|
رد: ديوان شعراء السعودية في العصر الحديث (متجدد)☘️☘️
قصيدة علوم الرجال
الشاعر: محمد بن عمار محمد بن عمار #العصر الحديث #المملكة العربية السعودية 0 954 مشاهدة أبوي ربّاني على طيب الأفعال وعلمّني علوم الرجال الأصيلة علمني إن الحلم مع طولة البال يطفي لظى نار الصدور العليلة وعلمّني إن الصمت حكمة ولوطال والهرج للمجبور، يكفي قليلة وعلمّني إن الصدق في كل الأحوال يدحض على راعي الوشاية دليلة وعلمّني إن الكذب لو، وزن مثقال لا بد، مكشوفٍ، بأية وسيلة وعلمّني أترك راعي القيل والقال وأرفع بنفسي عن دروب الرذيلة وعلمّني إن الدهر والحظ،لو مال خلا ني أسير، الحياة،، الذليلة وعلمّني إن الصبرمن ضرب الأمثال لاصار مع جاهل، ونفسه ثقيلة وعلمّني إن الضيق له ألف حلاّل عند الولي راعي العطايا الجزيلة والعفو عند المقدرة شيمة رجال لاهيب لا خوفٍ، ولا قل حيلة يالله عسى له جنة الخلد منزال في عالي الفردوس ذي دعوتي له وللمسلمين أخواننا حظٍ وفال من واحدٍ،، ماهيب، كفه بخيلة |
رد: ديوان شعراء السعودية في العصر الحديث (متجدد)☘️☘️
قصيدة موسوعة الألفيات
الشاعر: محمد بن عمار محمد بن عمار #العصر الحديث #المملكة العربية السعودية 0 893 مشاهدة حرف الألف أبدأ، بذكرالله وأقول لأهل الحصافة والعقول ماتنفع أنصاف الحلول والحق شمسه ماتغاب بالعلم، نرقى، للعلا مطلب، أساسي أو فلا فرضٍ على كل الملا وماعاد ينفع به سكات ترقى الأمم، بأوطانها وقوة، رسوخ إيمانها وتبني، جميع أركانها بالجد، والسيرالحثيث ثلث الحكي خذ زبدته وثلثٍ لنا، مع نسبته والثلث الآخر، شفرته لأهل الطوالع والبروج جاك الكلام اللي يفيد هيّن، وقاسي كالحديد منظوم في شعر وقصيد وأعذب من العد القراح حطيته، ألغاز ورموز مابه طلاسم، أوحروز يقرآه شايب أو عجوز من غير إصرار ورضوخ خيّبت ظن أهل الملام اللي، يجيبون،، الكلام ماشين في درب النمام في عالمٍ،، ماله وجود دام المسائل في دبور والناس بغياب وحضور والسالفة دامت شهور يالله،، بإسمك أستعيذ ذل الرجال أكبر دليل إن الوفاء أصبح قليل واللي عزيز أمسى ذليل لطفك بي ياربٍ غفور راحت حياتي ما اهتنيت واللي أ دوّر مالقيت والظاهر إني مااهتديت لمصاحبة ناسٍ عزاز زل القدم،، في سكته والقلب زادت حسرته صدري تحشرج عبرته من كل نقاد وجليس سقمي على حالي قضا وقلبي على جمر الغضا بين الزعل هو والرضا تالي العمر يامن يعيش شفت الغلا نقصه يزود وصبري تعدى للحدود رغم المساعي والجهود نور الامل ماله بصيص صديّت عن طعم المعاش وجافيت نومي بالفراش والحال ناشف مابقاش ماغير أهيجن وأستهيض ضمّيت خلي في الحلوم ظنّيت ذا شيءٍ يدوم أزيل به بعض الهموم وأقص في الحفل الشريط طفت شموع، الإحتفال ومن فرحتي! ياهمالال حتى الفرح أصبح محال صحيح هالدنيا حظوظ ظلم الدهر، مع الحبيب كانه، بعيدٍ أوقريب الجرح ما ظني يطيب دامه مصالح،، وإنتفاع عقب الذي صاروجرى حاربت انا طعم الكرى وش اللي حاصل ياترى يوم إن حظي عنه راغ غاب الأمل عدة سنين هايم مع أوهامي حزين عايش معاناة، وأنين وماكنت أريد الإعتراف في غلطة، الخل الوفي وجرحٍ بجوفي ماشفي أضحك وأنا همي خفي وناري تزايد بإحتراق قاسيت، أمرّين العذاب من العواذل والصحاب أحرق لي زهورالشباب والموت بأسبابه وشيك كنت أنتظر له، يبتدر لاغبت، جاني، يعتذر والظاهر، إنه، ينتظر عذري وذا شيءٍ محال لو الوفاء طبعه، وفاء وذكر زماني، والصفاء بدال،، ماسنّ، الجفاء وغديت أنا منه امحروم ماعاد لي به، لو يجي إن كان قصده، أرتجي شخصٍ يخالف منهجي من عشرته شلت الظنون نوعه كثيرٍ، فى العباد كم عاشقٍ ذاق السهاد هو يحسبه، نال المراد حتى، وقع في المصيده هذا الزمان أمره عجب الله على عصرٍ ذهب عصر الثقافة والأدب غدى، وأصحابه غدو والله، ما باقي، لهم غير القليل،، لذكرهم إلاّ، إذا أحدٍ، برّهم لكن متى الفرصة تجي يالله، ترحمنا، جميع يامن، لدعوانا سميع وعلى، محمد الشفيع صلّي وسلّم يا مجيبحرف الباء بأرجع أكمّل في شمول مع كل شيءٍ بالأصول وان كان هرجي بيطول فالمعذرة شيب وشباب بكرة، يشوفون، الملا سليم، أو، هو مبتلا بدال، من كلمة هلا تسمع تفاهات وشمات تسمع من اللي، هانها آخر، جديد، الحانها من واحدٍ ما صانها دايم وهو هرجه غثيث ثلاث مرات، أعطته ولا، تغانم، فرصته من شان يدمح غلطته ويصدق بنقله للهروج جنّد شياطينه،، عبيد فيما يريد، أو مايريد لا فكر، لارآيٍ سديد والمسألة ماهي مزاح حقده مثبّت وامغروز ودّه لكل شيٍ يحوز يفوز بأموال وكنوز ويروي غروره والدلوخ خلا القرايب في خصام عقب المحبة والوئام والنور إلى عوّد ظلام فهذي علامات الحقود دايم وهو مشيه غرور من غير فكرٍ اوشعور وامعرقلٍ سير الأمور من الولي، ماله ملاذ ذاب الجليد أصبح يسيل عن موية الوادي بديل من عقب ماهو مستحيل البرّ،، أينع بالزهور رمت المرام ومالقيت من الأماني ما ابتغيت الله من طعسٍ رقيت ولاكسبت! إلا الغراز زادت بقلبي، لوعته والطرف ينثر دمعته سألت ربي رحمته من كل شيطان وخسيس سعيد باللي لي، مضا وأقدار، ربي والقضا القلب دامه ماحضا فالعود من حاله نشيش شفت التجافي والصدود باللي نواني بالجحود سمع لهرّاج، الحسود عن شوفته مالي محيص صابرعلى ناسٍ خَشَاش لاهم نعاج! ولا كباش عند التفاهم، والنقاش توصل معاهم للحضيض ضدّ.! الثقافة والعلوم دايم تلا قيهم، خصوم لوتطلع، ابهم للنجوم عاقلهم الفاهم،، عبيط طلعاتهم في كل حال بالوصف أشباه الرجال غدر وخيانة وإحتيال مابين غمضه وإلتحاظ ظلّ الطريق ابلا رقيب الله،، على فعله حسيب والله انا به مستريب وحاولت قدر المستطاع على الذي لأجله أرى مابين من باع وشرى الجرح لأجله ما برى والعذر ماهو مستساغ غنى الحمايم لي حزين من يوم فارقت الضنين يالله ياربي، تعين منهو بوقته شاف وعاف في وقتي اللي، ماصفي ونور الحياة، المنطفي من المشاكل، مكتفي من يوم ما، حلّ الفراق قساه،، بالخفّاق ذاب والأكل عفته والشراب مثل الذي يطرد سراب عطشان من موته دريك كم قلت له لو يختصر وعلى، غروره ينتصر بالصلح لأجلي، يبتدر وينسى التكبّر والدلال لأجله يماثلني، الشفا وأعلنها في سر، وخفا ماجاني من هجره كفا ويصير قلبه لي رحوم مالي، به احدٍ ألتجّي بالضيق عنده مخرجي إلا الولي له، أرتجي يزيل، مابي من حزون نارالهوى تصبح رماد والعمر جدٍ واجتهاد ليته،، يخلي هالعناد ويحرر،، اللي، قيّده هو يحسب انه اقترب من لحظةٍ فيها، لعب ورما بناره في الحطب مشعل بوسطٍ القلب ضو ودي، أبوح بسرهم ها للي جفوني، كلهم وأكشف نوايا غدرهم مادام فيها، مخرجي ياليتي أقدر وأستطيع واللي لشرواهم ابيع أرتاح من حملٍ فضيع يارب وإ نك تستجيبحرف التاء تأخّرت! عنّي الفلول ونوّخت من بدري الذلول مما جرى صرت بذهول وتفرّقت عني، الركاب بقيت وحدي، في الفلا مثل اللي عن داره جلا أصبح يصيّح في الخلا ومحدٍ سمع منه الشكات تهت،، بفلا، قفرانها أدور، في،، وديا نها وقاسيت مر، أحزانها والهم أصبح،لي وريث ثالوث، أعا ني عقد ته همٍ وغم، بحسرته والضيم جدّد، لوعته وصارالقدم ماله عروج جنى علي شيءٍ أكيد وأصبح بطبعه لي عنيد أقاسي الهم،، الشديد ومحدٍ توسّط بالصلاح حتى عن أطباعه يجوز ويترك تواريخ الدروز أيلول وتشرين وتموز كانه يبي عزّ وشموخ خلوه، يهناه،، المنام وعهدٍ مضاله في الغرام يعيش في ود، وسلام إن كان له شف ومراد داعي الهوى جاني يزور يمر،، في بالي مرور وأصير في حالة شعور من يحتسي خمرالنبيذ ذي حالتي بليلٍ طويل أسهر وحيدٍ، كالعليل ماشفت لأ حوالي مثيل بالناس لو أبحث وأدور ريّحت بالي وإكتفيت من علةٍ فيها ابتليت لا خذت علم ولاعطيت رغم الحذر والإحتراز زعم بصافي، عشرته قصد ه يداري، عثرته مازال عايش سكرته وإمطاوعٍ رآيه بليس سعى لهجرى وإختفى ولآثار، ربعه إقتفى صدّق بي هرّاج القفا ونزعات صبيانٍ وطيش شلت العنا بأيّام سود بأسباب مركوز النهود ليته عن عناده، يعود كانه على حبي حريص صعبٍ يجي كلّش بلاش دايم وحنا، في هواش يزبد! ولكن ما اهناش وأقول بالخط العريض ضايع وفي الدنيا يهوم وحاله تناقص كل يوم مهوب، ماشي بالسلوم مع كل من حوله يحيط طار الكرى، عدة ليال والصبر، فاق الإحتمال تعبت أردد؟ لي سؤال والصدر فاير بإ غتياظ ظنيت حظي، بيصيب وأعالج جروحي واطيب أنسى زمانٍ لي عصيب وفي بحره أفل الشراع عساه يبحر بي وأرى خلٍ على بالي، طرى وأقابله،، محدٍ درى ويكون، للعاذل بلاغ غالي علي يا مسلمين حبه بقلبي، مستكين زود التباكي، والأنين سبّب لشوفي إختلاف في الليل طرفي ماغفي ماغير أهلّي وأحتفي وما اظن أغيّر، موقفي رغم المصافح والعناق قلبي على فرقاه، ذاب من طول صدّه والغياب حاولت لكن مااستجاب يروف باللي له شريك كثرت حلوفه،، والعذر وسمعت انا منه إش كثر عايش، عليل، ومنقهر دايم، وقلبي، بإعتلال ليته سعى لي في شفا جرحٍ، بجوفي، ينزفا دامه، لطبي،، يعرفا بدال ماهو، لي يلوم ما دام خيلي مسرجي بأ سري بليلٍ مدلجي كانه لشوفي، محرجي فأنا، على شوفه أمون ناديت،، ياذبح الفواد مالك شبيهٍ فى البلاد لي فيك غايات وماعاد للقلب غيرك، سيّده هام بغرامك، وانتحب وأمسى لنيرانك حطب أعجب..! ولله العجب من هرج ناسٍ ما درو وأقول مااثنى عزمهم إلاّ صمودي..! ضدّهم والغدر،، مبدأ طبعهم بقلوبهم،، مسجي سجي يعطون، من فمٍ وسيع ضحكة لها قصد مريع واللي يصد قهم، يضيع كانه عدو، وإلاّ حبيبحرف الثاء ثانيني عن درب الوصول طبعٍ ملازمني خجول كلما،، آتقدم،، للدخول رجلي على بابه تهاب بعد المواصل،، والغلا نار المفارق، تشعلا ومابيني، وبين الحلا محتار أناويش السوات تكفون،، يا جيرانها حضرانها،، وبدوانها يطفي قليل، إحسانها نيرانٍ بصدري تعيث ثاب العقل من سكرته والفكر، عاود كرّته والصوت زانت نبرته والبيد إمتد ت مروج جددّت منطوقي الفريد بالعلم والرأي السديد واطفيت نيرانٍ وقيد وبدّلت، بالهامج قراح حاولت مع نفسي أحوز ماكان بالغالي امحجوز واترك سوالف ما تجوز تزيد عشرتنا شروخ خففّت عن قلبي مدام العلم، ما وصل السنام وأتركت أنا درب الهيام للي غشيمٍ، بالوداد دام العمر توّه زهور والوقت من طبعه يدور نعده،، أيام وشهور ياربي، بحبالك، ألوذ ذمّيت من طبعه بخيل وأصبح بأفعاله دخيل وإن كان، تبغون الدليل ياكثرهم في هالعصور راح العمر للي بنيت في داخل الوجدان بيت يالله سألتك وارتجيت عن غفلةٍ فيها إنتهاز زادت بطرفي حرقته والقلب لاعه، فجعته الجسم،، ببلا صحته مثل العروس ابلا عريس سهمٍ بعينه،، احتفى يومه لشوفي، إكتفى طار بسمايه واختفى من غير جنحانٍ وريش شاع الخبر وصل الحدود رغم المساعي والجهود ماعاد لي،عقبه قعود من يوم ما اصبح حويص صوت المطر دامه رشاش تعيش جوّك،، بانتعاش وتالية ربكه، وارتباش والبرق في نوّه وميض ضاقت بي الدنيا عموم من ضيقي شققّت الهدوم ليلي ماغير اقعد واقوم ونومي تخاريف وخريط طعم السعادة،، مايزال عن خاطري صعب المنال دايم،، سريع، الإنفعال فى الجوف، نيرانٍ شواظ ظميان معسول الحبيب وملامسة، بيض الربيب ياحّول، ماكني قريب ولا لنا، في الحب باع عسى خفوقه لا ضرى واللي جرالي، له جرى يرجع،، بذاكرته ورى ويعيد ما رتّب، وصاغ غرّه،، عذولٍ مايعين وطاوع وساويس