏وأساوم على اللحظة معاك أنت باللي به

.....

رد: فوق هام السحب ( الشعر الشعبي) على متن القوافي
 

لا ياخذ الحرمان فرصه لين يكبر له مقام
‏ماينعطى الحرمان وجه أنا أعرف الحرمان زين
‏
‏والله ماطوي عن غلاك الوجد لين أطوى بخام
‏لو ما أطلع من العمر غير بطعنتين و دمعتين

.....

رد: فوق هام السحب ( الشعر الشعبي) على متن القوافي
 

‏ما دامك من بنات الغيم مدري من خوات النود
‏تمثّني للضلوع اللي تضمك .. و آتثنالك

‏أنا ميّت ضما و أنتي هواك العيلم المورود
‏يمرّ الموت بالي كل ما مرّ " الجفا " بالك

‏لا تعميك الدموع اللي ما خلقت للوساع السود
‏عسى روحي فدا واهج .. ثغرك و ليلك الحالك

.....

رد: فوق هام السحب ( الشعر الشعبي) على متن القوافي
 

على النسيان ما مرَّ الطريق ولا كساك إنصاف
‏مثل ما اواجه أقدار العمر ذكراك أواجهها

‏تبين بـ كل غيمة ما تضرّ .. وكل غصنٍ جاف
‏أشوفك فالوجيه اللي أحبّ وفاللي أكرهها

.....

رد: فوق هام السحب ( الشعر الشعبي) على متن القوافي
 

‏انا يـاريـف قلـبي لو لحقـني من زعـلك ارهـاق
‏طويت ايام عمـري في رضاك وقلت لك توبـه

‏فداك البـيد وعذوق النخـل والنـوق والاعـراق
‏وفداك اللي رحـل واللي بقى والحـزن وكروبـه

.....

رد: فوق هام السحب ( الشعر الشعبي) على متن القوافي
 

وسايل الشوق القديم وعطرك
واول لقاء على الرصيف الهادي

محفورةً بالقلب صوت وصوره
لو كان شفت الشيب فيني بادي

الحب نفحات سرى ساريها
تقول سيلٍ ضاربً له وادي

.....