منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   المنقولات الأدبية (http://vb.shmran.net/forumdisplay.php?f=153)
-   -   فوق هام السحب ( الشعر الشعبي) على متن القوافي (http://vb.shmran.net/showthread.php?t=46693)

الحمدان 09-24-2024 04:34 PM

رد: فوق هام السحب ( الشعر الشعبي) على متن القوافي
 
ليت المواجع تبتعد عن طريقي
وليت المأسي ماتجيني من الساس

وليت الملل والياس ماهو رفيقي
وليت الزهق ماحل قلبي والانفاس

وليت الامل يملا الشعور العميقي
وليت الفرح يملاخفوقي والاحساس

وليت ان حظي ماتعلق بضيقي
وليت ان قلبي ماعرف لحظةالياس

....

الحمدان 09-24-2024 04:36 PM

رد: فوق هام السحب ( الشعر الشعبي) على متن القوافي
 
تسامحي والخطا مقرون بالنيّة
‏الناس لولا الزعل وشلون تتراضى

‏أن كنتي اكثر بنات الأرض حنيّة
‏أنا اكثر انسان يتحمّل ويتغاضى

....

الحمدان 09-24-2024 04:37 PM

رد: فوق هام السحب ( الشعر الشعبي) على متن القوافي
 
‏لاجاتك الحكمه من لسان شايب
خذها وسكر بالحشا دونها الباب

مرت به الدنيا وشاف العجايب
وجمع بقلبه من تجاريبها كتاب

....

الحمدان 09-24-2024 04:39 PM

رد: فوق هام السحب ( الشعر الشعبي) على متن القوافي
 
‏ياليتنا نرجع مثل اول اطفال
‏طُهر وبراءه ما بنا ظن كافر

‏اللي يزعلنا يراضينا بـ ريال
‏واللي توفى نحسب انه مسافر

....

الحمدان 09-24-2024 04:40 PM

رد: فوق هام السحب ( الشعر الشعبي) على متن القوافي
 
‏تستانــس الروح لاجتنــي مراسيلك
‏والنفـــس ترتاح يا نبــــض الغلا كله

‏والقلب يافرحتــه لحظــة مواصيلك
‏ينسا التعب والوجع والضيق والعله

‏سعادة الروح يوم اسمــــع تعاليلك
‏وصوتك العـذب يـوم اسمّعه مامله

....

الحمدان 09-24-2024 04:41 PM

رد: فوق هام السحب ( الشعر الشعبي) على متن القوافي
 
حـبـك بقـلـبي ثـابـتٍ ما تـغـيّر
والعين باقي في نظـرهـا خيالك

والبـال بامـرك يا ربيعـه مسـيّر
في رحلتـه يبقى مـداره مجالك

أنت الذي ذوقي لزيـنـك تخـيّر
يا مالك افكاري بطاغي جمالك

....

الحمدان 09-24-2024 04:42 PM

رد: فوق هام السحب ( الشعر الشعبي) على متن القوافي
 
‏بعض المواقف خير لك تلزم الصمت
لو الـكـلام اصبح تغابي ونسيان

كم كلمةٍ تخرج ليا من تخاصمت
تبقى طوال العمر في قلب انسان

والمعرفة بصمة ولو انت بصمت
اترك اثرها تنذكر صدق واحسان

....

الحمدان 09-24-2024 04:43 PM

رد: فوق هام السحب ( الشعر الشعبي) على متن القوافي
 
مع طيــوف الشـوق نومي جفاني
والعين مــن كثــر السهـر ماتوده

ياليل خبرنــــي عـــن الي نساني
واللي كـــوا قلبي بهجــره وصده

مشتاق له والشوق بين المحاني
من كثر شـوق القلـب مانا بقده

شوقي لها شـوق الزمـن للثواني
شـوقً في الاعماق مقــدر اعده

....

الحمدان 09-24-2024 04:44 PM

رد: فوق هام السحب ( الشعر الشعبي) على متن القوافي
 
لا تشتكــي للناس ضعفـــك وبلواك
اسمع كلامــي واطرحـــه في عيونك

كم شخص يتغنى بسرك مع اعداك
وكم شخص توثق فيه لاكن يخونك

واحـذر مــن الغدار لامـن هو جاك
والصاحب الخــداع ابـد مايصونك

وحتى قراب الناس تفــرح بمأساك
واقـرب رفاقك يا الخوي يخذلونك

....

الحمدان 09-24-2024 04:45 PM

رد: فوق هام السحب ( الشعر الشعبي) على متن القوافي
 
‏ياناس فكونا من النقد واللوم
‏كل البشر مافيهم انسان كامل

‏ما انت بوكيل ادم ولا انته بملزوم
‏وربك ماهو سائلك عن كل هامل

‏كلٍ بعقله راضي وعنده علوم
‏من بينا نحتاج حسن التعامل

‏والادمي بظروف الايام محكوم
‏لازم نسايرها ولازم نجامل

....

