رد: اخترنا لكم شعر نبطي وفصيح
 

ماذا تَقولينَ فيمَن شَفَّهُ سَهَرٌ
مِن جَهدِ حُبِّكِ حَتّى صارَ حَيرانا

.....

رد: اخترنا لكم شعر نبطي وفصيح
 

يُساءُ فهمك بين الناس أحيانا
‏ فيخلقون لك الاوصاف ألوانا

فقد تكون ملاكاً عند بعضهم
‏وقد تكون بعين البعض شيطانا
.....

رد: اخترنا لكم شعر نبطي وفصيح
 

اناشــــــدك بالله يا شـــــوق باللهون
قلبي فقـد يا شـــوق كامـــل عزومه

على الحبيب اللي في الروح مدفون
الغايـــب اللي في خـيالــــي رسـومه

ياشـوق خـذنــي وين ماكان ويكون
ودي ازور الـزين واعـــــرف عـلــومه

حـتـى ولو قالـــوا لي الناس مجنون
انا اعـرف المجـــنـــون ماحـد يلومه

.....

رد: اخترنا لكم شعر نبطي وفصيح
 

‏عطني جروحك كلها وارقد الليل
واترك عيوني للسهر ترقب الضي

كل ماتضايق خاطرك ضمني حيل
لا تشتكي للناس همك وانا حي

.....

رد: اخترنا لكم شعر نبطي وفصيح
 

تـدري احبك وارسمك في خيالي
‏يالـي مـكـانـك مـاتـعـداه مخلوق

‏ماجيتك بمظهر كذب واحتيالي
‏جيتك اسير الحب والود والشوق

.....

رد: اخترنا لكم شعر نبطي وفصيح
 

‏طيّب المعدن مثل عودٍ معتّق
كل مازاد الزمن يزداد طيبه

.....

رد: اخترنا لكم شعر نبطي وفصيح
 

يالله بحظٍ يطيب العمر من طيبه
يجبر كسور الزمن ويشيل عثراته

.....

رد: اخترنا لكم شعر نبطي وفصيح
 

يموت الغلا من قلة الوصل والتقدير
مثل موتة المعروف لا صار به منّه

.....

رد: اخترنا لكم شعر نبطي وفصيح
 

الذكريات القديمه جرح ما يبرى
لا مرت البال تسرقني طواريها

.....

رد: اخترنا لكم شعر نبطي وفصيح
 

اعرضوا يا جملة الناس عن كثر النزاع
كل عيـنٍ تنثر الدمـع ما هي ناسيه

.....

رد: اخترنا لكم شعر نبطي وفصيح
 

‏يمكن تقدر صحبتي عقب فرقاي
‏لا جاك ليلٍ سرمــدي مارقــدته

‏ماراح تعرف قيمتي وانت ويــاي
‏الماء تحس بقيمته لا فقــدته

.....

رد: اخترنا لكم شعر نبطي وفصيح
 

البارحه جانا علشان معروف
عقب إنتهى معروفنآ مآعرفنــا

مانلحق المنّه ولا نلحق حسوف
الطيب موقف والجمايل هدفنا

.....

رد: اخترنا لكم شعر نبطي وفصيح
 

من الأبيات الدارجة وأصبحت حكمة للشاعر
عبدالله بن زويبن رحمه الله
- قوله:
خلّك شمالي عن زلّة قرايبك
وعند الحقوق ليا نصنّك حجازي

- وقولة:
الناس بالحق حكم الشيخ مارضاها
ما ترضي الناس لو إنك تحججها

- وله أيضًا:
ماراح من دنيا الفنى بألف طقّاق
العمر سلفه والاوادم طراقي

رد: اخترنا لكم شعر نبطي وفصيح
 

الخوف ما فك الحباري من المـوت
والمـدح ما يرفـع مقـام الهلامـه

لو كان يملك له عمـارات وبيـوت
وان زاد مالـه ما يـزود مقـامـه

المال يفنا واخر اعمارنـا نمـوت
والذكـر يبقـى للنشامـا عـلامـه

عبدالله العصيمي

رد: اخترنا لكم شعر نبطي وفصيح
 

الطيب مثل النايفات الشواهيق
ماهوب سلعه من بغاها شـراها

والمرجـله من عنـد ربي توافيق
ما كـل من دوّر علـيهـا لقـاهــا
‎
سعود قنيفذ

رد: اخترنا لكم شعر نبطي وفصيح
 

الي يدورله سبب لين يزعللك
لو ياكلك ذيب الخلا لا تمره

.....

