رد: اخترنا لكم شعر نبطي وفصيح
 

يالله برزق ما صعق دونه الباب
‏ولا وقف قطّاع الأرزاق دونه

.....

رد: اخترنا لكم شعر نبطي وفصيح
 

زادك الله فوق خلق الله قبول
‏ من يقول ان البشر متساويه

.....

رد: اخترنا لكم شعر نبطي وفصيح
 

مرّت سنين العمر في لمحة بصر
‏ ولا دريت إلين قمت أعدّها

‏مدري كبرت بعمري او عمري قصر
‏ أثر الليالي المسرعة من جدّها

.....

رد: اخترنا لكم شعر نبطي وفصيح
 

يجوز إن اللِيالي ما تخلينا نعُود أحباب
‏ ولكن الأكيد إن الليالي ما تنسّينا

.....

رد: اخترنا لكم شعر نبطي وفصيح
 

‏بيمدحون الناس وإلا يسبّون
‏ماغيرك اطلبه الرضا والمعونه

‏أجيهم بوجهٍ مقدّر ومصيون
‏لكنّ أجيك بوجه ما يعرفونه

‏ياليتني لاصغر عطا ياك ممنون
‏إنّي على رغم الجهل والرعونه

‏أظهرت منّي للبشر ما يحبّون
‏وسترت عنهم كلّ ما يكرهونه

.....

رد: اخترنا لكم شعر نبطي وفصيح
 

على الراحلين اللي بقى ذكرهم ماراح
سلام الفؤاد اللي يسلم هو صآدق

.....

رد: اخترنا لكم شعر نبطي وفصيح
 

‏من يجي قبره يسلم عليه ازكى السلام
‏جعل قبره روضة في الجنان معلقه

‏علموه ان صرح عزه بلغ حد الغمام
‏وسمعته بين الجدي والنجوم محلقه

‏وعلموه ان البل بخير واهلها تمام
‏كون روح من وجع غيبته متغلقه

.....

رد: اخترنا لكم شعر نبطي وفصيح
 

‏لك الله ما يعلّ الكبد ويحن الضلوع العوج
‏سوى ذكرى تراودني ما بين الحلم والواقع

.....

رد: اخترنا لكم شعر نبطي وفصيح
 

يا كثر ما اخطي ليا من ثارت اعصابي
واثر الخطاء والتسرّع ميزة الجاهل

كم واحدٍ خابره من خيرة اصحابي
ضيّقت صدره وهو ماهوب يستاهل

.....

رد: اخترنا لكم شعر نبطي وفصيح
 

اتصنع بالسعاده وقول اني مجار
‏والسعاده في الهوى ماعرفت اذوقها

‏واتحلى بالشجاعه واقول الذل عار
‏واطلب الله بالقطاعة تلوح بروقها

‏احسب اني فزت واقول لنا رديت ثار
‏ماحسبت احساب طعناتها وافتوقها

.....

رد: اخترنا لكم شعر نبطي وفصيح
 

ذنبك على جنبك ولا لي شغل فيك
ما دام مأنت بتستمع للنصيحه

كل ما نصحتك تحسب اني معاديك
وانا اشوف انياب حولك كليحه

قال المثل خلك مع من يبكيك
من يضحكك دوّر عليك الفضيحه

.....

رد: اخترنا لكم شعر نبطي وفصيح
 

ياربّ خذني من بساط الدالهين الغافلين
وأجعل بنفسي لامشت درب الخطيّه تنفره

وأرزقني القدره على التقوى وبر الوالدين
أبي من الكره أخيره وأبي من الخيّر أوفره

وأجعل كتابي لاخذيته ما أخذ إلا باليمين
مع النفوس الراضيه ومع الوجيه المسفره

آمين

رد: اخترنا لكم شعر نبطي وفصيح
 

خابرٍ قدك رهيف وخابرٍ وجهك خيالي
‏وخابر انك ماخذ من الريم لفتاته وعينه

.....

رد: اخترنا لكم شعر نبطي وفصيح
 

تمتع واضحك بوجهي كِبر واللي يصير يصير
‏ابيك تغيض حزني لين يطلع عن مدى طوره

‏يصبرني على بعض الشعور انّك لا زلت بخير
‏انا احوالي ليا منّك غديت بخير مستوره

.....