اللعين خسران، ياللي تستدين ولا ترد،، الإستلاف فاز الحقود،، المشتفي وانا حسبت، إنه وفي لاقلت، إيجاب أو نفي ولانيب أدوّر للطقاق قفّت سنيني. بالشباب واناانتظر لطف الصحاب هذا لهذا،، ويش جاب في كل حالاتٍ،، يجيك كلما بدأ، مثل، القمر مقبل، يداعب، للشعر لولا ضلوعي بالصدر إن كان، قلبي منه زال لاعه،، جمال اللي لفا نجل العيون،، المترفا كامل بحسنه،، ماهفا والكامل الرب الرحوم معطيه حسنٍ مبهجي ماله شبيهٍ،، منتجي لاجاك يبغى، يهرجي تكفيك بسمات السنون نورٍ شعاعه بإضطراد بين الشفايف، بإزدياد فسفوري لونه! من بلاد السند، له مستورده هذا وإلا اغضى بالهدب نورالفضاء عني احتجب والوقت، أظلم من سبب نظرات،، فيني أشعلو والله،، إنه، وسطهم سيّد،، لسادة، اهلهم أو شوكةٍ، في نحرهم يروح معهم، أو يجي يوم اجمعوهم، لي جميع سألت! من قدره رفيع من العجوز الى الرضيع ما أحدٍ تجرّ أ بالجوابحرف الجيم جاني بشارة بالحصول على تصاريح، القبول من موعدٍ لي به مثول قدّام، حوري الشباب بكيت، من شوقٍ ملا قلبٍ لخلي،، ماسلا غصبٍ أباد له الولا من غير قولة خذ وهات تجي البهم، بإرسانها وهرج الرجال اوزانها يعطيك، لفظ لسانها ميزان، طيّب أوخبيث ثوبٍ يجيبه، زكرته خايف تشوفه، حرمته ثم تسحبه من غترته تقول ممنوع الخروج جعله عقب هذا بحديد أوينفصد، فيه الوريد هذا عدا، يوم الوعيد يالله بعفوك والسماح حبٍ يجي كله نشوز يمكن يجوز اومايجوز لوهو شبابٍ مع عجوز لابد أحدهم ماينوخ خل ، الهوى هو والغرام للي مشوا فيه بنظام على النقا، ماهوحرام مشروع من رب العباد دينٍ جمعنا في حبور أرخص بتجمّيع الحضور نعلن فرحنا والسرور وفيه العشاء رز وحنيذ ذا شرع ربي ما يميل ومحدٍ بيرضى له بديل من حكمة الرب الجليل عصفور يآكل مع نسور رحت لبلادٍ كيت وكيت وشيّبت من شيءٍ رأيت وعوّدت والله ماهقيت به ديرةٍ، غير الحجاز زادت بقلبي، فرحته والبال فارق، وحشته والشوف يجلى نظرته في كل شبرٍ لي ونيس ساعات انادي واهتفا للي،، عليمٍ،، بالخفا عما مضا تاب، وعفا مما! بمعلوقي يجيش شلت المواجع في صمود في حب خمري الجعود لاجيت اباابدأ بالصعود أطيح مثل اللي قريص صحيح ماياطا الهشاش إلاّ اللّي بعيونه عماش لو كان يرفق بالغراش ماينكسرعنده غضيض ضمّيت طيفٍ لويدوم طرنا سوى فوق ونحوم بين الكواكب والنجوم من الخليج، الى المحيط طبعا ، أنا مالي مجال أدخل متاهات، وجدال وأصير رهن الإعتقال وقدري عزيزٍ وامحفوظ ظل الشجر مهما يطيب ماللورق، فيها نصيب الشمس تصلاه بلهيب تحرق غصونه بالشعاع عرفت أنا..! ليه افترى وأخلف وعوده ماحترى ماشي خلافه،، للورى دربٍ مزيّف بإصطباغ غارق، بتذكارٍ حزين وسرٍ، بذاكرته، دفين الوضع،، ماظني يزين لوهو بدأ فيه، اختلاف في وقت طبعه ينشفي وكل الخلايق، مقتفي بسيفٍ شطيرٍ مرهفي يقص، من حدٍ رقاق قلّي وش اسباب الغياب من غير لومٍ أو عتاب ولا تجانب للصواب يبان لي هرجك، ركيك كلامك اللي، منتشر هذا هو أصبح، يحتضر والكذب مهما يستمر لابد،، من قطع الحبال لو تذكر ايام الصفا إن كان، خليّت الجفا وفي حضنك أنعم بالدفا وأبات مرتاحٍ بنوم مادام، هذا مولجي عليه أسيّر، واعرجي لين المسائل، تفرجي ويحلّها الرب المنون نار الغلا تشعل وقاد لهيبها في القلب زاد والعين طاولها السهاد يروح ليلي ما ارقده هذا بجبيني، إنكتب أقاسي أنواع، التعب صاب الجوارح بالعطب كلام،، ناسٍ افترو وانا آتحاشا، قربهم وأبعد ولا آطا بارضهم يدرون أنا مالي بهم وأهجاهم بشعري هجي ياويل منهو ما يطيع ويصير في سدّه منيع من شان مايصبح وضيع يكون ضحكة للغريبحرف الحاء حاولت أجامل للمثول دون التكاسل والخمول وأقول عن فكرٍ يجول في خاطري من العتاب باللي أكنّه،، من ولا في خافقٍ،، فيك إبتلا والحب،، ياريم الفلا راعيه يسهر،، ما يبات تري، الحقيقة،، شانها للي بقلبه،، صانها ما تختلف،، أوزانها مع قوة الرب المغيث ثمر فؤادي ضحكته نورٍ غشاني،، بحضرته رب الملأ من حكمته في كل ضيقٍ به خروج جالت بي أفكارٍ عديد من منبع الرأي السدي علمٍ من العقل الرشيد بالجد ماهو،، بالمزاح حسّيت من فكرٍ ينوز باللي يجوز أو مايجوز ببلا عراقيل، وحروز ولا هقاوي،، يالطنوخ خفت العواقب يالأنام وهرج المطافيق الغشام اللي يظنون السلام من مبدأ الشخص الجحود دايم وهم ظلمٍ وجور ولا يروزون، الأمور مثل العظامة في النحور بأعراضنا جذ وجذيذ ذا، لي شهورٍ أستخيل اللي لشوفه، مستميل يالله بلطفك، ياجليل وعطفك على عبدٍ صبور رمت الطويلة ما خذيت إلاّ العنا منها لقيت يالله، بجاهك إحتميت مع الذي، بالخير فاز زرت الحبيب، بوحدته وكفكفت ثاير عبرته صوته، تغيّر، نبرته ودمعه علّي غالي نفيس سعيت جاهد،، بأكشفا سرٍ، بقلبه، إختفا ولأهل المحبة بأوصفا شيءٍ نهش قلبي نهيش شطّت بي أفكارٍ شرود في ذكر مركوز النهود ياليته بوصلي يجود وعن درب حبي ما يحيص صدّيت ما قصدي طناش أوخوف وإلاّ إنكماش عذر الحبارا الإنتفاش لاحافها الطير الرويض ضاعت موازين العلوم بين المغادر والقدوم سكّة سفر ماهي تدوم والسابق اللي له وسيط طاير على دار الغزال دارٍ ورانا،، بالشمال تستقبله، بنت الحلال اللي، جدايلها غلاظ ظنّه، علومه بتغيب عن واحدٍ، فوقه رقيب اللي على خلقه حسيب وعلى السراير بإطّلاع عانيت من شيءٍ جرى أبكي إلى منّه طرى من هاجسٍ كلما سرى أتلف خلايا، بالدماغ غامرت في حب الضنين اللي قطع عرق التين رجواي في ربي يعين للوصل دامه، بالعفاف فاضت دموعي تذرفي وأبصم على ذا وأحلفي إني بحبه،، منصفي ولا، مشينا، في شقاق قدّمت من شانه كتاب مع إعتذاري والعتاب فطرة ولاهيب إكتساب بُعدك عن اللي مايبيك كيفه ورآيه، مقتصر وظنّه، بفكره، مقتدر لوهو بغيره، معتبر إن كان ما صار إختلال لوكل من جاء، وإقطفا وردٍ لغيره، بالخفا ماعاد بالدنيا، وفاء والحق، ضايع وامهضوم من ظلمهم ماأحدٍ نجي في قائمتهم،، مدرجي دكتور،، وإلاّ سفرجي نهايته، غسل الصحون نومه على كوعه وكاد محروم من حلو الرقاد عايش معاناة، السهاد ولا حصّل له، مقصه هذا لإ نّه،، ما حسب وش بين شعبان ورجب أحرق فؤاد،، باللهب وكل السراجيف، إنكوو وش عاد ينفع عذرهم لاحل يومٍ،، غدرهم ماله، صلاح، بمكرهم لو كل دربٍ ينهجي يومٍ يطاوعهم، يضيع ويصيرفي عقل الرضيع يالله بجاهك يا سميع ياخالق الكون الرحيبحرف الخاء خابت ظنوني بالحصول على مواقيت الفصول الوقت نجمه في أفول وجوّي تغشّاه الضباب بالصبر،، جهدٍ يبذلا للي بدربه،، يجهلا من المكارم، ينهلا كل العمر حتى الممات تجلى البشر لأحزانها وتجني جميل إحسانها لا،، سكّرت بيبانها عن كل محتال وخبيث ثعبان تقتل، قرصته إذا تحيّن،، فرصت والخير أكيد بهقصته ولا يخلّونه،، يدوج جميع من يلقى يصيد لو عاش ما يسلم أكيد يشيل في جرحه صديد العمركله ما إستراح حنّا ربوعٍ ما نحوز للي يسمي الفول، لوز لكل أصنافٍ نروز لو يخلط المشمش بخوخ خلّ التعامل بإحترام وبدّل وداده بالخصام ماعاد يمشي بالنظام منبوذ في وسط الحشود دعاه ظلمه والفجور يرضي مزاجه بالسفور لابد، ما أيامه تدور مرغم! ولا فيها اتحبيذ ذي مهنته صبحٍ وليل يعاف، نومه والمقيل ولأوزار خلق الله يشيل يوم القيامة والنشور رحمتك ياربي رجيت وبأعتاب بابك إرتكيت ماحدٍ لغيرك إشتكيت وما هزني منه إهتزاز زول الحبيب،، وهيبته إلى إنبرالي بكشخته وإلى تجلّت، طلعته مثل البدر، ليلة خميس ساعات دمعي يذرفا لا صد وأعطاني، قفا كم قلت يالغالي كفا تسمع ترانيم، الكديش شوقي لشوفك يالعنود أقطف معك ورد الخدود ما به دليل! ولا شهود مهما تراوغ يالحويص صف الهدب بالإرتعاش لمبّه، حواليها فراش يجتاحني حال إرتباش لاشفت أنا الخد العريض ضميّت كفه في وجوم وجوّي ملبّد بالغيوم الحال تنقص والعزوم وهوعن دياري شطيط طمعت بالوصل الحلال والجرح يبرى بإندمال لاشك ما هذا محال بأمرٍ من الرب الحفيظ ظلام وقتي بالمغيب شيّبني، من قبل المشيب كيف الطريقة والحبيب أرخص بحبي له، وباع عليه أنا دمعي جرى والحال من عقبه برى وباع اللي للعشرة شرى وتنكّر، بلبس الشماغ غرّب عن بلادي، سنين وبيّح بسدّي والكنين الحب في قلبي مكين وسنين هجرانه، عجاف فيني المواجع تكشفي والقلب لأجله يرجفي وكعب القدم مني حفي ولا وصلنا، لإتفاق قومه يماطل بالذهاب وعنده ركاكه بالجواب دايم يغالط بالحساب ومن المشاكل، يبتليك كذّاب! وفعله مشتهر مهما يجي، أو يعتذ لوهو بمشيه يختصر ويترك طريق الإحتيال لا يستمع، هرج القفا اللي، به العالم، قفا يا ما! عليلٍ ما شفا ولا، صحيحٍ بيدوم من يوم أصبح بهرجي دايم وهو يتمهرجي بعرض الخلايق، يعلجي مثل اللبانة بالسنون نادمت أنا طول السهاد محروم من طعم الرقاد مافاد بالجد إجتهاد من اللي، طالتها، يده هولو يقدّم لي عتب ماله، عن اللي إنكتب ومافيه شيء ابلا سبب لو كان صاحوا واندبو وش عاد ينفع، ندبهم أو قربهم، من بعدهم الله، على ذا، حسبهم وأنا، بجاهه ملتجي يزول من قلبي الوجيع حزنٍ بأركانه فضع وأشفا من آلامي سريع وبرحمته جرحي يطيبحرف الدال داعبت وردات الحقول مع المطر وقت الهطول وكل الصحاري والسهول غدرانها عندي سراب ينيت أنا،، لزين الحلا قصرٍ،، بقلبي إعتلا مدهون من دمي طلاء هدية، لسيد، البنات تذكار لأجل أعيانها ورمز الوفاء من شأنها نرخص، بغالي أثمانها من غير حسبة وإكتراث ثغرٍ تذوّب،، بسمته والنور، كاسي وجنته ربي تجلّت صنعته في خلقة، الريم الغنوج جاري غلاها في الوريد والنار في صدري تزيد والله، لو قلبي، حديد من جورها يمديه ساح حسّيت برماحٍ ركوز والصدر في عظمه بروز الحال مبري وامهزوز ولا، تداويه، المروخ خفت الشماته، والملام لأهل النمايم، والكلام مدري حلالٍ أو حرام حبّي، لوردي الخدو دعيت ربي في حضور بداجي دجا مافيه نور يجمعنا في ستر وسرور ونرتاح من أخذ وأخيذ ذابت شموعي والفتيل تزداد،، نيرانه شعيل راعي الهوى دايم ذليل والليل، بعيونه، نهار راح العمر ولا إهتنيت باللي بروحي إفتديت مافادني،، كلمة ياليت لو كان لي فيها مجاز زعم عشيري بخبرته إن الملأ في قبضته يمشي بهم في سكته وفكره من الدرّ النفيس سدّ الهوى،، بيكشفا والعلم عنده،، ما خفا وكل الطرايق يعرفا والحل عنده ما يبيش شدّ الحبل دام امعقود يكثر به التعقيد زود تشقى نزولٍ أوصعود مهما معه تبقى حريص صعبٍ مراسه ماعطاش لو بسمةٍ فيها بشاش يمد، بوزه، بإنتفاش دايم، طبوعه بالنقي ضاع الوفاء هووالسلوم من الذي مثلي امحروم وأصبح بهالدنيا يهوم والعقد مفروطٍ فريط طابت لغيره، والمنال سهلٍ لهم في كل حال مدام طاعوا، بإمتثال باللّين واهروج الوعاظ ظهر لي بشكلٍ غريب زولٍ تصوّر لي عجيب خلاّني في وضعٍ صعيب على أمورٍ ما تطاع عانيت،، من همٍ برى وهو بحالي، ما درى عن الذي صار وجرى من فعلةٍ،، ماتستساغ غنّيت من جور الأنين من لاهب الجرح الدفين اللي جرحنيه، الضنين بطبعٍ مشى به بإنحراف فيه بحضوري، يحتفي وهو لي، الخلّ الوفي مهما يبان، أو يختفي حبه، تماثيل، ونفاق قدام ربعه، والصحاب يصير محشوم الجناب وفي خلفهم راعي نشاب ولكل شخصٍ يشتكيك كانه، بعقله،، مبتكر لإسلوبه، اللي محتكر وإلاّ، بظنه،، مفتكر إن الفعل،، هذا حلال لولاي أداري في الخفا هرجٍ لغيري، يكشفا لأقول، ما