الحمدان 09-24-2024 04:52 PM

رد: فوق هام السحب ( الشعر الشعبي) على متن القوافي
 
أصون عهد الصداقه وأحفظ مواثيقه
‏وأموت ما خنت عهد اللي مأمني

‏ولا أحب حكــي القفا فيني ولا أطيقه
‏اللي يبـي شي في وجهي يقــابلني

....

الحمدان 09-24-2024 04:54 PM

رد: فوق هام السحب ( الشعر الشعبي) على متن القوافي
 
أغليك من قلبي ولا أقدر أنساك
كلامك يحرك كل الإحساس فيني

أنت دخلت القلب والقلب اغلاك
ما أقدر أكابر ولا أخفي حنيني

عسى السعاده وين مارحت تلقاك
وعسى الغلا يدوم بينك وبيني

....

الحمدان 09-24-2024 04:55 PM

رد: فوق هام السحب ( الشعر الشعبي) على متن القوافي
 
‏احسب اني كل ماطالت المده سليت
واثر قلبي لو يطول المفارق ماسلا

كل ما عرض خياله على بالي بكيت
آه يا ذيك الليالي ويا ذاك الغلا

....

الحمدان 09-24-2024 04:57 PM

رد: فوق هام السحب ( الشعر الشعبي) على متن القوافي
 
‏مدام انا وياك ماحولنا شكوك
خلك معي طول العمر ياغناتي

بنعيش فالدنيا بدون اي مربوك
مانستمع قول العرب ياحياتي

الناس قالو كل مشروك مبروك
محدً على وصلك يسوي سواتي

خل العواذل دونهم باب مصكوك
ياواحدٍ لجلك رضيييت بمماتي

....

الحمدان 09-24-2024 04:58 PM

رد: فوق هام السحب ( الشعر الشعبي) على متن القوافي
 
‏البارحه طـاري الهواجيس هدام
هد العيون اللـي هجرها منامي

دق الوتد ثم شيّـد بصدري خيام
فيني جها من صلف الايام حامي

كنـي بقايا بيت وركونه حطـام
ما ظنتي بيفيـد جمع الحطامي

....

الحمدان 09-24-2024 05:00 PM

رد: فوق هام السحب ( الشعر الشعبي) على متن القوافي
 
لي حرف ما ياقف من الوجد مكتوف
و احسـاس صادق والامانـي مقابيل

ماجيـت أبقرا قصة الليـل والخـوف
و لاجيت أبطـرد هاجس الخوف بالليل

جيت أستشف البـوح والقلب ملهوف
و أشعـل بحرفي ما بقـى من قناديل

....

الحمدان 09-24-2024 05:04 PM

رد: فوق هام السحب ( الشعر الشعبي) على متن القوافي
 
تكبر ملامحنا ويظهر بنا الشيب
وتحكي تجاعيد الزمان المرايا

نفرح بها ماهي على منبت العيب
على النقى بانت وبيض النوايا

زادت وزدنا بالعمر زود تهذيب
ونناظر الدنيا بشتا الزوايا

....

الحمدان 09-24-2024 05:07 PM

رد: فوق هام السحب ( الشعر الشعبي) على متن القوافي
 
‏ياورد رح لأهل القلوب الوفيه
‏ عانق سماها تنجلي كل الأحزان

‏ كل القلوب اللي بها حسن نيه
‏ تستاهل اهديها من الورد بستان

....

الحمدان 09-24-2024 05:09 PM

رد: فوق هام السحب ( الشعر الشعبي) على متن القوافي
 
‏لي عيونــن كل ما اغفـت تشوفك
ولي خفوقــن كل ما تنبـض تراك

ولي خيالٍ واسعٍ يهـوى طيوفك
لو تغيــب اسنيـن ما والله نساك

ياملاك الروح انا عاشق وصوفك
وروحـي الحيــه مذوبهــا حلاك

وعقلي الواله تجنن في شغوفك
وقلبـي الولهان ذايب في هواك

....

الحمدان 09-24-2024 05:10 PM

رد: فوق هام السحب ( الشعر الشعبي) على متن القوافي
 
‏ذبحني غيابـك يامــن الروح لك بيت
والقلـب فاقـــد لك من اعماق ذاته

بكيــت مــن بُعـــدك عليـا وونيت
ونت مصـاب اليــآس دمـــر حياته

في كـل لحظـــه لاذكرتــك ووليت
اصيــح لك من قلـب واضح شتاته

فيك الامل ياللي في القلـب حليت
وانت الحيــاه للروح وانت امنياته

....