رد: اخترنا لكم شعر نبطي وفصيح
 

دق جوال سعد بن جدلان(رحمه الله) دقه وسكر
وسأل واحد من اخوياه.. من اللي دق قال
(مهنا السعدي)
قال:

القل حطم طموحي والفقر فاجر
ومن الغرابيل جاني شيبي مبكر

ولو انك بوسط روض عشبه مشاجر
قل الدراهم يخلي الجو متعكر

وحتى (مهنا) من اول نحسبه تاجر
وفي تالي الوقت قام يدق ويسكر

رد: اخترنا لكم شعر نبطي وفصيح
 

ما يفرح الرجال طيحة بناخيه
ولا يزعل الطيب نجاح ابن عمه

واللي يحارب بالمواقف عوانيه
انا اشهد ان الحسد يجري بدمه


المجاراة :
والحسد علة قلب ابسط معانيه
يلبس الرجال ثوب المذمه

ولا ينجذب للعز والطيب راعيه
ولا يندفع نحو الامور المهمه

بالمختصر راعيه محدن يدانيه
وهو سلعته مابين غيبه ونمه

رد: اخترنا لكم شعر نبطي وفصيح
 

ماهمني ضرب العصا في ظلالي
مدام ظلي يحرق قلوب واعصاب

اخسر وجيه اهل الحسد والتعالي
واكسب كنوز اهل المعزه والاداب

.....

رد: اخترنا لكم شعر نبطي وفصيح
 

زلة بني عمك وغلطة مصافيك
وهفوة خويك طوها في كفنها

والمعوز اللي حده الفقر عانيك
عطه الحذية لو تسلف ثمنها

ولا تستمع للهرج لا حل طاريك
بعض السوالف قفل الإذن عنها

خلك جبل لا يستفزك معاديك
خله يموت بعلته ما حقنها
‎

مرزوق الصبحي

رد: اخترنا لكم شعر نبطي وفصيح
 

الصمت عن هرج المخاليق نوماس
بعض الهروج الخوض فيها حسافه

نـصـيحـتـي يـا كل قـرم وقـرنـاس
احسـب لهـرج في النهـاية تعـافـه

ولاجيت لك مجلس هروجٍ وهمّاس
أتـبع سـمان الهرج واترك خفـافـه

والـزم لسانك عن دنس كل دنـاس
وبينك وبين اهل الدنا اترك مسافه

سعد ال عاصي

رد: اخترنا لكم شعر نبطي وفصيح
 

احيان ما ودك تردى مع الخلق
بعض البشر يعصرك من جانب اللين

لكن على ما قيل لا وصلت الحلق
ما دون حلقك بعدها غير اليدين

حدود العلاقة تفلق المعتدي فلق
وانا وضعت رسومها بين حدين

حدٍ مع الطيب وبحجاجه الطلق
يردعك عن زلة قدم عنده تبين

وحدٍ مع الخيّب ولو ما لنا خلق
نردعه لين انه يعرف الخطا زين

‎فريد السحيمي

رد: اخترنا لكم شعر نبطي وفصيح
 

يالله تقديني لدرب الصالحين
اللي مافيهم لا نفاق ولا ريا

وانا فوجهك من وجيه الكارهين
ومْن الرخوم ومن قليلين الحيا

.....

رد: اخترنا لكم شعر نبطي وفصيح
 

ياقاضي الحاجات يامالك الملك
لا تحط لي بيدين الأنذال حاجه

يارب لوهي حاجتي أبره وسلك
جودك شرف وأفخر بجودك وتاجه

.....

رد: اخترنا لكم شعر نبطي وفصيح
 

الناس جاها بلا ما تشوف معروفك
مليون مره تسوق الطيب لرضاها

وليا تعذرت مره صعبه ضروفك
ماتعذرك تجحد فعولك وتنساها

.....

رد: اخترنا لكم شعر نبطي وفصيح
 

إذا قهرتك ظروفك والدهر خانــك
فالله هو الواحد القادرعلى جبرك

إذا تقدم عطاه بيفحص إيـمـانـك
وإذ تأخـر عطاه بيختبر صبــرك

لا تشكي الحال حتى لاقرب اخوانـك
الناس يا صـاحبي ما هـم علــى خبرك

حتا ليا مت ما حزنو على شانـك
اتلى العهدفيك لا حطوك في قبرك

مهنا الاكلبي

رد: اخترنا لكم شعر نبطي وفصيح
 

ديارٍ قفر الأرسال في جوها مقطوع
وعليها الخفوق يتوق بـ آقصى شراينه

مع شقتن تاخذ مابين العروق فروع
ياكم جر راعي المور معها تلاحينه

مداهيل ذودً صخف ومهذبات طبوع
لها الحال وآلها المال والقلب مصخينه

فنى العود عمره عندها ماقصره أسبوع
على شفها يهدي الزمان أجمل سنينه

.....