جاني كفا وحبه من أضغاث الحلوم ما ودي إنيّ أهرجي لين إنيّ، ألقى مخرجي من شان ضيقي يفرجي وأرتاح من سوء الظنون نعيش، لحظاتٍ سعاد ننسى، المواجع والعناد يحلى لنا، طعم الرقاد كلٍ، بجدّه، وإجهده هذا مرادي، والطلب من الذي،، قلبي نهب ينال،، كلٍ، ما رغب من السعادة،، واللهو والحظ، يجمعني بهم وأنسى التعب في قربهم من شأن أنا ما أشقابهم وليلي نهاري، أرتجي يحول حولٍ والربيع ماعانق الوادي الوسيع يمرهم فصله، سريع ويصيبهم وقتٍ عصيبحرف الذال ذايق كلافه بالوصول بأنهي المسائل لاتطول وأحارب اللي بالفضول البين خلاّهم غراب بعد المودة، والغلا وقولة، تفضل ياهلا بأطباعهم شفت البلا وتغيّرت كل السمات تشوف كبر أبدانها واعقول في نقصانها مثل شجر،، وديانها مجثوث من عرقه جثيث ثعلٍ يطاوع خرصته والسيل مالي عرصته مهما تفانا بحرصته لابد من يومٍ يهوج جدّت على اعلومه جديد من الوريد إلى الوريد لاهوب خل ولا ضديد لكن أنا عندي إقتراح حطّه على نار القزوز يركز على راسه ركوز ويصير في جسمه حزوز جلده كما مخمل وجوخ خلّه، على هذا، مادام ما تاب عن كثر الخصام وما يلحقك عقبه ملام وما عاد لأطباعه يعود دامك على هجره صبور لاتشتكي منه القصور مسموح فعله وامعذور دامك تبي، أكلٍ لذيذ ذبّ التكبّر لا تشيل ذنب العقوبة، في الحليل وتصير بأطباعك دخيل ولا تجي عبدٍ شكور رح للذي لأجله، بكيت ولكل ربعه إشتكيت لوكنت ساكت ماحكيت ماصار لك راعي إنتهاز زوّد،، لطينك،، بلّته وكبّر خطاك،، بكذبته عساه! يخسر صحته ويعيش في حالٍ تعيس سبّب لي أنواع الجفا الجاحد، اللي ما أنصفا باللي جرالي، ما اكتفا فيما مضى ينبش نبيش شعل النواظر، والخدود في لونها مثل الورود العنق كاسيه، الجعود والعقد في المنحر يغيص صحيح لو طال النقاش وما بيننا هرج ونواش أصبح على سن المعاش يالله، بلطفك أستعيض ضيق وتعاسه بالوجوم للي أشوفه في الحلوم الله يجازي، من يلوم ويشق في الناس ويخيط طربان، من باهي الجمال اللي بجيله ما يقال أحدٍ شبيهه، في الدلال لاسلهم بسود اللحاظ ظبيٍ ظهرلي من قريب في صورة الخل الحبيب أقفا وخلاّني صويب وأنا أحسب إن قلبي شجاع عقبه، وأنا ليلي سرى تعبان ما أذوق الكرى أبكي إلى منّه طرى والشوق ما جاء من فراغ غابت عليّ شمس السنين والنور أبطى لا يبين قصرت! حبالي واليدين عن الجنا يوم القطاف باللي جماله مسرفي أزريت أطوله وأقطفي وأنهل لنبعه وأغرفي من مبسمٍ حلو المذاق قلت أحتسي صافي الشراب من الشفايف يوم ذاب عسل ثناياه،، العذاب الموت! فيها، يحتريك كيف آتصبّر وأنتظر والنار، فيني، تستعر هذا.! وتوّي أختبر وشلون؟ لوخضت المجال لوهو بوعدي منصفا بالصدق مردوع الشفا ماكنت أروّض وأعسفا وأواجه أصناف الهجوم ماغير ربي،، أرتجي وبأعتاب بابه، ألتجي لحدّ ما الفرصة تجي وأشوف! شوفٍ بالعيون نرجع، لأيام الوداد وأنول، شفّي، والمراد من غير حربٍ أوجهاد كلٍ يعود،، لمقعده هناي،، معسولٍ ذهب من قالبه، إلى إنسكب أنسى المواجع والتعب وأقول، للي،، إشتقو ويلاه...! للي حبهم كدّر،، بصافي شربهم منهو يدوّر،، حربهم يصبرعلى اللي له يجي يومٍ يطاوعهم يضيع ينزل! وهو قدره رفيع هذا جزاء من لايطيع يصير في حالٍ صعيبحرف الراء راعيت للطرف الخجول اللي سلب لبّ العقول كلما يسلّهم في ذبول نظرات تفقدني الصواب بريد،، جاني مرسلا من داعجٍ،، له أكحلا لو قلت انا قلبي سلا ما لي عن الشوفة غناة تايه، في بحر أعيانها لا رحم أبو، جدّانها لا سبّلت،، بأجفانها ما مثلها، بين الإناث ثليل، تسحر شقرته مثل البدر، في غمرته كل ما تهلهل غرته مثل البحر غاشيه موج جميع من شافه يشيد لامن قريبٍ أو بعيد بالزين والحسن الفريد اللي حوى سيد الملاح حلاّه لبسه للجنوز وركب الفيراري والبنوز ضحوك لعّابٍ غموز في كشخته مثل الشيوخ خلاّ الشعر حدّ الحزام وأرخى غطاته واللثام والصدر به بيض الحمام والوسط هافي وامعقود دقاق خصرٍ وامهصور والخد نورٍ فوق نور مشيه، تباهي في سفور عليه أسمّي، وأستعيذ ذهبت،، للطب البديل أبيه، لآلامي، يزيل قال أنت طبّك مستحيل مهما، تكلّف أو تدور راعي الغرام المستميت يسهر، ليالي ما يبيت لو كان بإ يديني إقتفيت أهل الشماتة، والطناز زاغ البصر في نظرته والطرف هلّته عبرته ربٍ، تعاتلت قدرته يفرج، لمظلومٍ حبيس سعيت أنا،، للي، لفا مثل النيازك،، وإختفا كم، من يمينٍ إحلفا ما يعطي بظهره، طنيش شيّبت من طول العهود وكثر المراوغ والجحود حب النكد مافيه فود لاصار كذبٍ واتخريص صدّ وتمادى، بالطناش يوم العظم، ما به عراش واللي يهجرك بالفراش عدّه بهالحالة، مريض ضحّ بغرامه والسلوم لوعشت في العمر امحروم عدّه من أسمال الهدوم وإلاّ، جنازة،، بإتحنيط طبعه على طبعك محال دام الجفاء والصد طال شخصٍ مزاجي بإنفعال لاتآمنه، الى إستشاظ ظلمه على نفسه عجيب ما له مع العالم حبيب معادي،ٍ أقرب قريب بفعلٍ كما فعل الرعاع عساه في وضعه يرى ويذكر حبيبٍ له شرى وعن كل فعلٍ إجترى يبعد عن دروب المراغ غاديه، إذا فكّر، يلين يتبع، طريق المسلمين ماشين، بالحق اليقين ولا مشوا درب السفاف فأنا على عهدي، وفي باللي وعدته ما أ خلفي وآخذ بديني، واسلفي وأعوّض أيام، الفراق قبل العمر شمسه تغاب وتذبل وروده والشباب وأهيم في دنيا العذاب وأصبح ضحية للشريك كتبت أنا نظم الشعر وعانيت، شطحات الفكر سهران، ليلي أنتظر للي وعدني، بالوصال ليال، طرفي ما غفا بأسباب جرحي ما شفا وطيرالغرام ا يرفرفا يطير، من حولي يحوم ماغير مرواح ومجي على المسار امبرمجي وأنا، لساني، يلهجي أناجي، الرب المنون نسعد مثل باقي العباد ونارالهوى تصبح رماد إذا، تفاهمنا، وكاد وحطّيت ا يديني في يده هذاك وقتٍ يحتسب من عمري اللي انكتب للي سبا القلب وسلب ترقد، عيونٍ اسهرو وأعيش أنا في حبهم وأروي الظمأ من نبعهم دام إن دواي بعرفهم ولي في هواهم مخرجي يالله تجمعنا جميع غصبٍ على اللي مايطيع ياخالق الكون البديع يارب، وإنّك تستجيبحرف الزاء زاهد بحالي يا رسول الشوق للخل الزعول ودي، يقابلني وأنول منه المنى وأنهي العذاب بأحلف على إني له، ولا غيره سبأ عقلي، بلا حبٍ، معزّ ز بالولا لو كان هجرانه، بتات تحلحلت..! عمدانها صارالخلل،، بأوزانها العشرة، اللي خانها حرث مضاربها اتحريث ثبت لقلبي، بفطرته الحَبَ، ايعود، لبذرته وأشكي فؤادي ولوعته للي رفع ذات البروج جوفي على نارٍ وقيد من العذاب اللي شديد والله على قولي شهيد كن الصدر وسطه رماح حصّلت حظيّ به ميوز للترف وردي الغزوز رفيع قدرٍ وامعزوز لوهوسكن في وسط كوخ خابت ظنوني، والمرام في غير مردوع الوشام عقبه على الدنيا السلام عن عشرته كم لي أذود دامه معي، بدر البدور فالحال، مافيها قصور ما شفت أنا خلٍ يبور يشذّ، عن طبعه شذيذ ذابت عظامي، والدليل جسمٍ من آلامي نحيل الحال من نقصه عليل وباقي الضلوع ابها كسور روابعي، منها إشتكيت بسبّة همومٍ إحتويت من نارها كم إ كتويت والدم وسط العرق، ناز زفير صدري، وعبرته تكسرّت، من حسرته عشت الألم في غمرته مع لدّة، الحظ التعيس سجّيت، ودمعي يذرفا بأسباب معسول الشفا من عقب، صدّه مالفا ما كن به ملحٍ وعيش شاعت علومه والضدود معه نزولٍ أو صعود كلامهم ما منه، فود وهو لممشاهم، حريص صوّبني في قلبي وطاش دم النياط ابلا رقاش مافاد به قطنٍ وشاش طعنة حقودٍ بإتحريض ضّي الليالي ما يدوم لو كان قمراء مع نجوم مهما تحدّوك الخصوم ربحان من يملأ الغبيط طّوعت قلبي،، للمآل والصبر فاق الإحتمال أدعي إلهي، بإبتهال مابين غمضة، وإلتحاظ ظنّي بربي ما يخيب لا من دعيته، يستجيب من قبل ما شمسي تغيب العين تسعد بإجتماع عسى لمضنوني ترى وأفرح معه مثل الورى ويطيب جرحٍ ما برى هذا لمحبوبي، بلاغ غلاه يرجع، والحنين اللي فقدته، من سنين ننسى المواجع والأنين وما بيننا من الخلاف فوق السحاب انرفرفي ثوبي جناح، ومعطفي وأدور حوله، وأشرفي وبقلوبنا، نبدأ العناق قدّام شمسي، ماتغاب وتصير غدراني سراب والقلب دام إنّه شباب إغنم، قبل حتنك يجيك كوده يفيد، بهالعمر مشيب، دقنك والشعر ماكل، من حاول قدر مهما، توفّر من مجال للي، بحسه، مرهفا ليته، لوضعي، يسعفا ويشوف، خلٍ له لفا لو كان، ماله به لزوم مملوح وطرفه أدعجي مكحول وساقه مدمجي ينزاح همي لو يجي ولاسلهم بهاك، العيون نظرة عيونٍ له شداد مردي بها نصف العباد كلٍ يصيبه بإ نفراد لو هو بقصر، مشيّده هدم صوامع من ذهب ومن الحجارة والخشب في لحظةٍ، فيها جذب كل الحبال اللي انطوو وصارت منابع شربهم مندثرةٍ، من كربهم واللي بيأمن، حربهم من وين، عنهم ينهجي يوم الموادع ما أستطيع أستّحمل دموع الجميع ما دمت أنا ذيب القطيع ماظن غيري فيه ذيبحرف السين سافرت مع همي أجول من ضيقة الفكرالملول متعشمٍ،، إني، أطول في رحلتي والإغتراب بقيت مثل اللي جلا عن ديرته صدّ، وسلا رغم المودة والولا من غربته عاف المبات تطري علّي أركانها وظلّ الشجر بأغصانها والنفس زاد أشجانها خلٍ لها، مثل الوريث ثاب الفكر من خبصته والحلق زالت غصّته وكل من بينشر قصّته بين الملأ صار امحجوج جاوزت بأحلامي بعيد ولا حصل ليّ ما أريد حسبي على الحظ العنيد كلما نهض عوّد وطاح حظٍ به الحب امغروز في داخله منجم كنوز من حالفه صار معزوز راسه رفيعٍ في شموخ خلاّه، دايم، للأمام بين الحلايق،، بإحتشام في مركزٍ عالي المقام دايم محارب وامحسود دارت سنيني والشهور أنطر زيارة أو حضور وأعيش لحظات السرور في جوّ مع خلّي لذيذ ذبت بغرامي والدليل مدعوجة الطرف الكحيل مالي على الشوفه سبيل لمشاهدة، بدر البدور رفضت فعله مارضيت أزعجني ماشفت ورأيت لاخذت علم ولا عطيت للي ترزّز، لي إرتزّاز زين الحلا من نظرته طرفي تهامل، عبرته رب الملأ من رحمته يرحمني من حالٍ تعيس سجّيت وجفني ما غفا بأسباب مردوع الشفا اللي وعدني، وأخلفا وتعامله لي، بإتغشيش شيّبت من صبرٍ يزود وأشوف مالي منه فود من يوم فارقت العنود والزود في حالي نقيص صدّيت مالي بالهواش مادام ماعد به عراش واللي أبي عني يحاش والكيل طافح بي يفيض ضاع العمر يومٍ ويوم والهم، في قلبي يزوم من جور مابي من هموم من كل صوبٍ بي تحيط طابت خواطرنا، بدال ما كنا في عزّ، ودلال مهما أكرر،، من مثال بالسدّ، لابد، إحتفاظ ظهر لي بفعلٍ عجيب طبعٍ عن أطباعه غريب هذا وأنا حوله، قريب السرّ بين الناس شاع عقب الذي صار وجرى عن حبنا، كلٍ درى وش لي بمن باع وشرى نزغ به الشيطان وزاغ غاب الفكر عقب الضنين والبال مكسورٍ حزين تايه، بلجّات، السنين من عقب ماصارن عجاف فتيل، ناري، ما طفي ومازلت أنا من موقفي ما ألين لأجله وأعطفي وما أشيل حملٍ ما يطاق قلبي وقلبه، في عذاب هذا، لهذا، ويش جاب حبه غدى مثل السراب والجسم من هجره وعيك كيف التمادي، يستمر وأ نا،، لذاته، معتبر ماني بمن هو، يحتقر شخصٍ يبادلني الدلال لو كان، في حبي صفا وعلى عهوده، لي وفا إن كان أغنّي، وأعزفا لحنٍ له النايم، يقوم ماغير دمعي، أزعجي على الهنوف الأدعجي مهما آتكلّم، وأهرجي ما شفت منهو لي حنون ناهيك، عن نار البعاد اللي بجوفي، بإزدياد ما أحدٍ سلم منها وجاد الحظ، يومٍ وأ سعده همٍ على همي حجب نجل العيون ابلا سبب ومافادني دمعٍ سكب ولا جروحٍ، بي، برو ودي