رد: فوق هام السحب ( الشعر الشعبي) على متن القوافي
 

اشوفك بعيد وانت الحين قدامي
يا صعب درب الشتات اللي تساهلته

مشيت فيه ابني مع الخطوة أحلامي
ورغم ان الآمال خابت فيك كملته

مدري غموضك يزيد الجرح وآلامي
ولا آخر الحب ما يشبه لأولته

تقول لي لا تجي يمي بالاقدامي
وعيونك تقول لي عكس الذي قلته

.....

رد: فوق هام السحب ( الشعر الشعبي) على متن القوافي
 

اشفق على شوفه وضحكة حجاجه
واشتاق له شوق المغاليق للبوح

واليا ارتخى ليله وولع سراجه
جريت له صوتٍ من الشوق مبحوح

.....

رد: فوق هام السحب ( الشعر الشعبي) على متن القوافي
 

لـو الغياب يحس في لوعة الشوق
‏ماياخذ اللي في حشى الروح ساكن

‏لكن على الله ما يعوق اللقا عوق
‏ويعود محبوب النظررر والأماكن

.....

رد: فوق هام السحب ( الشعر الشعبي) على متن القوافي
 

‏اي والله ان الطيب يبقا والعمر فاني
‏ومن يزرع الطيب ماخابت محاصيله

.....

رد: فوق هام السحب ( الشعر الشعبي) على متن القوافي
 

قلوبنا من طيبها تحفظ الطيب
واللي يجينا من ردى الناس ننساه

.....

رد: فوق هام السحب ( الشعر الشعبي) على متن القوافي
 

حاول تميزني عن باقي الناس
‏مالله خلقني يا ابيض الوجه عادي

‏عطهم مساء الخير والورد لا باس
‏وعطني مساء الحب في صوت هادي

.....

رد: فوق هام السحب ( الشعر الشعبي) على متن القوافي
 

‏مرحبّا يا غاية القلب واقصى منتهاه
‏ريف قلبي جعل عُمري معك ما ينتهي

‏والله أنك وسط قلبي وهذا مبتغاه
‏والعمر من دون وصلك ترى ما ينشري

‏والله أنك زين مبسم وطبع وزين جاه
‏جعل عين الناس منك تسجّ وتلتهي
‏
.....

رد: فوق هام السحب ( الشعر الشعبي) على متن القوافي
 

‏مالي حل معك إلا الصمت و الحيره
‏تركت درب العتب من كثر ما فيني

‏طبعك تغير معاي وصعب تفسيره
‏تجرح شعوري جفا وتقول تغليني

.....

رد: فوق هام السحب ( الشعر الشعبي) على متن القوافي
 

‏نبغي نسج شوي من دون تبرير
لحدٍ يحسب انه حدا والدينا

ما.باقي الا طلعة المرقب عصير
انكان قد فيها خشير انتهينا

.....

رد: فوق هام السحب ( الشعر الشعبي) على متن القوافي
 

لا صار لك شخصً تحبه وتغليه
‏لا تدخله في كل طاري وسيره

‏سكر عيون الناس لاصرت شاريه
‏محدٍ في هذا الوقت يعطيك خيره

.....