رد: فوق هام السحب ( الشعر الشعبي) على متن القوافي
 

رجل ليا زلت بك الرجل تلقاه
‏حبل النجاة الي بتوته غليظه
‏
ذيبً ليا شاف الخلل فيك يرفاه
‏عـزك يـعزه وانكـسارك يـهيضه
‏
ورجل بحزات الرخي جاه ووجـاه
‏لكن بوقت الضيق ما تستعيضه
‏
واللي زعل من خاطره لاترضاه
‏مادام ماسويت شيٍ يغيضه


.......

رد: فوق هام السحب ( الشعر الشعبي) على متن القوافي
 

إحفظ لسااانك، من البهتاان والغيبه
وأغنم حياة الهنا والسعد من بدري

من ينشغل في عيوب الناس عن عيبه
زادت عيوبه وهو مشغووول ما يدري

.......

رد: فوق هام السحب ( الشعر الشعبي) على متن القوافي
 

الهرج واجد والنوايا مطايا
وكلا حسب تفكيره يعامل الناس

ناس مظاهرها بعكس الخفايا
وناس علئ وضح النقاء ترفع الراس

.......

رد: فوق هام السحب ( الشعر الشعبي) على متن القوافي
 

ليتني داري وش اللي ورا سد القلوب
‏لجل أعامل كل واحد بعلمه وخبره

‏واحدٍ بعطيه مافي العيون وفـ الجيوب
‏واحدٍ بعطيه عرضه بوجهه ونحره

‏أبتلشنا بالمنافق وأبو وجهٍ كذوب
‏وواحدٍ تعطيه وجهك ويعطيك ظهره

.......

رد: فوق هام السحب ( الشعر الشعبي) على متن القوافي
 

أهم حاجة تعيـش ونظرتگ عليــا
لو ترخي السمع نص الناس هراجه

وان جاگ واحد مسوي فاهم الدنيآ؟
حاول تصيـر انت ماتفهم ولا حاجـه

.......

رد: فوق هام السحب ( الشعر الشعبي) على متن القوافي
 

خل عنك المحاتا وارخ جفنك ونام
أسهرك كثر خوفك لين ليلك سرى

التعب في عيونٍ مثل عينك حرام
وانت لا ابطيت عني كل طاري طرى

يفضحك دمع عينك لو منعت الكلام
وماتطيعك جفونك لو بغيت الكرى

كان قصدك محبتنا ؟ .. علـي الحـرام
وحدك اللي تعيش من الظلوع و ورى

.......

رد: فوق هام السحب ( الشعر الشعبي) على متن القوافي
 

‏نُخفي الولـه وقلوبنـا كلها شـوق
‏وعيـوننـا تفضـح غرامـاً خفينـاه

‏نِكتب مشاعرنا تحت راية الذوق
‏والحرف من جوف الحنايا كتبناه

.......

رد: فوق هام السحب ( الشعر الشعبي) على متن القوافي
 

‏الشوق يكبر وقدرك بالغلا يكبر
شف ودّك اللي خذاني وين وداني

من كثر مااشتاقلك وأغليك وأتصبر
قام يتلعثم حنين القلب بلساني

.......

رد: فوق هام السحب ( الشعر الشعبي) على متن القوافي
 

‏الحظيظ اللي من الوصل يملّا بك إيديه
ما لحق صدره من الهم و الضيق غلقه

من يقابل رمش عينك رضى ربي عليه
أشهد إن أمـه دعت له و ربي وفّقه

.......

رد: فوق هام السحب ( الشعر الشعبي) على متن القوافي
 

‏أن توفقنا من الله كسبنا كل طيب
الوجيه البيض ربك يزين .لونها

اتقهوى صبر واقدع من العقل اللبيب
واتجاهل كلمة اللاش وش مضمونها

......