أداعب، بدرهم وأوصل نهاية صبرهم وإذا عصوني بصرهم من راح منهم لايجي يصير من طاوع يضيع عقله كما عقل الرضيع يالله، بعفوك يا سميع ياخالق الكون الرحيبحرف الشين شاهدت أنا الشقراء البتول اللي سبت كل العقول تمركزت عرضٍ وطول وصكّت وراها كل باب بغيت أهاجر، وأرحلا لبو ثليل،، ا مجدّلا مسموح باللي، يفعلا هذي لمن عقبي وصاة تحكي الأماني كانها بالصدق يعلا، شأنها وأثبت لهم برهانها بالفعل والخلق الدميث ثمر فؤادي بغرته وهاك الجديل وشقرته يسبى القلوب بنظرته وإلى تثنّى لي غنوج جماله وحسنه يزيد حبّه بدمي في الوريد يالله عسى عمره مديد ماتدركه هوج الرياح حلفٍ علي إني لأجوز لو أدري إنّي به بأفوز دقاق عوده طلع موز لامرّ من عندي أدوخ خذت العهد والإلتزام على المحبة، والغرام حبٍ عفيفٍ بإحتشام من غير هجران وصدود دفّة، ليالينا، تدور وأنا، بهالحال، امعذور العمر يمضي والشهور تهذ مضمونه، هذيذ ذمّيت حظي ذا البخيل اللي، تنكّر، للجميل ماجاد لووقتٍ قليل وأدخل على نفسي السرور ريفي وشفّي إهتويت من صافي النبع إرتويت وأنا وربي ما دريت لين الخلل صاب الجهاز زماني، اللي مهرته مهيب تمشي، بدبرته عقب العسيف وخبرته ماعاد فيه أحدٍ يسيس سحبت نفسي! وأعرفا إني بحملي، مسرفا والخلّ يومه، إكتفا همّش لي الوضع إتهميش شكله يجامل في برود ماعاد في وصلي يجود نقض يمينه والعهود عقب الغلا أصبح رخيص صابرعلى نقل الغراش أخشى التمادي والنجاش ويصير جوّي به غواش سحايب وبرقٍ وميض ضعيف قلبه وامهموم عقب السعادة في وجوم جوّه عواصيف وغيوم وإلى هرج دايم يهيط طيفه يجي في كل حال يمشي معي مثل الظلال وإن قلت له إ قرب تعال يرمي بنيرانٍ شواظ ظلمه علّي شكله غريب ماهوب في فعله ميب مدري عدو وإلاّ حبيب سبّب لي أنواع الصداع عانيت من جرحٍ فرى صدري على خلٍ ضرى شيءٍ على طبعه طرى نابغ من أعماقه نباغ غديت لهمومي سجين ما لي على البلوى معين ما غير رب العالمين اللي رحم، حالي وراف في الصاحب اللي مجحفي واللي أظنّه يعرفي للي بقلبي له، خفي بيتٍ وله صدري رواق قلت الملامه والعتاب في حب مجلي العذاب مدري جزاء وإلاّ ثواب بيعك لمنهو يشتريك كيف آتصبّر وأنتظر للي طعن ظهري غدر صفت ثماني به عشر ولا إستفدت إلاّ الجدال لا يمني اللي مسرفا يظن، مانيب، أعرفا إنه، لحالي، متلفا يومه، معادي، للسلوم من كثر ماهو يهرجي في كل عرضٍ يعلجي لومن حياتي يخرجي إن كان كل شيءٍ يهون نرتاح، مع باقي العباد على المحبة والوداد وأبدأ، بصفحاتٍ جداد وأنعم بليلي وأرقده هذاك وقتٍ لا وجب يطيب صافي ماانشرب والنار تطفى واللهب اللي، لمعلوقي، شوو وأعيش أنا من بعدهم في راحةٍ من قربهم وإن ماتعدّل وضعهم فالحل، له يومٍ يجي يومٍ يشيّب بالرضيع ويخلّي العاقل صريع شيءٍ يشوفونه شنيع هاليوم عند الله قريب |
رد: ديوان شعراء السعودية في العصر الحديث (متجدد)☘️☘️
قصيدة قديمة نديمة
الشاعر: محمد بن عمار محمد بن عمار #العصر الحديث #المملكة العربية السعودية 0 580 مشاهدة توّي دريت إن الغدر فيك شيمة وطبع الخيانة نابعٍ فيك من ساس وإن المشاعر في حياتك عديمة تمشين وسط الخلق من غير إحساس أنا ارتكبت! بحق نفسي جريمة ذليّتها لك! وإنحنى لأجلك الراس كنت أفتخر إنك، بعيني عظيمة ما اقدّرك بأغلى الجواهر والألماس ومااطيع أنا فيك الحكي والنميمة ولا استمع لأهل الوشايه من الناس عايش معك وقتي بنيّة سليمة أشرب رحيق الحب من غير مقياس مستبعدٍ منك الهجر والظليمة ومستبعدٍ! درب الخيانة والأ دناس متمسكٍ بأفكاري،، اللي عقيمة إنك بهالدنيا حشا مالك أجناس وإنك بوسط القلب دايم مقيمة لك المحاني، داخل الصدر حّراس فكّرت نفسي، رابحٍ الغنيمة وإني بحبك، نلت عزٍ ونوماس صحيح ليقالوا قديمة نديمة ولو الجديد أغنى،، مردّه للإفلاس لاشك ابااقنع وأرتضي بالهزيمة وأصبر على ماصار وأقول لاباس هذا جزاء منهو يعاشر غشيمة يعيش عمره في الغرابيل محتّاس |
رد: ديوان شعراء السعودية في العصر الحديث (متجدد)☘️☘️
قصيدة مثل الجبل رآسي
الشاعر: محمد بن عمار محمد بن عمار #العصر الحديث #المملكة العربية السعودية 0 523 مشاهدة مثل الجبل راسي ولا هزّني الريح قدام من بعيون طبعه يرى الناس علمٍ كسبته من رجالٍ طحاطيح على النقاء خذته من الرأس للرأس اللي يدسّم، شاربه،، بالمفاطيح ماهو بمثل اللي،، شفاياه، يبّاس وكم قلت أنا لأهل العقول المشافيح أهل النمايم،، بين عاذل وبلاّس الطيب شيمة، في الوجيه المفاليح لاهوب لايوزن، ولاهوب ينقاس ومحدٍ يجيبه بالرخص والتصاريح كلٍ على مجناه،، والعرق دسّاس لي مدةٍ،، بنات فكري، مساريح متعومسٍ الرآي، والفكر محتاس بالصاحب اللي ماشترى للمصاليح عرفي ولاأرخص حبنا عدم الأجناس حبٍ نشأ،، من موجعات التباريح مدعوم بأركانه، ومبني على ساس للي بصدره، مثل، طلع التفافيح إلى إنهصر قده كما هزعة الآس مطلق على المتنين شقرٍ مداليح كل ماتثنّى ياردن روس الأطعاس والخد يكسر نور كل المصابيح ناصع بياضه مثل مصبوب الألماس وبيض الثنايا مثل نظم المسابيح وغضيض وردٍ داخل الفاه غرّاس إلى طرالي قمت مفجوع وأصيح ياردني بهاجوس ويصدر بهوجاس وأفزّ مع طاريه وأقوم وأطيح ولاجيت أبا أشرب شفت له طيف بالكأس وأقول لأصحاب القلوب المجاريح بحر الهوى ياما غرق فيه غطّاس ومن هاب في مرقاه عالي المطاميح يقضي حياته تحت الأقدام منداس |
رد: ديوان شعراء السعودية في العصر الحديث (متجدد)☘️☘️
قصيدة الأحلام الوردية
الشاعر: محمد بن عمار محمد بن عمار #العصر الحديث #المملكة العربية السعودية 0 458 مشاهدة رحت أشوفه وشوقي شايله في يدي والأماني تصّورلي مصافح يده صرت أعد الثواني وأنتظر موعدي خايفٍ مااشوف الزين في موعده كانت أحلام وردية،، تجي وتغدي عزتي للذي،، يومه شبيه لغده آتقلب! طوال الليل، في مرقدي وماهقيت،، إن طيفي، زاره بمرقده التهب في فؤادي،، شعلةٍ توقدي والمشاعر بصدري،، نارها موقده شاقني ضافيٍ!!! مجدوله مجعّدي قرنه أشقر، على الأمتان ومجعّده آتقرّب! وهو، من شوفتي يبعدي كيف؟ من هو يوده،لاقرب يبعده إشهدي يانجوم الليل، ثم إشهدي كان لي ذنب؟ فالتاريخ، بيشهده إشهدي إن حظي في المحبة ردي مثل من حظه لدرب الهلاك أورده ياخسارة عقب هالشوق ضاع جهدي وقلبي اللي تعلق فيه زاد جهده من بداية كلامي واضحٍ مقصدي ومن طريقة جوابه بان لي مقصده قلت حبك لأبن عمار متسيّدي قال وحبك، ملك قلبي، ومتسيّده قلت أنا في الشدايد، أنتخي بولدي والرجل، مايخلّد ذكره إلا ولده قال حنا عن الفزعات، ماننشدي لا لفانا،عريب، الأصل ماننشده وأنت شكلك غريب وعاشقٍ يابعدي قلت أنا إلحق اللي هايمٍ يابعده |
رد: ديوان شعراء السعودية في العصر الحديث (متجدد)☘️☘️
قصيدة جرح السنين
الشاعر: محمد بن عمار محمد بن عمار #العصر الحديث #المملكة العربية السعودية 0 450 مشاهدة آآآه أنا عزّي لحالي من شقا جرح السنين السنين اللي انقضت من مشكلة في مشكلة مشكلة اشكيها للي اشتكوا له معسرين معسرين، وحالهم مابين هم، وبهذله بهذله،منها أقاسي نار شوقي والحنين الحنين اللي إلي من مّر هاجس،أسأله أسأله إن شاف مثلي،واحدٍ جرّ الأنين الأنين اللي بصدري،نار شوقي تشعله تشعله طريا الليال اللي مضت لي والضنين الضنين اللي تنكرّ،عهد حبي،وأهمله أهمله من عقب ذاك الود وموفور الحنين الحنين اللي حياتي منه صارت،مهزلة مهزلة مادام ربعي عن ظروفي عارفين عارفين بمركبي يجنح ولا أحدٍ عدّله عدّله لو بالكلام،اللي معه لطفٍ ولين لين من شخصٍ فهيمٍ نرتضيه ونقبله نقبله،لا صار مبنيٍ على العلم اليقين اليقين الصادق اللي مايجي به غربله غربله من خبلٍ أرعن مايفيد ومايعين مايعين ومايعاون من فعولٍ مخجلة مخجلة حاله،بجهله للظروف بكل حين حين فيه الرجل صدره ضايقٍ به من هله من هله ضايق إلى صاروا جميعٍ مدركين مدركين لحالته دايم وهو في معضلة معضلة مادام،من كل النواحي مربكين مربكين وعارفين الوضع مااحدٍ يجهله يجهله من هو يطاوع فكره إبليس اللعين اللعين!! اللي مقيّدهم بقيد وسلسله سلسلة أفكار،ما يرضى بها عقلٍ ودين دين صادق بالنوايا ماهو لعب وطهبلة طهبلة من هو مشى مع غير ناسٍ مؤمنين مؤمنينٍ بالكتاب اللي على أحمد نزّله نزّله آخر كتاب،بدين سيد المرسلين مرسلين بشرع ربي اللي بأمره فصّله فصّله،محكم بآياتٍ مع الروح الأمين الأمين اللي على الهادي بوحيٍ وصّله وصّله للناس يدعوهم هداةٍ مهتدين مهتدين لطاعة الرحمن وكلٍ ب اعمله ب اعمله لو، وزن ذرّه له كرامٍ كاتبين كاتبين اللّفظ،واللي بالجوارح يفعله |
رد: ديوان شعراء السعودية في العصر الحديث (متجدد)☘️☘️
قصيدة عكّر الله مزاجه
الشاعر: محمد بن عمار محمد بن عمار #العصر الحديث #المملكة العربية السعودية 0 439 مشاهدة لاصار يمنعك الحياء وأنت محتاج أوصار لك مع بعض الأقراب حاجة وإلا رماك الحظ في موقف إحراج مع مزعجٍ مااحدٍ سلم من احراجه دايم، وهو جوّه عواصيف وعجاج وإلى مشى في الدرب طايرعجاجه ماعاد ينفع علتك، طب، وعلاج من يكتم الشكوى، على الله، علاجه مهما تحاول فيه، مامنه، مخراج تكثر، حلوفه لك، ولا من خراجه أحدٍ طوال الليل، مشعل لك سراج وأحدٍ من المغرب، يطفيّ سراجه وأحدٍ يرحّب بك، على فلة حجاج وأحدٍ إذا شافك، عقد لك حجاجه يالله، يا منزل من النوّ، ثجّاج من معصرات الماء، تحدّر، ثجاجه ياواحدٍ نورك، على الكون وهّاج نوّر، فضاء الدنيا بشدّة، وهاجه إنك تبدّل، كربة الهم، بإفراج وتوسّع الضيقة،، بزود، إنفراجه وكل من تكبّر، معتلي قصر من عاج يافالق، الإصباح، دمّر لعاجه يشوف مايكره، على كبده، مزاج عكرّ مزاجي، عكرّ الله، مزاجه |
رد: ديوان شعراء السعودية في العصر الحديث (متجدد)☘️☘️
قصيدة نفحة نسانيس
الشاعر: محمد بن عمار محمد بن عمار #العصر الحديث #المملكة العربية السعودية 0 423 مشاهدة هذا بياض الكف، وإلاّ قراطيس وإلاّ، شعاعٍ حاضنه، في يدينه من شدته تطفى شموع الفوانيس والشمس تشهق لوكشف عن جبينه لاسلهم بذيك، العيون النواعيس أموت وأحيا، بين رمشه وعينه عينٍ هدبها، مثل روس الدبابيس بنظراتها، حد الرماح السنينه ماذكرحسنه في الكتب والقواميس ولا، مع اهل البادية، والمدينة عقبه وأنا ليلي، حلوم وكوابيس رجّعني لماضي، وذكرى حنينه تمادت أفكارٍ براسي هجاريس والقاف تنخى ما إرتضت للغبينه والله لو دونه حصون ومتاريس في وسط قصرٍ والحمى رافعينه عنيت له مهما أجهدتني التضاريس الصبر، شيمة من يريد الثمينة وأضم كفه وأغمره بالأحاسيس وكفيّ من النشوة، تضمّه يمينه وأطلق سراح دموعي اللي محابيس في موق عيني محتجزهن رهينه وأتوه، في فرحة، بليا مقاييس وأعيش، لحظة حب، بيني وبينه وأقطف جنا وردٍ بصدره مغاريس في روضةٍ دون النحر، زارعينه وأعطرّ أنفاسي، بنفحة نسانيس من الهروج الخاثرة، والرزينة وأودع أوهامي، وذيك الهواجيس وأودع الماضي، بز ينه وشينه وأقول أنا لأهل القلوب المتاعيس ياما حلا، جمعا الضنين بضنينه |
رد: ديوان شعراء السعودية في العصر الحديث (متجدد)☘️☘️
قصيدة نصيحة في زمن لايقبل النصيحة
