رد: فوق هام السحب ( الشعر الشعبي) على متن القوافي
 

إن شانت الدنيا ترا العمر مقسوم
‏محدٍ حياته جت على ما يريده

‏دايم تفائل بالامل واترك اللوم
‏عش لحضتك واللي مضى لا تعيده

رد: فوق هام السحب ( الشعر الشعبي) على متن القوافي
 

الحظ ماهو حظ من يملك المال
‏الحظ حظ اللـي تمّسك بدينه

‏الخير في قلبه توّثق ولا زال
‏وبعد رضا الله مرضيٍ والدينه

رد: فوق هام السحب ( الشعر الشعبي) على متن القوافي
 

يابوي مالي في حياتي مطاليب
‏رضاك عني " غايتي وامنياتي "

‏يا تاج راسي يا معلمني الطيب
‏يا عزوتي يا هيبتي يا غناتي

رد: فوق هام السحب ( الشعر الشعبي) على متن القوافي
 

اللي تعود على الصاحين
يتعب مع العالم المرضى

مدام قولك وفعلك زين
اللي زعل منك لا يرضى

رد: فوق هام السحب ( الشعر الشعبي) على متن القوافي
 

سبحان من يعطي قـبول المخاليق
‏وسبحان من يفرق عطا عبد عن عبد

‏بعض الأوادم شوفها يجلي الضيق
‏وبعض الأوادم شوفها يلوع الكبد

رد: فوق هام السحب ( الشعر الشعبي) على متن القوافي
 

بعض العـرب طبعه صراحه يحيّر
‏ليا تركته جاك وإن جيت خلّآك
‏ظ°
‏و بعض العرب مثل الذهب ماتغيّر
‏مادام له عندك قدر صعب ينساك

رد: فوق هام السحب ( الشعر الشعبي) على متن القوافي
 

ادمح ( الزلة ) قدر ماتستطيع
‏وصد عن بعض الامور وخلها
‏
‏والمشاكل لو تجي مع كل ريع
‏( الله ) اللي جابها ويحلها

رد: فوق هام السحب ( الشعر الشعبي) على متن القوافي
 

اصبر على ما جاك وإقبل بما جاك
وحبل الرجا خله مباري لـ حبلك
ظ°
لو تضرب الدنيا من هناك لـ هناك
مالك من الدنيا سوى ما كتب لك

رد: فوق هام السحب ( الشعر الشعبي) على متن القوافي
 

ما تغيّر شي واللي فات ماله قيمه
‏علّم اللي ضيّع الفرحه ولا دوّرها!!

‏مابقى في ذا البلاد الا فقير وغيمه
‏كل مامرت عليه وشافها صورها.!!

رد: فوق هام السحب ( الشعر الشعبي) على متن القوافي
 

‏تظاهرت اني سالي ولاعلي خلاف
‏وعيني تروب بصافي الدمع وتريقه

‏هني من غفت عينه بنومه وجر لحاف
‏ولاقزته بعض التفاكير و الضيقه

رد: فوق هام السحب ( الشعر الشعبي) على متن القوافي
 

والله ماينكر فضلها غير جاحد
‏هي جنه الدنيا وروح المواعيد

‏ماينحصر حب امي بيوم واحد
‏بوجودها كل الليالي لنا عيد .