رد: اخترنا لكم شعر نبطي وفصيح
 

ياعديل الروح وش لك بالظلايم
‏ليه تفتح للجفى بابٍ مسكر

‏كبروا راسك مناديب النمايم
‏غييروك وجوك الصافي تعكر

‏غرك اني ماتسمع فيك لايم
‏من مجاميع المؤنث والمذكر

‏وتحسب ان قلبي ملكته ملك دايم
‏يوم شفته لا يخوون ولا تنكر

‏انتبه من سجة القلب المهايم
‏لا نسى ينسى ولا عاد يتذكر

.....

رد: اخترنا لكم شعر نبطي وفصيح
 

أعصابي التالفه صارت محطّة عبور
‏ان مرّها شيء عدّا ما ألتوى كاحله
‏
لفّيت وجهي أدوّر في ظلامي لنُور
‏وفتّحت بيباني اللي من سنَه قافله
‏
مدري تساوت بعيني ولّا قلبي صبور
‏عيوني لو شافت العثرات متفائله
‏
والذكريات الكثيره من صور او عطور
‏خلّتني ما ألتفت للعالم الراحله

.....

رد: اخترنا لكم شعر نبطي وفصيح
 

هون على نفسك إذا ضقت وتهون
لا تنشغل بالشرح والجرح جرحك
ِ
الي يبي كرهك بيكرهك من دون
واللي يحبك ما هو محتاج شرحك

.....

رد: اخترنا لكم شعر نبطي وفصيح
 

سوالفه من حرير وضحكته ونسه
‏رقراق نهرٍ على طول السنه يجري

.....

رد: اخترنا لكم شعر نبطي وفصيح
 

ولا زال الغلا ثابت ومنزاله خفوق وعين
‏مادام أني على وجه الثرى بموت وأحيا به

.....

رد: اخترنا لكم شعر نبطي وفصيح
 

بسمتك فرحة ضيف جايعٍ في قُرى بدوٌ كرام
ومعزبّة من كثر جوده فك صدره ودخله

.....

رد: اخترنا لكم شعر نبطي وفصيح
 

أنا يا رب لو كانت حظوظي في حياتي قلّ
‏عزاي إنك لطيف وكل شيٍ موكلك امره

سبحانه

رد: اخترنا لكم شعر نبطي وفصيح
 

‏انا ماهمني لاصار سيلي عارفٍ مجراه
‏ابفرش ضحكتي بعيون كل الي يمرّوني

.....

رد: اخترنا لكم شعر نبطي وفصيح
 

تعال واخذ مَحلّك وأنت راعي محل
‏وأتركني ابدأ سوالفنا بتفكيرنا

‏تتوقع الناس فالمريخ والا زُحل
‏الأرض ما أشوف فوق ترابها غيرنا

.....

رد: اخترنا لكم شعر نبطي وفصيح
 

اكبر هموم القلب تركك للصلاة
والا ترى الدنيـا مشاكلها تهـون

ما تستريح النفس وتزين الحياة
إلا مع اللي يركعون ويسجدون

.....

رد: اخترنا لكم شعر نبطي وفصيح
 

قديمي وانت غافل عن مداي ولا سردت أعذار
أنا كم لي أصالح ماضي أيامك وأحاربها

.....

رد: اخترنا لكم شعر نبطي وفصيح
 

بيني وبين صويحبي وقّفتْ احوال
‏يامن يدير الصلح بينه وبيني
‏
‏واعطيه ماتملك يميني من المال
‏واجعل مقرّه بين جفني وعيني

.....

رد: اخترنا لكم شعر نبطي وفصيح
 

ودع الليل العتيم ولا تمره
وكل ذكرى طالبك حس بوجعها

وإن تلقيت الليالي وشفت جره
صد عنها لا تفكر تتبعها

من عرفتك ماعرفت الا المضره
وقبل اعرفك اعرف الدنيا وسنعها

يا حبيبي لا تضيق ولا اتشره
وانت تدري في غلاتك ما اصطنعها

الحياه إن ضايقتنا مستمره
والحزن مافاد هالناس ونفعها

.....