الشاعر: محمد بن عمار محمد بن عمار #العصر الحديث #المملكة العربية السعودية 0 411 مشاهدة بسم الله أبدأ وأبتدع زين الأمثال نصايحٍ مثل الدرر في نشايد الخير له مدخال، والشر مدخال والرابح اللي عن رداهن يحايد زمان أهلنا راح والوقت به زال وجانا زمان اللي قليل، الفوايد بيوت النشاما، ذيك الأيام مدهال تجمع قريبين الظعن، والبعايد كريم سبلا، مااجتمع في يده مال الفعل يثبت ما يبي له شهايد مركيٍ على ضوه أباريق ودلال ناره لهبها في السماء له وقايد والقهوة يبهّر، بها،، أفخر الهال تجلى العماس اللي على الراس كايد أجيال راحت قبلنا وهذي أجيال من طاع ربه صار بالعلم سايد أقفت سنينٍ إنقضت مالها أمثال يوم الصقرله في الحبارى طرايد وجانا زمان اللي معه قرش وريال يشرون بالأموال شعروقصايد ودام النصايح هالزمن صارن ثقال بأخاطب أصحاب العقول الرشايد الحلم، عدّه سيّد،، لكل الأفعال والصدق مفتا حٍ لكل الوعايد والعفو، عند المقدرة، فعل رجّال تفخر به الأنجال،، وكل الحفايد والنفس، لاتمشي على كل منوال تجيب مع زود الفشيلة، نقايد وأترك مصاحب راعي القيل والقا ل هرجٍ يجيبه فيه ناقص وزايد خلك على درب المراجل ولوطال مهما يطول الدرب بالخير عايد الحر، حرٍ مسكنه عالي جبال مايارد الجيفة،، ولاهي عوايد والبوم ساكن في الخرايب ونزّال ما بين خوص سقوفها والجرايد الفرق شمسٍ ماتغطى بغربال لوتنشد العميانما أبدى جحايد والماء يجيبه، من بيقدر.ويحتال لاصار، حلحيلٍ وقت الشدايد ذرب اليمين معّرب الجد والخال ما يمنعه قطع الرشاء في الحدايد مدام خرجهفيه حبلٍ ومحال تارد،غروبه،، مثل ماكان رايد وإلاّ الغشيم اللي بلا دلو، وحبال يهلك.!وظنه كل رمّاي صايد ترى الدهر له صكةٍ كل ما، مال يجلب على الرجّال زود النكايد والدين يعمي العين في كل الأحوال ا مفرق الأصحاب جمع وفرايد الفقر، ماميّز، لطرقي، وجمّال ذبح الرجال مفصّدٍ،، الورايد طمّن عزيزين ورفع ناسٍ أنذال ناسٍ تظن المال، يشري عقايد خسران ياللي بالغنى مشغل البال ربحكربايربى بكثر الرصايد ترى الغنى بالنفس ياخبث الأعمال والفقر ماعيّب،،رجالٍ سنايد ياما فقيرٍ عايشٍ بأسعد الحال مع الجماعة،، كل عيدٍ، يعا يد ويا ماغنيٍ عايش بفعل بطّال يسهر على المنكر وبذخ، الموايد يجاوب الآذان، زمّار،، طبّال ويصبح، يدوّر للغطاء والوسايد قلبه غفل عن كر قصّاف الآجال يوم البشر تبدأ، بجني الحصايد تلهى ذوات الحمل في وضع الأحمال والمرضعة تذهل لشيب الولايد كل البشر مثل السكارى بالأهوال ماهم سكارى عقولها اللي شرايد فوق السراط اللي ينادي بولوال الدرب ضيّق والبشر في تزايد أحد انخدش وأحدٍ على البطن سحّال وأحدٍ نجا وأحد وقع في المصايد يالله عسى الجنة لنا حظٍ وفال يوم الندم، للناس، ماهو بفايد يوم إن ظلك مابقى غيره ظلال في موقفٍ كلٍ دموعه بدايد وأختم كلامي عدّ ماهل همّال على النبي، اعداد حّيٍ وبايد |
رد: ديوان شعراء السعودية في العصر الحديث (متجدد)☘️☘️
قصيدة الحظ الأقشر
الشاعر: محمد بن عمار محمد بن عمار #العصر الحديث #المملكة العربية السعودية 0 393 مشاهدة ياشقا، قلبٍ تحيّر* في هوى غروٍ يتله راعي العين الحنونه * اللي أشغلني بغرامه قسمتي والحظ الأ قشر * ساقت الرجل لمحله من بعد، لدّة عيونه * وين قلبي والسلامة بالمشي لا من تهصّر * رأس، ردفه ما يقله مشغل الناس بفنونه * مشيته صارت علامة والمبيسم موتٍ أحمر* يشفي العطشان غله ونظمة اللولو سنونه * لاغنج لي بأبتسامة ومن نظر للصدركبّر* روض للوسمي يعله مثل طلع التين لونه *والحجم بيضة حمامة مطلقٍ مجدولٍ أشقر * من على متنه، يفله وغرةٍ حفة،، جفونه * تنتثر، لا أرخى، لثامه نور عيني لو تغيرّ * وسط قلبي مرتعٍ له بالحشا أرسى ركونه * وبالصدرعالي مقامه الغلا بالجوف يصهّر* قرص كبدي مستحله ساطياتٍ بي طعونه * بالحشاء راكزسهامه من عناه العين تسهر* دمعها، دايم، تهله مثل وبلٍ في مزونه * لا تحدر من غمامة عقب ما وصله تعثر* صارت أعذاره ممله جدد بقلبي، حزونه * بالتشرّه، والملامة كيف عقب الود قرّر* للهجر من غير زله عاذلٍ قد حال دونه * ليتني أعرف مرامه لوشكيت الحال يظهر* ماخفاء للناس كله وكل علمٍ يجهلونه * صار سلعة للنمامة الهوى راعيه يخسر* لا تفارق هو، وخله مكسبه ذل ومهونة * وآخرالعشرة، ندامه |
رد: ديوان شعراء السعودية في العصر الحديث (متجدد)☘️☘️
قصيدة صبر أيوب
الشاعر: محمد بن عمار محمد بن عمار #العصر الحديث #المملكة العربية السعودية 0 389 مشاهدة علمتني القوافي، فن ضرب المثال والتلاعب بمعنى الشعر في كل حين وعلمتني التجارب إن صعب المنال له طريقٍ يدلهّ، كل شخصٍ فطين وعلمتني أجدّف، فوق شط الرمال رغم مابه مراكب في الرمل مبحرين شمس شوقه كوتني ما اقتفاها ظلال صار يومي شهورٍ، والليالي سنين كله أسباب شوفك يا شبيه، الغزال لي شهورٍ وحالي منك ما هو بزين لو أعدّد وصوفك، ما توفر مجال كل خوفي تصيبك، نظرة الحاسدين خذتي كل الجمال اللي بيوسف يقال وخذتي من مريم العفة ونور اليقين وخذت أنا من صبر أيوب عدة خصال ويكفي إني سمّي، لسّيد المرسلين ليت من كان يعرف للوفاء والوصال يعطي الخل فرصة لين وضعه يلين فالدهر لو صفا وأسقاك عذب الزلال فصافي الماء يشوبه مع تواليه طين والغني، ما يقاس بزود جاهٍ ومال الغني، من يراضي الرب والوالدين وكل شيءٍ بها لدنيا مصيره زوال والملامة على الخسران، دنيا ودين |
رد: ديوان شعراء السعودية في العصر الحديث (متجدد)☘️☘️
قصيدة خشف المها
الشاعر: محمد بن عمار محمد بن عمار #العصر الحديث #المملكة العربية السعودية 0 384 مشاهدة يالله طلبتك يالولي وأنت اللطيف يارافعٍ سبعٍ بعالي أطباقها ترحم عليلٍ شايلٍ حزنٍ كليف مرالمصايب، في حياته ذاقها جرّيت ونّه هزّت ديارالقطيف وهزّت أراضي الشام وأرض عراقها منها خفوقي بالحشا يرجف رجيف ونارٍ بصدري ضامري ماطاقها أونّ من جرحٍ بقلبي له نزيف والدمع وسط العين زاد إغراقها أهل النمايم مالهم قصدٍ عفيف دايم عروض الناس بين أشداقها تضحك وبين أنيابها موتٍ مخيف مثل الحيايا، السّم في ترياقها ناسٍ تعاديني على شيٍ طفيف مااحدٍ سلم من نارهم وإحراقها وفرقا الشّمل ماسنّه الدين الحنيف ولاهوب من طبع العرب وأخلاقها وش مكسب الليّ حال بيني والوليف راعي الضغاين نافخٍ أبواقها خشف المها بالزين مامعها وصيف ما بالعذاراء أحدٍ جماله فاقها العين خرسا والخصرمبري نحيف والنور بالوجنات زاد إشراقها والشعرمنثورٍ كما، فلوة شريف يسبح على الأمتان واصل ساقها فلوة فلاةٍ! توّها، غرٍ، عسيف معفاةٍ الخدمة، وكثر،، إرهاقها دقّت بقلبي خنجرٍ حدّه رهيف قطعّ سراجيفي من أقصى أعماقها حبّي لها مبني على ساسٍ نظيف على عهودٍ، مبرمٍ، ميثاقها ياعاذلي في حبها عقلك خفيف روحين داخل جوف صعب فراقها |
رد: ديوان شعراء السعودية في العصر الحديث (متجدد)☘️☘️
قصيدة كبش الفداء
الشاعر: محمد بن عمار محمد بن عمار #العصر الحديث #المملكة العربية السعودية 0 349 مشاهدة على درب التعاسة صايرٍ كبش الفداء المنحور بعد ماصاحبي قرر رحيله وأعلن فراقي تشهّد داخل أعماقي، بقايا جرحي، المغدور وأضرم في خفايا الصدر نارٍ تشعل أشواقي وسالت وسط جوفي من خلايا قلبي المصهور تماثيل الغرام اللي تهاوت، داخل أعماقي شكيت الوجد وأعلنت السريرة بالبكاء مقهور وكتمت الونة، اللي داخل، الوجدان تنساقي وهل الدمع من عيني على سفح الوجن معصور تناثر من على رمشي وأحرق كل الآماقي تمتعت بغرامه.! يوم قلبي في الهوى، مجبور ولالي حيلةٍ، إلا مجامل، زين الأخلاقي سكن في خافقي والله عطاه وصرت له مأسور أسير، وبالرضا سلّمت أنا له جملة أوراقي لأجل يا أهل الهوى، حبه تملكني وأنا معذور وحط القيد، بالأ قدام عنوة، وأحكم وثاقي ومع زود الغلا يفداه، قلبٍ بالفناء مخطور شهادة حق، موثوقة، ولاهي، زور ونفاقي لنسيانه، معاندني..! خفوقٍ ما يطيع الشور يحبه، رغم مايفعل ولأجله دوم، يشتاقي وهومهما يعذبني، بصده، والهجر مشكور سجينٍ في غرامه، يائسٍ من لحظة إطلاقي لأني من عذاب الحب، مجروحٍ شعر وشعور ونار البعد والحرمان، تحرق قلبي إحراقي وغاية ما تمنيته، أشوفه في العمر، مسرور وغيره في البشر والله، وسط العين ما لاقي |
رد: ديوان شعراء السعودية في العصر الحديث (متجدد)☘️☘️
قصيدة الفكة غنيمة
الشاعر: محمد بن عمار محمد بن عمار #العصر الحديث #المملكة العربية السعودية 0 347 مشاهدة لاح براقٍ تهاوت، له مزونٍ فوق خدي جرّح الهمّال، موق العين وأحرقني عتيمة ليه يا دنياعلامك، مع صروف الدهّر ضدي إرحميني، مابقي لي، غير ذكراي القديمة ماخبرت، إني بكيت، وضاقت الدنيا بيدّي لين شفت أحوال ناسٍ ذاقت أنواع الظليمة في الحقيقة من عرفت المشكلة، ما كان ودي آتكلم.! يقتفيني الهرج، وأصناف النميمة ضاعت علوم، الرّجال ووصلت لحد الترّدي الفقر.! أعطى الحريم رسانهم مثل البهيمة أقصد، رجالٍ تنازل عن رجولتها، بجدّي تطلق حبال الرجولة للمرة من غير شيمة الحرّيم الليّ من أول، لا تجيب، ولا تودي أصبحت تآمر وتنها، رجالها، والله جريمة صار للخرسا، لسان وصار به جزرٍ ومدي صارت تجادل، بصوتٍ عاليٍ كله شتيمة وما توقعت، إن به بنتٍ تجاهر، بالتحدي والكلام اللي أقوله، يؤخذ بنية سليمة وأعتقد إني على نظم القصيدة مستعدي الشعر ميدان واسع بس وين أهل العزيمة الشعرهو صنعتي ليمن زهمت القاف ردي والقصايد، عند أهلها ما تقدّر، بأيّ قيمة وعندي البرهان ياللي ناشدين العلم عندي وأحمد الله، إنني مستور، والفكة غنيمة |
رد: ديوان شعراء السعودية في العصر الحديث (متجدد)☘️☘️
قصيدة شقائق النعمان
الشاعر: محمد بن عمار محمد بن عمار #العصر الحديث #المملكة العربية السعودية 0 291 مشاهدة سر ياقلم وإبدع جميل المثايل لأم العيون، اللي هدبهن مراييش مع الكلام اللي حوته الرسايل سلامي، لعذب الثنايا المباهيش شهلا العيون الناعسات الشعايل وشقرالحواجب باريتها المناقيش لامن طرت لي هل دمعي همايل مسايله، من فوق خدي تراشيش تعبت أنا أحاول بشتى الوسايل لكن على كثر التعب، ماحصليّش يابري حالي لامشت في تمايل من فوق كبدي مثل طرق الشواكيش في مشيةٍ مثل البكار الأصايل حدر النجايب مع خروجٍ منافيش الساق مبري مثل غصن الفسايل مع نا بياتٍ، لا تثنّت، مداقيش والطول فارع مثل ركز النقايل ورسمة خضابٍٍ في يديها نقاريش بروض الصدر خطٍ توسط وشايل مايسترالملبوس خلف الكراميش داير مدار وما حوى،، للسوايل قالب حلا، وامجمّلٍ بالمراقيش تنقض على الأمتان سود الجدايل في لونهن مثل الليال المغاطيش وتارد على الأرداف روس الثلايل وامخصّرٍ محزوم مثل المهابيش تلبس حرير، ومرهيه، بالخمايل ما قللت من قدرها، بالدناديش ماشفت انا في حسنها بالحمايل بين العرب أوعند حمر الطرابيش لو كان في المليون، قلة قلايل حول الحلايا مابهن من عراميش فرق الثرى عن الثريا دلايل في حسنهن عن حسنها أم العكاريش لو خيّروني قلت ما ارضى بدايل لوكان نقوة في البنات الفرافيش ما اطيع فيها كل ما قال قايل بنعقة غراب البين ونفث الخفافيش أهل الحسد ما منهم إلاّ الفشايل بالهرج رنانة، سوات القراقيش بالنّم، ما خلّوا قصيرٍ وطايل لاشك أنا، مالي ومال الحرافيش حبي لها مع دورة الدم جايل بنبضة خفوقي بالعروق المراعيش ما هو بحبٍ بالخدع، والحبايل ولا مكايد، من سوايا الدراويش حبٍ دفينٍ له بجوفي، نثايل شقائق النعمان، حوله، مفاريش ياوجدعيني وجد راعي الرحايل ساعة لفى يم الضعون المعاطيش الوقت قيض ومستعر بالقوايل وهو دريك، وما يجيد المطاريش أشوف، من قد ذوّقتني الهوايل خلّت عقول الناس منها مرابيش لاحلّت بدارٍ، سقتها المخايل التين والأعناب، فيها معاريش ماقد مشت درب الردى والرذايل وما سفهتها الزبرقة والزراكيش أخت الرجال، مكرّمين الخصايل هانت ذيابٍ،، لابسينٍ دشاديش وقفت على وضح النقا بالفعايل راياتها بيضاء، ولاهن مغابيش ياليتها، تكسب بحالي جمايل نعيش، ونبعد عن حياة التهاميش وإلاّ العدو، لابد له يوم زايل يموت وهمومه بصدره، مدافيش مثل الحنش يموت ختل وتحايل والسم وسط أنيابه اللي مناهيش |
