رد: فوق هام السحب ( الشعر الشعبي) على متن القوافي
 

خلص كل الكلام ولا بقى غير القصيد عتاب
‏نشف وجه الجراح ولا بقي غير السهر راحه

‏سلامات تطولك .. لاتجيني خايف مرتاب
‏ترى لك وحشةٍ مثل الظلام ان مات مصباحه

‏رهنت لغيبتك ظلٍ نحيل .. ودمعتين وباب
‏على قلبي قفلته والوفا همه ومفتاحه

.....

رد: فوق هام السحب ( الشعر الشعبي) على متن القوافي
 

‏انا يا أجمل أحلامي عيوني ماتشوف إلاك ..
‏وانا بالحب لا قبلي ولا بعدي بيجي مخلوق ..

‏لي أصدق قلب ودروبي ربيعٍ مابها أشواك ..
‏ولي أصدق عين تفضح ماخفى المنطوق ..

‏انا ماهتمّ لعيوبك ولا ادور عن مزاياك ..
‏انا احبك لو إن مابينك وبين اي احد فروق

.....

رد: فوق هام السحب ( الشعر الشعبي) على متن القوافي
 

اعرف إن الطواري ماتمّر إلا تجيب احباب
‏يجي طاريك كن البال في جدول مواعيده

‏ادوّر لك عذر ياللي تدوّر لـ الغياب أسباب
‏يا شبه الكلمة اللي بعدها غصّة و تنهيـده

‏من آداب الفراق إنّك تصون العهد للغيّاب
‏أخاف الجرح يهدى وإنت تلقى عذر وتزيده

.....

رد: فوق هام السحب ( الشعر الشعبي) على متن القوافي
 

‏على مهل القلوب اللي تدامى والدروب طوال
‏وأنا ما لي سوى قلبٍ يخاف ويحشم ضلوعي

‏حبيبي يا مدى العمر الرحيب و مغريات البال
‏تركتك قبل ما ينقص غلاك .. و تكثر دموعي

.....

رد: فوق هام السحب ( الشعر الشعبي) على متن القوافي
 

‏على سكة متاهات المشاعر واخر المشوار
‏خذتني لهفة اشواقي على ذكرى بداياتي

‏غريب استوطن اعماقي وسبب حالة استنفار
‏وضيع كل تفاصيلي بعد ما شتت شتاتي

‏نطق حرف ونزف جرح وتحرر عقلي المنهار
‏وكتبتك لـ السكوت اللي تكلم عن متاهاتي

.....

رد: فوق هام السحب ( الشعر الشعبي) على متن القوافي
 

‏علي ربي الشاهِد مايغنيني منك حيّ
‏فلا تبعدك شكـه .. ولا قـول متقـوّل
‏
‏في عيني غديت الكِل ولا البشر ؟ لا شي
‏و حبـك منـع قلبي .. لا يـدخله متجوّل
‏
‏تغيب وتحسّب حبك عندي بيخف شوي
‏وترجعّ ، وتلقاني عليك .. أشفق مـن أول
‏
.....

رد: فوق هام السحب ( الشعر الشعبي) على متن القوافي
 

‏متاهات الحياه اللي مداها ساري المفعول
‏تغير طبع ناس .. وناس ما تقدر .. تغيرهم

‏تحك المعدن الخافي محكٍ ماهو بمعقول
‏وتخفيهم وتظهرهم .. وتنهيهم وتامرهم

‏وانا اللي لو يغيبون الاوادم عن عيوني حول
‏ليا جوني .. لقوني كني البارح مسامرهم

.....

رد: فوق هام السحب ( الشعر الشعبي) على متن القوافي
 

إذا قام الحنين يسوق قلبي قمت أسوق خطاي
‏أدوّر من دروبك درب قد جيناه . . و أضيعه

‏يا كثر صورك اللي مانساها بالي النسّاي
‏لو إن عمري معك مرّت سنينه مثل أسابيعه

‏حبيبي كيف أمر بشارعك ما تدري إني جاي
‏وأنا أعرف الصباح اللي يجيبك من ذعاذيعه

.....

رد: فوق هام السحب ( الشعر الشعبي) على متن القوافي
 

‏لا تاخذك الليالي والليالي ماهي بشرواي
‏تداري خاطرك من كل تنهيده وتلويعه

‏عفى الله عن حبيبي لو حبيبي ماهو بـ معاي
‏كثر ما أعاند الشوق بغيابه وأرجع أطيعه

‏عليه من السرور اللي ماهو في وجهي البكاي
‏وعليه من السلام اللي ماهو في ليل توديعه

.....

رد: فوق هام السحب ( الشعر الشعبي) على متن القوافي
 

‏أنا أذكر ضحكتك وأذكر حنين الشِّعر للإسهاب
‏وأنا أذكر كم قصيدة تنسلب من وارف أهدابك

‏فداك الشِّعر وشتات البعاد وطاري الأحباب
‏وحنين الليل يوم إنّه وقف بي أرتقب بابك

‏نديم البال ما جاد القصيد ولا مكثت أرتاب
‏وأنا وهذا القصِيد اللي بعد ما غبت ما غابك

.....