رد: اخترنا لكم شعر نبطي وفصيح
 

‏انا ويّاك رحنا والزمن اللي جمعنا راح
‏ولكن ذكرياتك من خيالي وش يروّحها

‏صورك استوطنت ذاكرتي وعاشت بسبع ارواح
‏لو يطول الزمن مايقدر يشوّه ملامحها

.....

رد: اخترنا لكم شعر نبطي وفصيح
 

اليا زعلت انتبه ترضى على ادنى كلام
من يضمن رضاك ما يحسب حساب زعلك

مسهوج الدوح

رد: اخترنا لكم شعر نبطي وفصيح
 

أنا بين التجاهل والضجيج ودوشة الإدراك
‏ أفتّش عن مفاتيح الطريق وألقاك قدامي

.....

رد: اخترنا لكم شعر نبطي وفصيح
 

تجيبك في ربوع الذاكره يا صفوة الخطّار
‏مقاديرٍ رمت بك في طريقي وانت ما تدري

‏على ربعة خفوقٍ مرحباه يعيدها تكرار
‏لاجيت تقوم من كثر الحفاوه قال لك بدري

.....

رد: اخترنا لكم شعر نبطي وفصيح
 

ابي طريق بدون نقطه ورادار
‏با ابعد عن الازعاج واروح سيده

‏من ضجّة العالم ومن زحمة الدار
‏زاد الملل والصبر على الحديده

‏خلوني اطلع يا طويلين الاعمار
‏لين الخيال الواسع افك قيده

‏واليا سريت مع الطواري والافكار
‏اما رجعت بجرح ولا قصيده

.....

رد: اخترنا لكم شعر نبطي وفصيح
 

‏ياوجودي ⁦ لا⁩⁦ أقبل⁩⁦ الليل⁩والصدر محشور
‏والبلد غيم سماها وغاب اهلالها

‏ويش اسوي في سؤالٍ على بالي يدور
‏عقدةٍ فالحبل ما حلها حلالها

‏ادري إني لو تعذرت مانيب معذور
‏هقوة الطيب على الناس تفرض حالها


.....

رد: اخترنا لكم شعر نبطي وفصيح
 

لو لي ثلاثين بال تمر في كل بال
كنك موصي على بالي وطبعك عجول

ايه والله اشتقت وايامي بدونك ثقال
واشتقت لجروحك اللي كم لها من قبُـول

.....

رد: اخترنا لكم شعر نبطي وفصيح
 

خذ من السّعه إياك تاخذ من الضيق
‏ما ضاقت الدنيا الوسيعه بأهلها

‏وسج القـدم والله عليه التوافيق
‏ وأليـا جفتك الدار دور بدلها

.....

رد: اخترنا لكم شعر نبطي وفصيح
 

‏لا توصّي وانت ما تحتاج في حبّك وصايه
‏وين اروح ووين اوجّه وانت في كل النواحي

‏ما يفرّط فيك غير اللي معه قلّة صحايه
‏مستحيل انه يفرّط فيك مستبّصر وصاحي

.....

رد: اخترنا لكم شعر نبطي وفصيح
 

لييَيت من يدري بحبه وياثق من غلاه
‏لا سعى في جروح قلبي سعى فاعلاجها

‏واحدٍ ربي من الزين والقبله عطاه
‏يستللم عرش المحبه ويلبس تاجها

‏مثل ما يحتاج الانسان للماء فالحياه
‏الدروب اللي تودّي عليه احتاجها

.....

رد: اخترنا لكم شعر نبطي وفصيح
 

ما دام الحياة الفانيه فانيه لا بد
فلا تعطي اوقاتك سوى من يثمنها

.....

رد: اخترنا لكم شعر نبطي وفصيح
 

ظروفنا كثرت وقلت خطانا
ولا عاد ندري وش جديد الجماعه

يطيب جرح وجرح قام يحدانا
والناس تحسبنا نحب القطاعه

.....

رد: اخترنا لكم شعر نبطي وفصيح
 

لا تعاتبني تراي من الزمان اعاني
‏يا رفيقٍ جعل ربي مايغيّب شمسه

‏الظروف تخلي الأنسان واحد ثاني
‏لين يوصل مرحلة ماعاد يعرف نفسه

.....