رد: ديوان شعراء السعودية في العصر الحديث (متجدد)☘️☘️
قصيدة لمسة حنان
الشاعر: محمد بن عمار محمد بن عمار #العصر الحديث #المملكة العربية السعودية 0 287 مشاهدة غردي يالمشاعر بالمعاني النظيفة علمّيهم مبرّر، نظمك اللي حداني إمدحي المهرة اللي مالها من وصيفه قولي للحاسد إنه ماله إلا، الأماني أثبتي للي ما جرّب مصارح وليفه إن الإبداع سرّه مندفن في المعاني كل من لا يطول اللي بشفّه وكيفه ذمّ في أقرب أصحابه وأهل المكاني ياعذاب الفؤاد اللي تزايد رجيفه طول ليلي أقا سي من عذابه وأعاني أنتي تاج البنات وبك خصالٍ عفيفة وأنتي رمز الوفاء ياساكنة في كياني أنتي اللي تقلدني، بك العز سيفه وأنتي معشوقتي من بين قاصي وداني أنتي معنى الحياة وبك مشاعر رهيفه فيك ذبح القلوب وفيك لمسة حناني لو تمرين عند اللي،عيونه كفيفة شاف قلبه جمالك واوصفه باللساني أو رفع برقعك لفحة نسيمٍ طفيفة يجهر العين خدك، لوهي رمشة ثواني وان نظرك القمر في طلّتٍ لك خفيفة غاب نوره وأظلم عقب ما كان باني دوحة الحب لأجلك بالضماير مريفه يا منى القلب والغاية بطول الزماني الهوى حطه الله، بيننا بالنصيفه نصف قلبك وقلبي صايرٍ نصف ثاني |
رد: ديوان شعراء السعودية في العصر الحديث (متجدد)☘️☘️
قصيدة النقاش المحتدم
الشاعر: محمد بن عمار محمد بن عمار #العصر الحديث #المملكة العربية السعودية 0 287 مشاهدة كم شكيت وكم تشكيّت، من نارالألم وكم كتبت القاف منظوم فنّ وحرفنه إختلف جسمي وظليّ على وطية قدم وفي غياهب غفلتي،عاجله ثم طعنه قد سمعتوا ظلّ، يقتل بشر، لحمٍ ودم يقتله، ويموت، ويغسّله، ثم يدفنه مدري أفكارٍ تداعب خيالي من وهم أو وساويسٍ من إبليس، ربي يلعنه قام يناحرني، وأنا أقرأ تبارك والقلم والفلق، والناس، والفاتحة، والبيّنه دار، ما بيني وبينه،، نقاشٍ وإحتدم وإكتشفت إنه قريني، بيفرض هيمنه خيكسوقف مهلدثفا وغطلفوره شهم ياللي تفهم بالرطينة درسعي لك أضمنه قتلته قتل الأمل منه جرحٍ ماالتأم وموتته موت الضميربطريقه محزنه وغسلته غسلٍ للأ فكارمن نقص الفهم ودفنته دفن الأماني وهي متمكنه |
رد: ديوان شعراء السعودية في العصر الحديث (متجدد)☘️☘️
قصيدة طيور الظلامي
https://diwandb.com/images/poets/thu...om_rfisx5a.jpg محمد بن عمار #العصر الحديث #المملكة العربية السعودية 0 285 مشاهدة من خان عهده صار جاحد وكذّاب حتى ولوهو حج وصلى وصامي ومن باع نفسه باع ربعه والأ صحاب لا بد له غاية وقصد ومرامي حتى ولوهو قدمّ أعذار وأسباب وقام ايتظاهر إن فعله نظا مي ولوإعتكف سبعين يومٍ بمحراب أو إلتّزم بين الحجر والمقامي أوهو حلف إنّه عن اللي مضى تاب تاب بلسانه والحرامي حرامي عزّي لمن هو كلبنّه، بالأ نياب سود الليالي موهنات العظامي من أنتخي به وربع صاروا أحزاب ذولا خوالٍ لي وذولا عمامي الحق ضاع وما فزع فيه طلاّب طول النهار أمشي وأردّد كلامي ياناس ماهي مسألة جمع وحساب وإلاّ تماثيلٍ،، وقصة غرامي لو واحدٍ جاب الحكي قلت مغتاب لكن بعيني، شفت كلّش أمامي هذي نهاية كل من هو ترك باب بيته، وزارنّه طيور الظلامي |
رد: ديوان شعراء السعودية في العصر الحديث (متجدد)☘️☘️
قصيدة طيور الظلامي
الشاعر: محمد بن عمار محمد بن عمار #العصر الحديث #المملكة العربية السعودية 0 285 مشاهدة من خان عهده صار جاحد وكذّاب حتى ولوهو حج وصلى وصامي ومن باع نفسه باع ربعه والأ صحاب لا بد له غاية وقصد ومرامي حتى ولوهو قدمّ أعذار وأسباب وقام ايتظاهر إن فعله نظا مي ولوإعتكف سبعين يومٍ بمحراب أو إلتّزم بين الحجر والمقامي أوهو حلف إنّه عن اللي مضى تاب تاب بلسانه والحرامي حرامي عزّي لمن هو كلبنّه، بالأ نياب سود الليالي موهنات العظامي من أنتخي به وربع صاروا أحزاب ذولا خوالٍ لي وذولا عمامي الحق ضاع وما فزع فيه طلاّب طول النهار أمشي وأردّد كلامي ياناس ماهي مسألة جمع وحساب وإلاّ تماثيلٍ،، وقصة غرامي لو واحدٍ جاب الحكي قلت مغتاب لكن بعيني، شفت كلّش أمامي هذي نهاية كل من هو ترك باب بيته، وزارنّه طيور الظلامي |
رد: ديوان شعراء السعودية في العصر الحديث (متجدد)☘️☘️
قصيدة الجادل المختال
الشاعر: محمد بن عمار محمد بن عمار #العصر الحديث #المملكة العربية السعودية 0 268 مشاهدة أنا سبة عذابي جادل في مشيته مختال تثّنى في طريقي مثل غصنٍ موشكٍ قطفه لأجله تحتضر أفكاري اللي أشغلنّ البال وعقلي من هواجيسي قضى ماعاد به نصفه شكيت الوجد من ليلٍ سهرته يوم همي طال الا يالله تعطي كل خلٍ في الهوى شفه توفّت فرحتي في وسط صدري أصبحت أطلال وغابت بسمتي ماعاد تطري كود بالصدفه على صدق المشاعر قلت أبا اضرب أروع الأمثال أضحّي بالعمر من شان ترجح عنده الكفه تغنّيت بحروف الحب مع لحن الزمن موّال كتبت أشعار في مدح الحبيب وقلت في وصفه جبينه غيمه إنشقت شعاع الشمس منها سال على الخدّين هلّ النور وعانق جيده وكتفه وشعرٍ ينثره من فوق متنه كنّه الشّلال يذوب القلب إلا منّه تهلهل من على ردفه وعينه عين وحشٍ قيّدوه بسلسلة وأغلال وسهم الموت في سود اللّواحظ طعنته صلفه أنافي غبة الوادي صدى صوتي يهز جبال أنادي إرحم اللي من عذابك شايلٍ حتفه با أدوّر لي على فيٍّ زهقت الحِلّ والترحال تعبت من الظعون وشيلها ومن كثرة الوقفه |
رد: ديوان شعراء السعودية في العصر الحديث (متجدد)☘️☘️
قصيدة الفصول الأربعة
الشاعر: محمد بن عمار محمد بن عمار #العصر الحديث #المملكة العربية السعودية 0 266 مشاهدة إن كان كل ما نشتكي ضرسٍ نروح ونشلعه فهذي مصيبة لابغينا الزاد وش نأكل عليه الصبر، به طب ودواء، للي يريد المنفعة ولحمه ودمه له أمانة، في يده محدٍ يجيه لوهو زرع في كل يومٍ بالفصول الأربعة ما جاد له لو نصف محصوله لحولٍ مشتقيه والحَبَ دايم يرجع لبذره حسب ما تزرعه وترى الحصيف اللي يميز كل نوع وينتقيه وإلا الولد،، مهما كبر باللين ممكن تقنعه ما فيه أحد عايش بها لدنيا بلا عيب ونزيه حتى العقول أرزاق، من عند الإله موزعه واللي إنكتب له في جبينه، لازم إنه يلتقيه ولكل إنسانٍ، بعنقه طائرٍ، ملزم معه من وين ما يمشي يراقب كل دربٍ به مشيه وراعي النمايم والله إن ودك لسانه تقطعه إذا نقل، بين الولد وأبوه، هرجٍ مجتريه ياما أبو من عقب فرقا ابنه تهامل مدمعه وياما عجوزٍ ساهرة طول الليالي تحتريه وندري بأن الحر مهما طار، وكره مرجعه وإلاّ أبرق الريش إن تبعّد في مطيره بيتيه والرجل ما ودّك يجي صلفٍ ولا هو بإمّعه ما بينهن، يروز نفسه لا لذيك، ولا لذيه وكل من تواضع عن كبر حقٍ على الله يرفعه في مركزٍ مرموق بين الناس وحالٍ يرتضيه |
رد: ديوان شعراء السعودية في العصر الحديث (متجدد)☘️☘️
قصيدة وطفاء الحجاجين
الشاعر: محمد بن عمار محمد بن عمار #العصر الحديث #المملكة العربية السعودية 0 227 مشاهدة مفهوم حبي، له نظام، وقوانين مبني على ساسٍ مكينٍ قراره مع الحبيب، اللي بكل المضامين من وين ماوجّهت، حدّد مساره أغليت شخصه مرخصٍ كل غالين والروح بين ايديه رهن الإشارة وأقول أنا، ياللي، تلوم المحبين ترى آخرة مسعاك ذل وخسارة في صاحبٍ تفداه وطفا الحجاجين* من جملة أهل البادية والحضارة أقفا وقلبي منشطر، منه نصفين أتلف سراجيفي، بجور إنشطاره مصهور من نارالغلا بين ضلعين ذوّب عظامي من شديد انصهاره من بعد ما كان الحشا به بساتين اصفرّ زرع القلب عقب اخضراره على زمانٍ، مابقي، به موالين أقرب قريبٍ لك، كثيرٍ هذاره من كلمةٍ يقلب جميع الموازين وهو غشيمٍ ما يصيغ، العبارة وأنا على هالحال لولي جناحين أطير مثل الطير، وأسبح جواره مدام طول الصد ، والبعد حادين والقلب، ماله خيرةٍ فى اختياره بأشوف خلٍ منتويني من سنين من عقب ماشطتّ، علينا دياره ولوالهدف إنه.! تمتع مع الزين اللي سلب عقلي، بجد وجدارة إن كان ماغضّّيت من نظرة العين يوم الهواء يلعب بقرضة خماره ولاعذلت القلب من بادي الحين ومليت عيني منه، بأول زيارة وسلمّت نفسي والعقل للشياطين وأخذت شفيّ منه في عقر داره |
رد: ديوان شعراء السعودية في العصر الحديث (متجدد)☘️☘️
قصيدة ياحيلة الله كيف
الشاعر: محمد بن عمار محمد بن عمار #العصر الحديث #المملكة العربية السعودية 0 226 مشاهدة البارحة ليلي قضيته بهوجاس من شيئٍ بنفسي وحالي وطاها ماذقت حلو النوم والبال منحاس والعين طاولها السهر مع بكاها تنثرغزير الدمع من غير مقياس وتعبت مع قلب الخطأ من شقاها وأصبحت في بحر الهواجيس غطاس وهموم قلبي طوّلت في مداها فرقا هلي ما قد طرت لي بالأتعاس لاشك عافوني، وهذا بلاها عشرينٍ شهرٍ كاملاتٍ بلا أوناس وأنا أدراي حالتي في خفاها حتى أبوي اللي سنيدي من الناس ماهمتها فرقاي يومها نواها ياحيلة الله كيف؟ ماهو بحساس ماحس باللي سمّ حالي وطواها ياوالله إلاّ حال من دونه الياس وأصبحت عقبه هايمٍ في دجاها كل السبب هرجة عذولٍ وبلاّس وبأمرٍ من الله نفترق في مساها حيلي تردّى قمت أنا أباري الساس وأقدام رجلي ثاقلاتٍ خُطاها مهوب رخصٍ للشرف يوم ينداس لاشك سوّاها عدوٍ بغاها مالي رفيقٍ أشتكي له وجلاّس إلاّ ولي العرش عالي سماها عيا القدر لانجتمع قلت لاباس سيوّر عيني تجتمع مع مناها غصون قلبي، هايفاتٍ ويبّاس والحال مني، قرّبت منتهاها والله وحق الله، قطّاع الأنفاس اللي فرض خمسٍ علينا أداها إني فلا مرّيت في درب الأدناس والخافية، فوقك رقيبٍ يراها وأبي السموحة منك ياعدم الأجناس ترفا لي الزلة وتدمح خَطاها ماهوب والله قول حبرٍ بقرطاس لاشك من شيءٍ بنفسي حداها وأختم كلامي عدّ ماهبّ نسناس على النبي صلوّا عدد من قراها |
رد: ديوان شعراء السعودية في العصر الحديث (متجدد)☘️☘️
قصيدة بانت خطة الملعوب