الحمدان 09-24-2024 05:13 PM

رد: فوق هام السحب ( الشعر الشعبي) على متن القوافي
 
قولي أحبكَ مَرةً ثم اختفي
قسما بمَن فطرَ السماءَ سأكتفي

وضعي فؤادي في القيود ِِ رهينة ً
وخذي عيوني إنْ أردت ِ وجففي

أودعتُ روحي في يمينك ِ وردة ً
فإذا أساءت* ذات يوم ٍ فاقطفي

....

الحمدان 09-24-2024 05:19 PM

رد: فوق هام السحب ( الشعر الشعبي) على متن القوافي
 
لاتفتح ابواب ماتقدر تسكرها
دامك على قد حالك خلك بحالك

ولاتكسر قلوب مانت بكفو تجبرها
في مابها خلها وخلك علا فالك

....

الحمدان 09-24-2024 05:20 PM

رد: فوق هام السحب ( الشعر الشعبي) على متن القوافي
 
‏عزت علي نفسي وأنا أطلب وصالك
أسكت ولو ماني على الوضع راضي

لاصرت تنساني بـ وقت انشغالـك
مابيك تذكرني إذا صرت فـاضـي

....

الحمدان 09-24-2024 05:23 PM

رد: فوق هام السحب ( الشعر الشعبي) على متن القوافي
 
اللهم آمنّا في أوطاننا
وأدِم علينا نعمة الأمن
والإستقرار في بلادنا
وسائر بلاد المسلمين
اللهم من أرادنا وبلادنا بسوء
فأشغله بنفسه
ورُدَّ كيده في نحره
واجعل تدبيره تدميرًا عليه
يارب العالمين

‏يكفيك من بين النعم رحمة كريم
‏لو ما عطاك الا الستر والعافية

بقلمي

الحمدان 09-24-2024 05:27 PM

رد: فوق هام السحب ( الشعر الشعبي) على متن القوافي
 
ابشرك ياحب لخبط حياتي
طويت صفحة داخلي اسمها انت

وابشرك لملمت كامل شتاتي
وفر عليك اهلا وسهلا وكيفنت

وابشرك اصبحت عايش حياتي
وابشرك ماعدنا داري ايننت

شليت من همك ودحسك كفاتي
ادركت أن الموت قربك واأمنت

يوسف شذان

الحمدان 09-24-2024 05:27 PM

رد: فوق هام السحب ( الشعر الشعبي) على متن القوافي
 
لا صار صدرك به مع الضيق وسواس
والـحـال صـارت للمـواذي حـبيسـه

والبـال من كـثر الهواجيس منحـاس
باسـبـابـهـا روحـك لـهـمـك فريسـه

إيـاك تسـتسـلم ويسـطي بك الياس
تـبـقى حيـاتـك في زمـانـك تـعيسـه

....

الحمدان 09-24-2024 05:29 PM

رد: فوق هام السحب ( الشعر الشعبي) على متن القوافي
 
يارب تبعدني عن الشين والعيب
وتزيح عن درب العفو كل عايق

يارب قدّرني على ردّة الطيب
وأحفظ لساني عن عيوب الخلايق

....

الحمدان 09-24-2024 05:34 PM

رد: فوق هام السحب ( الشعر الشعبي) على متن القوافي
 
ابعد ولاتسمع هل القيل والقال
لاتستمع لهروجهم وش يقولون

خلك معي وانا معك حل ترحال
خل العواذل من غلانا يموتون

....

الحمدان 09-24-2024 05:34 PM

رد: فوق هام السحب ( الشعر الشعبي) على متن القوافي
 
لك بالحشا ود على غير مقياس
وغيرك ولو وصل القمر ماوصله

غلاك عندي فارق عن غلا الناس
ولوهم خذوا بعضه لك القلب كله

....

الحمدان 09-24-2024 05:36 PM

رد: فوق هام السحب ( الشعر الشعبي) على متن القوافي
 
لاتحسب اني بعد ماغبـت ناسيك
تطري علي بالثانيه والدقيقه

واقول جعل الله يحفظك ويحميك
من كل شـر وكل همٍ وضيقه

يالصاحـب اللي كل ماحـل طاريك
مقدر علي فراقك ولا اقدر اطيقه

....

الحمدان 09-24-2024 05:36 PM

رد: فوق هام السحب ( الشعر الشعبي) على متن القوافي
 
ياوقــت كم انسـان تاعـب ومجروح
يا وقت قلــي في الزمــن ويش صاير

حتى قريــب القلـب خــــلاه مذبوح
وكم شخـص من ربعه تجيه الكساير

ليت الوجـع يطــري على القلب ويروح
لا يندفــــن بيــــن الحشــا والضماير

بعض الوجع قاسي على القلب والروح
وطاغي ولا يحسـب حسـاب المشاعر

....