رد: فوق هام السحب ( الشعر الشعبي) على متن القوافي
 

‏سامحــوني لو حصـل مني خــطا
واعـذروني وان حصل مني قصـور

الحــــياه الفــانيه أخــــــذ وعـطا
ســنة الدنيــا على مر العصـــور

رد: فوق هام السحب ( الشعر الشعبي) على متن القوافي
 

‏لا ضـاقت الدنيـا عـلى الجيـد ضـاقت
تنزل علـى قـلـبه بضـربه عمـيقـه

وان قـررت فـي أي لـحظـه وراقـت
تحـسب علـيه الـثانيه والدقـيقـه

رد: فوق هام السحب ( الشعر الشعبي) على متن القوافي
 

زرع الجميل اثمــر بردات الجـمايل
والقبيلة مصنع الفعـــــل الــــجميل

عمر الفسالة جرم في شرع القبايل
ترك الشرف والعرف فيها مستحيل

اصل الرجال اقحـاح يادار الاصايل
ما يبلغ العزة ســـوى غير الاصــيل

رد: فوق هام السحب ( الشعر الشعبي) على متن القوافي
 

على مدار اليوم جالس على جوالي
فاتح النت ومن تطبيق الى تطبيق

مامعي شي بس من ضيق حــــالي
ادور على شي يبعـــد عني الضيق

ولنّي وحيد ومامعي احـــــد غالي
صــرت اعبس الوجه وابزق الريق

رد: فوق هام السحب ( الشعر الشعبي) على متن القوافي
 

‏كبر البيوت وصغرها مالها دور
من ناحية طيب الرجال ورداها

كم بيت ياكبره من الناس مهجور
من قل ماتلقى كرامة لحاها

وكم بيت ياصغره وبالناس معمور
إمّا غداها فيه وإلا عشاها

رد: فوق هام السحب ( الشعر الشعبي) على متن القوافي
 

‏من أول العربان لاجاهم الضيف
العود يدرج والدلال معموره

واليوم لاتنشد عن العود والكيف
اهم شي تاخذ مع الضيف صوره

رد: فوق هام السحب ( الشعر الشعبي) على متن القوافي
 

‏ما للبيوت العامره طعم يا سعود
إذا خلت في يوم من حس شايـب

بيبانها طرما وجدرانها ســــــود
ويصفق درايشها قوي الهبايـــب

في كل ركن لحزنها اثبات وشهود
على فراق مهونين الصعايــــــب

كانوا هنا وكان السعد ماله حـدود
وكان الرضا يملا قلوب الحبايــب

رد: فوق هام السحب ( الشعر الشعبي) على متن القوافي
 

ماكل عاوي في الفلا نحسبه ذيب
بعض البشر يهدر و وضعه عويله

ولا كل من يقنص يجيب المكاسيب
الطيب بيِّن مايبي له دليله

رد: فوق هام السحب ( الشعر الشعبي) على متن القوافي
 

راع الردى لا تجبرونه على الطيب
العبـد مالـه غيـر مـالله كتـب لـه

اشهد شهادة حق مدح الردي عيب
مثل الصلاه اللي على غير قبله

رد: فوق هام السحب ( الشعر الشعبي) على متن القوافي
 

‏تجود النفوس اللي من الاصل فيها جود
‏ويقدم على الجزلات من يعشق الجزله

‏عساني ما ألد العين للي رداه يزود
‏ولا اسوق رجلي يم ابو نيّةٍ هزله

رد: فوق هام السحب ( الشعر الشعبي) على متن القوافي
 

‏لاصرت ماتتعب على النعم قدر المستطاع
‏صدت ولفت لك ظهرها وعطتك عرقوبها

‏واليا تملكت الكرم والحكمه وطول الذراع
‏لاتشغلك نفسك تراك اعطيتها ماجوبها

‏والواحد اللي لاحكيم ولاكريم ولاشجاع
‏مفروض يعطي ثوبه الحرمه ويلبس ثوبها

رد: فوق هام السحب ( الشعر الشعبي) على متن القوافي
 

‏ماعاد في قلبي من الحب تذكار
‏هذي الحياه وهذي إحدى سننها

‏العاشق اللي كانت أحلامه كبار
‏صلى عليها ركعتين . . و دفنها ..