الشاعر: محمد بن عمار محمد بن عمار #العصر الحديث #المملكة العربية السعودية 0 214 مشاهدة عرفت القصد ياشاطر وبانت خطة الملعوبودورّ واحدٍ جاهل يصدق واهي أعذارك وهذا درس للحاضر وللآتي، يجي محسوبنواياك الردّية وضّحت لي خافي أسرارك بتلقى في البشر سافر وطبعه محتويه عيوبمن أحلامه بنى أوهامه لوكرٍ يشبه أوكارك لأنك شفتني صابر لجرعة، علقم المشروبتهيألك، سكوتي ناتجٍ من زايد إصرّارك تعاسة حظك العاثر ومظهر، لونك المشحوببه أظلم يومك وطفىّ بدربك واهج أنوارك أنا وإنّ متّ ياغادر من أسبابك فهو مكتوبنهار الحشر نتلاقى، وأرجّح كفة أوزارك تصدق أنت لي صاير إذا جاز الكلام ذنوبمحّملني على حملي ومسرف لي بمعيارك تماطل بي وأنا خابر نهاية، دربك المنكوبتهاوى له مشارف عزّك وينهّد به دارك بوضعٍ يكسر الخاطر وفعلٍ ناقص الإسلوببرت حالك من أفعالك ومعها قل مقدارك يجي لك يوم ياباير بوعدك لي كما عرقوبتحسّ إن الوفاء دربٍ طويل فيه مشوارك تغنىّ داخلي شاعر على بحر الشعر مسحوبمواويل القصيد اللي حواها يانع أزهارك تمنىّ والمنى نادر ولا أحدٍ بالشقاء مغصوبتصاريف الزمان إن أبعدت بك تقصي أخبارك بها كف القدر قاهر متى، ما واجهك مغلوبيجي بأقسى الظروف ويعترض دربك ويختارك إذا عندك ذكاء باهر وفي بعض الفرص موهوبفميزات الذكاء عقلٍ رزينٍ يدعم أفكارك تأكدّ، إن في الخاطر تلاشى كل شيئ مشطوبلتداعي قصرك العاجي تهاوت عالي أسوارك تصوّر جرحي الغاير من طعون الحشا مصلوبينازع كل يوم ويحتضر من جاير أضرارك لذكراك أجلس أعاقر نديمي المالح المسكوبمعاصر ناظري تملأ القدح من مزنة أمطارك وخذ كلمة على الطاير بها فيك المثل مضروبلقينا الحلو في الماهج بديل لأعذبّ أنهارك ألا يانجم ياسامر بليلٍ والقمر محجوبدخيل الله يعذبني شجن عزفك على أوتارك على شان الغلا ساهر وفانوس الفكر مشبوبلأجل عذب الكلام اللي تغنى فيه بأشعارك أحلّق لا، سجى الساتر بشوق شّدني وأذوبوأهيم بهمس عشاقٍ يعبر الطيف لأقمارك وأطفيّ شوقي الثاير بمحبوبٍ بدل محبوبوليد التوّ، واللحظة مداره يسبرأغوارك بدأ لي طيفك مجاهر بحسنٍ ما حوى العذروبوقلت لكل شخص حاضر لا تبدي أشوارك غزال بسنك وقاصر شبابك باديٍ يادوبعلى موتي ورغم أنفي أوّقع محتوى إقرارك شهقت وقلت ياساتر لأجل عينك أنامندوبزميلك قال لي أشغلت فكرالضيف بهذارك وهذا تاسع أوعاشر شهر يمضي وهو مخطوبوروح أرجوك وإتركنا وغض بدربك أبصارك بديت بهرجي مبادر بأنشطّ فكري المتعوبوقلت الحب من نظرة رماني بسكة أقدارك بعد مارمشك الجاير طعني، بقلبي المصيوبكتمت بونتي الله يكافيني من أشرارك دلالك والحسن آسر بطبعٍ صارلي مرغوببأول يوم تدعيني حضرت لحفلة إفطارك وهدى دمعي الفاير مسح نزفه بكم الثوبوقال أرجوك هدئ الجو لأحبابك وسّمارك |
رد: ديوان شعراء السعودية في العصر الحديث (متجدد)☘️☘️
قصيدة ماكل من يجهد مصيب
الشاعر: محمد بن عمار محمد بن عمار #العصر الحديث #المملكة العربية السعودية 0 211 مشاهدة أهلا هلا يامرحبا، وألف ترحيب باللي نهار السبت أبدى المودّة الصاحب اللي مرسل القاف ترتيب حقٍ علي ماوصلني، منه أردّه ما شفت في ممشاه ميلٍ وتعييب الجود ورث أبوه، من جد، جدّه الطيب من مجناه، ما فيه تكذيب كلٍ على أصلّه دوم يرجع مردّه في الجوف مايحتاج جرحه لتطبيب وفي القلب حبه ما خذٍ كل حدّه ملتني، الأ يام، عَدٍ وتحسّيب الله، من شهرٍ مضى له، أعدّه لو حدّت الفرقا على شقّة الجيب غلاه، شيءٍ صار، مامنه بدّه في غيبته لوهو كسا راسي الشيب من ودّنا في الله،، لا زم نودّه كلٍ يقول الصدّ، والبعد تعذيب لاصار من شخصٍ تمادى بصدّه وأقول أنا ما كل من يجهد مصيب بُعده ترى ياناس،، ما هو بودّه بعض العرب هرجه لباقه وتهذيب لا من هرج، ما عاد ودّك تهدّه وبعض العرب يحتاج علمٍ وتأديب لا من هرج، ودّك طراقٍ تلدّه وكلّش بها لدنيا، يجي له تسابيب بالك تقول الحظ، والوقت، ضدّه |
رد: ديوان شعراء السعودية في العصر الحديث (متجدد)☘️☘️
قصيدة الصافنات المساريج
الشاعر: محمد بن عمار محمد بن عمار #العصر الحديث #المملكة العربية السعودية 0 202 مشاهدة سج الفكر واهموم قلبي معاريج والنوم جافا العين، وجدد سهرها غدت طعون القلب مثل الخراريج من شاف حالي في شقاها عذرها يرجف رجيف الصافنات المساريج يوم الطلا يب، جامحاتٍ بأثرها إذا عدت تطوي، فيافي الزراريج في ليلةٍ، مفقود،، فيها قمرها يدكني الهاجوس،، دك البواريج والروح من جوره، تزايد قهرها أعوي عواء ذيبٍ بعالي المداريج دمعي على الأوجان،هل وغمرها إنشل فكري،، من عيونٍ تباريج للي بسهم الموت، يقدح شررها تلت خفوقي،، مثل تل الدراريج لرشاء الدلو، والصوح جاله نثرها حبي لها ماهوب حب الخواريج حبٍ ضنى حالي، ونفسي دمرها على النقاء ماهيب تمشي بهاريج عن كل دربٍ شين غضّت نظرها ماعمرها تسمع، لحكي الهراريج وأهل النمايم، يوم شاعوا خبرها نزّهتها، عن موجبات التحاريج وقدمت روحي، والمشاعر مهرها جاعد شبيه، امعرّجات الكراريج فوق المتون، امجدلينٍ شعرها الصدر زامي فيه بيض الفراريج والقد غصنٍ ها زعٍ به ثمرها والخد يشعل، مثل نور السراريج والجمر يوقد، في مجامر ثغرها والوسط مطوي مثل طي الكواريج والعقد مفتولٍ،، يطوّ ق نحرها راعي الهوى، ماظن يلقى مخاريج مهما عن الغزلان، نفسه عسرها يصبر عسى ربه يجيب التفاريج وترتاح نفسه، من تزايد كدرها |
رد: ديوان شعراء السعودية في العصر الحديث (متجدد)☘️☘️
قصيدة كفيّ طوّ قت معصمه
الشاعر: محمد بن عمار محمد بن عمار #العصر الحديث #المملكة العربية السعودية 0 196 مشاهدة ياصباح الورود اللي حوت مبسمه وياصباح الجمال، اللي بدأ وإحتجب من نضارة محيّا ، بالصبا مفعمه مع بوادر شباب وغايةٍ، فى الطلب مطلقٍ له جديلٍ، واصلٍ محزمه ومجهده ضيق ملبوسه وطول الكعب بكنترول الفكر قمت أجمعه وأرسمه صورةٍ في الخيال مطرّزه بالذهب لدّني بنظرةٍ،، أهدافها، مبهمه صار من عقبها، حالي، نديم التعب أمطرتني سحايب دمعي المرزمه من مضيق المحاجر تنثره، وإنسكب والمشاعر بصدري، نارها مضرمه ألهبت خافقي والصدر منها إلتهب هالني، وآعساني بالعمر مااعدمه مرهيٍ بالجمال، وقمةٍ في الأدب عين ترعاه، وعينٍ لا ابتعد تزهمه من غلاه بعيوني، ما تعدى الهدب قلت ضيفٍ، وحقٍ يالغلا تكرمه قال يامرحبا، والضيف، حقه وجب مدّ يمناه، وكفيّ، طوّ قت معصمه مال! وساعة جذبته، إنثتى وانجذب حلّ، حبل النقاب، وكرّرالسلهمه عشت لحظات أحس العمر فيها إنكتب بان نورالبدر، من غيمةٍ معتمه وشفت شيءٍ سبا قلبي، وعقلي نهب بدّد النور صفحة هاجسي المظلمه وهمت في عالمٍ ثاني وشفت العجب لاعج الشوق ثار، وما قدرت أحكمه عامل الوقت وفكري للإ رادة سلب لوملاك الجمال، وحايز الأوسمه شاف ماشفت خلاّ العرش له وإنسحب شفت طلع البشاير، معتلي ميسمه غض وسط السداة، وبالغصن مالعب قلت معقول مثمر من قبل موسمه وإلاّ بعض الأراضي خصبةٍ في الجدب لوهو سحرٍ حلال، فبيّنٍ طلسمه ينخرالعظم ويسطي باللحم والعصب ينعرف لاحوى، جوف الفتى ينهمه يآكل الجسم مثل النار، لأكل الحطب كل عاشق وحبه في الهوى نعلمه من تعابير وجهه،لا إعتراه الغضب إلاّ، حبٍ سكنيّ، لو ظهر له سمه صار مضرب مثالٍ للعجم والعرب زاد جوره عليٍّّ، وما قويت أكتمه قلت ماذي، بشوفة، غاليٍ تحتسب الغلا، لوتمعّن، مقصدي وافهمه كان، مالي مشاريهٍ،عليه وعتب منه نور النظير، وللشعر ملهمه ومكسبٍ للمغامر، لو جلا وإغترب دام عهدٍ،على نفسه، لنا مبرمه إنتقض منه وجمّ الصدق غار ونضب يطلق اللي أسيرٍ في هوى مغرمه مشرفٍ بالهلاك،، ومنه موته قرب كيف طب وطبيب، لجرحه وبلسمه وكل ما جاه عطشانٍ رجع ماشرب الزمن لا ضحك لأحدٍ كسب بأسهمه ولو يكشرّ بوجهه يخسر اللي كسب حتى قافي عصاني، فيه وأنا أنظمه قام يرجع خلافه، ماعرفت السبب يوم فكرّت بأمر القاف وجيت أحسمه قال لو فيه خيره، كان غيرك غلب |
رد: ديوان شعراء السعودية في العصر الحديث (متجدد)☘️☘️
قصيدة نكّست الأعلام
الشاعر: محمد بن عمار محمد بن عمار #العصر الحديث #المملكة العربية السعودية 0 188 مشاهدة عز القصيد، وجف ينبوع الإلهام وتداعت حروفي،، تخالط دموعي تكسرت فوق الورق روس الأقلام وأطفت ليالي الحزن ضي الشموعي وإنهد قصرٍ قد،، بنيته بالأوهام جرايد سقوفه،، حطبها، ضلوعي ونكست أنا من عقب فرقاه الأعلام وأعلنت يوم الحزن وسط الجموعي عفت البقاء من جور صكات الأيام وأنا أحسب إن الدهر يرحم خضوعي لاوآهني، اللي به الشوق ما هام ماهو بقلبه، مثل، قلبي،، جزوعي ليمن طرالي لوهو بأضغاث الأحلام من عز نومي، أنتهض له وأفوعي ويقفي وهو يرفع لي إصباع الإبهام وعيني تراعي له،، وكبدي تموعي الله من ليلٍ، غشى الطرف ماانام سهران وراسي،، مرتكي له بكوعي جالس أعدد،، للكواكب والأجرام وأرقب خيوط الشمس وقت الطلوعي |
رد: ديوان شعراء السعودية في العصر الحديث (متجدد)☘️☘️
قصيدة نايف الطاروق
الشاعر: محمد بن عمار محمد بن عمار #العصر الحديث #المملكة العربية السعودية 0 182 مشاهدة سرى الهاجس وهيّض معه نايف الطاروق على اللي هجرني وأشغل البال بفراقه شكيت السهر والوجد من حرّ، نار الشوق ولكن صروف الدهر، للخلق، سبّاقه ذكرت الذي لأجله ستار،، الحشا مشقوق ذبحني بهجره، والحكي صار بشفاقه وعندي خبر، إن الهوى، كاتبه من فوق إلهٍ كتب آجال، خلقه، مع أرزاقه ترى اللي مثل شرواه، له مركزٍ مرموق عزيزٍ وهرجه، لا نطق، كله لباقه بنى له بجوفي منزلٍ بالحشا مطقوق ضلوعي كما الأطناب وصدري له رواقه قتلني حسين الدل، بأخلاقه اللي ذوق وطرفٍ كحيلٍ صفتّ رموشه، دقاقه إلي من خزرني طحت في موقفي مصعوق خطف ناظري من صفحة الخد برّاقه وحالي برت واللي بقا دم! وسط عروق برت مثل غصنٍ مورقٍ نشفت أوراقه ضربني برمحٍ، إخترق حدّه المعلوق تخطىّ، ضلوع الصدر، من قوة إطلاقه ولاعاد دون الموت إلي صرت أنا مخنوق سوى الكف أداري به عن الحلق خنّاقه طلبته.!على وضح النقاء، كلمةٍ برفوق يبّرر جفاه، أو يرحم القلب، بإعتاقه أنا دايم أخشى، هرجة العاذل المطفوق ومثله صديق المصلحة، أحذر، نفاقه وشيءٍ طبيعي في دروب الهوى مسبوق سبقني الهلالي لاعج الشوق قد ذاقه وأعزّي فؤادٍ به همومٍ، تسوقه سوق على شوفة المحبوب زادت به أشواقه أنا إن مت، من شانه ترالي عليه حقوق حقوقي عليه، إنه نقض عهد ميثاقه عسى مزنةٍ تسرى، تكاشف رعد وبروق مراويح ذعذاع الهوى، نوّها ساقه تعل الشعيب، وينبت الزرع والزملوق وتسقي الديار، وخالق الطير رزّاقه وهذا سلامي له، عسى الله يجيب وفوق تحية محبٍ قالها له، من أعماقه |
رد: ديوان شعراء السعودية في العصر الحديث (متجدد)☘️☘️
قصيدة الغريق
الشاعر: محمد بن عمار محمد بن عمار #العصر الحديث #المملكة العربية السعودية 0 181 مشاهدة ياجماعة عطوني رايكم في غريق طاح في غبّة بحورالهوى والغرام عذبّه مركبه والبحر يصفق صفيق ساعةٍ غاب فيها النور وحلّ الظلام يزبد الموج وبصوته فحيح وشهيق يحسب اني أباارفع رايتي للسلام قمت أنادي وحلقي جفْ مافيه ريق ليه! غدّار، باللي في أمانك ينام ياجماعة عطوني الرأي علمٍ وثيق كان في الناس مثلي واحدٍ مايلام الشكاوي على الله كلما حل ضيق يفرج الهم والضيقة ويجلى الغمام من ينزّل مقامه، عند من لا يليق ينتقص منه قدره عند ناسٍ غشام شور ياللي على باقي حياتك شفيق لاتنزّل مقامك وأنت عالي المقام عاشراللي ثبت أصله،بجذرٍ عريق واللي جذره بسطح الماء فعرفه عدام خل عنك المشاعر والفؤاد الرقيق لايغرّك بلحن القول وعذب الكلام يبتسم لك بوجهٍ في بشاشة صديق وفي عيونه إلا لدّت،حراب وسهام بك يرحب وهو من شوفتك مستضيق ودّه إنه يدّس السمّ لك في الطعام يبرق بوجنته، سيف الخيانة بريق وريحة الغدر! تظهرلو تلثّم لثام ماحدٍ ايتقيّد عقب ما،، هو طليق وماحدٍ غازيٍ غزوة، بليّا مرام لازم إنه مفكرّ له،، بفكرٍ عميق ودارسٍ العواقب بالوفاء، والتمام |
رد: ديوان شعراء السعودية في العصر الحديث (متجدد)☘️☘️