رد: اخترنا لكم شعر نبطي وفصيح
 

من باب الإعجاب لا تسأل عن اعجابـي
اسـألنـي تـحـب و بـجـاوبـك حبيـتـك

اي والله إني عشقتـك يا آخـر احبـابـي
وصديت عن مجمل الناس من جيتـك

فـي وجـه غيـرك مسكـر عينـي وبابـي
غـالـي و زاد الـغـلا يـوم إنـي اغـليـتك

شفنـي لـيـا مـر طيفـك فـزة اهدابـي
وشلون لا منك زهمت اسمي ولبيتـك

.....

رد: اخترنا لكم شعر نبطي وفصيح
 

إن ضاقت الأرض كان الحب ياسعنا
معقولة أيامنا صارت من الماضي

كل ما جلست بمكانٍ كان يجمعنا
يملاني الشوق من كرسيّه الفاضي

.....

رد: اخترنا لكم شعر نبطي وفصيح
 

أَبا ثَعلَبٍ حَيّاك رَبّك كُلَّما
تَغَنّى بِأَفنانِ الأَراكِ حَمامُ

عَلَيكَ سَلام مِن أَخٍ لك ناصِحٍ
وَقلَّ لَهُ مِنّي عَلَيكَ سَلامُ

.....

رد: اخترنا لكم شعر نبطي وفصيح
 

يارب يسرها على كل ضايق
ورفع ستار الهم عن كل محزون

لو كان في درب السعادة عوائق
تهون مع رحمتك يا خالق الكون

آمين

رد: اخترنا لكم شعر نبطي وفصيح
 

ماهو صحيح الصمت يحتاج له بوح
مرات بوحك يجرحك وانت ساهي

تدري متى جرحك يخاونّه جروح
لاصار كلٍّ يسمعك بس لاهـي

.....

رد: اخترنا لكم شعر نبطي وفصيح
 

يا صاحبي لو تسـمع هـروج عني
من ناس قالوا كلمة ما لها ساس

حاول تعــاملني بما شفت مني
ما هو تعـاملني بما قالـوا الناس

.....

رد: اخترنا لكم شعر نبطي وفصيح
 

‏عقب الغلا ومزارق الطيب بالطيب
‏صار الغلا والطيب ذكرى قديمه

‌‏الله يعين اللي جروحه معاطيب
‏وباقي على مبدأ وشيمه وقيمه

.....

رد: اخترنا لكم شعر نبطي وفصيح
 

ارسم لنفسك حدودٍ لا تعداها
‏من حط نفسه بدرب الضيق يحرجها

.....

رد: اخترنا لكم شعر نبطي وفصيح
 

ان غبت خلوني على راحتي شوي
‏احس في بعدي عن الناس راحه

.....

رد: اخترنا لكم شعر نبطي وفصيح
 

تركت ظنون الناس عني ورأيهم
فقد كان يكفيني صحيح ظنوني

وأعرف من نفسي الذي يجهلونه
وأفهـــم ذاتي في جميع شؤوني

ولا أرقب التقدير في عين ناقص
اذا كان قدري كامــلاً في عيـوني

.....

رد: اخترنا لكم شعر نبطي وفصيح
 

‏يارب وأن جاتك الدعوات مكسوره
أفرد جناح الرضا وأجبر خواطرنا

آمين

رد: اخترنا لكم شعر نبطي وفصيح
 

وينك من البارح وانا خاطري ضاق
عيت عيوني تهتني فالمباتي

حاولت ابكتبلك على الخاص مشتاق
يمكن تحن لخافقي ياحياتي

متعب الحربي

رد: اخترنا لكم شعر نبطي وفصيح
 

مافيه داعي تنشده عن مغيبه
ماغاب عنك الا وهو منك مسروق

خله يكمل غيبته وش تبي به
لا تلحقه لو كل مطرود ملحوق

ترى المحبه ماتجي بالغصيبه
لو السما تطبق على الارض من فوق

.....