رد: فوق هام السحب ( الشعر الشعبي) على متن القوافي
 

على الزعل والضيق حنّا كبرنا
ماعاد فيه أشياء تستاهل الضيق

واذا اعتزلنا الكلّ محدٍ جبرنا !
العزله أصدق من وجيه المخاليق

حتّى على صدّ الحبايب صبرنا !
الحلم لولا الصبر مافيه تحقيق

من كثر خيبات الحياه اعتبرنا !
العمر لحظة والليالي توافيق

رد: فوق هام السحب ( الشعر الشعبي) على متن القوافي
 

مادام جودات الفتى من ذراعه
فانا طويل الباع ماني بمجهول

ماني امير مير طيب جماعه
سيف لربعي بالمواجيب مسلول

لاقدموني لابتي ظرف ساعه
قدمتهم قدام خمسة عشر حول

رد: فوق هام السحب ( الشعر الشعبي) على متن القوافي
 

الرجل لامنه تكبــــر علــى الناس
تـــراه من ورك المطيـــه تــدلا

لو هو من شيوخٍ بعيدين الأرماس
من يستهين بحق الأجواد ولا

لاجنّب الواجب ودلبح مع الساس
وانحاز مع بعض الوجيه يتسلاّ

مثل الجمل ماعنده شعور واحساس
اليا ملا بطنه تياسر وفلاّ

رد: فوق هام السحب ( الشعر الشعبي) على متن القوافي
 

ابسط حقوق الحب " الصدق و الوفــــاء
واكبر حقوقه " تضحيه تتبعها مجــازفه

واعظم حقاره بالحب وصلّ بعده جفـاء
وتضمد الجروح الا جروح الحب نــازفه

رد: فوق هام السحب ( الشعر الشعبي) على متن القوافي
 

خنّت المحبه وكنت احسبــك وافي
حسبي الله فيك ياناكـــــــر العشره

ادري انك بدوني بخير ومتعــــافي
واحب اشكرك على الدرس والعبره

رد: فوق هام السحب ( الشعر الشعبي) على متن القوافي
 

بان المغطى وانكشفت الحقايق
ولا عاد شي يزور حال واقعنــا

غزه باتت بين اللهب والحرايق
وذل اصحاب المعالي واجعنـــا

رد: فوق هام السحب ( الشعر الشعبي) على متن القوافي
 

مايحب الاشعار الا انســـــان فيه عله
اما حزين او "فقد له غالي" او ضايق

مثلي انا الشـــاعر كم لي اعذب الدله
لجل البيوت اللي تخلي الحزين رايق

رد: فوق هام السحب ( الشعر الشعبي) على متن القوافي
 

‏وينك تعال اليوم ودي. آحاكيك
ودي اقول اللي بصدري..... خفيته

انت الوحيد اللي خفوقي يناديك
وانت الوحيد اللي بعمري.. بغيته

رد: فوق هام السحب ( الشعر الشعبي) على متن القوافي
 

من رافق الخايب سكن دوم واياه
لبس الدناسه عقب لبس الجدادي

ومن طاوع الشيطان في دينه اغواه
يصبح غريقن بين الامواج غادي

ومن عاشر الطيب ترى الطيب شرواه
وبالطيب يرقى نايفات المباديء

خلك مع الطيب وممشاك ممشاه
ورافق من الربع القروم العوادي

عز الفتى دينه وسلمه ومرباه
وربعه عضوده عند قدح الزنادي

تاقف معه وبقدر الامكان تحماه
لا صار باطراف الحبال انعقادي

رد: فوق هام السحب ( الشعر الشعبي) على متن القوافي
 

والله لو نتبع من الناس زلات
لغير نبقى بالمجالس وحدنا

لكن نصد.. ونحتفظ بالعلاقات
ونبقى على الخوه ونوفي وعدنا

رد: فوق هام السحب ( الشعر الشعبي) على متن القوافي
 

والله لو نتبع من الناس زلات
لغير نبقى بالمجالس وحدنا

لكن نصد.. ونحتفظ بالعلاقات
ونبقى على الخوه ونوفي وعدنا

رد: فوق هام السحب ( الشعر الشعبي) على متن القوافي
 

محتاج لي شخص يسمعني ويفهمني
ودي افضفض عن اللي بالحشا خافي

تعبت اخفي الهموم اللي تزاحمني
وعجزت لاقول لـهموم الزمن كافي

رد: فوق هام السحب ( الشعر الشعبي) على متن القوافي
 

يالله ياعزيزاً ف سماك العاليه
رجاك ولارجا عبادك البخالي

ليا ضاقت علي دنياك دانيه
رب البشر منت بتتركني خالي

رد: فوق هام السحب ( الشعر الشعبي) على متن القوافي
 

صبرنا على حمل النوايب لو انها ثقال
عليها انتداحم لا اختلفنا ولا خفنا

خذينا من الدنيا طناخة وطولة بال
ولا غيرت صكات الايام موقفنا

رد: فوق هام السحب ( الشعر الشعبي) على متن القوافي
 

خطاك عندي قابرك وانت مامت
تثبت لك الايام ليه اتكلم

مهو دليل الود شفتك وسلمت
الي يمر القبر سنه يسلم

رد: فوق هام السحب ( الشعر الشعبي) على متن القوافي
 

يارب جملني مع كل محتاج
ولا تدع لي عند الانذال حاجه

نفسي عزيزه والكرامه كما التاج
والقلب حاكم جيد والعز تاجه

رد: فوق هام السحب ( الشعر الشعبي) على متن القوافي
 

الذيب ذيب يستاهل كل مايريد
والرجل رجل ما يحصل منه تقصير

الفعل باين فى النشاما الصناديد
اللى تجيب الحق بالسيف وتسير