الحمدان 09-24-2024 05:40 PM

رد: فوق هام السحب ( الشعر الشعبي) على متن القوافي
 
ماريد منك ان تجي بـ عتذارات
سوي الذي تبيه دامك اناني

هـاذا قـرارك دون اي اختيارات
حطيت غيري ياغلا في مكاني

انت ادّعيت انك بكل الطهارات
واليوم بان انك على وجه ثاني

لاعاد تلوم الطير وتعطي اشارات
الطير فــك اجناحه اليوم ساني

ماعــد يريد الارض كله مضرّات
الارض فيها كل حاقـد وشاني

واللي هو المفهوم في الاختبارات
طـعـن الغوالي ذا تبكّي النياني

شفته انا بالـكـل له اتصالات
ويـجـي يقلي فــــي غيابي يعاني

ايش الخداع ايش هاذي الرذالات
شــل السعاده بعد ماهـــو عطاني

خـلاص يكفي بـس يكفي مقالات
ياطير قفي روح وحــــدك وعاني

فهم الأجابه من طروح السؤالات
والحل واضـح اكتبه فـــي ثواني

....

الحمدان 09-24-2024 05:41 PM

رد: فوق هام السحب ( الشعر الشعبي) على متن القوافي
 
روحي ياروح روحي بتفداك
وعيني يانور عيني تحبك

ما اقدر لفرقاك ما اقدر انساك
سبحان رب خلقك سبحان ربك

تطري على البال واشتاق شوفاك
صورة على بالي واجت بك

لا تغيب ارجاك والغايب عفاك
قلبي حزين ومنكسر والجد بك

....

الحمدان 09-24-2024 05:42 PM

رد: فوق هام السحب ( الشعر الشعبي) على متن القوافي
 
اشتاق لك مررة واحن لك مرات
وشوق القلب حبيت اوصله لك

خايف أنك معي تزيد الخطيات
وانت ماتدري جالس محلك

وتغيب وتاخذ القلب لك طاعات
تسود امواج دمي مع الفلك

....

الحمدان 09-24-2024 05:43 PM

رد: فوق هام السحب ( الشعر الشعبي) على متن القوافي
 
بعدك يزود الغلا ويحرك اشواقي
وأشواقي تحرّك التفكير والغيره

ان كان ما الله نزع حبك من أعماقي
والله ما ينزعه بعدك ولا غيره

....

الحمدان 09-24-2024 05:44 PM

رد: فوق هام السحب ( الشعر الشعبي) على متن القوافي
 
ماهو من كبِر لاوالله وماهو مْن غرور
احس اني اول من يبل المطر راسه

احبك ومن تعطينه من الغرام شعور
معه عذره اليا شاف نفسه على ناسه

....

الحمدان 09-24-2024 05:46 PM

رد: فوق هام السحب ( الشعر الشعبي) على متن القوافي
 
ياصاحبي مالي عن احلامي غِنا
‏ما دام جـنح اللـيل يقفـاه النهـار

‏تقول لي احلم على قدّك وانا
‏كبيير واحلامي على قـدّي كـبار

....

الحمدان 09-24-2024 05:47 PM

رد: فوق هام السحب ( الشعر الشعبي) على متن القوافي
 
اقسم قسم بالله ماعاد ادانيك
‏واكره جميع اللي من الناس خاواك

‏واكره شبيهك واكره اللي يناديك
‏واكره سميّك واكره أخر مسماك

‏عفت الغرام وعفت حتى طواريك
‏يشهد على ما قيل قلبٍ تناساك

‏بكره مع الايام تذكر لياليك
‏وتندم على اللي عز نفسه وخلاك

....

الحمدان 09-24-2024 05:48 PM

رد: فوق هام السحب ( الشعر الشعبي) على متن القوافي
 
‏إليا زعلتوا فأزعلوا لين ترضون
‏وإن ما رضيتو جعل فالأمر خيره

‏ما يلحق الواثق مشاريه وظنون
‏ولا به كبيرٍ يلتفت للصغيرة

....

الحمدان 09-24-2024 05:50 PM

رد: فوق هام السحب ( الشعر الشعبي) على متن القوافي
 
مريت في بـالي وانا كنت محضـور
والهيـتـني عن كل حـاضـر وغـايب

وامسيت في عالمك رايـق ومسرور
ما شوف غيرك لاجله الكيف طايب

بالعين لك صـوره وبالقلب لك دور
والروح عاشـت بـك لطيف الهبايب

....


الساعة الآن 01:39 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية