رد: فوق هام السحب ( الشعر الشعبي) على متن القوافي
 

جادك الغيث ياقفرٍ بصدري سناوي
‏له زمن ما نبت عشبه ولا سال سيله

‏فيه جرة هنوف وفيه مرقب نداوي
‏وفيه صوت يذكر كل خل بخليله

‏كيف ابسلاك يا وجه من الحسن ضاوي
‏العمى فيه يمكنه يقدي دليله

‏جيت له ناوي وضيعت وش كنت ناوي
‏جيت عابر سبيل وصرت راعي طويله

‏كانت عيونك الشاعر وانا كنت غاوي
‏وكنتي الغايه اللي بررت للوسيله

‏واجد اشباهك اليا عودن للغطاوي
‏وما لك اشباه لا من نقضن الجديله

‏فارقه مثل جدانك بيوم العزاوي
‏ونادره مثل حلم ما يجي كل ليله

‏يا جميله اليا ضاعت كبار الهقاوي
‏دوري لي من اسباب الرضا يا جميله

‏الزمن شح بك وانا ما عرف الرجاوي
‏اعرف اقول تبا لليدين البخيله

‏احسب انا تقاسمنا الغلا بالتساوي
‏ويوم شان الزمن كلٍ عرف وش حصيله

‏قسمها قسم طماعٍ مقاسم حياوي
‏ما قتنع بالكثير ولازهد بالقليله

‏قبلة الروح والايام ما عاد تاوي
‏انجدي روحي المتهالكه والعليله

‏راح عمري وانا للوصل احث الخطاوي
‏ولجلك احارب اعراف ومبادي قبيله
‏ما انكسر رمحي الا فوق درع الفتاوي

‏ويش اسوي وانا مسلم واحب الفضيله
‏اه يا قلبي اللي مال جرحك مداوي

‏اسف ان الزمن ما حط بيديك حيله
‏الخيارات في عمري ما فيها سماوي

‏وانتي من السماء طهر وبياض وفصيله
‏واجد اشياء في عمري بتبقى مناوي

‏انتي اهمها يالصعبه المستحيله

‏بندر الدويش
‏‌

رد: فوق هام السحب ( الشعر الشعبي) على متن القوافي
 

جادك الغيث ياقفرٍ بصدري سناوي
‏له زمن ما نبت عشبه ولا سال سيله

‏فيه جرة هنوف وفيه مرقب نداوي
‏وفيه صوت يذكر كل خل بخليله

‏كيف ابسلاك يا وجه من الحسن ضاوي
‏العمى فيه يمكنه يقدي دليله

‏جيت له ناوي وضيعت وش كنت ناوي
‏جيت عابر سبيل وصرت راعي طويله

‏كانت عيونك الشاعر وانا كنت غاوي
‏وكنتي الغايه اللي بررت للوسيله

‏واجد اشباهك اليا عودن للغطاوي
‏وما لك اشباه لا من نقضن الجديله

‏فارقه مثل جدانك بيوم العزاوي
‏ونادره مثل حلم ما يجي كل ليله

‏يا جميله اليا ضاعت كبار الهقاوي
‏دوري لي من اسباب الرضا يا جميله

‏الزمن شح بك وانا ما عرف الرجاوي
‏اعرف اقول تبا لليدين البخيله

‏احسب انا تقاسمنا الغلا بالتساوي
‏ويوم شان الزمن كلٍ عرف وش حصيله

‏قسمها قسم طماعٍ مقاسم حياوي
‏ما قتنع بالكثير ولازهد بالقليله

‏قبلة الروح والايام ما عاد تاوي
‏انجدي روحي المتهالكه والعليله

‏راح عمري وانا للوصل احث الخطاوي
‏ولجلك احارب اعراف ومبادي قبيله
‏ما انكسر رمحي الا فوق درع الفتاوي

‏ويش اسوي وانا مسلم واحب الفضيله
‏اه يا قلبي اللي مال جرحك مداوي

‏اسف ان الزمن ما حط بيديك حيله
‏الخيارات في عمري ما فيها سماوي

‏وانتي من السماء طهر وبياض وفصيله
‏واجد اشياء في عمري بتبقى مناوي

‏انتي اهمها يالصعبه المستحيله

‏بندر الدويش
‏‌

رد: فوق هام السحب ( الشعر الشعبي) على متن القوافي
 

يدور وقت الزمان بدقة الساعه
‏والناس تجري ولا تقضي حوايجها

‏الناس ماهي على رد الرزق مناعه
‏ارفع يدينك وقول يارب فرجها

.....

رد: فوق هام السحب ( الشعر الشعبي) على متن القوافي
 

في معجم الأحرار تعريف الانسان
‏كائن يموت ان ماتنفس كرامه

.....

رد: فوق هام السحب ( الشعر الشعبي) على متن القوافي
 

يامدعين الطيب للطيب منهاج
‏صعبٍ على اللي ودهم يدعونه

.....

رد: فوق هام السحب ( الشعر الشعبي) على متن القوافي
 

اشتقت لك يا صاحبي شوق صقار
‏شاف الحباري عقب ما باع طيره

.....

رد: فوق هام السحب ( الشعر الشعبي) على متن القوافي
 

العيب خله لا تجازيه بالعيب
‏راعي الردا يلقى رديٍ يعله

.....

رد: فوق هام السحب ( الشعر الشعبي) على متن القوافي
 

حي راسٍ ماتوطيه المصايب
‏يرتفع عند المصايب في علوه

‏خالقه ربي لوقفات الصعايب
‏الصعايب ما تزيده غير قوه

.....

رد: فوق هام السحب ( الشعر الشعبي) على متن القوافي
 

اغيب واشباهي تكاثر و إذا جيت
‏يبان لك فرق البشر في حضوري

.....

رد: فوق هام السحب ( الشعر الشعبي) على متن القوافي
 

خل البشر تذكرك بالخير والطيب
‏السمعه الزينه رصيد وغنيمه

‏إن جيت تلقى المسهلا والتراحيب
‏وإن غبت تمدحك النفوس الكريمه

.....