قصيدة نار اللقاء
الشاعر: محمد بن عمار محمد بن عمار #العصر الحديث #المملكة العربية السعودية 0 181 مشاهدة على ناراللقاء خذني القدم في شوق للميعاد أحلّّق مع بقايا جروح قلبٍ فيك هيماني أسابق شوقي اللي به لهيب مصافحك وقّاد يمنيني مع الأحلام ويآمرني.. وينهاني وقفت! بجانبك جسمٍ وعقلي للخيال إنقاد وتهت بغمرة الفرحة وعشت بعالمٍ ثاني أمد الكف، يرجف من هيام الخافق الرعّاد شفاهي خانها التعبير، وهرجيٍ مات بلساني ومن شدّة هيامي، نبض قلبي بالحشا يزداد رجف مستشعرٍ دافي الكفوف لنجل الأعياني تضيع، علومي بنظرات شهلا رمشها لداد ونشوة داخل أعماقي سرت وإهتزت أركاني يذوب القلب وضلوعي على ماصار به شهّاد ويموت من الغبن حسرة وعندي فيه برهاني أنا البرهان عندي! حالي المعلول، يالأجواد وجلدٍ فوق عظمٍ عايشٍ في صورة إنساني سجنتيني رهين الحب وحطيتي لي الأصفاد وقيّدتي المشاعر في خفوقٍ منك حيراني منحتك للوفاء فرصة على ما ظن ما تنعاد أبي إثبات حبك...! كان قلبك، ما تناساني على زايد غرامك صار لك وسط الحشا مقعاد وبيتٍ من وحي فكري بنيته وسط وجداني نحّت من الصخر بيتٍ أنافس به ثمود وعاد وبنيت أهرامٍ تنافس بناء فرعون وهاماني وخلدّ ت إسمك، بخارج مدار الكون بالأرصاد محطة بالحشا،، تستقبل إرسالك،، إذا جاني عليم الله،، كم ليلٍ قضيته،، وقفةٍ وقعاد وكفي يحتضن راسي ودمعي غرّق أوجاني أهدّي ثاير العبرة...! بد معٍ لا مسحته زاد وأقنعّ نفسي إني في غرامك كنت خسراني وجع! معقولة إحساسك توفى في حشاك وكاد عليك الله أكبر،، ما تجمّلتي،، على شاني ولا لي في هواكم عقب هذا غايةٍ ومراد أبا أمشي في طريقي وأترك القاصين والداني عزيزٍ ما أنحني إلا بفرضي راكعٍ سجّاد أخضع الرأس للي خالقه، وأرجيه غفراني |
رد: ديوان شعراء السعودية في العصر الحديث (متجدد)☘️☘️
قصيدة يازمن قاسي
الشاعر: محمد بن عمار محمد بن عمار #العصر الحديث #المملكة العربية السعودية 0 178 مشاهدة علامك يازمن قاسي عليّ بقسمة التوزيع تقربني من العذال وتقصي القلب عن خله يوادعني ولا لي حيلةٍ غير أنطق التوديع فمان الله وأستدرك خطاي إن كان به زله عسى يشفع إلا مني تركت اللوم والتقريع أنا بالله، ويش اللي جنيته، لاجل ذا. كله أنا ماكنت أصدق من وشي في صاحبي وأطيع ولا ني بأستمع لاهل القلوب اللي بهاعله أنا شاعر مشاعر ما يكفيني سوى التبديع كلامٍ وازنه بالعقل،، والمنطق، دليلٍ له إلى مني بغيت القاف جبته عسفٍ اوتطويع أصور وافي المنظوم والمعنى على حله أصيغ الشعر موزونٍ، بلا تفعيلة وتقطيع موازينه براسي،، كاملاتٍ مابها خله ورثته عن علوم رجال لاحفظٍ ولا تسميع وترى الماء من جبل لاشك ماكلٍ بيفطن له |
رد: ديوان شعراء السعودية في العصر الحديث (متجدد)☘️☘️
قصيدة عيونه الخرسا
الشاعر: محمد بن عمار محمد بن عمار #العصر الحديث #المملكة العربية السعودية 0 175 مشاهدة صوّبتني نظرة، النعسا في فؤادي وانكسر باسه العمر عشرٍ مع الخمسَا والخصر، والقدّ، مياسة انحمس قلبي معه حمسا وانقلب في راسي الطاسة آتمنى القرب، لو لمسَا كود حظي، ينطوي ياسه ماوجد له، بالبشر جنسَ درةٍ في، وسطها ماسة طبت أنا من شو فته نفسا وشيمتي طابت من أجناسه في بحور الود له مرسى داخل، الوجدان، غطّاسه لدّني، بعيونه، الخرساء في هدبها، صف حراسه حطّ له في مهجتي غرسا في الحشا، عطّر بنسناسه لا هرج هرجه لنا همسا وإن تبسّم، بانت أضراسه كم، سهرنا، ليلةٍ غلسا والفجر، قد، دقت أجراسه المشاعر،، بيننا، حبسا محتويني، بدافي، أنفاسه وضّمتي، لكفوفه الملساء في يميني ينبض إحساسه ما خبرت إن الغلا يقسا في طبوعه، بين، جلا سّه وعاد! بن عمار ما ينسى بالقصايد، ربعه، وناسه كان يومه صار مثل أمسا خبرته، في الشعر نبراسه دارسٍ طبع الهوى درسا في المحافل، رافعٍ راسه |
رد: ديوان شعراء السعودية في العصر الحديث (متجدد)☘️☘️
قصيدة دلعهن عالي المستوى
الشاعر: محمد بن عمار محمد بن عمار #العصر الحديث #المملكة العربية السعودية 0 173 مشاهدة الهوى والمحبة، والدلع والجمال والقلوب الرهيفه، ماتخاون سوى راعي القلب الأخضرلوتكلّف وشال شال ثنتين منهن،، كان قلبه قوى بس أنا، شايلٍ قلبي همومٍ ثقال أربعٍ فوق الأربع لين ذاب وذوى همّ فرقا، عشيري والتوجد، ليال وحرقة البعد في قلبٍ جزع وإنكوى لو أعدّد همومي وأضرب ابهن مثال ماهقيت إن قافي، يشمل المحتوى كنت أنا في طريقي ماشيٍ بالعدال متركٍ كل ذيبٍ فوق رجمه عوى لين قابلت في، دربي شبيه الغزال غضة العود غروٍ، عقلها مااستوى يوم لدّت بطرفٍ، زاهي الإكتحال وسلهمت رمشها اللي للمحاجر زوى وجيدها اللي مداريته بطرحه وشال مثل عنق الوضيحي لا إنثنت إلتوى وصفحة الخد تزهابه من الذوق خال وأبيض اللولو، اللي،، للثنايا حوى والشفايف، لها ينبوع عذبٍ زلال راعي الغي عمره لوشرب ما إرتوى قلت ياريم صبري، بالمعاناة طال ما تشوفين حالي، بالعذاب إنطوى أسهرالليل ودمعي من على الخد سال وآتعبّر وراسي، من ونيني، خوى وآآآهني الذي عمره، تمنّى، ونال مرةٍ في حياته، أدرك اللي نوى لضامرات البطون ومترفات الدلال بالتغنّج، دلعهن، عالي، المستوى بس ياليت،، ما تنفع على كل حال التمنّي، تجنّي، والسلامه، دواء |
رد: ديوان شعراء السعودية في العصر الحديث (متجدد)☘️☘️
قصيدة ذكريات الأمس
الشاعر: محمد بن عمار محمد بن عمار #العصر الحديث #المملكة العربية السعودية 0 150 مشاهدة تذكرت الغروب وضحتك لي مع مغيب الشمس تذكرت البحريعكس مع الأمواج بسماتك تذكرت النسيم اللي وصلني مع أثيره همس أماني شوقك الزايد معطّرمع تحياتك تذكرت الكفوف اللي تشابك خمسها بالخمس ودافي دمعةٍ هلّت فرح لحظة ملاقاتك تذكرت الربيع اللي غمس ورده بخدك غمس حوى لون الشفايف وايتمخطر فوق وجناتك تذكرت وذكرت إن المشاعرتحترك باللمس وأنا فيني المشاعرميّته من شح لمساتك تذكرت الحنين اللي حمس قلبي بناره حمس حطبها من ضلوعي وإحتراقه مصدر سكاتك تذكرت الفراق اللي طمس ماضي هوانا طمس على أنقاض قلبٍ يحتضرلحظة مناجاتك تذكرت الهيام اللي غدى من ذكريات الأمس غرامٍ يجحده قلبك وأشوفه بين نظراتك |
رد: ديوان شعراء السعودية في العصر الحديث (متجدد)☘️☘️
قصيدة خصلتينٍ فوق خدّه
الشاعر: محمد بن عمار محمد بن عمار #العصر الحديث #المملكة العربية السعودية 0 149 مشاهدة ويل منهو صارت الأيام ضدّه كلما تصفى، يكدّرها، شوايب ضامرالسرجوف مدري ويش حدّه يبتعد عني بلا ذنب وسبايب حبل وصله كلما حاولت أمدّه يقطعه، ماخاف من ربي عقايب وآعذابي،، لا تمايل لي بقدّه غصن موزٍ ذعذعه هب الهبايب ايتهصّر بالمشي، لارحم جدّه وايتعمّد يظهرأنصاف الذوايب مرخيٍ له خصلتينٍ فوق خدّه ماشيٍ يلعب بهن والقلب ذايب لا فتلهن انطون بإصباع يدّه وإن تركهن وصلن حدود الترايب ونابيٍ يشكي المضايق منه ندّه لا تثنّى، شفت انا منه العجايب صاب قلبي لحظ عينه يوم لدّه وإنتثر دمعي، على خدي سكايب صارمن عقب الرخا حالي بشدّه وأنا كم لي عن دروب الغي تايب والله إن قلب العنا ماهو، بودّه لكن الأ قدار، به مخطي وصايب |
رد: ديوان شعراء السعودية في العصر الحديث (متجدد)☘️☘️
قصيدة معدن ذهب
الشاعر: محمد بن عمار محمد بن عمار #العصر الحديث #المملكة العربية السعودية 0 149 مشاهدة عن جملة الناس قلبي مختلف نبضه وعن باقي الغيد كن العين مخطوفه ملك غلاه الخفوق بطوله وعرضه وحرم عيوني مشاهد غيره وشوفه معدن ذهب لابرونز ولا من الفضه غالي ثمن سلعته فى السوق معروفه العين مدعوجةٍ بالكحل مكتضه روس الهدب كلما أغضى يشهرسيوفه وتفاح شامي ثمرها في الصدرغضه والخصر مزموم والساقين ملفوفه ومجدول يسبح على المتنين إلى قضه أطرافه إليا مشى تلامس ردوفه ياما عليه البنان، بحسرة أعضه من حرقةٍ بالحشا، والنفس ملهوفه |
رد: ديوان شعراء السعودية في العصر الحديث (متجدد)☘️☘️
قصيدة أدري ومدري
الشاعر: محمد بن عمار محمد بن عمار #العصر الحديث #المملكة العربية السعودية 0 143 مشاهدة مدري الشوق صادق يوم داعب غلاك مدري إنه أمل يكذب مع العاطفة مدري طول النوى والبعد زوّد قساك مدري أطباعنا في الحب متخالفة مدري ألحق بقايا، مابقى من هواك مدري إن الظروف بدربنا واقفه مدري النور نور الكون وإلا،ضياك مدري الشمس من نورك بدت كاسفه مدري الذوق هذا، ناتجٍ من حلاك مدري إنه ثقل، وإلا أنتي وش شايفه مدري أسبح مع التيار وأمشي معاك مدري أقاوم أمواج،الغلا الجارفه مدري أستسلم لحبك وأساير رضاك مدري أحارب أوهام الجفا العاصفة أدري تحلّق أفكاري، بواسع فضاك وأدري أسابق أحلام الهوى الزايفه أدري إنك شقا، قلبٍ تعذبّ وجاك وأدري إنك سبايب حالي الناحفه أدري إنك ملكتي القلب والله عطاك وأدري إنك عزيزة شيمتك، نايفه أدري إنك على خبري عساني فداك وأدري إنك تعيشين الهوى وعارفه أدري إنك شتاي، ومستجير بدفاك وأدري إنك ربيع أشجاري الوارفه أدري إني أموت لبسمةٍ من شفاك وأدري إني أذوب بنظرةٍ خاطفه أدري إني أعسف القاف لك ياملاك وأدري الشعر بحرٍ له يدي غارفه أدري إني حكاية حب عشت بخفاك وأدري إني أماني عمرك الهادفه أدري إني عليلٍ مرتمي في حماك وادري إني رهين، الدمعة الذارفه أدري ني صويبٍ ماحصلي دواك وأدري إني أسير جروحك النازفه أدري إني قتيلٍ في مجاهل فناك وأدري السهم ماأخطى وأنتي الحاذفه أدري إني خسرت العمر كله وراك وأدري العذر طبعا ، قولتك آسفه |
رد: ديوان شعراء السعودية في العصر الحديث (متجدد)☘️☘️
قصيدة ضاع الوفاء
الشاعر: محمد بن عمار محمد بن عمار #العصر الحديث #المملكة العربية السعودية 0 143 مشاهدة ضاع الوفاء والهجر في القلب ينساق والحال من طول المفارق طريحة سهران اسامر، ساري النجم براق بين الكواكب في سمانا الفسيحة حبي وشوقي له عهودٍ وميثاق ما اطيع شور اللي يقول النصيحة حبٍ دفنته في ضميري بالأعماق خلف الضلوع وتحت قلبي ضريحه لوتختلف في صاحبي كل الأذواق ذوقي أنا، ثابت، ولا احدٍ يزيحه ياعاذلي قلبي من الحب ما فاق هايم بشوق، اللي عيونه، مليحة خلاّ فؤادي في الحشا منه خفاّق هنيكم،، ياأهل القلوب،، المريحة نار ا لغلا في مهجتي تحرق إحراق وكم قلتها له، في، عبارة صريحة إمّا يجي، يطفي لهيبي والأشواق وإلاّ، يروح، وجعل ربي، يبيحه |
رد: ديوان شعراء السعودية في العصر الحديث (متجدد)☘️☘️
قصيدة مفهوم التميّز
الشاعر: محمد بن عمار محمد بن عمار #العصر الحديث #المملكة العربية السعودية 0 131 مشاهدة على شط القوافي والعاني سابحه جوّاي قصيدي مركبه مبحر وحرفي صايرٍ ربّان تحشرج داخل أعماقي فلول الشعرلي شكّاي وأعسفه قاف منثورٍ من الياقوت والمرجان بمفهوم التميّز سطّرت معنى الشعر يمناي متى ما أبدعت بالمنظوم يقرأ قافي العميان أترجم نفحة إلهامي على نور القمر بالناي يقوم اللي فقد سمعه من النشوة لها طربان وشلاّل المشاعرمنبع إبداعه من أقصى احشاي هطوله ينهمر شعر وشعورٍ يشعل الوجدان طريق إبداعي لنظم القصايد راسمه بخطاي على صدر الزمن مجدٍ ابن عمار له عنوان عزيزٍ شامخ القامة وصيتي قاهرٍ اعداي معانق للسحاب، وصرت فيهم شاعر وفنان |
| الساعة الآن 05:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية